ܢܩܦܝ̈ܬܐ ܕܐ݇ܪ̈ܙܐ

ܣܸܕ݂ܪܵܐ ܕܙܘܼܡܵܪܹ̈ܐ ܕܟ݂ܠܵܗ݁ ܫܲܢ݇ܬܵܐ

ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܣܘܼܒܵܪܵܐ

ܙܘܼܡܵܪܵܐ. ܪܹܫ ܣܝܼܥܬܵܐ܀ ܪܵܥܝܹܗ ܕܝܼܣܪܵܝܹܠ ܨܘܼܬ݂. ܘܕܲܒܲܪ ܐܲܝܟܼ ܥܵܢ̈ܵܐ ܠܝܵܘܣܸܦ. ܒ܀

ܝܵܬܹܒ݂ ܥܲܠ ܟܪ̈ܘܿܒܹܐ ܐܸܬ݂ܓܲܠܝ. ܚܵܘܵܐ ܓܲܢ݇ܒܵܪܘܼܬ݂ܵܟܼ ܘܬ݂ܵܐ ܠܦܘܼܪܩܵܢܲܢ. ܒ܀

ܚܲܕ݂ܒ݁ܫܲܒܵܐ ܕܲܬ݂ܪܹܝܢ

ܙܘܼܡܵܪܵܐ. ܒܟ݂ܵܗܢܲܝ̈ܟ܀ ܣܲܒܲܪ̄ܢ ܐܲܠܵܗܵܐ ܠܛܲܝܒ݁ܘܼܬ݂ܵܟܼ ܒܓ݂ܵܘܹܗ ܕܗܲܝܟ݁ܠܵܟܼ. ܐܲܝܟܼ ܫܡܵܟܼ ܐܲܠܵܗܵܐ ܗܵܟܲܢܵܐ ܬܸܫ̈ܒ݁ܚܵܬ݂ܵܟܼ. ܒ܀ ܥܕܲܡܵܐ ܠܣܵܘܦܹܝ̈ܗ̇ ܕܐܲܪܥܵܐ ܙܲܕܝܼܩܘܼܬ݂ܵܐ ܡܲܠܝܵܐ ܝܲܡܝܼܢܵܟܼ. ܢܸܚܕܸ݁ܐ ܛܘܼܪܵܐ ܕܨܸܗܝܘܿܢ ܘܲܢ̈ܕ݂ܘܼܨܵܢ ܒܢܵܬ݂̈ ܝܼܗܘܼܕ݂ܵܐ. ܒ܀

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܣܘܼܒܵܪܵܐ

ܙܘܼܡܵܪܵܐ. ܩܝܵܡܵܐ ܐܲܩܝܼ̇ܡܹܬ݂ ܠܓܲܒ݂ܝܝ݇. ܘܝܼܡ݁ܝܼܬ݂ ܠܕ݂ܵܘܝܼܕ݂ ܥܲܒ݂ܕܝ. ܕܲܥܕܲܡܵܐ ܠܥܵܠܲܡ ܐܲܬ݂ܩܸܢ ܙܲܪܥܵܟܼ. ܘܐܸܒ݂ܢܸܐ ܠܕ݂ܵܪܕܵܪ̈ܝܼܢ ܟܘܼܪܣܝܵܟܼ. ܕ܀ ܢܵܘܕ݁ܘܿܢ ܫܡܲܝ̈ܵܐ ܬܸܕ݂ܡܪ̈ܵܬ݂ܵܟܼ ܡܵܪܝܵܐ. ܘܗܲܝܡܵܢܘܼܬ݂ܵܟܼ ܒܥܹܕ݁ܬܵܐ ܕܩܲܕܝܼܫܹ̈ܐ. ܡܲܢܘܼ ܕܦܵܚܹ̇ܡ ܠܡܵܪܝܵܐ ܒܲܫܡܲܝ̈ ܫܡܲܝܵܐ. ܘܲܕ݁ܕ݂ܵܡܹܐ ܠܡܵܪܝܵܐ ܒܲܒ݂ܢܲܝ̈ ܡܲܠܲܐܟܹ̈ܐ. ܕ܀

ܚܲܕ݂ܒܫܲܒܵܐ ܕܐܲܪܒ݁ܥܵܐ ܕܣܘܼܒܵܪܵܐ

ܙܘܼܡܵܪܵܐ. ܒܟ݂ܵܗ̈ܢܲܝܟ܀ ܥܲܡܵܟܼ ܡܫܲܒ݁ܚܵܐ ܒܝܵܘܡܵܐ ܕܚܲܝܠܵܐ. ܒܗܸܕ݂ܪ̈ܲܝ ܩܘܼܕ݂ܫܵܐ ܡ̣ܢ ܡܲܪܒ݁ܥܵܐ. ܡ̣ܢ ܩܕ݂ܝܼܡ ܠܵܟܼ ܛܲܠܝܵܐ ܝܼܠܸܕ݁ܬܵܟ݂. ܓ܀ ܝܼܡ̣ܵܐ ܡܵܪܝܵܐ ܘܠܵܐ ܢܟܲܕܸܒ݂. ܕܐܲܢ݇ܬ݁ܘܼ ܟܘܼܡܪܵܐ ܠܥܵܠܲܡ. ܒܲܕ݂ܡܘܼܬܹܗ ܕܡܲܠܟ݁ܝܼܙܕܸܩ. ܡܵܪܝܵܐ ܥܲܠ ܝܲܡܝܼܢܵܟܼ. ܕ܀

ܕܥܹܐܕ݂ܵܐ ܕܝܲܠܕܵܐ

ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܡܵܪܝܵܐ ܐܸܡܲܪ ܠܝܼ ܕܒܹܪܝ ܐܲܢ݇ܬ݁. ܘܐܸܢܵܐ ܝܵܘܡܵܢܵܐ ܝܼܠܸܕ݁ܬܵܟ݂. ܒ܀ ܫܐܲܠ ܡܹܢܝ ܘܐܸܬܸ݁ܠ ܠܵܟܼ. ܥܲܡܡܹ̈ܐ ܠܝܵܪܬ݁ܘܼܬ݂ܵܟ݂. ܘܐܘܼܚܕܵܢܲܝ̈ܟ ܥܸܒ݂ܪܹ̈ܝܗ̇ ܕܐܲܪܥܵܐ. ܓ

ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܝܲܠܕܵܐ

ܙܘܼܡܵܪܵܐ. ܒܲܨܠܝܼܒ݂ܵܟܼ ܐܲܡ̣ܠܸܟܼ܀ ܪܹ̈ܫܲܝ ܦܵܪܹܣ ܟܲܕ݂ ܪܵܘܙ̇ܝܼܢ. ܛܥܲܢ̣ܘ ܩܘܼܪ̈ܒܵܢܹܐ ܡ̣ܢ ܐܲܬ݂ܪ̱ܗܘܿܢ. ܘܩܲܪܸܒ݂ܘ ܠܲܒ݂ܪܵܗ̇ ܕܲܒ݂ܬ݂ܘܼܠܬܵܐ. ܕܲܗܒ݂ܵܐ ܘܡܘܼܪܵܐ ܘܲܠܒ݂ܘܿܢ݇ܬܵܐ܀ ܐܲܝܟܼ ܝܲܠܘܼܕ݂ܵܐ ܥܲܠ̣ܘ ܘܐܸܫܟ݁ܚܘܼܗܝ. ܕܲܫܪܸܐ ܒܥܘܼܒܵܗ̇ ܕܡܸܣܟܹ݁ܢܬܵܐ. ܘܲܒ݂ܪܲܟ݂ܘ ܘܲܣ̣ܓܸܕ݂ܘ ܟܲܕ݂ ܪܵܙܘܝܼܢ. ܘܩܲܪܸܒ݂ܘ ܩܕ݂ܵܡܵܘܗܝ ܣܝܼ̈ܡܵܬ݂ܗܘܿܢ܀

ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܝܲܠܕܵܐ

ܙܘܼܡܵܪܵܐ. ܒܛܘܼܒܲܝܗܘܿܢ܀ ܝܲܩܝܼܪ̈ܵܬ݂ܵܐ ܐܸܬ݂ܡܲܠܲܠ ܒܹܟ݂ܝ ܩܪܝܼܬܹܗ ܕܐܲܠܵܗܲܢ. ܐܸܬ݁ܕܲܟ݂ܪ ܠܪܵܚܵܒ݂ ܘܲܠܒ݂ܵܒܹܠ ܝܵܕ݂ܥܵܬ݂̈ܝ. ܗܵܐ ܦܠܸܫܬܵܝܹ̈ܐ ܘܨܘܿܪ ܘܥܲܡܵܐ ܕܟ݂ܘܼܫܵܝܹ̈ܐ. ܓ܀ ܓܲܒ݂ܪܵܐ ܓܲܢ݇ܒܵܪܵܐ ܐܸܬ݂ܝܼܠܸܕ݂ ܒܵܗ̇ ܘܗ̤ܘ ܐܲܬ݂ܩ̣ܢܵܗ̇. ܡܵܪܝܵܐ ܢܸܡܢܸܐ ܒܲܟ݂ܬ݂ܵܒ݂ܵܐ ܠܥܲܡܹܗ. ܗܵܢܵܐ ܐܸܬ݂ܝܼܠܸܕ݂ ܬܲܡܵܢ. ܓ܀

ܥܪܘܼܒ݂ܬܵܐ ܕܬܲܪܬܹܝܢ ܕܒ݂ܵܬܲܪ ܝܲܠܕܵܐ ܕܘܼܟ݂ܪܵܢܵܐ ܗ݇ܝ̣ ܕܡܵܪܬܝ ܡܲܪܝܲܡ

ܙܘܼܡܵܪܵܐ. ܫܡܲܥܝ ܒܪܲܬ݂ܝ ܘܲܚܙܵܝ ܘܲܨܠܵܝ ܐܸܕ݂ܢܹܟ݂ܝ. ܘܲܛܥܵܝ ܥܲܡܹܟ݂ܝ ܘܒܹܝܬ݂ ܐܲܒ݂ܘܼܟ݂ܝ. ܕܢܸܬ݂ܪܲܓ݂ܪܲܓ݂ ܡܲܠܟܵܐ ܠܫܘܼܦܪܹܟ݂ܝ. ܓ܀ ܟܠܹܗ ܫܘܼܒ݂ܚܵܐ ܕܒܲܪ݇ܬ݂ ܡܲܠܟܵܐ ܡ̣ܢ ܠܓ݂ܵܘ. ܘܲܡܨܲܒܲܬ݂ ܠܒ݂ܘܼܫܵܗ̇ ܒܕܲܗܒ݂ܵܐ ܛܵܒ݂ܵܐ. ܒܩܘܼܪ̈ܒܵܢܹܐ ܬܹܐܙܲܠ ܠܡܲܠܟܵܐ. ܘܢܵܘܒ݁ܠܘܼܢ ܒܬ݂̈ܘܼܠܵܬ݂ܵܐ ܚܲܒ݂ܪ̈ܵܬ݂ܵܗ̇ ܒܵܬ݂ܪܵܗ̇. ܕ܀

ܥܹܐܕ݂ܵܐ ܕܕܸܢܚܹܗ ܕܡܵܪܲܢ

ܙܘܼܡܵܪܵܐ. ܒܪܵܥܝܹܗ ܕܝܼܣܪܵܝܹܠ܀ ܐܲܒܲܥ ܠܹܒ݁ܝ ܦܸܬ݂ܓ݂ܵܡܹ̈ܐ ܛܵܒܹ̈ܐ. ܘܐܹܡܲܪ ܥܒ݂ܵܕܲܝ̈ ܠܡܲܠܟܵܐ. ܠܸܫܵܢܝ ܩܲܢܝܹܗ ܕܣܵܦܪܵܐ ܡܗܝܼܪܵܐ. ܓ܀ ܡܸܛܠ ܗܵܢܵܐ ܡܲܫ̣ܚܵܟܼ ܐܲܠܵܗܵܐ ܐܲܠܵܗܵܟ݂. ܡܸܫܚܵܐ ܕܚܲܕ݂ܘܼܬ݂ܵܐ ܝܲܬ݁ܝܼܪ ܡ̣ܢ ܚܲܒ݂ܪ̈ܲܝܟ. ܡܘܼܪܵܐ ܘܩܲܣܝܵܐ ܘܐܸܣܛܲܩܛܹ̈ܐ. ܓ܀

ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܒ݂ܵܬܲܪ ܕܸܢܚܵܐ

ܙܘܼܡܵܪܵܐ. ܒܛܘܼܒܲܝܗܘܿܢ܀ ܡܵܪܝܵܐ ܐܲܡ̣ܠܸܟܼ ܘܓܲܐܝܘܼܬ݂ܵܐ ܠ̣ܒܸܫ. ܠ̣ܒܸܫ ܡܵܪܝܵܐ ܥܘܼܫܢܵܐ ܘܐܸܬ݂ܥܲܫܲܢ. ܒ܀ ܘܐܲܬ݂ܩ̄ܢܵܗ̇ ܠܬܹܒܹܝܠ ܕܠܵܐ ܬܙܘܼܥ. ܡܲܬ݂ܩܲܢܘܼ ܟܘܼܪܣܝܵܟܼ ܡ̣ܢ ܩܕ݂ܝܼܡ. ܘܡ̣ܢ ܥܵܠܲܡ ܐܲܢ݇ܬ݁ܘܼ. ܓ܀

ܥܪܘܼܒ݂ܬܵܐ ܩܲܕ݂ܡܵܝܬܵܐ ܕܕܸܢܚܵܐ

ܥܪܘܼܒ݂ܬܵܐ ܩܲܕ݂ܡܵܝܬ݂ܵܐ ܕܕܸܢܚܵܐ ܘܕܘܼܟ݂ܪܵܢܵܐ ܗ݇ܝܼ ܕܡܵܪܝ ܝܘܿܚܲܢܵܢ ܡܲܥܡ̄ܕ݂ܵܢܵܐ

ܙܘܼܡܵܪܵܐ. ܫܘܼܚܠܵܦ ܠܥܵܠܲܡ ܐܲܢ݇ܬ݁ܘܼ܀ ܪܵܘܪ̈ܒ݂ܵܢܹܐ ܪܲܕ݂ܦ̣ܘܼܢܝ ܣܪܝܼܩܵܐܝܼܬ݂ ܘܡ̣ܢ ܡܸܠܬ݂ܵܟܼ ܕܚܸܠ̣ ܠܹܒ݁ܝ. ܚ̇ܕ݂ܝܼܬ݂ ܒܡܹܐܡܪܵܟܼ ܐܲܝܟܼ ܗ̇ܘ ܕܐܸܫ̣ܟܲܚ ܒܸܙܬ݂ܵܐ ܣܲܓ݁ܝܼܐܬ݂ܵܐ. ܒ܀ ܥܵܘ̣ܠܵܐ ܣ̇ܢܹܝܬ݂ ܘܐܲܣ̇ܠܝܼܬ݂ ܘܢܵܡܘܿܣܵܟܼ ܪܸܚ̇ܡܹܬ݂. ܫܒܲܥ ܒܝܵܘܡܵܐ ܫܲܒܲܚ̇ܬܵܟܼ ܥܲܠ ܕܝܼܢܲܝ̈ܟ ܙܲܕܝܼܩܵܐ. ܒ܀

ܒܵܥܘܼܬ݂ܵܐ ܕܲܒ݂ܬ݂ܘܼܠܵܬ݂̈ܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܓܲܒ݂ܪܵܐ ܕܒ݂ܐܘܼܪܚܵܐ ܕܥܵܘܵܠܹ̈ܐ ܠܵܐ ܗܲܠܸܟܼ. ܘܲܒ݂ܪܸܥܝܵܢܵܐ ܕܚܲܛܵܝܹ̈ܐ ܠܵܐ ܩܵܡ̣. ܘܥܲܠ ܡܵܘܬ݁ܒ݂ܵܐ ܕܲܡܡܲܝܩܵܢܹ̈ܐ ܠܵܐ ܝܼܬܸܒ݂. ܐܸܠܵܐ ܒܢܵܡܘܿܣܹܗ ܕܡܵܪܝܵܐ ܨܸܒ݂ܝܵܢܹܗ. ܕ܀

ܬܠܵܬ݂ܒ݁ܫܲܒܵܐ ܕܒ݂ܵܥܘܼܬ݂ܵܐ ܕܲܒ݂ܬ݂ܘܼܠܵܬ݂̈ܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܡܲܢ ܕܐܸܫܬ݁ܒܸܩ ܠܹܗ ܥܵܘ̣ܠܹܗ. ܘܐܸܬ݂ܟܲܣܝܼܘ ܠܹܗ ܚܛܵܗܵܘ̈ܗܝ. ܛܘܼܒ݂ܵܘܗܝ ܠܒܲܪܢܵܫܵܐ ܕܠܵܐ ܢܸܚܫܘܿܒ݂ ܠܹܗ ܡܵܪܝܵܐ ܚܛܝܼܬܹܗ. ܘܠܲܝܬ݁ ܢܸܟ݂ܠܵܐ ܒܠܸܒܹ݁ܗ܀

ܐܲܪܒܲܥܒ݁ܫܲܒܵܐ ܕܒ݂ܵܥܘܼܬ݂ܵܐ ܕܲܒ݂ܬ݂ܘܼܠܵܬ݂̈ܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܒܲܪܢܵܫܵܐ ܕܐܲܢ݇ܬ݁ܘܼ ܡܣܲܝܥܵܢܹܗ. ܘܲܫܒ݂ܝܼܠܲܝ̈ܟ ܒܠܸܒܹ݁ܗ. ܥ̣ܒܲܪܘ ܒܥܘܼܡܩܵܐ ܕܲܒ݂ܟ݂ܵܬ݂ܵܐ ܘܥܲܒ݂ܕܘܼܗܝ ܒܹܝܬ݂ ܡܲܥܡ̱ܪܵܐ. ܘܐܵܦ ܒܘܼܪܟ݁ܬ݂ܵܐ ܢܸܬ݂ܥܲܛܲܦ ܣܵܐܹ̇ܡ ܢܵܡܘܿܣܵܐ܀

ܚܲܡܫܵܒ݁ܫܲܒܵܐ ܕܒ݂ܵܬܲܪ ܕܸܢܚܵܐ ܕܘܼܟ݂ܪܵܢܵܐ ܗ݇ܘ̣ ܕܡܵܪܝ ܝܘܿܚܲܢܵܢ ܙܵܪܘܿܩܵܐ. ܕܛܲܟ݁ܣܵܗ̇ ܠܗܵܕܹܐ ܒܵܥܘܼܬ݂ܵܐ.

ܫܲܡܸܫ ܚܲܕ݂ ܦܲܪܨܘܿܦܵܐ (ܚܙܝ ܠܬܚܬ)

ܥܪܘܼܒ݂ܬܵܐ ܕܬܲܪܬܹ݁ܝܢ ܕܕܸܢܚܵܐ ܕܘܼܟ݂ܪܵܢܵܐ ܕܡܵܪܝ ܦܲܛܪܘܿܣ ܘܡܵܪܝ ܦܵܘܠܘܿܣ

ܙܘܼܡܵܪܵܐ. ܫܘܼܚܠܵܦ ܫܲܒܲܚܝ ܐܘܿܪܸܫܠܸܡ܀ ܫܲܒܲܚܘ ܙܲܕܝܼܩܹ̈ܐ ܠܡܵܪܝܵܐ. ܘܠܲܬ݂ܪ̈ܝܼܨܹܐ ܝܵܐ̇ܝܵܐ ܬܸܫܒ݁ܘܿܚܬܵܐ. ܒ܀ ܐܵܘܕܵܘ ܠܹܗ ܒܟܸܢܵܪܵܐ. ܘܲܒ݂ܩܝܼܬ݂ܵܪܵܐ ܕܲܥܣܲܪ ܡܸܢ̈ܝܼܢ ܙܲܡܲܪܘ ܠܹܗ. ܒ܀

ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܕܸܢܚܵܐ

ܫܘܼܪܵܝܵܐ ܕ܀ ܠܘܵܬ݂ܵܟܼ ܡܵܪܝܵܐ ܢܲܦ̮ܫܝ ܐܲܪܝܼܡܹ̇ܬ݂܀ ܐܲܠܵܗܝ ܒܵܟܼ ܣܲܒ݁ܪܹܬ݂ ܠܵܐ ܐܸܒ݂ܗܲܬ݂܀ ܠܵܐ ܢܸܫܬܲܒ݂ܗ̱ܪܘܼܢ ܥܠܲܝ ܒܥܸܠܕܒ݂ܵܒܲܝ̈܀ ܘܐܵܦ ܟܠ ܕܲܡܣܲܒ݁ܪܝܼܢ ܒܵܟܼ ܠܵܐ ܢܸܒ݂ܗ̱ܬ݂ܘܼܢ܀

ܥܪܘܼܒ݂ܬܵܐ ܕܲܬ݂ܠܵܬ݂ ܕܕܸܢܚܵܐ ܕܘܼܟ݂ܪܵܢܵܐ ܕܐܲܪܒ݁ܥܵܐ ܐܹܘܲܢܓܲܠܸܣ̈ܛܹܐ

ܙܘܼܡܵܪܵܐ. ܒܲܨܠܝܼܒ݂ܵܟܼ܀ ܫܠܝܼܚܹ̈ܐ ܪ̈ܵܚܡܵܘܗܝ ܕܲܡܫܝܼܚܵܐ. ܟܵܪ̈ܘܿܙܵܘܗܝ ܕܝܼܫܘܿܥ ܦܵܪܘܿܩܲܢ. ܠܲܨܠܝܼܒ݂ܵܐ ܥܲܠ ܐܝܼܕܲܝ̈ܗܘܿܢ. ܒܲܕ݂ܡܘܼܬ݂ ܩܸܩܢܵܐ ܛܥܝܼܢܝܼܢ ܗ݇ܘ̣ܵܘ. ܕ܀ ܘܠܲܐܪܥܵܐ ܬܘܼܒ݂ ܕܐܲܒ݁ܝܼܕ݂ܵܐ ܗ݇ܘ̣ܵܬ݂. ܒܝܲܕ݂ ܛܵܥܝܘܼܬ݂ܵܐ ܕܲܦܬܲܟ݂ܪܹ̈ܐ. ܥܲܕ݂ܘ ܘܦܲܠ̣ܚܘܼܗ̇ ܒܗܲܝܡܵܢܘܼܬ݂ܵܐ. ܘܲܙܪܲܥ̣ܘ ܒܵܗ̇ ܡܸܠܲܬ݂ ܚܲܝܹ̈ܐ. ܟܠܲܢ ܢܝܲܩܲܪ ܐܸܢܘܿܢ. ܗ܀

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܕܸܢܚܵܐ

ܙܘܼܡܵܪܵܐ. ܪܹܫ ܣܝܼܥܬܵܐ܀ ܫܡܲܝ̈ܵܐ ܡܸܫܬܲܥܹܝܢ ܫܘܼܒ݂ܚܹܗ ܕܐܲܠܵܗܵܐ܀ ܘܲܥܒ݂ܵܕ݂ ܐܝܼܕ݂ܵܘ̈ܗܝ ܡܚܵܘܸܐ ܪܩܝܼܥܵܐ܀ ܝܵܘܡܵܐ ܠܝܵܘܡܵܐ ܡܲܒܲܥ ܡܹܐܡܪܵܐ܀ ܘܠܸܠܝܵܐ ܠܠܸܠܝܵܐ ܡܚܵܘܸܐ ܡܲܕ݁ܥܵܐ܀

ܥܪܘܼܒ݂ܬܵܐ ܕܐܲܪܒܲܥ ܕܕܸܢܚܵܐ ܕܘܼܟ݂ܪܵܢܵܐ ܕܡܵܪܝ ܐܸܣܛܲܦܵܢܘܿܣ ܣܵܗܕܵܐ

ܙܘܼܡܵܪܵܐ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܕ݂ܵܫܲܢ̣ܝ ܒܲܪܢܵܫܵܐ. ܘܝܵܘܡܵܐ ܟܠܹܗ ܩܪܲܒ݂ܬܼܵܢܵܐ ܐܲܠ̣ܨܲܢܝ. ܒ܀ ܕܵܫ̣ܘܼܢܝ ܒܥܸܠܕܒ݂ܵܒܲܝ̈ ܟܠܹܗ ܝܵܘܡܵܐ. ܡܸܛܠ ܕܣܘܿܓ݂ܐܵܐ ܕܲܩܪ̈ܲܒ݂ܬ݂ܵܢܹܐ ܐܸܬ݁ܬ݁ܪܝܼܡܘ ܥܠܲܝ. ܒ܀

ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܕܸܢܚܵܐ

ܙܘܼܡܵܪܵܐ. ܫܘܼܚܠܵܦ ܛܘܼܒܲܝܗܘܿܢ܀ ܐܵܘܕܵܘ ܠܡܵܪܝܵܐ ܕܛܵܒ݂ܘܼ ܘܲܠܥܵܠܲܡ ܪ̈ܲܚܡܵܘܗܝ. ܐܵܘܕܵܘ ܠܐܲܠܵܗ ܐܲܠܵܗ̈ܝܼܢ ܕܲܠܥܵܠܲܡ ܪ̈ܲܚܡܵܘܗܝ. ܒ܀ ܠܕܲܥ̣ܒܲܕ݂ ܫܡܲܝܵܐ ܒܚܸܟ݂ܡ̱ܬܹܗ ܕܲܠܥܵܠܲܡ ܪ̈ܲܚܡܵܘܗܝ. ܠܕܲܪܩܲܥ̣ ܐܲܪܥܵܐ ܥܲܠ ܡܲܝ̈ܵܐ ܕܲܠܥܵܠܲܡ ܪ̈ܲܚܡܵܘܗܝ. ܒ܀

ܥܪܘܼܒ݂ܬܵܐ ܕܚܲܡܸܫ ܕܕܸܢܚܵܐ ܕܘܼܟ݂ܪܵܢܵܐ ܗ݇ܝ̣ ܕܡܲܠܦܵܢܹ̈ܐ ܝܵܘܢܵܝܹ̈ܐ

ܙܘܼܡܵܪܵܐ. ܒܪܵܥܝܹܗ ܕܝܼܣܪܝܠ܀ ܐܲܠܵܗܵܐ ܡܲܢ̣ܘܼ ܕܕ݂ܵܡܹ̇ܐ ܠܵܟܼ. ܠܵܐ ܬܸܫܬ݁ܘܿܩ ܘܠܵܐ ܬܸܫܠܸܐ ܐܲܠܵܗܵܐ. ܡܸܛܠ ܕܗܵܐ ܒܥܸܠܕܒ݂ܵܒܲܝ̈ܟ ܡܸܬ݂ܪܲܓ݂ܫܝܼܢ. ܘܣܵܢܐܲܝ̈ܟ ܐܲܪܝܼܡ̣ܘ ܪܹܫܵܐ ܥܲܠ ܥܲܡܵܟܼ. ܕ܀ ܒܚܲܪܥܘܼܬ݂ܗܘܿܢ ܚ̣ܫܲܠܘ ܐ݇ܪܵܙܵܐ. ܘܐܸܬ݂ܡܲܠܲܟ݂ܘ ܥܲܠ ܩܲܕܝܼܫܲܝ̈ܟ ܘܐܸܡܲܪܘ. ܬܵܘ ܢܵܘܒܸ݁ܕ݂ ܐܸܢܘܿܢ ܡ̣ܢ ܥܲܡܵܐ. ܓ

ܚܲܕ݂ܒ݁ܫܲܒܵܐ ܕܚܲܡܫܵܐ ܕܕܸܢܚܵܐ

ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܙܡܲܪܘ ܠܡܵܪܝܵܐ ܒܟܸܢܵܪܹ̈ܐ ܘܲܒ݂ܩܵܠܵܐ ܕܲܙܡܵܪܵܐ. ܘܲܒ݂ܩܵܠܵܐ ܕܩܲܪ̈ܢܵܬ݂ܵܐ ܫܲܒܲܚܘ ܩܕ݂ܵܡ ܡܲܠܟܵܐ ܡܵܪܝܵܐ. ܒ܀ ܢܙܘܼܥ ܝܲܡܵܐ ܒܲܡܠܹܐܹܗ. ܬܹܒܹܝܠ ܘܥܵܡܘܿܪܹ̈ܝܗ̇. ܒ܀

ܬܪܹܝܢܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ

ܬܠܵܬ݂ܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ

ܙܘܼܡܵܪܵܐ. ܛܘܼܒ݂ܵܘܗܝ ܠܡܲܢ ܕܐܸܫܬ݁ܒܸܩ ܠܹܗ ܥܵܘ̣ܠܹܗ. ܘܐܸܬ݂ܟܲܣܝܼܘ ܠܹܗ ܚܛܵܗܵܘ̈ܗܝ. ܛܘܼܒ݂ܵܘܗܝ ܠܒܲܪܢܵܫܵܐ ܕܠܵܐ ܢܸܚܫܘܿܒ݂ ܠܹܗ ܡܵܪܝܵܐ ܚܛܝܼܬܹܗ. ܘܠܲܝܬ݁ ܢܸܟ݂ܠܵܐ ܒܠܸܒܹ݁ܗ. ܕ ܀

ܐܲܪܒܲܥܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ

ܕܚܲܡܫܵܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ ܕܡܸܬ݂ܝܼܕܲܥ ܕܩܘܼܒܵܠܛܲܝܒ݁ܘܼܬ݂ܵܐ

ܙܘܼܡܵܪܵܐ. ܪܲܚܸܡܥܠܲܝ ܐܲܠܵܗܵܐ ܐܲܝܟܼ ܛܲܝܒ݁ܘܼܬ݂ܵܟ. ܘܐܲܝܟܼ ܣܘܿܓ݂ܐܵܐ ܕܪ̈ܲܚܡܲܝܟ ܥܛܝܼ ܚܛܵܗܲܝ̈. ܒ܀ ܐܲܣܓܵܐ ܐܲܫܝܼܓܲܝܢܝ ܡ̣ܢ ܥܵܘ̣ܠܝ. ܘܡ̣ܢ ܚܛܵܗܲܝ̈ ܕܲܟܵܢܝ. ܒ܀

ܥܪܘܼܒ݂ܬܵܐ ܕܫܸܬ݂ ܕܕܸܢܚܵܐ ܕܘܼܟ݂ܪܵܢܵܐ ܕܡܲܠܦܵܢܹ̈ܐ ܐ݇ܣܘܼܪ̈ܝܵܝܹܐ

ܙܘܼܡܵܪܵܐ. ܪܹܫ ܣܝܼܥܬܵܐ܀ ܟܵܗܢܲܝ̈ܟ ܢܸܠܒ݁ܫܘܼܢ ܙܲܕܝܼܩܘܼܬ݂ܵܐ ܘܙܲܕܝܼܩܲܝ̈ܟ ܫܘܼܒ݂ܚܵܐ. ܡܸܛܠ ܕܵܘܝܼܕ݂ ܥܲܒ݂ܕܵܟܼ ܠܵܐ ܬܲܗܦܸܟܼ ܐܲܦܵܘ̈ܗܝ ܕܲܡܫܝܼܚܵܟܼ. ܒ܀ ܠܟ݂ܘܼܡܪܹ̈ܝܗ̇ ܐܲܠܒܸܫ ܦܘܼܪܩܵܢܵܐ ܘܲܠܙܲܕܝܼܩܹ̈ܐ ܫܘܼܒ݂ܚܵܐ. ܬܲܡܵܢ ܐܲܕ݂ܢܲܚ̣ ܩܲܪܢܵܐ ܠܕ݂ܵܘܝܼܕ݂. ܘܐܲܢ̣ܗܲܪ ܫܪܵܓ݂ܵܐ ܠܲܡܫܝܼܚܹܗ. ܓ܀

ܚܲܕ݂ܒ݁ܫܲܒܵܐ ܕܸܫܬܵܐ ܕܕܸܢܚܵܐ

ܙܘܼܡܵܪܵܐ. ܒܲܨܠܝܼܒ݂ܵܟܼ܀ ܐܵܘܕܸ݁ܐ ܠܵܟܼ ܕܲܥ̣ܢܲܝܬܵܢܝ ܘܲܗ̤ܘܲܝܬ݁ ܠܝܼ ܦܵܪܘܿܩܵܐ. ܟܹܐܦܵܐ ܕܐܲܣ̣ܠܝܼܘ ܒܲܢܵܝܹܐ. ܗ̤ܝ ܗܘ̤ܵܬ݂ ܠܪܹܫܹܗ ܕܒܸܢܝܵܢܵܐ. ܓ܀ ܗܵܢܵܘ ܝܵܘܡܵܐ ܕܲܥ̣ܒܲܕ݂ ܡܵܪܝܵܐ. ܬܵܘ ܢܕ݂ܘܼܨ ܘܢܸܚܕܸ݁ܐ ܒܹܗ. ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ. ܒܪܝܼܟ݂ܘܼ ܕܐܵܬܹܐ ܒܲܫܡܹܗ ܕܡܵܪܝܵܐ. ܕ܀

ܥܪܘܼܒ݂ܬܵܐ ܕܲܫܒܲܥ ܕܒ݂ܵܬܲܪ ܕܸܢܚܵܐ ܕܘܼܟ݂ܪܵܢܵܐ ܕܚܲܕ݂ ܦܲܪܨܘܿܦܵܐ

ܙܘܼܡܵܪܵܐ. ܒܫܲܒܲܚܝ ܐܘܿܪܸܫܠܸܡ. ܡܵܪܝܵܐ ܡܲܢܘܼ ܢܸܥܡܲܪ ܒܡܲܫܟ݁ܢܵܟܼ: ܘܡܲܢܘܼ ܢܸܫܪܸܐ ܒܛܘܼܪܵܟܼ ܩܲܕܝܼܫܵܐ ܒ܀ ܐܲܝܢܵܐ ܕܲܡܗܲܠܸܟܼ ܕܠܵܐ ܡܘܼܡ ܘܥܵܒܹܕ݂ ܙܲܕܝܼܩܘܼܬ݂ܵܐ. ܘܲܡܡܲܠܸܠ ܩܘܼܫܬܵܐ ܒܠܸܒܹܗ ܘܠܵܐ ܢܲܟ݁ܘܼܠܬ݂ܵܢ ܒܠܸܫܵܢܹܗ. ܒ܀

{ܕܣܵܗܕܵܐ}. ܡܵܪܝܵܐ ܢܘܼܗܪ̱ܝ ܘܦܘܼܪܩܵܢܝ ܡ̣ܢ ܡܲܢ ܐܸܕ݂ܚܲܠ. ܡܵܪܝܵܐ ܥܘܼܫܢܵܐ ܕܚܲܝܲܝ̈ ܡ̣ܢ ܡܲܢܘܼ ܙܵܐܲܥ ܐ݇ܢܵܐ. ܒ܀ ܟܲܕ݂ ܩܪܸܒ݂ ܠܝܼ ܒܝܼܫܵܐ ܠܡܹܐܟܲܠ ܒܸܣܪ̱ܝ. ܒܥܸܠܕ݁ܒ݂ܵܒܲܝ̈ ܘܣܵܢ̈ܐܲܝ. ܒ܀

ܚܲܕ݂ܒ݁ܫܲܒܵܐ ܕܫܲܒ݂ܥܵܐ ܕܒ݂ܵܬܲܪ ܕܸܢܚܵܐ

ܙܘܼܡܵܪܵܐ. ܒܫܲܒܲܚܝ ܐܘܿܪܸܫܠܸܡ܀ ܫܲܒܲܚܘ ܠܡܵܪܝܵܐ ܟܠܟ݂ܘܿܢ ܥܲܡܡܹ̈ܐ. ܫܲܒ݁ܚܵܝ̈ܗܝ ܟܠܗܹܝܢ ܐܸܡ̈ܘܵܬ݂ܵܐ. ܒ܀ ܡܸܛܠ ܕܥܸܫܢܲܬ̤ ܥܠܲܝܢ ܛܲܝܒ݁ܘܼܬܹܗ. ܫܲܪܝܼܪܵܐܝܼܬ݂ ܡܵܪܝܵܐ ܗ݇ܘ̣ ܠܥܵܠܲܡ. ܒ܀

ܥܪܘܼܒ݂ܬܵܐ ܕܲܬ݂ܡܵܢܹܐ ܕܕܸܢܚܵܐ ܕܘܼܟ݂ܪܵܢܐ ܕܐܲܪܒ݁ܥܝܼܢ ܣܵܗܕܹ̈ܐ ܫܲܡܸܫ ܐܲܝܟܼ ܛܲܟ݂ܣܵܐ ܕܲܥܪܘܼܒ݂ܬܵܐ ܕܡܵܘܕܝܵܢܹ̈ܐ ܡܫܲܡ̱ܠܝܵܐܝܼܬ݂. (ܚܙܝ ܠܬܚܬ)

ܚܲܕ݂ܒ݁ܫܲܒܵܐ ܕܲܬ݂ܡܵܢܝܵܐ ܕܕܸܢܚܵܐ

ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ. ܡܵܪܝܵܐ ܐܲܡ̣ܠܸܟܼ ܬܕ݂ܘܼܨ ܐܲܪܥܵܐ. ܘܢܸܚ̈ܕ݁ܝܵܢ ܓܵܙܪ̈ܵܬ݂ܵܐ ܣܲܓܝܼ̈ܐܵܬ݂ܵܐ. ܒ܀ ܥܢܵܢܹ̈ܐ ܘܥܲܪ̈ܦܸܠܹܐ ܚܕ݂ܵܪ̈ܵܘܗܝ. ܒܙܲܕܝܼܩܘܼܬ݂ܵܐ ܘܲܒ݂ܕ݂ܝܼܢܵܐ ܡܲܬ݂ܩܲܢ ܟܘܼܪܣܝܹܗ. ܒ܀

ܥܪܘܼܒ݂ܬܵܐ ܕܲܬ݂ܫܲܥ ܕܕܸܢܚܵܐ ܘܕܘܼܟ݂ܪܵܢܵܐ ܗ݇ܝ̣ ܕܥܲܢܝܼܕܹ̈ܐ

ܙܘܼܡܵܪܵܐ. ܒܫܘܼܚܠܵܦ ܫܡܲܝܵܐ ܡܸܫܬܲܥܹܝܢ܀ ܪܲܚܸܡܥ̱ܠܲܝ ܐܲܠܵܗܵܐ ܐܲܝܟܼ ܛܲܝܒ݁ܘܼܬ݂ܵܟ݂. ܘܐܲܝܟܼ ܣܘܿܓ݂ܐܵܐ ܕܪ̈ܲܚܡܲܝܟܼ ܥܛܝܼ ܚܛܵܗܲܝ̈. ܒ܀ ܐܲܣܓܵܐ ܐܲܫܝܼܓܲܝܢܝ ܡ̣ܢ ܥܵܘܠ̱ܝ. ܘܡ̣ܢ ܚܛܵܗܲܝ̈ ܕܲܟܵܢܝ. ܡܸܛܠ ܕܣܲܟ݂ܠܘܵܬ݂ܝ̈ ܝܵܕܲܥ̇ ܐ݇ܢܵܐ. ܘܲܚܛܵܗܲܝ̈ ܠܘܼܩܒܲܠܝ ܐܸܢܘܿܢ ܒܟ݂ܠܙܒܲܢ. ܕ܀

ܕܚܲܕ݂ܒ݁ܫܲܒܵܐ ܕܡܲܥܵܠܲܝ̈ ܨܵܘܡܵܐ ܪܲܒܵܐ

ܙܘܼܡܵܪܵܐ. ܒܲܨܠܝܼܒ݂ܵܟܼ ܐܲܡ̣ܠܸܟܼ܀ ܬܵܘ ܒܢܲܝ̈ܵܐ ܫܘܼܡܥܘܼܢܝ. ܘܐܲܠܸܦܟ݂ܘܿܢ ܕܸܚܠ̱ܬܹܗ ܕܐܲܠܵܗܵܐ. ܐܲܝܢܵܘ ܓܲܒ݂ܪܵܐ ܕܨܵܒܹ̇ܐ ܚܲܝܹ̈ܐ. ܘܪܵܚܹ̇ܡ ܝܵܘ̈ܡܵܬ݂ܵܐ ܛܵܒܹ̈ܐ ܠܡܸܚܙܵܐ. ܕ܀ ܛܲܪ ܠܸܫܵܢܵܟܼ ܡ̣ܢ ܒܝܼܫܬܵܐ. ܘܣܸܦ̈ܘܵܬ݂ܵܟܼ ܠܵܐ ܢܡܲܠ̈ܠܵܢ ܢܸܟ݂ܠܵܐ. ܥܒܲܪ ܡ̣ܢ ܒܝܼܫܬܵܐ ܘܲܥܒܸܕ݂ ܛܵܒ݂ܬ݂ܵܐ. ܒܥܝܼ ܫܠܵܡܵܐ ܘܗܲܪܛ̄ ܒܵܬ݂ܪܹܗ. ܕ܀

ܕܡܲܓܵܗܲܝ̈ ܬܠܵܬ݂ܒ݁ܫܲܒܵܐ ܩܲܕ݂ܡܵܝܵܐ ܕܨܵܘܡܵܐ

ܙܘܼܡܵܪܵܐ. ܪܹܫ ܣܝܼܥܬܵܐ܀ ܛܘܼܒ݂ܵܘܗܝ ܠܓܲܒ݂ܪܵܐ ܕܒ݂ܐܘܼܪܚܵܐ ܕܥܵܘ̈ܵܠܹܐ ܠܵܐ ܗܲܠܸܟܼ. ܘܲܒ݂ܪܸܥܝܵܢܵܐ ܕܚܲܛܵܝܹ̈ܐ ܠܵܐ ܩ̣ܵܡ. ܘܥܲܠ ܡܵܘܬ݁ܒ݂ܵܐ ܕܲܡܡܲܝܩܵܢܹ̈ܐ ܠܵܐ ܝܑܼܬܸܒ݂. ܐܸܠܵܐ ܒܢܵܡܘܿܣܹܗ ܕܡܵܪܝܵܐ ܨܸܒ݂ܝܵܢܹܗ. ܕ܀

ܕܡܲܓܵܗܲܝ̈ ܐܲܪܒܲܥܒ݁ܫܲܒܵܐ ܩܲܕ݂ܡܵܝܵܐ ܕܨܵܘܡܵܐ

ܕܡܲܓܵܗܲܝ̈ ܚܲܡܫܵܒ݁ܫܲܒܵܐ ܩܲܕ݂ܡܵܝܵܐ ܕܨܵܘܡܵܐ

ܙܘܼܡܵܪܵܐ܀ ܛܘܼܒ݂ܵܘܗܝ ܠܡܲܢ ܕܚܵܐܲܪ ܒܡܸܣܟܹ݁ܢܵܐ. ܒܝܵܘܡܵܐ ܕܒ݂ܝܼܫܬܵܐ ܢܦܲܠܛܝܼܘܗܝ ܡܵܪܝܵܐ. ܡܵܪܝܵܐ ܢܢܲܛܪܝܼܘܗܝ ܘܢܲܚܹܝܘܗܝ ܘܢܲܛܐܸܒ݂ ܠܹܗ ܒܐܲܪܥܵܐ. ܘܠܵܐ ܢܲܫܠܡܝܼܘܗܝ ܠܲܒ݂ܥܸܠܕܒ݂ܵܒ݂ܵܘ̈ܗܝ. ܕ܀

ܕܡܲܓܵܗܲܝ̈ ܥܪܘܼܒ݂ܬܵܐ ܩܲܕ݂ܡܵܝܬܵܐ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܓܲܒ݂ܪܵܐ ܕܕ݂ܵܚܹ̇ܠ ܡ̣ܢ ܡܵܪܝܵܐ. ܘܲܙܗܝܼܪ ܒܦܘܼܩܕܵܢܵܘ̈ܗܝ. ܢܸܗܘܸܐ ܚܲܝܠ̱ܬ݂ܵܢ ܙܲܪܥܹܗ ܒܐܲܪܥܵܐ. ܘܢܸܬ݂ܒܲܪܲܟܼ ܒܕ݂ܵܪܵܐ ܕܙܲܕܝܼܩܹ̈ܐ. ܕ܀

ܕܡܲܓܵܗܲܝ̈ ܫܲܒ݁ܬ݂ܵܐ ܩܲܕ݂ܡܵܝܬܵܐ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܡܲܢ ܕܚܵܐܲܪ ܒܡܸܣܟܹ݁ܢܵܐ. ܒܝܵܘܡܵܐ ܕܒ݂ܝܼܫܬܵܐ ܢܦܲܠܛܝܼܘܗܝ ܡܵܪܝܵܐ. ܡܵܪܝܵܐ ܢܢܲܛܪܝܼܘܗܝ ܘܢܲܚܹܝܘܗܝ ܘܢܲܛܐܸܒ݂ ܠܹܗ ܒܐܲܪܥܵܐ. ܘܠܵܐ ܢܲܫܠ̱ܡܝܼܘܗܝ ܠܲܒ݂ܥܸܠܕܒ݂ܵܒ݂ܵܘ̈ܗܝ. ܕ܀

ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܨܵܘܡܵܐ

ܙܘܼܡܵܪܵܐ. ܪܹܫ ܣܝܼܥܬܵܐ܀ ܡܵܪܝܵܐ ܡܵܐ ܣ̣ܓ݂ܝܼܘ ܐܵܠܘܿܨܲܝ̈. ܣܲܓܝܼܐܹ̈ܐ ܕܩܵܡ̣ܘ ܥܠܲܝ. ܘܣܲܓܝܼܐܹ̈ܐ ܕܐܵܡ̇ܪܝܼܢ ܠܵܗ̇ ܠܢܲܦ̮ܫܝ. ܠܲܝܬ݁ ܠܹܟ݂ܝ ܦܘܼܪܩܵܢܵܐ ܒܐܲܠܵܗܹܟ݂ܝ. ܕ܀ ܘܐܲܢ݇ܬ݁ ܡܵܪܝܵܐ ܡܣܲܝܥܵܢܝ ܘܐܝܼܩܵܪܝ. ܘܲܡܪܲܡ̱ܪܡܵܢܹܗ ܕܪܹܫܝ. ܒܩܵܠܝ ܠܡܵܪܝܵܐ ܩܪܹܝ̇ܬ݂. ܘܲܥ̣ܢܵܢܝ ܡ̣ܢ ܛܘܼܪܹܗ ܩܲܕܝܼܫܵܐ. ܕ܀

ܕܡܲܓܵܗܲܝ̈ ܫܲܒ݁ܬ݂ܵܐ ܕܬܲܪܬܹܝܢ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܥܲܡܵܐ ܕܡܵܪܝܵܐ ܗ݇ܘ̣ ܐܲܠܵܗܹܗ. ܥܲܡܵܐ ܕܲܓ݂ܒ݂ܵܐ ܠܹܗ ܠܝܵܪܬ݁ܘܼܬ݂ܵܐ. ܡ̣ܢ ܫܡܲܝܵܐ ܐܲܕ݂ܝܼܩ ܡܵܪܝܵܐ. ܘܲܚ̣ܙܵܐ ܠܟ݂ܠܗܘܿܢ ܒܢܲܝ̈ܢܵܫܵܐ. ܕ܀

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܨܵܘܡܵܐ

ܙܘܼܡܵܪܵܐ. ܡܵܪܝܵܐ ܠܵܐ ܒܪܘܼܓ݂ܙܵܟܼ ܬܲܟ݁ܣܲܢܝ. ܘܐܵܦܠܵܐ ܒܚܸܡܬ݂ܵܟܼ ܬܸܪܕܹ݁ܝܢܝ. ܪܲܚܸܡܥܠܲܝ ܡܵܪܝܵܐ ܡܸܛܠ ܕܲܟ݂ܪܝܼܗ ܐ݇ܢܵܐ. ܐܲܣܵܢܝ ܡܵܪܝܵܐ ܡܸܛܠ ܕܙܵܥ̣ܘ ܓܲܪ̈ܡܲܝ. ܕ܀ ܘܢܲܦ̮ܫܝ ܐܸܬ݁ܬ݁ܙܝܼܥܲܬ̤ ܛܵܒ݂. ܘܐܲܢ݇ܬ݁ ܡܵܪܝܵܐ ܥܕܲܡܵܐ ܠܐܸܡܲܬ݂ܝ. ܐܸܬ݂ܦܲܢ ܡܵܪܝܵܐ ܘܦܲܨܵܗ̇ ܠܢܲܦ̮ܫܝ. ܘܲܦܪܘܿܩܲܝܢܝ ܡܸܛܠ ܛܲܝܒ݁ܘܼܬ݂ܵܟܼ. ܕ܀

ܕܡܲܓܵܗܲܝ̈ ܫܲܒ݁ܬ݂ܵܐ ܕܲܬ݂ܠܵܬ݂ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܒܲܪܢܵܫܵܐ ܕܥܲܠ ܫܡܹܗ ܕܡܵܪܝܵܐ ܬܟ݂ܝܼܠ. ܘܠܵܐ ܦܵܢܹ̇ܐ ܠܲܣܪܝܼܩܘܼܬ݂ܵܐ. ܘܐܵܦܠܵܐ ܠܡܲܡܠܠܵܐ ܕܲܓܵܠܵܐ. ܣܲܓܝܼ̈ܐܵܢ ܐܸܢܹܝܢ ܕܲܥ̣ܒܲܕ݁ܬ݁ ܡܵܪܝܵܐ ܐܲܠܵܗܲܢ. ܕ܀

ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܨܵܘܡܵܐ

ܙܘܼܡܵܪܵܐ. ܡܵܪܝܵܐ ܐܲܠܵܗܝ ܒܵܟܼ ܣܲܒ݁ܪܹܬ݂ ܦܪܘܿܩܲܝܢܝ. ܘܡ̣ܢ ܟܠ ܪ̈ܵܕ݂ܘܿܦܲܝ ܦܲܨܵܢܝ. ܕܲܠܡܵܐ ܐܲܝܟܼ ܐܲܪܝܵܐ ܠܡܸܬ݂ܒܲܪ ܠܢܲܦ̮ܫܝ. ܘܠܲܝܬ݁ ܕܦܵܪܹܩ̇ ܘܲܡܦܲܨܸܐ. ܕ܀ ܡܵܪܝܵܐ ܐܲܠܵܗܝ ܐܸܢ ܥܸ̇ܒ݂ܕܹܬ݂ ܗܵܕܹܐ. ܘܐܸܢ ܐܝܼܬ݂ ܥܵܘ̣ܠܵܐ ܒܐܝܼܕܲܝ̈. ܘܐܸܢ ܦܸܪܥܹ̇ܬ݂ ܠܡܲܢ ܕܲܥ̣ܒܲܕ݂ ܠܝܼ ܒܝܼܫܬܵܐ. ܘܐܸܢ ܐܲܠܨܹ̇ܬ݂ ܠܲܒ݂ܥܸܠܕܒ݂ܵܒ݂ܝ ܣܪܝܼܩܵܐܝܼܬ݂. ܕ܀

ܕܡܲܓܵܗܲܝ̈ ܬܠܵܬ݂ܒ݁ܫܲܒܵܐ ܕܐܲܪܒ݁ܥܵܐ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܡܲܢ ܕܨܵܒܹ̇ܐ ܐܲܢ݇ܬ݁ ܒܹܗ. ܘܲܡܩܲܪܸܒ݂ ܐܲܢ݇ܬ݁ ܠܹܗ ܕܢܸܥܡܲܪ ܒܕܲܝܪܵܟܼ. ܘܢܸܣܒܲܥ ܡ̣ܢ ܛܵܒ݂ܵܬܹ̈ܗ ܕܒܲܝܬܵܟܼ. ܘܡ̣ܢ ܩܲܕܝܼܫܘܼܬܹܗ ܕܗܲܝܟ݁ܠܵܟܼ. ܕ܀

ܕܡܲܓܵܗܲܝ̈ ܐܲܪܒܲܥܒ݁ܫܲܒܵܐ ܕܦܸܠܓ݁ܘܼܬ݂ ܨܵܘܡܵܐ

ܕܡܲܓܵܗܲܝ̈ ܚܲܡܫܵܒ݁ܫܲܒܵܐ ܕܐܲܪܒ݁ܥܵܐ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܥܲܡܵܐ ܕܝܵ̇ܕܲܥ ܬܸܫ̈ܒ݁ܚܵܬ݂ܵܟܼ. ܡܵܪܝܵܐ ܒܢܘܼܗܪܵܐ ܕܐܲܦܲܝ̈ܟ ܢܗܲܠܟ݂ܘܼܢ. ܘܒܲܫܡܵܟܼ ܢܕ݂ܘܼܨܘܼܢ ܟܠܝܘܿܡ. ܘܲܒ݂ܙܲܕܝܼܩܘܼܬ݂ܵܟܼ ܢܸܬ݁ܬ݁ܪܝܼܡܘܼܢ. ܕ܀

ܕܡܲܓܵܗܲܝ̈ ܥܪܘܼܒ݂ܬܵܐ ܕܐܲܪܒܲܥ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܒܲܪܢܵܫܵܐ ܕܬܸܪܕܹ݁ܝܘܗܝ ܐܲܢ݇ܬ݁ ܡܵܪܝܵܐ. ܘܡ̣ܢ ܢܵܡܘܿܣܵܟܼ ܬܲܠܦܝܼܘܗܝ. ܘܲܬ݂ܢܝܼܚܝܼܘܗܝ ܡ̣ܢ ܝܵܘ̈ܡܵܬ݂ܵܐ ܒܝܼܫܹ̈ܐ. ܥܕܲܡܵܐ ܕܢܸܬ݂ܚܦܲܪ ܠܪ̈ܲܫܝܼܥܹܐ ܓܘܼܡܵܨܵܐ. ܕ܀

ܕܡܲܓܵܗܲܝ̈ ܫܲܒ݁ܬ݂ܵܐ ܕܐܲܪܒܲܥ ܕܨܵܘܡܵܐ

ܙܘܼܡܵܪܵܐ. ܛܘܼܒ݂ܵܘܗܝ ܠܡܲܢ ܕܐܲܠܵܗܹܗ ܕܝܲܥܩܘܿܒ݂ ܒܥܸܕ݂ܪܹܗ. ܘܣܲܒ݂ܪܹܗ ܥܲܠ ܡܵܪܝܵܐ ܐܲܠܵܗܵܐ. ܕܲܥ̣ܒܲܕ݂ ܫܡܲܝܵܐ ܘܐܲܪܥܵܐ. ܘܝܲܡܡܹ̈ܐ ܘܟ݂ܠ ܕܐܝܼܬ݂ ܒܗܘܿܢ. ܕ܀

ܚܲܕ݂ܒ݁ܫܲܒܵܐ ܕܚܲܡܫܵܐ ܕܨܵܘܡܵܐ

ܙܘܼܡܵܪܵܐ. ܐܲܫܝܼ̇ܓܹܬ݂ ܕܲܟ݂ܝܵܐܝܼܬ݂ ܐܝܼܕܲܝ̈. ܘܐܸܬ݂ܟܲܪܟܹ݁ܬ݂ ܠܡܲܕ݂ܒ݁ܚܵܟܼ ܡܵܪܝܵܐ. ܕܐܲܫܡܲܥ ܩܵܠܹܗ ܕܫܘܼܒ݂ܚܵܟܼ. ܘܐܸܫܬܲܥܸܐ ܟܠܗܹܝܢ ܬܸܕ݂ܡܪ̈ܵܬ݂ܵܟ݂. ܕ܀ ܡܵܪܝܵܐ ܪܸܚ̇ܡܹܬ݂ ܬܸܫܡܸܫܬܹܗ ܕܒܲܝܬܵܟ݂. ܘܐܲܬ݂ܪܵܐ ܕܡܲܫܪ̱ܝܹܗ ܕܫܘܼܒ݂ܚܵܟܼ. ܠܵܐ ܬܵܘܒܸ݁ܕܲܝܢܝ ܥܲܡ ܚܲܛܵܝܹ̈ܐ. ܘܥܲܡ ܓܲܒ݂ܪܹ̈ܐ ܕܲܕ݂ܡܵܐ ܚܲܝܲܝ̈. ܕ܀

ܕܡܲܓܵܗܲܝ̈ ܫܲܒ݁ܬ݂ܵܐ ܕܚܲܡܸܫ ܕܨܵܘܡܵܐ

ܙܘܼܡܵܪܵܐ. ܒܛܘܼܒܲܝܗܘܿܢ܀ ܡܵܪܝܵܐ ܡܲܢ̣ܘܼ ܢܸܥܡܲܪ ܒܡܲܫܟ݁ܢܵܟܼ. ܘܡܲܢ̣ܘܼ ܢܸܫܪܸܐ ܒܛܘܼܪܵܟܼ ܩܲܕܝܼܫܵܐ. ܐܲܝܢܵܐ ܕܲܡܗܲܠܸܟ݂ ܕܠܵܐ ܡܘܼܡ ܘܥܵܒܹܕ݂ ܙܲܕܝܼܩܘܼܬ݂ܵܐ. ܘܲܡܡܲܠܸܠ ܩܘܼܫܬܵܐ ܒܠܸܒܹ݁ܗ ܘܠܵܐ ܢܲܟ݁ܘܼܠܬ݂ܵܢ ܒܠܸܫܵܢܹܗ. ܕ܀

ܚܲܕ݂ܒ݁ܫܲܒܵܐ ܕܸܫܬܵܐ ܕܨܵܘܡܵܐ

ܙܘܼܡܵܪܵܐ. ܡܵܪܝܵܐ ܐܲܠܵܗܵܐ ܕܦܘܼܪܩܵܢܝ. ܒܐܝܼܡܵܡܵܐ ܓܥܹܝ̇ܬ݂ ܘܲܒ݂ܠܸܠܝܵܐ ܩܕ݂ܵܡܲܝܟ. ܬܸܥܘܿܠ ܩܕ݂ܵܡܲܝܟ ܨܠܘܿܬ݂ܝ. ܘܐܲܪܟܸ݁ܢ ܐܸܕ݂ܢܵܟܼ ܠܒ݂ܵܥܘܼܬ݂ܝ. ܕ܀ ܡܸܛܠ ܕܣܸܒ݂ܥܲܬ̤ ܢܲܦ̮ܫܝ ܒܝܼܫܵܬ݂̈ܵܐ. ܘܚܲܝܲܝ̈ ܠܲܫܝܘܿܠ ܡܲܛ̣ܝܼܘ. ܐܸܬ݂ܚܲܫܒܹ݁ܬ݂ ܥܲܡ ܢܵܚܬܲܝ̈ ܓܘܼܒܵܐ. ܘܲܗܘܹܝ̇ܬ݂ ܐܲܝܟܼ ܓܲܒ݂ܪܵܐ ܕܠܲܝܬ݁ ܠܹܗ ܐܝܼܵܠܵܐ. ܕ܀

ܕܡܲܓܵܗܲܝ̈ ܫܲܒ݁ܬ݂ܵܐ ܕܫܸܬ݂ ܕܨܵܘܡܵܐ

ܙܘܼܡܵܪܵܐ. ܒܛܘܼܒܲܝܗܘܿܢ܀ ܫܡܲܥ ܡܵܪܝܵܐ ܩܲܕ݁ܝܼܫܵܐ ܘܚܘܼܪ ܒܒ݂ܵܥܘܼܬ݂ܝ. ܘܨܘܼܬ݂ ܨܠܘܿܬ݂ܝ ܕܠܵܐ ܡ̣ܢ ܣܸܦ̈ܘܵܬ݂ܵܐ ܢܲܟ݁ܘܼܠܬ݂ܵܢ̈ܝܵܬ݂ܵܐ. ܡ̣ܢ ܩܕ݂ܵܡܲܝܟ ܕܝܼܢܝ ܢܸܦܘܿܩ. ܘܥܲܝܢܲܝ̈ܟ ܢܸܚ̈ܙܝܵܢ ܬܪܝܼܨܘܼܬܵܐ. ܕ܀

ܚܲܕ݂ܒ݁ܫܲܒܵܐ ܕܫܲܒ݂ܥܵܐ ܕܨܵܘܡܵܐ ܘܥܹܐܕ݂ܵܐ ܗ݇ܘ̣ ܕܐܘܿܫܲܥܢܹ̈ܐ

ܙܘܼܡܵܪܵܐ. ܒܡܵܪܝܵܐ ܡܵܐ ܣ̣ܓ݂ܝܼܘ. ܡܵܪܝܵܐ ܡܵܪܲܢ ܡܵܐ ܡܫܲܒܲܚ ܫܡܵܟܼ ܒܟ݂ܠܵܗ̇ ܐܲܪܥܵܐ. ܕܝܲܗ̣݇ܒ݂ܬ݁ ܫܘܼܒ݂ܚܵܟܼ ܥܲܠ ܫܡܲܝܵܐ. ܡ̣ܢ ܦܘܼܡܵܐ ܕܲܥܠܲܝܡܹ̈ܐ ܘܕܲܛܠܵܝܹ̈ܐ. ܬܲܩܸܢ̣ܬ݁ ܬܸܫܒ݁ܘܿܚܬܵܟ݂. ܕ܀ ܡܵܢܵܘ ܓܲܒ݂ܪܵܐ ܕܐܸܬ݁ܕ݁ܟܲܪܬܵܝܗܝ. ܘܒܲܪܢܵܫܵܐ ܕܲܦ̣ܩܲܕ݁ܬܵܝܗܝ. ܒܲܨܲܪܬܵܝܗܝ ܩܲܠܝܼܠ ܡ̣ܢ ܡܲܠܲܐܟܹ̈ܐ. ܒܐܝܼܩܵܪܵܐ ܘܲܒ݂ܫܘܼܒ݂ܚܵܐ ܐܲܥ̣ܛܸܦܬܵܝܗܝ. ܕ܀

ܕܡܲܓܵܗܲܝ̈ ܬܠܵܬ݂ܒ݁ܫܲܒܵܐ ܐ݇ܚܪܵܝܵܐ ܕܨܵܘܡܵܐ

ܙܘܼܡܵܪܵܐ. ܒܡܵܪܝܵܐ ܡܵܐ ܣ̣ܓ݂ܝܼܘ܀ ܐܲܠܵܗܵܐ ܒܲܫܡܵܟܼ ܦܪܘܿܩܲܝܢܝ. ܘܲܒ݂ܓܲܢ݇ܒܵܪܘܼܬ݂ܵܟܼ ܕܘܼܢ ܠܝܼ. ܐܲܠܵܗܵܐ ܫܡܲܥ ܨܠܘܿܬ݂ܝ. ܨܘܼܬ݂ ܐܸܢܹܝܢ ܠܡܸܠܵܘ̈ܗܝ ܕܦܘܼܡܝ. ܕ܀

ܕܡܲܓܵܗܲܝ̈ ܐܲܪܒܲܥܒ݁ܫܲܒܵܐ ܕܫܲܒ݂ܥܵܐ ܕܨܵܘܡܵܐ

ܙܘܼܡܵܪܵܐ. ܒܡܵܪܝܵܐ ܡܵܐ ܣ̣ܓ݂ܝܼܘ܀ ܦܲܨܵܢܝ ܡ̣ܢ ܒܥܸܠܕܒ݂ܵܒܲܝ̈ ܐܲܠܵܗܵܐ. ܘܡ̣ܢ ܐܲܝܠܹܝܢ ܕܩܵܝܡ݁ܝܼܢ ܥܠܲܝ ܐܲܪܝܼܡܲܝܢܝ. ܦܲܨܵܢܝ ܡ̣ܢ ܥܵܒ݂ܕܲܝ̈ ܫܘܼܩܪܵܐ. ܘܡ̣ܢ ܓܲܒ݂ܪܹ̈ܐ ܐܵܫܕܲܝ̈ ܕܡܵܐ ܦܪܘܿܩܲܝܢܝ. ܕ܀

ܕܡܲܓܵܗܲܝ̈ ܚܲܡܫܵܒ݁ܫܲܒܵܐ ܕܦܸܨܚܵܐ

ܙܘܼܡܵܪܵܐ. ܒܩܵܠ ܡܵܪܝܵܐ ܡܵܐ ܣܓ݂ܝܼܘ܀ ܐܲܠܵܗܵܐ ܕܬܸܫܒ݁ܘܿܚܬ݁ܝ ܠܵܐ ܬܸܫܬ݁ܘܿܩ. ܡܸܛܠ ܕܦܘܼܡܹܗ ܕܪܲܫܝܼܥܵܐ ܘܦܘܼܡܹܗ ܕܢܲܟ݁ܘܼܠܬ݂ܵܢܵܐ ܐܸܬ݂ܦܬܲܚܘ ܥܠܲܝ. ܡܲܠܸܠ̣ܘ ܥܲܡܝ ܒܠܸܫܵܢܵܐ ܕܲܓܵܠܵܐ ܘܲܒ݂ܩܵܠܵܐ ܕܣܸܢ̱ܐܬ݂ܵܐ. ܘܐܸܬ݂ܟܲܬܲܫܘ ܥܲܡܝ ܣܪܝܼܩܵܐܝܼܬ݂. ܕ܀

ܕܡܲܓܵܗܲܝ̈ ܥܪܘܼܒ݂ܬܵܐ ܕܚܲܫܵܐ:

ܙܘܼܡܵܪܵܐ. ܒܩܵܠܝ ܠܡܵܪܝܵܐ ܩܪܹܝ̇ܬ݂ ܒܩܵܠܝ ܠܡܵܪܝܵܐ ܐܸܬ݂ܟܲܫ̇ܦܹܬ݂. ܘܐܲܪܡ̇ܝܼܬ݂ ܩܕ݂ܵܡܵܘܗܝ ܬܲܟ݂ܫܲܦ̮ܬ݁ܝ. ܒ܀ ܟܲܕ݂ ܐܸܬ݁ܛܲܪܦܲܬ̤ ܪܘܼܚܝ ܐܲܢ݇ܬ݁ ܝܵܕܲܥ̇ ܐܲܢ݇ܬ݁ ܫܒ݂ܝܼܠܲܝ̈. ܒܐܘܼܪܚܵܐ ܕܗܲܠܟ݂ܵܬ݂̈ܝ ܛ̣ܡܲܪܘ ܠܝܼ ܦܲܚܹ̈ܐ. ܒ܀

ܕܡܲܓܵܗܲܝ̈ ܕܫܲܒ݁ܬ݂ܵܐ ܪܲܒ݁ܬ݂ܵܐ

ܙܘܼܡܵܪܵܐ. ܒܲܙܲܥ̣ܘ ܐܝܼܕܲܝ̈ ܘܪܸ̈ܓ݂ܠܲܝ. ܘܐܲܝܠܸܠ̣ܘ ܟܠܗܘܿܢ ܓܲܪ̈ܡܲܝ. ܒ܀ ܗܸܢ̣ܘܿܢ ܚ̣ܵܪܘ ܘܲܚ̣ܙܵܘ ܒܝܼ. ܘܦܲܠܸܓ݂ܘ ܢܲܚܬܲܝ̈ ܒܲܝܢܵܬ݂ܗܘܿܢ. ܒ܀

ܕܡܲܓܵܗܲܝ̈ ܚܲܕ݂ܒ݁ܫܲܒܵܐ ܪܲܒܵܐ ܕܲܩܝܵܡܬܹܗ ܕܡܵܪܲܢ

ܙܘܼܡܵܪܵܐ. ܒܹܝܬ݂ ܡܝܼܬܹ̈ܐ ܒܲܪ ܚܹܐܪܹ̈ܐ. ܐܲܝܟܼ ܩܛܝܼܠܹ̈ܐ ܕܲܫܟ݂ܝܼܒ݂ܝܼܢ ܒܩܲܒ݂ܪܹ̈ܐ. ܒ܀ ܐܲܚܸܬ݁ܬܵܢܝ ܠܓ݂ܘܼܒܵܐ ܬܲܚܬܵܝܵܐ. ܠܚܸܫܘܿܟ݂ܵܐ ܘܲܠܛܸܠܵܠܲܝ̈ ܡܵܘܬܵܐ. ܒ܀

ܕܐ݇ܪ̈ܵܙܹܐ ܕܪܲܡܫܵܐ ܕܲܩܝܵܡܬܵܐ

ܙܘܼܡܵܪܵܐ. ܝܵܘܡܵܢܵܐ ܚ̣ܕ݂ܝܼ ܠܹܒ݁ܝ ܘܕ݂ܵܨ̣ ܐܝܼܩܵܪܝ. ܓ. ܚܲܕ݂ ܒܲܝܬܵܐ܀

ܕܨܲܦܪܵܐ ܕܲܩܝܵܡܬܵܐ

ܙܘܼܡܵܪܵܐ. ܝܵܘܡܵܢܵܐ ܚ̣ܕ݂ܝܼ ܠܹܒ݁ܝ ܘܕ݂ܵܨ̣ ܐܝܼܩܵܪܝ. ܓ: ܙܲܒ݂ܢܝܼ̈ܢ ܚܲܕ݂ ܒܲܝܬܵܐ܀ ܘܐܵܡܲܪ ܡܫܲܡܫܵܢܵܐ: ܒܫܸܠܝܵܐ ܗܘ̤ܵܘ ܘܲܫܠܵܘ.

ܕܐ݇ܪ̈ܵܙܹܐ ܕܚܲܕ݂ܒ݁ܫܲܒܵܐ ܪܲܒܵܐ ܕܲܩܝܵܡܬܹܗ ܕܡܵܪܲܢ

ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܡܵܪܝܵܐ ܐܲܡ̣ܠܸܟܼ ܬܕ݂ܘܼܨ ܐܲܪܥܵܐ. ܘܢܸܚ̈ܕ݁ܝܵܢ ܓܵܙܪ̈ܵܬ݂ܵܐ ܣܲܓܝܼ̈ܐܵܬ݂ܵܐ. ܒ܀ ܥܢܵܢܹ̈ܐ ܘܥܲܪ̈ܦܸܠܹܐ ܚܕ݂ܵܪ̈ܵܘܗܝ. ܒܙܲܕܝܼܩܘܼܬ݂ܵܐ ܘܲܒ݂ܕ݂ܝܼܢܵܐ ܡܲܬ݂ܩܲܢ ܟܘܼܪܣܝܹܗ. ܒ܀

ܬܪܹܝܢܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ

ܙܘܼܡܵܪܵܐ. ܒܛܘܼܒܲܝܗܘܿܢ܀ ܡܵܪܝܵܐ ܐܲܡ̣ܠܸܟܼ ܘܓܲܐܝܘܼܬ݂ܵܐ ܠ̣ܒܸܫ. ܠ̣ܒܸܫ ܡܵܪܝܵܐ ܥܘܼܫܢܵܐ ܘܐܸܬ݂ܥܲܫܲܢ. ܒ܀ ܘܐܲܬ݂ܩܢܵܗ̇ ܠܬܹܒܹܝܠ ܕܠܵܐ ܬܙܘܼܥ. ܡܲܬ݂ܩܲܢܘܼ ܟܘܼܪܣܝܵܟܼ ܡ̣ܢ ܩܕ݂ܝܼܡ. ܘܡ̣ܢ ܥܵܠܲܡ ܐܲܢ݇ܬ݁ܘܼ. ܓ܀

ܬܠܵܬ݂ܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ

ܕܐܲܪܒܲܥܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ

ܙܘܼܡܵܪܵܐ. ܫܡܲܝܵܐ ܡܸܫܬܲܥܹܝܢ ܫܘܼܒ݂ܚܹܗ ܕܐܲܠܵܗܵܐ. ܘܲܥܒ݂ܵܕ݂ ܐܝܼܕ݂ܵܘ̈ܗܝ ܡܚܵܘܸܐ ܪܩܝܼܥܵܐ. ܒ܀ ܝܵܘܡܵܐ ܠܝܵܘܡܵܐ ܡܲܒܲܥ ܡܹܐܡܪܵܐ. ܘܠܸܠܝܵܐ ܠܠܸܠܝܵܐ ܡܚܵܘܸܐ ܡܲܕ݁ܥܵܐ. ܠܲܝܬ݁ ܡܹܐܡܪܵܐ ܐܵܦ ܠܵܐ ܡܸܠܹ̈ܐ. ܓ܀

ܚܲܡܫܵܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ

ܙܘܼܡܵܪܵܐ. ܒܲܨܠܝܼܒ݂ܵܟ݂܀ ܐܵܘܕܸ݁ܐ ܠܵܟܼ ܕܲܥ̣ܢܲܝܬܵܢܝ ܘܲܗ̤ܘܲܝܬ݁ ܠܝܼ ܦܵܪܘܿܩܵܐ. ܟܹܐܦܵܐ ܕܐܲܣ̣ܠܝܼܘ ܒܲܢܵܝܹ̈ܐ. ܗܝ̤ ܗܘ̤ܵܬ݂ ܠܪܹܫܹܗ ܕܒܸܢܝܵܢܵܐ. ܓ܀ ܗܵܢܵܘ ܝܵܘܡܵܐ ܕܲܥ̣ܒܲܕ݂ ܡܵܪܝܵܐ. ܬܵܘ ܢܕ݂ܘܼܨ ܘܢܸܚܕܸܐ ܒܹܗ. ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ. ܒܪܝܼܟ݂ܘܼ ܕܐܵܬܹܐ ܒܲܫܡܹܗ ܕܡܵܪܝܵܐ. ܕ܀

ܥܪܘܼܒ݂ܬܵܐ ܕܡܵܘܕܝܵܢܹ̈ܐ

ܙܘܼܡܵܪܵܐ. ܫܘܼܚܠܵܦ ܫܡܲܝܵܐ ܡܸܫܬܲܥܹܝܢ܀ ܡܸܛܠܵܬ݂ܵܟܼ ܐܸܬ݂ܩܲܛܲܠܢ ܟܠܝܘܿܡ. ܘܐܸܬ݂ܚܫܸܒ݂̄ܢ ܐܲܝܟܼ ܥܵܢ̈ܵܐ ܠܢܸܟ݂ܣܬ݂ܵܐ. ܐܸܬ݁ܬ݁ܥܝܼܪ ܘܠܵܐ ܬܸܕ݂ܡܲܟܼ ܡܵܪܝܵܐ. ܥܗܲܕܲܝܢ ܘܠܵܐ ܬܸܛܥܹܝܢ. ܕ܀ ܘܠܵܐ ܬܲܗܦܸܟܼ ܐܲܦܲܝ̈ܟ ܡܸܢܲܢ. ܘܠܵܐ ܬܸܛܥܸܐ ܡܘܼܟܵܟܲܢ ܘܐܘܼܠܨܵܢܲܝ̈ܢ. ܡܸܛܠ ܕܡܸܟܲܬ̤ ܥܲܠ ܥܲܦܪܵܐ ܢܲܦ̮ܫܲܢ. ܘܕܸܒ݂ܩܲܬ̤ ܟܲܪܣܲܢ ܠܐܲܪܥܵܐ. ܕ܀

ܕܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܲܩܝܵܡܬܵܐ ܘܡܸܬ݂ܩܪܸܐ ܚܲܕ݂ܬܵܐ

ܕܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܲܩܝܵܡܬܵܐ

ܙܘܼܡܵܪܵܐ܀ ܒܲܨܠܝܼܒ݂ܵܟܼ܀ ܐܵܘܕܸ݁ܐ ܠܵܟܼ ܕܲܥ̣ܢܲܝܬܵܢܝ ܘܲܗ̤ܘܲܝܬ݁ ܠܝܼ ܦܵܪܘܿܩܵܐ. ܟܹܐܦܵܐ ܕܐܲܣ̣ܠܝܼܘ ܒܲܢܵܝܹ̈ܐ. ܗܝ̤ ܗܘ̤ܵܬ݂ ܠܪܹܫܹܗ ܕܒܸܢܝܵܢܵܐ. ܓ܀ ܗܵܢܵܘ ܝܵܘܡܵܐ ܕܲܥ̣ܒܲܕ݂ ܡܵܪܝܵܐ. ܬܵܘ ܢܕ݂ܘܼܨ ܘܢܸܚܕܸ݁ܐ ܒܹܗ. ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ. ܒܪܝܼܟ݂ܘܼ ܕܐܵܬܹ̇ܐ ܒܲܫܡܹܗ ܕܡܵܪܝܵܐ. ܕ܀

ܕܘܼܟ݂ܪܵܢܵܐ ܕܡܵܪܝ ܓܝܼܘܲܪܓܝܼܣ ܣܵܗܕܵܐ ܕܗܵܘܹ̇ܐ (ܟܕ) ܒܢܝܼܣܵܢ ܝܲܪܚܵܐ

ܙܘܼܡܵܪܵܐ. ܒܪܵܥܝܹܗ܀ ܡܵܪܝܵܐ ܢܘܼܗ̱ܪܝ ܘܦܘܼܪܩܵܢܝ ܡ̣ܢ ܡܲܢ ܐܸܕ݂ܚܲܠ. ܡܵܪܝܵܐ ܥܘܼܫܢܵܐ ܕܚܲܝܲܝ̈ ܡ̣ܢ ܡܲܢܘܼ ܙܵܐܲܥ̇ ܐ݇ܢܵܐ. ܒ܀ ܟܲܕ݂ ܩ̣ܪܸܒ݂ܘ ܠܝܼ ܒܝܼܫܹ̈ܐ ܠܡܹܐܟܲܠ ܒܸܣܪ̱ܝ. ܒܥܸܠܕܒ݂ܵܒܲܝ̈ ܘܣܵܢܐܲܝ̈. ܐܲܟ݂ܚ݇ܕ݂ܵܐ ܐܸܣܬܲܚܲܦܘ ܘܲܢ̣ܦܲܠܘ. ܓ܀

ܕܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܲܩܝܵܡܬܵܐ

ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ܀ ܡܵܪܝܵܐ ܐܲܡ̣ܠܸܟܼ ܬܕ݂ܘܼܨ ܐܲܪܥܵܐ. ܘܢܸܚ̈ܕ݁ܝܵܢ ܓܵܙܪ̈ܵܬ݂ܵܐ ܣܲܓܝܼ̈ܐܵܬ݂ܵܐ. ܒ܀ ܥܢܵܢܹ̈ܐ ܘܥܲܪ̈ܦܸܠܹܐ ܚܕ݂ܵܪ̈ܵܘܗܝ. ܒܙܲܕ݁ܝܼܩܘܼܬ݂ܵܐ ܘܲܒ݂ܕ݂ܝܼܢܵܐ ܡܲܬ݂ܩܲܢ ܟܘܼܪܣܝܹܗ. ܒ܀

ܚܲܕ݂ܒܫܲܒܵܐ ܕܚܲܡܫܵܐ ܕܲܩܝܵܡܬܵܐ (ܘܕ݂ܘܼܟ݂ܪܵܢܵܐ ܗ݇ܘ̣ ܕܡܵܪܝ ܐܲܕܲܝ ܫܠܝܼܚܵܐ)

ܙܘܼܡܵܪܵܐ܀ ܒܛܘܼܒܲܝܗܘܿܢ. ܡܵܪܝܵܐ ܐܲܡ̣ܠܸܟܼ ܘܓܲܐܝܼܘܼܬ݂ܵܐ ܠ̣ܒܸܫ. ܠ̣ܒܸܫ ܡܵܪܝܵܐ ܥܘܼܫܢܵܐ ܘܐܸܬ݂ܥܲܫܲܢ. ܒ܀ ܘܐܲܬ݂ܩ̣ܢܵܗ̇ ܠܬܹܒܹܝܠ ܕܠܵܐ ܬܙܘܼܥ. ܡܲܬ݂ܩܲـܢܘܼ ܟܘܼܪܣܝܵܟܼ ܡ̣ܢ ܩܕ݂ܝܼܡ. ܘܡ̣ܢ ܥܵܠܲܡ ܐܲܢ݇ܬ݁ܘܼ. ܓ܀

ܚܲܕ݂ܒܫܲܒܵܐ ܕܸܫܬܵܐ ܕܲܩܝܵܡܬܵܐ

ܙܘܼܡܵܪܵܐ. ܒܫܲܒܲܚܝ ܐܘܿܪܸܫܠܸܡ. ܫܲܒܲܚܘ ܠܡܵܪܝܵܐ ܟܠܟ݂ܘܿܢ ܥܲܡܡܹ̈ܐ. ܫܲܒܚܵܝ̈ܗܝ ܟܠܗܹܝܢ ܐܸܡ̈ܘܵܬ݂ܵܐ. ܒ܀ ܡܸܛܠ ܕܥܸܫܢܲܬ̤ ܥܠܲܝܢ ܛܲܝܒ݁ܘܼܬܹܗ. ܫܲܪܝܼܪܵܐܝܼܬ݂ ܡܵܪܝܵܐ ܗ݇ܘ̣ ܠܥܵܠܲܡ. ܒ܀

ܕܘܼܟ݂ܪܵܢܵܐ ܕܲܫܡܘܿܢܝܼ ܘܕܲܒ݂ܢܹ̈ܝܗ̇

ܙܘܼܡܵܪܵܐ. ܫܘܼܚܠܵܦ ܫܡܲܝ̈ܵܐ ܡܸܫܬܲܥܹܝܢ. ܡܸܛܠܵܬ݂ܵܟܼ ܐܸܬ݂ܩܲܛܲܠ݇ܢ ܟܠܝܘܿܡ. ܘܐܸܬ݂ܚܫܸܒ̣̄ܢ ܐܲܝܟܼ ܥܵܢ̈ܵܐ ܠܢܸܟ̣ܣܬ݂ܵܐ. ܐܸܬ݁ܬ݁ܥܝܼܪ ܘܠܵܐ ܬܸܕ݂ܡܲܟܼ ܡܵܪܝܵܐ. ܥܗܲܕܲܝܢ ܘܠܵܐ ܬܸܛܥܹܝܢ. ܕ܀ ܘܠܵܐ ܬܲܗܦܸܟܼ ܐܲܦܲܝ̈ܟ ܡܸܢܲܢ. ܘܠܵܐ ܬܸܛܥܸܐ ܡܘܼܟܵܟܲܢ ܘܐܘܼܠܨܵܢܲܝ̈ܢ. ܡܸܛܠ ܕܡܸܟܲܬ̤ ܥܲܠ ܥܲܦܪܵܐ ܢܲܦ̮ܫܲܢ. ܘܕܸܒ̣ܩܲـܬ̤ ܟܲܪܣܲܢ ܠܐܲܪܥܵܐ. ܕ܀

ܥܹܐܕ݂ܵܐ ܩܲܕ݁ܝܼܫܵܐ ܕܣܘܼܠܵܩܹܗ ܕܡܵܪܲܢ

ܙܘܼܡܵܪܵܐ. ܒܩܵܠ ܪܵܥܝܹܗ. ܙܡܲܪܘ ܠܡܵܪܝܵܐ ܕܲܪܟ݂ܝܼܒ݂ ܒܲܫܡܲܝ̈ ܫܡܲܝܵܐ. ܡ̣ܢ ܡܲܕ݂ܢ̱ܚܵܐ ܝܲܗ̣݇ܒ݂ ܩܵܠܹܗ ܩܵܠܵܐ ܥܲܫܝܼܢܵܐ. ܒ܀ ܕܥܘܼܫܢܹܗ ܒܲܫܡܲܝ̈ ܫܡܲܝܵܐ. ܕܚܝܼܠܲܬ݁ ܐܲܠܵܗܵܐ ܡ̣ܢ ܡܲܩܕܫܵܟܼ. ܐܲܠܵܗܹܗ ܕܝܼܣܪܵܝܹܠ. ܗܘ̤ ܢܸܬܸ݁ܠ ܚܲܝܠܵܐ ܘܥܘܼܫܢܵܐ ܠܥܲܡܹܗ ܒܪܝܼܟ̣ܘ ܐܲܠܵܗܵܐ. ܕ܀

ܚܲܕ݂ܒ݁ܫܲܒܵܐ ܕܒ݂ܵܬܲܪ ܣܘܼܠܵܩܵܐ

ܙܘܼܡܵܪܵܐ. ܒܛܘܼܒܲܝܗܘܿܢ. ܣ̣ܠܸܩ ܐܲܠܵܗܵܐ ܒܫܘܼܒ݂ܚܵܐ ܡܵܪܝܵܐ ܒܩܵܠܵܐ ܕܩܲܪܢܵܐ. ܙܡܲܪܘ ܠܐܲܠܵܗܵܐ ܒܫܘܼܒ݂ܚܵܐ ܙܡܲܪܘ ܠܡܲܠܟܲܢ. ܒ܀ ܡܸܛܠ ܕܡܲܠܟܵܐ ܕܟ̣ܠܵܗ̇ ܐܲܪܥܵܐ ܐܲܠܵܗܵܐ ܗ݇ܘ̣ ܙܡܲܪܘ ܠܹܗ ܫܘܼܒ݂ܚܵܐ. ܐܲܡ̣ܠܸܟܼ ܐܲܠܵܗܵܐ ܥܲܠ ܥܲܡܡܹ̈ܐ. ܐܲܠܵܗܵܐ ܝܼܬܸܒ݂ ܥܲܠ ܟܘܼܪܣܝܹܗ ܩܲܕܝܼܫܵܐ. ܓ܀

ܚܲܕ݂ܒ݁ܫܲܒܵܐ ܕܦܲܢܛܹܩܘܼܣܛܹܐ

ܙܘܼܡܵܪܵܐ. ܒܛܘܼܒܲܝܗܘܿܢ. ܠܸܒܵܐ ܕܲܟ̣ܝܵܐ ܒܪܝܼ ܒܝܼ ܐܲܠܵܗܵܐ. ܘܪܘܼܚܵܟܼ ܬܩܲܢܬ݂ܵܐ ܚܲܕܸ݁ܬ݂ ܒܓ̣ܵܘܝ. ܠܵܐ ܬܸܫܕܹ݁ܝܢܝ ܡ̣ܢ ܩܕ݂ܵܡܲܝܟܼ. ܓ܀ ܘܪܘܼܚܵܟܼ ܩܲܕ݁ܝܼܫܵܐ ܠܵܐ ܬܸܣܲܒ݂ ܡܹܢܝ. ܐܸܠܵܐ ܐܲܗܦܸܟܼ ܠܝܼ ܒܘܼܣܵܡܵܟܼ ܘܦܘܼܪܩܵܢܵܟܼ. ܘܪܘܼܚܵܟܼ ܡܫܲܒܲܚܬܵܐ ܬܣܲܡܟܼܲܢܝ. ܓ܀

ܛܲܟ݂ܣܵܐ ܕܣܸܓ݂ܕ݁ܬ݂ܵܐ

ܙܘܼܡܵܪܵܐ. ܡܵܪܝܵܐ ܐܲܡ̣ܠܸܟܼ ܘܓܲܐܝܘܼܬ݂ܵܐ ܠ̣ܒܸܫ܀ ܠ̣ܒܸܫ ܡܵܪܝܵܐ ܥܘܼܫܢܵܐ ܘܐܸܬ݂ܥܲܫܲܢ: ܒ. ܚܲܕ݂ ܒܲܝܬܵܐ܀

ܥܪܘܼܒ̣ܬܵܐ ܕܕܲܗܒ̣ܵܐ

ܙܘܼܡܵܪܵܐ. ܪܹܫ ܣܝܼܥܬܵܐ. ܛܘܼܒܲܝܗܘܿܢ ܠܐܲܝܠܹܝܢ ܕܲܕ݂ܠܵܐ ܡܘܼܡ ܐܸܢܘܿܢ ܒܐܘܼܪܚܵܐ. ܘܲܡܗܲܠܟ̣ܝܼܢ ܒܢܵܡܘܿܣܹܗ ܕܡܵܪܝܵܐ. ܒ܀ ܛܘܼܒܲܝܗܘܿܢ ܠܐܲܝܠܹܝܢ ܕܢܵܛ̇ܪܝܼܢ ܣܵܗܕ݁ܘܼܬܹܗ. ܘܲܒ̣ܟ̣ܠܹܗ ܠܸܒ݁ܗܘܿܢ ܒܵܥܹ̇ܝܢ ܠܹܗ. ܘܠܵܐ ܥـ̣ܒܲܕ݂ܘ ܥܵܘ̣ܠܵܐ ܘܗܲܠܸܟ̣ܘ ܒܐܘܼܪ̈ܚܵܬܹܗ. ܓ܀

ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܲܫܠܝܼܚܹ̈ܐ

ܙܘܼܡܵܪܵܐ. ܒܲܠܥܵܠܲܡ ܐܲܢ݇ܬ݁ܘܼ. ܛܵܒ݂ܘܼ ܡܵܪܝܵܐ ܘܪ̈ܲܚܡܵܘܗܝ ܥܲܠ ܟܠܗܘܿܢ ܥܲܒ̣ܕܵܘ̈ܗܝ. ܢܵܘܕ݁ܘܿܢ ܠܵܟܼ ܡܵܪܝܵܐ ܥܲܒ̣ܕܲܝ̈ܟ. ܘܙܲܕ݁ܝܼܩܲܝ̈ܟ ܢܫܲܒ̇ܚܘܼܢܵܟܼ. ܓ܀ ܘܫܘܼܒ̣ܚܵܐ ܕܡܲܠܟ݁ܘܼܬ݂ܵܟܼ ܢܹܐܡܪܘܼܢ. ܘܲܒ̣ܥܘܼܫܢܵܟܼ ܢܡܲܠܠܘܼܢ. ܕܲܢܚܵܘܘܿܢ ܠܲܒ݂ܢܲܝ̈ܢܵܫܵܐ ܓܲܢ݇ܒܵܪܘܼܬ݂ܵܟܼ ܘܫܘܼܒ̣ܚܵܐ ܕܡܲܠܟ݁ܘܼܬ݂ܵܟܼ. ܓ܀

ܚܲܕ݂ܒܫܲܒܵܐ ܕܲܬ݂ܠܵܬ݂ܵܐ ܕܲܫܠܝܼܚܹ̈ܐ

ܙܘܼܡܵܪܵܐ. ܪܹܫ ܣܝܼܥܬܵܐ. ܟܵܗܢܲܝ̈ܟ ܢܸܠܒ݁ܫـܘܼܢ ܙܲܕ݁ܝܼܩܘܼܬ݂ܵܐ ܘܙܲܕ݁ܝܼܩܲܝ̈ܟ ܫܘܼܒ̣ܚܵܐ. ܡܸܛܠ ܕܵܘܝܼܕ݂ ܥܲܒ̣ܕܵܟܼ ܠܵܐ ܬܲܗܦܸܟܼ ܐܲܦܵܘ̈ܗܝ ܕܲܡܫܝܼܚܵܟܼ. ܒ܀ ܠܟ̣ܘܼܡܪܹ̈ܝܗ̇ ܐܲܠܒܸ݁ܫ ܦܘܼܪܩܵܢܵܐ ܘܲܠܙܲܕ݁ܝܼܩܹܝ̈ܗ̇ ܫܘܼܒ̣ܚܵܐ. ܬܲܡܵܢ ܐܲܕ݂ܢܲܚ̣ ܩܲܪܢܵܐ ܠܕ݂ܵܘܝܼܕ݂. ܘܐܲܢ̣ܗܲܪ ܫܪܵܓ̣ܵܐ ܠܲܡܫܝܼܚܹܗ. ܓ܀

ܚܲܕ݂ܒܫܲܒܵܐ ܕܐܲܪܒܥܵܐ ܕܲܫܠܝܼܚܹ̈ܐ

ܙܘܼܡܵܪܵܐ. ܒܲܨܠܝܼܒ݂ܵܟ ܐܲܡ̣ܠܸܟܼ. ܫܠܝܼܚܹ̈ܐ ܪ̈ܵܚܡܵܘܗܝ ܕܲܡܫܝܼܚܵܐ. ܟܵܪ̈ܘܿܙܵܘܗܝ ܕܝܼܫܘܿܥ ܦܵܪܘܿܩܲܢ. ܠܲܨܠܝܼܒ݂ܵܐ ܥܲܠ ܐܝܼܕ݂ܲܝ̈ܗܘܿܢ. ܒܲܕ݂ܡܘܼܬ݂ ܩܸܩܢܵܐ ܛܥܝܼܢܝܼܢ ܗ݇ܘ̣ܵܘ. ܕ܀ ܘܠܲܐܪܥܵܐ ܬܘܼܒ݂ ܕܐܲܒܝܼܕ݂ܵܐ ܗ݇ܘ̣ܵܬ݂. ܒܝܲܕ݂ ܛܵܥܝܘܼܬ݂ܵܐ ܕܲܦܬܲܟ݂ܪܹ̈ܐ. ܥܲܕ݂ܘ ܘܦܲܠܚ̣ܘܼܗ̇ ܒܗܲܝܡܵܢܘܼܬ݂ܵܐ. ܘܲܙܪܲܥ̣ܘ ܒܵܗ̇ ܡܸܠܲܬ݂ ܚܲܝܹ̈ܐ. ܟܠܲܢ ܢܝܲܩܲܪ ܐܸܢܘܿܢ. ܗ܀

ܚܲܕ݂ܒ݁ܫܲܒܵܐ ܕܚܲܡܫܵܐ ܕܲܫܠܝܼܚ̈ܐ

ܙܘܼܡܵܪܵܐ. ܪܹܫ ܣܝܼܥܬܵܐ. ܠܥܵܠܲܡ ܐܲܢ݇ܬ݁ܘܼ ܡܵܪܝܵܐ ܘܡܸܠܬ݂ܵܟܼ ܩܲܝܵܡܵܐ ܒܲܫܡܲܝܵܐ. ܘܲܠܕ݂ܵܪܕܵܪ̈ܝܼܢ ܗܲܝܡܵܢܘܼܬ݂ܵܟܼ. ܬܲܩܸܢܬ݁ ܐܲܪܥܵܐ ܘܐܲܩܝܼܡܬܵܗ̇. ܓ܀ ܐܸܠܘܼܠܵܐ ܢܵܡܘܿܣܵܟܼ ܕܲܗܘ̤ܵܐ ܠܝܼ ܪܸܢܝܵܐ ܐܵܒܹܕ݂ ܗ݇ܘܹ̇ܝܬ݂ ܒܡܘܼܟܵܟ̣ܝ. ܠܥܵܠܲܡ ܠܵܐ ܐܸܛܥܸܐ ܦܘܼܩܕܵܢܲܝ̈ܟ ܡܸܛܠ ܕܲܒ̣ܗܘܿܢ ܐܸܢܘܿܢ ܚܲܝܲܝ̈. ܒ܀

ܚܲܕ݂ܒ݁ܫܲܒܵܐ ܕܸܫܬܵܐ ܕܲܫܠܝܼܚܹ̈ܐ

ܙܘܼܡܵܪܵܐ. ܒܲܠܥܵܠܲܡ ܐܲܢ݇ܬ݁ܘܼ. ܐܝܼܕܲܝ̈ܟ ܥܲܒ݂ܕܵܢܝ̈ ܘܐܲܬ݂ܩܢܵܢܝ̈ ܐܲܠܸܦܲܝܢܝ ܢܵܡܘܿܣܵܟܼ. ܕܢܸܚܙܘܿܢ ܕܵܚܠܲܝ̈ܟ ܘܢܸܚܕ݁ܘܿܢ ܕܲܠܡܸܠܬ݂ܵܟܼ ܣܲܒ݁ܪܹܬ݂. ܒ܀ ܝܸܕ݂ܥ̇ـܹܬ݂ ܕܙܲܕ݁ܝܼܩܝܼܢ ܐܸܢܘܿܢ ܕܝܼܢܲܝ̈ܟ ܡܵܪܝܵܐ ܘܗܲܝܡܵܢܘܼܬ݂ܵܟܼ ܡܲܟܸ݁ܟ݂ܬ݂ܲܢܝ. ܢܸܗܘܘܿܢ ܪ̈ܲܚܡܲܝܟ ܠܒ̣ܘܼܝܵܐܝ ܐܲܝܟܼ ܕܐܸܡܲܪܬ݁ ܠܥܲܒ̣ܕܵܟܼ. ܒ܀

ܚܲܕ݂ܒ݁ܫܲܒܵܐ ܕܫܲܒ̣ܥܵܐ ܕܲܫܠܝܼܚܹ̈ܐ

ܙܘܼܡܵܪܵܐ. ܒܛܘܼܒܲܝܗܘܿܢ. ܩܪܹܝ̇ܬ݂ܵܟܼ ܡ̣ܢ ܟܠܹܗ ܠܹܒ݁ܝ ܡܵܪܝܵܐ ܥܢܝܼܢܝ ܘܐܸܛܲܪ ܦܘܼܩܕܵܢܲܝ̈ܟ. ܩܪܹܝ̇ܬ݂ܵܟܼ ܦܪܘܿܩܲܝܢܝ ܘܐܸܛܲܪ ܣܵܗܕ݁ܘܼܬ݂ܵܟܼ. ܒ܀ ܩܲܕܸ݁ܡ ܥܲܝܢܲܝ̈ ܠܡܲܛܲܪܬܵܐ ܕܐܸܪܢܸܐ ܒܡܸܠܬ݂ܵܟܼ. ܫܡܲܥ ܩܵܠܝ ܡܵܪܝܵܐ ܐܲܝܟܼ ܪ̈ܲܚܡܲܝܟ ܘܲܒ̣ܕ݂ܝܼܢܲܝ̈ܟܼ ܐܲܚܵܢܝ. ܩ̣ܪܸܒ̣ܘ ܪ̈ܵܕ݂ܘܿܦܲܝ ܕܥܵܘ̣ܠܵܐ ܘܡ̣ܢ ܢܵܡܘܿܣܵܟܼ ܐܸܬ݂ܪܲܚܲܩܘ. ܓ܀

ܥܪܘܼܒ̣ܬܵܐ ܕܫܘܼܠܵܡ ܫܵܒ̣ܘܿܥܵܐ ܕܲܫܠܝܼܚ̈ܐ ܘܕ݂ܘܼܟ̣ܪܵܢܵܐ ܗ݇ܘ̣ ܕܫܲܒ̣ܥܝܼܢ ܘܲܬ݂ܪܹܝܢ ܬܲܠܡܝܼܕܹ̈ܐ.

ܙܘܼܡܵܪܵܐ. ܫܘܼܚܠܵܦ ܫܲܒܲܚܝ ܐܘܿܪܸܫܠܸܡ. ܫܲܒܲܚܘ ܙܲܕܝܼܩܹ̈ܐ ܠܡܵܪܝܵܐ. ܘܠܲܬ݂ܪ̈ܝܼܨܹܐ ܝܵܐ̇ܝܵܐ ܬܸܫܒ݁ܘܿܚܬܵܐ. ܒ܀ ܐܵܘܕܵܘ ܠܹܗ ܒܟܸܢܵܪܵܐ. ܘܲܒ݂ܩܝܼܬ݂ܵܪܵܐ ܕܲܥܣܲܪ ܡܸܢܝܼ̈ܢ ܙܲܡܲܪܘ ܠܹܗ. ܒ܀

ܚܲܕ݂ܒ݁ܫܲܒܵܐ ܕܫܘܼܠܵܡ ܫܵܒ݂ܘܿܥܵܐ ܕܲܫܠܝܼܚܹ̈ܐ ܘܩܲܕ݂ܡܵܝܵܐ ܗ݇ܘ̣ ܕܩܲܝܛܵܐ ܘܡܸܬܼܩܪܸܐ ܢܘܼܣܲܪܕ݁ܐܹܝܠ ܘܡܸܬ݂ܦܲܫܲܩ ܥܹܐܕܹܗ ܕܐܲܠܵܗܵܐ. ܘܕ݂ܘܼܟ݂ܪܵܢܵܐ ܗ݇ܘ̣ ܕܲܬ݂ܪܸܥܣܲܪ ܫܠܝܼܚܹ̈ܐ

ܙܘܼܡܵܪܵܐ. ܒܫܲܒܲܚܘ ܙܲܕܝܼܩܹ̈ܐ. ܡܲܫܪܝܼܬ݂ܵܐ ܕܡܲܠܲܐܟ̣ܵܘ̈ܗܝ ܕܡܵܪܝܵܐ. ܚܕ݂ܝܼܪܵܐ ܠܕ݂ܵܚܠܵܘ̈ܗܝ ܘܲܡܦܲܨܸܐ ܠܗܘܿܢ. ܒ܀ ܢܸܦܪܘܿܩ ܡܵܪܝܵܐ ܢܲܦ̮̈ܫܵܬ݂ܵܐ ܕܥܲܒ݂ܕܵܘ̈ܗܝ. ܘܠܵܐ ܢܸܬ݂ܚܲܝܒ݂ܘܼܢ ܟܠ ܕܲܡܣܲܒ݁ܪܝܼܢ ܒܹܗ. ܒ܀

ܥܪܘܼܒ݂ܬܵܐ ܩܲܕ݂ܡܵܝܬܵܐ ܕܫܘܼܪܵܝ ܫܵܒ݂ܘܿܥܵܐ ܕܩܲܝܛܵܐ ܘܕ݂ܘܼܟ݂ܪܵܢܵܐ ܗ݇ܝ̣ ܕܡܵܪܝ ܝܲܥܩܘܿܒ݂ ܕܲܢܨܝܼܒ݂ܝܼܢ (ܫܲܡܸܫ ܐܲܝܟܼ ܛܲܟ݂ܣܵܐ ܕܚܲܕ݂ ܦܲܪܨܘܿܦܵܐ ܐܸܢ ܨܵܒ݂ܹܝ̇ܬ݁) (ܚܙܝ ܠܥܠ)

ܕܘܼܟ̣ܪܵܢܵܐ ܕܡܵܪܝ ܬܐܘܿܡܵܐ ܫܠܝܼܚܵܐ

ܙܘܼܡܵܪܵܐ. ܪܵܘܪ̈ܒ݂ܵܢܹܐ ܪܲܕ݂ܦ̣ܘܼܢܝ ܣܪܝܼܩܵܐܝܼܬ݂ ܘܡ̣ܢ ܡܸܠܬ݂ܵܟܼ ܕܚܸܠ̣ ܠܹܒ݁ܝ. ܚ̇ܕ݂ܝܼܬ݂ ܒܡܹܐܡܪܵܟܼ ܐܲܝܟܼ ܗܵܘ̇ ܕܐܸܫ̣ܟܲܚ ܒܸܙܬ݂ܵܐ ܣܲܓ݁ܝܼܐܬ݂ܵܐ. ܒ܀ ܣܢܹ̇ܝܬ݂ ܠܥܵܘܵܠܹ̈ܐ ܘܢܵܡܘܿܣܵܟܼ ܪܸܚܡܹ̇ܬ݂. ܣܸܬܵܪܝ ܘܒܹܝܬ݂ ܓܵܘܣܝ ܐܲܢ݇ܬ݁ܘܼ ܘܲܠܡܸܠܬ݂ܵܟܼ ܣܲܒ̇ܪܹܬ݂. ܒ܀

ܚܲܕ݂ܒܫܲܒܵܐ ܕܲܬ݂ܪܹܝܢ ܕܩܲܝܛܵܐ

ܙܘܼܡܵܪܵܐ. ܫܘܼܚܠܵܦ ܫܡܲܝܵܐ ܡܸܫܬܲܥܹܝܢ. ܢܹܐܬ݂ܘܿܢ ܥܠܲܝ ܪ̈ܲܚܡܲܝܟ ܡܵܪܝܵܐ ܘܦܘܼܪܩܵܢܵܟܼ ܕܐܸܡܲܪܬ݁. ܐܸܬܸ݁ܠ ܦܸܬ݂ܓ݂ܵܡܵܐ ܠܲܡܚܲܣܕ݂ܵܢܲܝ̈ ܡܸܛܠ ܕܐܸܬ݁ܬܲܟ݂ܠܹܬ݂ ܥܲܠ ܡܸܠܲܝ̈ܟ. ܒ܀ ܠܵܐ ܬܸܥܢܲܕ݂ ܡ̣ܢ ܦܘܼܡܝ ܡܸܠܬ݂ܵܐ ܕܩܘܼܫܬܵܐ ܡܸܛܠ ܕܲܠܕ݂ܝܼܢܲܝ̈ܟ ܣܲܟ݁ܝܼܬ݂. ܐܸܛܲܪ ܢܵܡܘܿܣܵܟܼ ܠܥܵܠܲܡ ܥܵܠܡܝܼܢ ܘܐܹܗܲܠܸܟܼ ܒܲܪܘܲܚܬ݂ܵܐ. ܒ܀

ܥܪܘܼܒ݂ܬܵܐ ܕܬܲܪܬܹܝܢ ܕܩܲܝܛܵܐ ܘܕ݂ܘܼܟ݂ܪܵܢܵܐ ܗ݇ܘ̣ ܕܡܵܪܝ ܡܵܐܪܝܼ ܫܠܝܼܚܵܐ. (ܘܐܸܢ ܨܵܒܹܝܬ݁ ܫܲܡܸܫ ܛܲܟ݂ܣܵܐ ܕܡܵܪܝ ܬܐܘܿܡܵܐ ܫܠܝܼܚܵܐ) (ܚܙܝ ܠܥܠ)

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܩܲܝܛܵܐ

ܙܘܼܡܵܪܵܐ. ܒܲܠܥܵܠܲܡ. ܐܲܢ݇ܬ݁ܘܼ. ܐܲܝܟܼ ܐܲܝܠܵܐ ܕܓ݂ܵܥܹ̇ܐ ܥܲܠ ܦܨܝܼܕ݂ܵܐ ܕܡܲـ̈ܝܵܐ. ܗܵܟܲܢ ܐܵܦ ܢܲܦ̮ܫܝ ܓܵܥ̇ܝܵܐ ܠܘܵܬ݂ܵܟܼ ܡܵܪܝܵܐ. ܒ܀ ܨܲܗܝܵܐ ܗ݇ܝ̣ ܠܵܟܼ ܢܲܦ̮ܫܝ ܐܲܠܵܗܵܐ ܚܲܝܵܐ. ܕܐܸܡܲܬ݂ܝ ܐܹܬܸܐ ܘܐܸܚܙܸܐ ܐܲܦܲܝ̈ܟ. ܒ܀

ܕܘܼܟ݂ܪܵܢܵܐ ܕܡܵܪܝ ܩܘܼܪܝܵܩܘܿܣ ܘܲܕ݂ܝܘܿܠܹܝܛܹܐ ܐܸܡܹܗ

ܙܘܼܡܵܪܵܐ. ܫܘܼܚܠܵܦ ܫܡܲܝ̈ܵܐ ܡܸܫܬܲܥܹܝܢ. ܡܸܛܠܵܬ݂ܵܟܼ ܐܸܬ݂ܩܲܛܲܠ̄ܢ ܟܠܝܘܿܡ. ܘܐܸܬ݂ܚܫܸܒ݂ܢ ܐܲܝܟܼ ܥܵܢ̈ܵܐ ܠܢܸܟ݂ܣܬ݂ܵܐ. ܐܸܬ݁ܬ݁ܥܝܼܪ ܘܠܵܐ ܬܸܕ݂ܡܲܟܼ ܡܵܪܝܵܐ. ܥܗܲܕܲܝܢ ܘܠܵܐ ܬܸܛܥܹܝܢ. ܕ܀ ܘܠܵܐ ܬܲܗܦܸܟܼ ܐܲܦܲܝ̈ܟ ܡܸܢܲܢ. ܘܠܵܐ ܬܸܛܥܸܐ ܡܘܼܟܵܟܲܢ ܘܐܘܼܠܨܵܢܲܝ̈ܢ. ܡܸܛܠ ܕܡܸܟܲܬ̤ ܥܲܠ ܥܲܦܪܵܐ ܢܲܦ̮ܫܲܢ. ܘܕܸܒ݂ܩܲܬ̤ ܟܲܪܣܲܢ ܠܐܲܪܥܵܐ. ܕ܀

ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܩܲܝܛܵܐ

ܙܘܼܡܵܪܵܐ. ܪܲܚܸܡܥܠܲܝ ܐܲܠܵܗܵܐ ܐܲܝܟܼ ܛܲܝܒ݁ܘܼܬ݂ܵܟܼ. ܘܐܲܝܟܼ ܣܘܿܓ݂ܐܵܐ ܕܪ̈ܲܚܡܲܝܟ ܥܛܝܼ ܚܛܵܗܲܝ̈. ܒ܀ ܐܲܣܓܵܐ ܐܲܫܝܼܓܲܝܢܝ ܡ̣ܢ ܥܵܘܠ̱ܝ. ܘܡ̣ܢ ܚܛܵܗܲܝ̈ ܕܲܟܵܢܝ. ܡܸܛܠ ܕܣܲܟ݂ܠ̱ܘܵܬ݂ܝ̈ ܝܵܕܲܥ̇ ܐ݇ܢܵܐ. ܘܲܚܛܵܗܲܝ̈ ܠܘܼܩܒܲܠ ܐܸܢܘܿܢ ܒܟ̣ܠܙܒܲܢ. ܕ܀

ܥܹܐܕ݂ܵܐ ܩܲܕܝܼܫܵܐ ܕܓܸܠܝܵܢܹܗ ܕܡܵܪܲܢ ܥܲܠ ܛܘܼܪ ܬܵܒ݂ܘܿܪ

(ܕܛܲܟ݁ܣܹܗ ܚܲܣܝܵܐ ܕܐܲܠܵܗܵܐ ܡܵܪܝ ܓܝܼܘܲܪܓܝܼܣ ܡܝܼܛܪܵܦܘܿܠܹܝܛܵܐ ܕܐܵܬ݂ܘܿܪ.)

ܙܘܼܡܵܪܵܐ. ܪ̈ܵܚܡܵܘܗܝ ܕܡܵܪܝܵܐ ܣܵܢܹ̇ܝܢ ܠܒ݂ܝܼܫܬܵܐ. ܘܢܵܛܲܪ ܢܲܦ̮̈ܫܵܬ݂ܵܐ ܕܙܲܕ݁ܝܼܩܵܘ̈ܗܝ. ܒ܀ ܢܘܼܗܪܵܐ ܕܲܕ݂ܢܲܚ̣ ܠܙܲܕ݁ܝܼܩܹ̈ܐ. ܘܠܲܬ݂ܪ̈ܝܼܨܲܝ ܠܸܒܵܐ ܚܲܕ݂ܘܼܬ݂ܵܐ. ܒ܀

ܚܲܕ݂ܒܫܲܒܵܐ ܕܚܲܡܫܵܐ ܕܩܲܝܛܵܐ

ܙܘܼܡܵܪܵܐ. ܒܪܵܥܝܹܗ. ܛܘܼܒ݂ܵܘܗܝ ܠܡܲܢ ܕܚܵܐܲܪ ܒܡܸܣܟܹ݁ܢܵܐ. ܒܝܵܘܡܵܐ ܕܒ݂ܝܼܫܬܵܐ ܢܦܲܠܛܝܼܘܗܝ ܡܵܪܝܵܐ. ܡܵܪܝܵܐ ܢܢܲܛܪܝܼܘܗܝ ܘܢܲܚܹܝܘܗܝ ܘܢܲܛܐܸܒ݂ ܠܹܗ ܒܐܲܪܥܵܐ. ܓ. ܀ ܘܠܵܐ ܢܲܫܠ̱ܡܝܼܘܗܝ ܠܲܒ݂ܥܸܠܕ݁ܒ݂ܵܒ݂ܵܘ̈ܗܝ. ܡܵܪܝܵܐ ܢܣܲܡܟ݂ܝܼܘܗܝ ܥܲܠ ܥܲܪܣܵܐ ܕܟܹܐܒ݂ܵܘ̈ܗܝ. ܒ܀

ܚܲܕ݂ܒ݁ܫܲܒܵܐ ܕܸܫܬܵܐ ܕܩܲܝܛܵܐ

ܙܘܼܡܵܪܵܐ. ܒܪܵܥܝܹܗ. ܥܵܒܹ̇ܕ݂ ܕܝܼܢܵܐ ܘܙܲܕ݁ܝܼܩܘܼܬ݂ܵܐ ܠܵܐ ܬܸܫܒ݁ܘܿܩܲܝܢܝ ܒܐܝܼܕ݂ܵܐ ܕܛܵܠܘܿܡܲܝ̈. ܒܲܣܸܡܲܝܗܝ ܠܥܲܒ݂ܕ݂ܵܟܼ ܒܛܵܒ݂ܵܬ݂̈ܵܐ ܘܠܵܐ ܢܸܥܫ̄ܩܘܼܢܵܢܝ ܫܲܒ݂ܗ̱ܪ̈ܵܢܹܐ. ܒ܀ ܥܲܝܢܲܝ̈ ܣܲܟ݁ܝܼ̈ ܠܦܘܼܪܩܵܢܵܟܼ ܘܲܠܡܹܐܡܪܵܐ ܕܙܲܕ݁ܝܼܩܘܼܬ݂ܵܟܼ. ܥܒܸܕ݂ ܠܥܲܒ݂ܕܵܟܼ ܐܲܝܟܼ ܪ̈ܲܚܡܲܝܟ ܘܐܲܠܸܦܲܝܢܝ ܢܵܡܘܿܣܵܟܼ. ܒ܀

ܥܪܘܼܒ݂ܬܵܐ ܕܫܸܬ݂ ܕܩܲܝܛܵܐ ܕܘܼܟ݂ܪܵܢܵܐ ܗ݇ܝ̣ ܕܪܲܒܲܢ ܝܵܘܣܸܦ ܒܘܼܣܢܵܝܵܐ: ܬܲܠܡܝܼܕܹܗ ܕܪܲܒܲܢ ܡܘܼܫܹܐ ܕܒܹܝܬ݂ ܨܲܝܵܪܹ̈ܐ. ܘܪܲܒܹܗ ܕܝܘܿܚܲܢܵܢ ܒܲܪ ܟ̣ܲܠܕܘܿܢ. ܘܒ݂ܵܗ̇ ܥܵܒ݂ܕ݁ܝܼܢ ܕܘܼܟ݂ܪܵܢܵܐ ܠܡܵܪܝ ܫܸܡܥܘܿܢ ܒܲܪ ܨܲܒܵܥܹ̈ܐ.

ܙܘܼܡܵܪܵܐ. ܒܲܠܥܵܠܲܡ ܐܲܢ݇ܬ݁ܘܼ. ܪܵܘܪ̈ܒ݂ܵܢܹܐ ܪܲܕ݂ܦܘܼܢ̣ܝ ܣܪܝܼܩܵܐܝܼܬ݂ ܘܡ̣ܢ ܡܸܠܬ݂ܵܟܼ ܕܚܸܠ̣ ܠܹܒ݁ܝ. ܚܕ݂ܝܼܬ݂ ܒܡܹܐܡܪܵܟܼ ܐܲܝܟܼ ܗܵܘ̇ ܕܐܸܫ̣ܟܲܚ ܒܸܙܬ݂ܵܐ ܣܲܓ݁ܝܼܐܬ݂ܵܐ. ܒ܀ ܥܵܘ̣ܠܵܐ ܣܢܹܝܬ݂ ܘܐܲܣܠ̇ܝܼܬ݂ ܘܢܵܡܘܿܣܵܟܼ ܪܸܚܡܹ̇ܬ݂. ܫܒܲܥ ܒܝܵܘܡܵܐ ܫܲܒܲܚܬܵܟܼ ܥܲܠ ܕܝܼܢܲܝ̈ܟ ܙܲܕ݁ܝܼܩܵܐ. ܒ܀

ܚܲܕ݂ܒ݁ܫܲܒܵܐ ܕܫܲܒ݂ܥܵܐ ܕܩܲܝܛܵܐ

ܙܘܼܡܵܪܵܐ. ܒܫܘܼܚܠܵܦ ܟܵܗܢܲܝ̈ܟ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܒ݂ܵܟ݂ܘܼ ܡܣܲܒ݁ܪܵܐ ܢܲܦ̮ܫܝ. ܘܲܒ݂ܛܸܠܵܠܵܐ ܕܟܸܢܦܲܝ̈ܟ ܐܸܣܬܲܬܲܪ. ܒ܀ ܐܸܩܪܸܐ ܠܐܲܠܵܗܵܐ ܡܪܲܝܡܵܐ ܘܠܲܐܠܵܗܵܐ ܦܵܪܘܿܩܝ. ܕܫܲܕܲܪ ܡ̣ܢ ܫܡܲܝܵܐ ܘܦܲܪܩܲܢ̣ܝ. ܘܚܲܣܸܕ݂ ܠܲܒ݂ܥܸܠܕ݁ܒ݂ܵܒܲܝ̈. ܓ܀

ܥܪܘܼܒ݂ܬܵܐ ܕܫܘܼܠܵܡ ܫܵܒ݂ܘܿܥܵܐ ܕܩܲܝܛܵܐ ܘܕܘܼܟ݂ܪܵܢܵܐ ܗ݇ܝ̣ ܕܡܵܪܝ ܩܲܪܕܵܓ݂ ܣܵܗܕܵܐ ܢܲܨܝܼܚܵܐ.

ܐܸܢ ܨܵܒܹܝܬ݁ ܫܲܡܸܫ ܛܲܟ݂ܣܵܐ ܕܡܵܪܝ ܓܝܼܘܲܪܓ݁ܝܼܣ ܣܵܗܕܵܐ (ܚܙܝ ܠܥܠ)

ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܐܹܠܝܼܵܐ

ܙܘܼܡܵܪܵܐ. ܒܪܵܥܝܹܗ. ܙܡܲܪܘ ܠܡܵܪܝܵܐ ܕܲܪܟ݂ܝܼܒ݂ ܒܲܫܡܲܝ̈ ܫܡܲܝܵܐ. ܡ̣ܢ ܡܲܕ݂ܢ̱ܚܵܐ ܝܲܗ̣݇ܒ݂ ܩܵܠܹܗ ܩܵܠܵܐ ܥܲܫܝܼܢܵܐ. ܒ܀ ܕܥܘܼܫܢܹܗ ܒܲܫܡܲܝ̈ ܫܡܲܝܵܐ. ܕܚܝܼܠܲܬ݁ ܐܲܠܵܗܵܐ ܡ̣ܢ ܡܲܩܕ݁ܫܵܟܼ. ܐܲܠܵܗܹܗ ܕܝܼܣܪܵܝܹܠ. ܗܘ̤ ܢܸܬܸ݁ܠ ܚܲܝܠܵܐ ܘܥܘܼܫܢܵܐ ܠܥܲܡܹܗ ܒܪܝܼܟ݂ܘܼ ܐܲܠܵܗܵܐ. ܕ܀

ܥܪܘܼܒ݂ܬܵܐ ܩܲܕ݂ܡܵܝܬܵܐ ܕܐܹܠܝܼܵܐ ܘܕ݂ܘܼܟ݂ܪܵܢܵܐ ܗ݇ܝ ܕܡܵܪܝ ܦܵܦܵܐ ܩܵܬ݂ܘܿܠܝܼܩܵܐ. ܫܲܡܸܫ ܕܚܲܕ݂ ܦܲܪܨܘܿܦܵܐ. (ܚܙܝ ܠܥܠ)

ܚܲܕ݂ܒܫܲܒܵܐ ܕܲܬ݂ܪܹܝܢ ܕܐܹܠܝܼܵܐ

ܙܘܼܡܵܪܵܐ. ܫܘܼܚܠܵܦ ܟܵܗܢܲܝ̈ܟ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܕ݂ܵܫܲܢ̣ܝ ܒܲܪܢܵܫܵܐ. ܝܵܘܡܵܐ ܟܠܹܗ ܩܪܲܒ݂ܬ݂ܵܢܵܐ ܐܲܠ̣ܨܲܢܝ. ܒ܀ ܕܵܫ̣ܘܼܢܝ ܒܥܸܠܕ݁ܒ݂ܵܒܲܝ̈ ܟܠܹܗ ܝܵܘܡܵܐ. ܘܡܸܛܠ ܣܘܿܓ݂ܐܵܐ ܕܲܩܪ̈ܲܒ݂ܬ݂ܵܢܹܐ ܐܸܬ݁ܬ݁ܪܝܼܡܘ ܥܠܲܝ. ܒ܀

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܐܹܠܝܼܵܐ

ܙܘܼܡܵܪܵܐ. ܒܲܠܥܵܠܲܡ ܐܲܢ݇ܬ݁ܘܼ. ܐܝܼܕܲܝ̈ܟ ܥܲܒ݂̈ܕܵܢܝ ܘܐܲܬ݂ܩ̈ܢܵܢܝ ܐܲܠܸܦܲܝܢܝ ܢܵܡܘܿܣܵܟܼ. ܕܢܸܚܙܘܿܢ ܕܵܚܠܲܝ̈ܟ ܘܢܸܚܕ݁ܘܿܢ ܕܲܠܡܸܠܬ݂ܵܟܼ ܣܲܒ݁ܪܹܬ݂. ܒ܀ ܝܸܕ݂ܥܹ̇ܬ݂ ܕܙܲܕܝܼܩܝܼܢ ܐܸܢܘܿܢ ܕܝܼܢܲܝ̈ܟ ܡܵܪܝܵܐ ܘܗܲܝܡܵܢܘܼܬ݂ܵܟܼ ܡܲܟܸܟ݂ܬ̣ܲܢܝ. ܢܸܗܘܘܿܢ ܪ̈ܲܚܡܲܝܟ ܠܒ݂ܘܼܝܵܐܝ ܐܲܝܟܼ ܕܐܸܡܲܪܬ݁ ܠܥܲܒ݂ܕܵܟܼ. ܒ܀

ܥܹܐܕ݂ܵܐ ܕܲܨܠܝܼܒ݂ܵܐ ܣܓ݂ܝܼܕ݂ܵܐ

ܙܘܼܡܵܪܵܐ. ܪܹܫ ܣܝܼܥܬܵܐ. ܨܠܝܼܒ݂ܵܟܼ ܐܲܡ̣ܠܸܟܼ ܒܲܫܡܲܝܵܐ. ܘܲܨܠܝܼܒ݂ܵܟܼ ܐܲܡ̣ܠܸܟܼ ܒܐܲܪܥܵܐ. ܘܲܨܠܝܼܒ݂ܵܟܼ ܟܲܠܸܠ̣ ܐܸܢܘܿܢ. ܠܟܸܢܫܹ̈ܐ ܕܐܵܘܕ݁ܝܼܘ ܒܲܨܠܝܼܒ݂ܵܟܼ. ܕ܀ ܩܲܕ݁ܝܼܫܵܐ ܐܲܠܵܗܵܐ. ܩܲܕ݁ܝܼܫܵܐ ܚܲܝܠ̱ܬ݂ܵܢܵܐ. ܩܲܕ݁ܝܼܫܵܐ ܠܵܐ ܡܵܝܘܿܬ݂ܵܐ. ܐܸܬ݂ܪܲܚܲܡܥܠܲܝܢ. ܕ܀

ܚܲܕ݂ܒ݁ܫܲܒܵܐ. ܐ. ܕܲܨܠܝܼܒ݂ܵܐ. ܕ. ܕܐܹܠܝܼܵܐ

ܙܘܼܡܵܪܵܐ. ܡܵܪܝܵܐ ܐܲܡ̣ܠܸܟܼ ܘܓܲܐܝܘܼܬ݂ܵܐ ܠܒܸܫ̣. ܠܒܸܫ̣ ܡܵܪܝܵܐ ܥܘܼܫܢܵܐ ܘܐܸܬ݂ܥܲܫܲܢ. ܒ܀ ܘܐܲܬ݂ܩ̄ܢܵܗ̇ ܠܬܹܒܹܝܠ ܕܠܵܐ ܬܙܘܼܥ. ܡܲܬ݂ܩܲܢܘܼ ܟܘܼܪܣܝܵܟܼ ܡ̣ܢ ܩܕ݂ܝܼܡ. ܘܡ̣ܢ ܥܵܠܲܡ ܐܲܢ݇ܬ݁ܘܼ. ܓ܀

ܚܲܕ݂ܒ݁ܫܲܒܵܐ. ܒ. ܕܲܨܠܝܼܒ݂ܵܐ. ܗ. ܕܐܹܠܝܼܵܐ

ܙܘܼܡܵܪܵܐ. ܫܘܼܚܠܵܦ ܛܘܼܒܲܝܗܘܿܢ. ܐܵܘܕܵܘ ܠܡܵܪܝܵܐ ܕܛܵܒ݂ܘܼ ܘܲܠܥܵܠܲܡ ܪ̈ܲܚܡܵܘܗܝ. ܐܵܘܕܵܘ ܠܐܲܠܵܗ ܐܲܠܵܗܝܼ̈ܢ ܕܲܠܥܵܠܲܡ ܪ̈ܲܚܡܵܘܗܝ. ܒ܀ ܠܕܲܥ̣ܒܲܕ݂ ܫܡܲܝܵܐ ܒܚܸܟ݂ܡ̱ܬܹܗ ܕܲܠܥܵܠܲܡ ܪ̈ܲܚܡܵܘܗܝ. ܠܕܲܪܩܲܥ̣ ܐܲܪܥܵܐ ܥܲܠ ܡܲܝܵܐ ܕܲܠܥܵܠܲܡ ܪ̈ܲܚܡܵܘܗܝ. ܒ܀

ܚܲܕ݂ܒ݁ܫܲܒܵܐ. ܓ. ܕܲܨܠܝܼܒ݂ܵܐ. ܘ. ܕܐܹܠܝܼܵܐ

ܙܘܼܡܵܪܵܐ. ܒܛܘܼܒܲܝܗܘܿܢ. ܡܵܪܝܵܐ ܢܸܪܥܹܝܢܝ ܘܡܸܕܸܡ ܠܵܐ ܢܚܲܣܲܪ ܠܝܼ. ܘܥܲܠ ܡܲܪ̈ܓ݂ܹܐ ܕܥܘܼܫܢܵܐ ܢܲܫܪܹܝܢܝ. ܘܥܲܠ ܡܲܝ̈ܵܐ ܢܝܼܚܹ̈ܐ ܢܕܲܒ݁ܪܲܢܝ. ܓ܀ ܢܲܦ̮ܫܝ ܐܲܦܢ̣ܝܼ ܘܕܲܒ݁ܪܲܢܝ ܒܲܫܒ݂ܝܼܠܲܝ̈ ܩܘܼܫܬܵܐ. ܡܸܛܠ ܫܡܵܟܼ ܐܵܦܸܢ ܐܹܗܲܠܸܟܼ. ܒܢܲܚܠܲܝ̈ ܛܸܠܵܠܲܝ̈ ܡܵܘܬܵܐ. ܓ܀

ܚܲܕ݂ܒ݁ܫܲܒܵܐ. ܕ. ܕܲܨܠܝܼܒ݂ܐ. ܙ. ܕܐܹܠܝܼܵܐ

ܙܘܼܡܵܪܵܐ. ܫܘܼܚܠܵܦ ܟܵܗܢܲܝ̈ܟ. ܪܲܚܸܡܥܠܲܝ ܐܲܠܵܗܵܐ ܡܸܛܠ ܕܒ݂ܵܟ݂ܘܼ ܡܣܲܒ݁ܪܵܐ ܢܲܦ̮ܫܝ. ܘܲܒ݂ܛܸܠܵܠܵܐ ܕܟܸܢܦܲܝ̈ܟ ܐܸܣܬܲܬܲܪ. ܒ܀ ܐܸܩܪܸܐ ܠܐܲܠܵܗܵܐ ܡܪܲܝܡܵܐ ܘܠܲܐܠܵܗܵܐ ܦܵܪܘܿܩܝ. ܕܫܲܕܲܪ ܡ̣ܢ ܫܡܲܝܵܐ ܘܦܲܪܩܲܢ. ܘܚܲܣܸܕ݂ ܠܲܒ݂ܥܸܠܕܒ݂ܵܒܲܝ̈. ܓ܀

ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܡܵܪܝ ܡܘܼܫܹܐ

ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܡܵܪܝ ܡܘܼܫܹܐ

ܙܘܼܡܵܪܵܐ. ܒܲܨܠܝܼܒܼܵܟܼ. ܐܵܘܕܸ݁ܐ ܠܵܟܼ ܕܲܥ̣ܢܲܝܬܵܢܝ. ܘܲܗ̤ܘܲܝܬ݁ ܠܝܼ ܦܵܪܘܿܩܵܐ. ܟܹܐܦܵܐ ܕܐܲܣ̣ܠܝܼܘ ܒܲܢܵܝܹ̈ܐ. ܗ̤ܝ ܗܘ̤ܵܬ݂ ܠܪܹܫܹܗ ܕܒܸܢܝܵܢܵܐ. ܕ܀ ܗܵܢܵܘ ܝܵܘܡܵܐ ܕܲܥ̣ܒܲܕ݂ ܡܵܪܝܵܐ. ܬܵܘ ܢܕ݂ܘܼܨ ܘܢܸܚܕܸ݁ܐ ܒܹܗ. ܐܘܿ ܡܵܪܝܵܐ ܦܪܘܿܩܲܝܢܝ ܐܘܿ ܡܵܪܝܵܐ ܦܲܨܵܢܝ. ܒܪܝܼܟ݂ܘܼ ܕܐܵܬ݂ܹܐ ܒܲܫܡܹܗ ܕܡܵܪܝܵܐ. ܕ܀

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܡܵܪܝ ܡܘܼܫܹܐ

ܙܘܼܡܵܪܵܐ. ܒܲܫܡܲܝܵܐ ܡܸܫܬܲܥܹܝܢ. ܙܡܲܪܘ ܠܡܵܪܝܵܐ ܒܟܸܢܵܪܹ̈ܐ ܘܲܒ݂ܩܵܠܵܐ ܕܲܙܡܵܪܵܐ. ܘܲܒ݂ܩܵܠܵܐ ܕܩܲܪ̈ܢܵܬ݂ܵܐ ܫܲܒܲܚܘ ܩܕ݂ܵܡ ܡܲܠܟܵܐ ܡܵܪܝܵܐ. ܒ܀ ܢܙܘܼܥ ܝܲܡܵܐ ܒܲܡܠܹܐܹܗ. ܬܹܒܹܝܠ ܘܥܵܡܘܿܪܹ̈ܗ̇. ܒ܀

ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܡܵܪܝ ܡܘܼܫܹܐ

ܙܘܼܡܵܪܵܐ. ܒܲܠܥܵܠܲܡ ܐܲܢ݇ܬ݁ܘܼ. ܐܝܼܕܲܝ̈ܟ ܥܲܒ݂ܕܵܢܝ̈ ܘܐܲܬ݂ܩܢܵܢܝ̈ ܐܲܠܸܦܲܝܢܝ ܢܵܡܘܿܣܵܟܼ. ܕܢܸܚܙܘܿܢ ܕܵܚܠܲܝ̈ܟ ܘܢܸܚܕ݁ܘܿܢ ܕܲܠܡܸܠܬ݂ܵܟܼ ܣܲܒ݁ܪܹܬ݂. ܒ܀ ܝܸܕ݂ܥܹ̇ܬ݂ ܕܙܲܕ݁ܝܼܩܝܼܢ ܐܸܢܘܿܢ ܕܝܼܢܲܝ̈ܟ ܡܵܪܝܵܐ ܘܗܲܝܡܵܢܘܼܬ݂ܵܟܼ ܡܲܟܸ݁ܟ݂ܬ݂ܲܢܝ. ܢܸܗܘܘܿܢ ܪ̈ܲܚܡܲܝܟ ܠܒ݂ܘܼܝܵܐܝ ܐܲܝܟܼ ܕܐܸܡܲܪܬ݁ ܠܥܲܒ݂ܕܵܟܼ. ܒ܀

ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܩܘܼܕܵܫ ܥܹܕ݁ܬܵܐ

ܙܘܼܡܵܪܵܐ. ܒܩܵܠ ܪܵܥܝܹܗ. ܡܵܐ ܚܲܒ݁ܝܼܒ݂ܝܼܢ ܡܲܫܟ݁ܢܲܝ̈ܟ ܡܵܪܝܵܐ ܚܲܝܠ̱ܬ݂ܵܢܵܐ. ܣܲܟ݁ܝܲܬ̤ ܢܲܦ̮ܫܝ ܘܐܸܬ݂ܪܲܓ݂ܪ̱ܓܲܬ̤ ܠܕ݂ܵܖ̈ܵܘܗܝ ܕܡܵܪܝܵܐ. ܒ܀ ܪܲܒ݁ܝܼܘ ܦܲܖ̈ܘܼܓܼܹܐ ܥܲܠ ܓܹܢ݇ܒ݂ ܡܲܕ݂ܒ݁ܚܵܟܼ ܡܵܪܝܵܐ ܚܲܝܠ̱ܬ݂ܵܢܵܐ. ܡܲܠܟ݁ܝ ܘܐܲܠܵܗܝ ܛܘܼܒܲܝܗܘܿܢ ܠܲܕ݂ܥܵܡ̇ܪܝܼܢ ܒܒܲܝܬܵܟܼ. ܒ܀

ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܩܘܼܕܵܫ ܥܹܕ݁ܬܵܐ

ܙܘܼܡܵܪܵܐ. ܪܹܫ ܣܝܼܥܬܵܐ. ܫܲܒܲܚܝ ܐܘܿܪܸܫܠܸܡ ܠܡܵܪܝܵܐ. ܫܲܒܲܚܝ ܠܐܲܠܵܗܹܟ݂ܝ ܨܸܗܝܘܿܢ. ܒ܀ ܡܸܛܠ ܕܐܲܥ̣ܫܸܢ ܡܘܼܟ݂ܠܹܝ̈ܗ̇ ܕܬܲܖ̈ܥܲܝܟ݁ܝ. ܘܒܲܪܸܟ݂ܝ ܠܲܒ݂ܢܲܝ̈ܟ݁ܝ ܒܓ݂ܵܘܹܟ݂ܝ. ܘܣ̣ܵܡ ܬܚܘܼܡܲܝ̈ܟ݁ܝ ܒܲܫܠܵܡܵܐ. ܓ܀

ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܩܘܼܕܵܫ ܥܹܕ݁ܬܵܐ

ܙܘܼܡܵܪܵܐ. ܒܟ̣ܵܗܢܲܝ̈ܟ. ܡܲܬ݂ܩܢܵܐ ܠܡܵܘܬ݁ܒ݂ܵܟܼ ܥ̣ܒܲܕ݁ܬ݁ ܡܵܪܝܵܐ ܡܲܩܕ݁ܫܵܟܼ. ܡܵܪܝܵܐ ܬܲܩܸܢܲܝܗܝ ܒܐܝܼܕܲܝ̈ܟ. ܡܵܪܝܵܐ ܢܲܡܠܸܟܼ ܠܥܵܠܲܡ ܥܵܠܡܝܼܢ. ܓ܀ ܡܫܲܒܲܚ ܒܲܡܪ̈ܵܘܡܹܐ ܡܵܪܝܵܐ. ܘܣܵܗ̈ܕ݁ܘܵܬ݂ܵܟܼ ܛܵܒ̣ ܡܗܲܝܡ̈ܢܵܢ. ܘܲܠܒܲܝܬܵܟܼ ܝܵܐ̇ܝܵܐ ܩܲܕ݁ܝܼܫܘܼܬ݂ܵܐ. ܡܵܪܝܵܐ ܠܢܘܼܓ݂ܪܵܐ ܕܝܵܘ̈ܡܵܬ݂ܵܐ. ܕ܀

ܕܘܼܟ݂ܪܵܢܵܐ ܕܡܵܪܝ ܝܲܥܩܘܿܒ݂ ܡܦܲܣܩܵܐ

ܙܘܼܡܵܪܵܐ. ܒܫܲܒܲܚܝ ܐܘܿܪܸܫܠܸܡ. ܡܵܪܝܵܐ ܡܲܢ̣ܘܼ ܢܸܥܡܲܪ ܒܡܲܫܟ݁ܢܵܟܼ. ܘܡܲܢ̣ܘܼ ܢܸܫܪܸܐ ܒܛܘܼܪܵܟܼ ܩܲܕܝܼܫܵܐ. ܒ܀ ܐܲܝܢܵܐ ܕܲܡܗܲܠܸܟܼ ܕܠܵܐ ܡܘܼܡ ܘܥܵܒܹܕ݂ ܙܲܕܝܼܩܘܼܬ݂ܵܐ. ܘܲܡܡܲܠܸܠ ܩܘܼܫܬܵܐ ܒܠܸܒܹ݁ܗ ܘܠܵܐ ܢܲܟ݁ܘܼܠܬ݂ܵܢ ܒܠܸܫܵܢܹܗ. ܒ܀

ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܩܘܼܕܵܫ ܥܹܕ݁ܬܵܐ

ܙܘܼܡܵܪܵܐ. ܫܘܼܚܠܵܦ ܛܘܼܒܲܝܗܘܿܢ. ܫܡܲܥܝ ܒܪܲܬ݂ܝ ܘܲܚܙܵܝ ܘܲܨܠܵܝ ܐܸܕ݂ܢܹܟ݂ܝ. ܘܲܛܥܵܝ ܥܲܡܹܟ݂ܝ ܘܒܹܝܬ݂ ܐܲܒ݂ܘܼܟ݂ܝ. ܕܢܸܬ݂ܪܲܓ݂ܪܲܓ݂ ܡܲܠܟܵܐ ܠܫܘܼܦܪܹܟ݂ܝ. ܓ܀ ܟܠܹܗ ܫܘܼܒ݂ܚܵܐ ܕܒܲܪ݇ܬ݂ ܡܲܠܟܵܐ ܡ̣ܢ ܠܓ݂ܵܘ. ܘܲܡܨܲܒܲܬ݂ ܠܒ݂ܘܫܵܗ̇ ܒܕܲܗܒ݂ܵܐ ܛܵܒ݂ܵܐ. ܒܩܘܼܪ̈ܒܵܢܹܐ ܬܹܐܙܲܠ ܠܡܲܠܟܵܐ. ܘܢܵܘܒ݁ܠܘܼܢ ܒܬ݂ܘܼ̈ܠܵܬ݂ܵܐ ܚܲܒ̣ܪ̈ܵܬ݂ܵܗ̇ ܒܵܬ݂ܪܵܗ̇. ܕ܀