ܟܬ݂ܒ݂ܐ ܕܕܝܘܦܛܟ݂ܝܢ

ܗܵܢܵܘ ܕܹܝܢ: ܣܦܲܪ ܚܲܝܹ̈ܐ ܘܡܝܼܬܹ̈ܐ. ܩܲܕ݂ܡܵܐܝܼܬ݂ ܣܦܲܪ ܚܲܝܹ̈ܐ.

ܡܵܐ ܕܐܵܡ̇ܪܝܼܢ ܗܲܒ݂ ܫܠܵܡܵܐ ܚܲܕ݂ ܠܚܲܕ݂܀ ܘܲܚܠܵܦ ܟܠܗܘܿܢ. ܡܲܩܸܦ ܟܵܗܢܵܐ. ܢܨܲܠܸܐ ܘܢܸܒ݂ܥܸܐ ܡ݂ܢ ܐܲܠܵܗܵܐ ܡܵܪܹܟ݁ܠ: ܥܲܠ ܫܲܝܢܵܐ ܕܥܸܕܬܵܐ ܩܲܕܝܼܫܬܵܐ ܩܵܬ݂ܘܿܠܝܼܩܝܼ:  ܕܲܬ݂ܢܵܢ ܘܕܲܒ݂ܟ݂ܠ ܐܲܬܲܪ܀ ܥܲܠ ܐܲܒ݂ܵܗܲܝ̈ܢ ܩܲܕܝܼܫܹ̈ܐ ܡܵܪܝ ܦܠܵܢ ܩܵܬ݂ܘܿܠܝܼܩܵܐ ܦܵܛܲܪܝܲܪܟ݁ܝܼܣ: ܘܡܵܪܝ ܦܠܵܢ ܐܲܦܸܣܩܘܿܦܵܐ ܡܝܼܛܪܵܦܘܿܠܹܝܛܝܼܣ܀ ܘܥܲܠ ܐܲܒ݂ܵܗܲܝ̈ܢ ܐܲܦܸܣܩܘܿܦܹ̈ܐ ܐܲܝܠܹܝܢ ܕܐܝܼܬܲܝܗܘܿܢ ܒܚܲܝܹ̈ܐ ܗܵܠܹܝܢ܀ ܘܥܲܠ ܩܲܫܝܼܫܹ̈ܐ ܘܲܡܫܲܡܫܵܢܹ̈ܐ ܘܗܹܘܦܲܬ݂ܝܲܩܢܹ̈ܐ ܘܩܵܪ̈ܘܿܝܹܐ ܘܕܲܒ݂ܢܲܝ̈ ܩܝܵܡܵܐ. ܘܕܲܒ݂ܢܲܝ̈ ܥܵܠܡܵܐ. ܡܗܲܝܡܢܹ̈ܐ ܘܲܡܗܲܝܡ̈ܢܵܬ݂ܵܐ: ܓܲܒ݂ܪܹ̈ܐ ܘܢܸܫܹ̈ܐ: ܘܲܕ݂ܓܲܕܘܼܕܹ̈ܐ ܘܲܒ݂ܬ݂̈ܘܼܠܵܬ݂ܵܐ ܘܲܕ݂ܝܲܬ݂ܡܹ̈ܐ ܘܕܲܐܪ̈ܡܠܵܬ݂ܵܐ: ܐܲܝܠܹܝܢ ܕܒܲܫܡܵܐ ܛܵܒ݂ܵܐ ܘܲܒ݂ܕ݂ܘܼܒܵܪܹ̈ܐ ܫܲܦܝܼܪܹ̈ܐ ܡܸܬ݁ܕܲܒܪܝܼܢ ܒܥܵܠܡܵܐ ܗܵܢܵܐ܀ ܘܥܲܠ ܫܲܝܢܵܐ ܕܡܲܠܟܹ̈ܐ ܘܲܕ݂ܫܲܠܝܼܛܵܢܹ̈ܐ ܕܥܵܠܡܵܐ ܗܵܢܵܐ܀ ܘܥܲܠ ܟܠܗܘܿܢ ܐܲܝܠܹܝܢ ܕܐܝܼܬܲܝܗܘܿܢ ܒܐܘܼܠܨܵܢܹ̈ܐ ܘܒܲܪ̈ܕ݂ܘܼܦܝܹܐ ܥܲܠ ܐܲܦܲܝ̈ ܕܸܚܠܲܬ݂ ܐܲܠܵܗܵܐ܀ ܘܥܲܠ ܫܲܝܢܵܐ ܕܥܸܕܬܵܐ ܩܲܕܝܼܫܬܵܐ ܩܵܬ݂ܘܿܠܝܼܩܝܼ ܕܲܒ݂ܟ݂ܠܹܗ ܥܵܠܡܵܐ. ܘܥܵܢܹܝܢ ܡܫܲܡܫܵܢܹ̈ܐ. ܕܐܲܠܵܗܵܐ ܒܲܚܢܵܢܹܗ ܢܸܣܥܘܿܪ ܠܟ݂ܠܗܘܿܢ ܬܸܓ݂ܡܹ̈ܐ ܕܐܝܼܬ݂ ܒܵܗ݁: ܒܐܲܝܠܹܝܢ ܕܲܡܥܲܕܪ̈ܵܢ ܠܦܲܓ݂ܪܵܐ ܘܲܠܢܲܦ̮ܫܵܐ: ܒܛܲܝܒ݁ܘܼܬܹܗ ܘܲܒ݂ܪ̈ܲܚܡܵܘܗܝ ܠܥܵܠܡܝܼܢ ܐܵܡܹܝܢ܀ ܣܦܲܪ ܡܝܼܬܹ̈ܐ. ܢܨܲܠܸܐ ܘܢܸܒ݂ܥܸܐ ܡ݂ܢ ܐܲܠܵܗܵܐ ܡܵܪܹܟ݁ܠ: ܥܲܠ ܕܘܼܟ݂ܪܵܢܵܐ ܕܟ݂ܠܗܘܿܢ ܐܲܒ݂ܵܗܵܬ݂ܵܐ ܟܹܐܢܹ̈ܐ ܘܙܲܕܝܼܩܹ̈ܐ ܕܲܫܦܲܪܘ ܩܕ݂ܵܡܵܘܗܝ܀ ܘܥܲܠ ܕܘܼܟ݂ܪܵܢܵܐ ܕܐܵܕ݂ܵܡ ܘܗܵܒܹܝܠ ܘܫܹܝܬ݂ ܘܐܵܢܘܿܫ. ܘܢܘܿܚ ܘܫܹܝܡ ܘܟ݂ܠܗܘܿܢ ܟܹܐܢܹ̈ܐ܀ ܘܕܲܐܒ݂ܪܵܗܵܡ ܘܕܐܝܼܣܚܵܩ ܘܝܲܥܩܘܿܒ݂ ܘܝܵܘܣܸܦ ܘܟ݂ܠܗܘܿܢ ܡܗܲܝܡܢܹ̈ܐ܀ ܘܲܕ݂ܡܲܠܟ݁ܝܼܙܕܸܩ ܘܐܲܗܪܘܿܢ ܘܲܙܟܲܪܝܵܐ ܘܟ݂ܠܗܘܿܢ ܟܵܗܢܹ̈ܐ܀ ܘܲܕ݂ܡܘܼܫܹܐ ܘܲܫܡܘܼܐܹܝܠ ܘܕ݂ܵܘܝܼܕ݂ ܘܢܵܬܵܢ ܘܟ݂ܠܗܘܿܢ ܢܒ݂ܝܼܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܛܘܼܒ݂ܵܢܝܼܬ݂ܵܐ ܒܬ݂ܘܼܠܬܵܐ ܩܲܕܝܼܫܬܵܐ ܐܸܡܹܗ ܕܲܡܫܝܼܚܵܐ ܦܵܪܘܿܩܲܢ ܘܡܲܚܝܵܢܲܢ܀ ܘܲܕ݂ܡܵܪܝ ܝܘܿܚܲܢܵܢ ܡܲܥܡܕܵܢܵܐ ܐܝܼܙܓܲܕܹܗ ܕܲܡܫܝܼܚܵܐ ܦܵܪܘܿܩܲܢ܀ ܘܲܕ݂ܦܵܛܪܘܿܣ ܘܦܵܘܠܘܿܣ ܘܡܲܬܲܝ ܘܡܵܪܩܘܿܣ ܘܠܘܼܩܵܐ ܘܝܘܿܚܲܢܵܢ ܘܟ݂ܠܗܘܿܢ ܫܠܝܼܚܹ̈ܐ. ܘܲܕ݂ܡܵܪܝ ܬܐܘܿܡܵܐ ܘܲܕ݂ܡܵܪܝ ܐܲܕܲܝ ܘܡܵܪܝ ܡܵܐܪܝܼ ܫܠܝܼܚܹ̈ܐ: ܕܗܸܢܘܿܢ ܗܘ̤ܵܘ ܡܬܲܠܡܕ݂ܵܢܹ̈ܐ ܕܲܦܢܝܼܬ݂ܵܐ ܗܵܕܹܐ ܕܡܲܕ݂ܢܚܵܐ܀ ܘܕܐܸܣܛܲܦܵܢܘܿܣ ܒܘܼܟ݂ܪܵܐ ܕܣܵܗܕܹ̈ܐ ܘܲܕ݂ܟ݂ܠܗܘܿܢ ܣܵܗܕܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܐܲܒ݂ܵܗܲܝ̈ܢ ܩܲܕܝܼܫܹ̈ܐ ܬܠܵܬ݂ܡܵܐܐ ܘܲܬ݂ܡܲܢܬܲܥܣܲܪ ܐܲܦܸܣܩܘܿܦܹ̈ܐ ܕܐܸܬ݂ܟܲܢܲܫܘ ܒܢܝܼܩܝܼܵܐ ܡܕ݂ܝܼܢ݇ܬܵܐ ܠܩܘܼܝܵܡܵܐ ܕܗܲܝܡܵܢܘܼܬ݂ܵܐ ܫܲܪܝܼܪܬܵܐ܀ ܘܥܲܠ ܕܘܼܟ݂ܪܵܢܵܐ ܕܫܸܡܥܘܿܢ ܘܫܵܗܕܘܿܣܬ݁ ܘܐܲܪܒܲܥܫܡܝܼܢ ܘܒ݂ܵܒܲܝ. ܘܐܲܒ݂ܵܐ ܘܝܼܫܘܿܥܝܲܗ݇ܒ݂ ܩܵܬ݂ܘܿܠܝܼܩܵܐ ܘܲܕܦܵܦܵܐ ܘܐܲܒܪܝܼܣ ܘܐܲܒ݂ܪܵܗܵܡ ܘܝܲܥܩܘܿܒ݂ ܘܐܲܚܵܐ ܕܐܲܒ݂ܘܼܗܝ. ܘܬ݂ܘܼܡܲܪܨܵܐ ܘܫܲܚܠܘܼܦܵܐ. ܘܩܲܝܘܼܡܵܐ ܘܐܝܼܣܚܵܩ ܘܐܲܚܝܼ. ܘܝܲܗ݇ܒ݂ܐܲܠܵܗܵܐ ܘܕ݂ܕܝܼܫܘܿܥ ܘܐܵܩܵܩ ܘܒܵܒܲܝ. ܘܫܝܼܠܵܐ ܘܦܵܘܠܘܿܣ ܘܲܫܡܘܼܐܹܝܠ ܘܥܲܒ݂ܕܝܼܫܘܿܥ. ܘܣܲܒ݂ܪܝܼܫܘܿܥ. ܘܲܓ݂ܪܝܼܓ݂ܘܿܪ. ܘܝܼܫܘܿܥܝܲܗ݇ܒ݂. ܘܡܵܪܝ ܐܸܡܹܗ ܘܓ݂ܝܼܘܲܪܓ݂ܝܼܣ. ܘܝܘܿܚܲܢܵܢ. ܘܲܚܢܵܢܝܼܫܘܿܥ ܘܛܝܼܡܵܬܹܐܘܿܣ ܘܝܼܫܘܿܥܒܲܪܢܘܿܢ. ܘܓ݂ܝܼܘܲܪܓ݂ܝܼܣ ܘܣܲܒ݂ܪܝܼܫܘܿܥ ܘܐܲܒ݂ܪܵܗܵܡ ܘܬܹܐܕܵܣܝܼܣ ܘܣܲܪܓܝܼܣ. ܘܐܵܢܘܿܫ ܘܝܘܿܚܲܢܵܢ ܘܝܘܿܐܵܢܝܼܣ ܘܝܘܿܚܲܢܵܢ ܘܐܲܒ݂ܪܵܗܵܡ. ܘܥܲܡܵܢܘܼܐܹܝܠ. ܘܝܼܣܪܵܝܹܠ ܘܥܲܒ݂ܕܝܼܫܘܿܥ ܘܡܵܐܪܝܼ ܘܝܘܿܐܵܢܝܼܣ ܘܝܘܿܚܲܢܵܢ ܘܝܼܫܘܿܥܝܲܗܒ݂. ܘܐܹܠܝܼܵܐ. ܘܝܘܿܚܲܢܵܢ. ܘܣܲܒ݂ܪܝܼܫܘܿܥ. ܘܥܲܒ݂ܕܝܼܫܘܿܥ. ܘܝܼܫܘܿܥܝܲܗܒ݂. ܘܡܲܟ݁ܝܼܟ݂ܵܐ. ܘܐܹܠܝܼܵܐ. ܘܒܲܪܨܵܘܡܵܐ. ܘܥܲܒ݂ܕܝܼܫܘܿܥ. ܘܝܼܫܘܿܥܝܲܗܒ݂. ܘܐܹܠܝܼܵܐ ܘܝܲܗܒ݂ܐܲܠܵܗܵܐ ܘܣܲܒ݂ܪܝܼܫܘܿܥ ܘܡܲܟ݁ܝܼܟ݂ܵܐ ܘܕܸܢܚܵܐ ܘܐܹܠܝܼܵܐ ܘܫܸܡܥܘܿܢ ܘܕܸܢܚܵܐ. ܘܲܕ݂ܟ݂ܠܗܘܿܢ ܩܵܬ݂ܘܿܠܝܼܩܹ̈ܐ ܦܵܛܲܪܝܵܪ̈ܟܹ݁ܐ ܕܲܥܢܲܕ݂ܘ ܡ݂ܢ ܦܢܝܼܬ݂ܵܐ ܗܵܕܹܐ ܕܡܲܕ݂ܢܚܵܐ܀

ܘܥܲܠ ܕܘܼܟ݂ܪܵܢܵܐ ܕܲܣܠܝܼܡܘܼܬ݂ ܘܐܲܕܘܿܢܵܐ ܘܝܵܘܣܸܦ ܘܥܲܒ݂ܕܝܼܫܘܿܥ ܘܕܵܢܝܼܐܹܝܠ ܘܒܲܪ ܚܲܕ݂ܒ݁ܫܲܒܵܐ. ܘܕܵܢܝܼܐܹܝܠ ܘܫܸܡܒܲܝܬܹ݁ܗ ܘܒܲܛܵܐ ܘܚܲܒ݁ܝܼܒ݂ܵܐ ܘܕ݂ܵܢܝܼܐܹܝܠ. ܘܐܝܼܘܿܒ݂ ܘܝܵܘܣܸܦ ܘܒܵܒܲܝ. ܘܫܲܒ݂ܛܵܐ. ܘܫܸܡܥܘܿܢ. ܘܩܵܫܵܐ ܘܲܚܢܵܢܵܐ. ܘܒܲܪ ܣܵܗ̈ܕܹܐ. ܘܲܚܢܵܢܵܐ. ܘܐܲܒ݂ܪܵܗܵܡ. ܘܝܘܿܢܵܕܵܒ݂ ܘܦܵܘܠܘܿܣ. ܘܝܼܫܘܿܥܝܲܗܒ݂ ܘܓ݂ܝܼܘܲܪܓ݂ܝܼܣ. ܘܙܣܲܪܓܝܼܣ ܘܝܵܘܢܵܢ. ܘܐܸܣܛܲܦܵܢܘܼܣ. ܘܲܫܡܘܼܐܹܝܠ. ܘܫܸܡܥܘܿܢ. ܘܝܘܿܚܲܢܵܢ. ܘܐܵܚܵܐ. ܘܡܵܪܲܢܥܲܡܹܗ. ܘܝܼܫܘܿܥܝܲܗܒ݂. ܘܢܸܣܛܘܿܪܝܼܣ. ܘܥܲܒ݂ܕܝܼܫܘܿܥ. ܘܐܝܼܣܚܵܩ. ܘܝܘܿܚܲܢܵܢ ܘܠܘܼܩܵܐ ܘܝܼܣܪܵܝܹܠ ܘܓ݂ܝܼܘܲܪܓ݂ܝܼܣ ܘܝܼܫܘܿܥܝܲܗܒ݂. ܘܓܲܒ݂ܪܝܼܹܠ. ܘܐܹܠܝܼܵܐ. ܘܥܲܒ݂ܕܝܼܫܘܿܥ ܘܓܲܒ݂ܪܝܼܹܠ. ܘܝܲܗܒ݂ܐܲܠܵܗܵܐ ܘܗܘܼܪܡܝܼܙܕ ܘܝܘܿܚܲܢܵܢ. ܘܐܹܠܝܼܵܐ ܘܛܸܛܘܿܣ ܘܝܵܘܣܸܦ ܘܥܲܒ݂ܕܝܼܫܘܿܥ ܘܫܸܡܥܘܿܢ ܘܓܲܒ݂ܪܝܼܹܠ ܘܓ݂ܝܼܘܲܪܓ݂ܝܼܣ ܘܲܚܢܵܢܝܼܫܘܿܥ ܘܐܲܒ݂ܪܵܗܵܡ. ܘܐܹܠܝܼܵܐ. ܐܲܦܸܣܩܘܿܦܹ̈ܐ ܡܝܼܛܪ̈ܵܦܘܿܠܝܼܛܹܐ ܕܲܥܢܲܕ݂ܘ ܡ݂ܢ ܐܲܬ݂ܪܵܐ ܗܵܢܵܐ܀

ܘܕ݂ܐܲܒ݂ܵܗܲܝ̈ܢ ܐܲܚܘܼܗ݁ ܕܐܸܡܹܗ ܘܡܘܼܫܹܐ ܘܝܲܙܕܦܲܢܵܗ. ܘܡܵܪܝ ܐܲܒ݂ܵܐ ܘܡܵܐܪܝܼ. ܘܝܼܫܘܿܥܝܲܗܒ݂ ܘܣܲܒ݂ܪܝܼܫܘܿܥ. ܘܫܸܡܒܲܝܬܹ݁ܗ ܘܲܟ݂ܠܝܼܠܝܼܫܘܿܥ ܘܫܘܼܒ݂ܚܵܐ ܠܐܲܠܵܗܵܐ ܘܐܲܦܪܹܝܡ. ܘܢܲܪܣܲܝ ܘܝܼܫܘܿܥ ܣܲܒ݂ܪܲܢ. ܘܐܲܒ݂ܪܵܗܵܡ ܘܡܵܪܲܢܙܟ݂ܵܐ. ܘܲܚܢܵܢܝܼܫܘܿܥ ܘܩܘܿܪܝܵܩܘܿܣ. ܘܚܘܼܣܐܲܠܵܗܵܐ. ܘܚܲܒ݁ܝܼܒ݂ܵܐ ܘܝܘܿܚܲܢܵܢ. ܘܝܘܿܚܲܢܵܢ ܘܡܵܪܩܘܿܣ. ܘܝܼܫܘܿܥܙܟ݂ܵܐ. ܘܥܲܒ݂ܕܝܼܫܘܿܥ ܘܐܲܒ݂ܪܵܗܵܡ ܘܝܘܿܚܲܢܵܢ. ܘܩܘܿܪܝܵܩܘܿܣ ܘܓ݂ܝܼܘܲܪܓ݂ܝܼܣ ܘܥܲܒ݂ܕܝܼܫܘܿܥ ܘܡܲܟ݁ܝܼܟ݂ܵܐ. ܘܲܚܢܵܢܝܼܫܘܿܥ. ܘܐܲܒ݂ܪܵܗܵܡ. ܘܢܸܣܛܘܿܪܝܼܣ ܘܝܼܫܘܿܥܝܲܗܒ݂. ܘܲܚܢܵܢܝܼܫܘܿܥ: ܐܲܦܸܣܩܘܿܦܹ̈ܐ ܕܲܥܢܲܕ݂ܘ ܡ݂ܢ ܐܲܬ݂ܪܵܐ ܗܵܢܵܐ܀

ܘܥܲܠ ܕܘܼܟ݂ܪܵܢܵܐ ܕܫܘܼܒ݂ܚܵܠܝܼܫܘܿܥ ܐܲܦܸܣܩܘܿܦܵܐ ܡܝܼܛܪܵܦܘܿܠܝܼܛܵܐ: ܕܬܲܠܡܸܕ݂ ܠܓܹܝܠܵܝܹ̈ܐ ܘܲܠܕ݂ܝܼܠܘܿܡܵܝܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܐܸܓ݂ܢܵܛܝܼܣ. ܘܦܘܿܠܝܼܩܲܪܦܘܿܣ. ܘܐܵܬ݂ܵܢܵܣܝܼܣ. ܘܐܹܘܣܛܵܬ݂ܝܼܣ. ܘܡܝܼܠܝܼܛܘܿܣ ܘܲܦܠܹܝܘܝܵܢܘܿܣ ܘܐܲܡܒܪܘܿܣܝܼܘܿܣ. ܘܓܪܝܼܓܘܿܪܝܼܣ. ܘܒ݂ܵܣܹܝܠܝܼܘܿܣ ܘܲܓ݂ܪܝܼܓ݂ܘܿܪܝܼܘܿܣ ܘܕܝܼܘܿܕܘܿܪܘܿܣ. ܘܝܘܿܐܵܢܝܼܣ. ܘܬܹܐܵܕܘܿܪܘܿܣ. ܘܢܸܣܛܘܿܪܝܼܣ. ܘܐܵܠܹܟ݂ܣܲܢܕܪܘܿܣ. ܘܡܝܼܠܝܼܛܘܿܣ. ܐܲܦܸܣܩܘܿܦܹ̈ܐ ܘܡܲܠܦܵܢܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܠܘܼܠܝܵܢܹ̈ܐ ܘܐܲܦܪܹܝܡ ܘܢܲܪܣܲܝ ܘܐܲܒ݂ܪܵܗܵܡ ܘܝܘܿܚܲܢܵܢ ܘܡܝܼܟ݂ܵܐܹܝܠ ܩܲܫܝܼܫܹ̈ܐ ܘܡܲܠܦܵܢܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܓܲܒ݂ܪܵܐ ܕܐܲܠܵܗܵܐ ܘܒܲܪܢܵܫܵܐ ܕܛܲܝܒ݁ܘܼܬ݂ܵܐ ܢܲܨܝܼܚ ܒܐܵܬ݂̈ܘܵܬ݂ܵܐ ܘܲܒ݂ܬܸܕ݂ܡܪ̈ܵܬ݂ܵܐ: ܐܲܒ݂ܘܼܢ ܡܒܲܪܟ݂ܵܐ ܡܵܪܝ ܓܲܒ݂ܪܝܼܹܠ: ܣܗܝܼܕ݂ ܒܩܲܕܝܼܫܘܼܬ݂ܵܐ ܘܲܛܒ݂ܝܼܒ݂ ܒܚܲܝܠܹ̈ܐ ܘܲܬ݂ܡܝܼܗ ܒܣܵܥܘܿܪ̈ܘܵܬ݂ܵܐ: ܢܵܨܘܿܒ݂ܵܐ ܕܕܲܝܪܵܐ ܥܸܠܵܝܬܵܐ: ܘܕܐܸܣܟ݁ܘܿܠܹܝܗ݁ ܩܲܕܝܼܫܬܵܐ: ܐܸܡܵܐ ܕܲܡܝܲܬܪ̈ܵܬ݂ܵܐ܀ ܘܥܲܠ ܕܘܼܟ݂ܪܵܢܵܐ ܕܐܲܒ݂ܘܼܢ ܡܒܲܪܟ݂ܵܐ ܡܵܪܝ ܐܲܒ݂ܪܵܗܵܡ ܡܦܲܫܩܵܢܵܐ ܕܲܟ݂ܬ݂ܵܒܹ̈ܐ ܐܲܠܵܗܵܝܹ̈ܐ܀ ܘܲܕ݂ܦܸܬ݂ܝܘܿܢ. ܘܡܘܼܫܹܐ ܘܝܲܥܩܘܿܒ݂. ܘܝܼܫܘܿܥܪܵܚܡܹܗ. ܩܲܫܝܼܫܹ̈ܐ ܘܡܲܠܦܵܢܹ̈ܐ܀ ܘܲܕ݂ܦܵܠܹܐ ܘܐܲܢܛܘܿܢܝܼܣ ܘܡܵܩܵܪܝܼܣ. ܘܐܲܪܣܵܢܝܼܣ. ܘܡܵܩܵܪܝܼܣ ܘܡܵܪܩܘܿܣ ܘܐܲܒ݂ܪܵܗܵܡ. ܘܩܝܼܘܿܪܹܐ ܘܝܘܿܚܲܢܵܢ ܘܐܹܘܲܓ݂ܪܝܼܣ. ܘܡܵܪܝ ܐܵܘܓܹܝܢ ܘܝܘܿܚܲܢܵܢ ܘܝܲܥܩܘܿܒ݂ ܘܝܘܿܚܲܢܵܢ ܘܐܲܒ݂ܪܵܗܵܡ ܘܡܝܼܟ݂ܵܐܹܝܠ ܘܐܹܠܝܼܵܐ ܘܒܲܪ ܩܘܼܣܪܹ̈ܐ. ܘܡܵܪܝ ܒܵܒܲܝ ܘܝܘܿܚܲܢܵܢ ܘܪܲܒܲܢ ܗܘܼܪܡܝܼܙܕ: ܝܑܼܚܝܼܕ݂ܵܝܹ̈ܐ ܘܐܲܟ݂ܣܢܵܝܹ̈ܐ ܕܲܒ݂ܕ݂ܘܼܒܵܪܹ̈ܐ ܫܲܦܝܼܪܹ̈ܐ ܕܲܡܝܲܬ݁ܪܘܼܬ݂ܵܐ ܐܸܬ݂ܢܲܨܲܚܘ܀ ܘܥܲܠ ܕܘܼܟ݂ܪ̈ܵܢܹܐ ܕܐܲܬ݂ܠܹܝܛܹ̈ܐ ܢܲܨܝܼܚܹ̈ܐ: ܘܢܘܼܟ݂ܪܹ̈ܝܛܹܐ ܫܒ݂ܝܼܚܹ̈ܐ ܡܵܪܝ ܐܝܼܣܚܵܩ ܘܡܵܪ ܕܸܢܚܵܐ ܘܦܸܬ݂ܝܘܿܢ ܘܕ݂ܘܼܡܲܛܪܝܼܘܿܣ ܘܡܵܪܝ ܐܲܚܵܐ. ܘܡܵܪܝ ܝܘܿܚܲܢܵܢ. ܘܡܵܪܝ ܐܲܒ݂ܘܼܢ. ܘܐܲܒܵܐ ܝܵܘܢܵܢ. ܘܦܝܼܢܚܸܣ. ܘܚܲܢܵܢܝܵܐ. ܘܒ݂ܵܥܘܼܬ݂ ܘܓܲܒ݂ܪܘܿܢܵܐ: ܟܹܐܢܹ̈ܐ ܘܙܲܕܝܼܩܹ̈ܐ܀ ܥܲܠ ܕܘܼܟ݂ܪܵܢܵܐ ܕܩܲܕܝܼܫܹ̈ܐ ܡܵܪܝ ܟܘܼܕܵܐܗܘܝܼ. ܘܡܵܪܝ ܥܲܒ݂ܕܵܐ. ܘܡܵܪܝ ܐܲܒ݂ܵܐ. ܘܬܹܐܵܕܘܿܪܘܿܣ. ܘܕܝܼܘܿܕܘܿܪܘܿܣ. ܘܫܵܒ݂ܘܿܪ ܘܣܲܪܓܝܼܣ ܕܘܼܕܵܐ. ܘܝܘܿܚܲܢܵܢ: ܢܘܼܟ݂ܪܹ̈ܝܛܹܐ ܘܥܲܢܘܵܝܹ̈ܐ ܕܲܒ݂ܕ݂ܘܼܒܵܪܹ̈ܐ ܡܲܠܲܐܟ݂ܵܝܹ̈ܐ ܐܸܬ݂ܕܲܒܲܪܘ܀ ܘܥܲܠ ܕܘܼܟ݂ܪܵܢܹܗ ܕܢܲܨܝܼܚ ܒܩܲܕ݁ܝܼܫܹ̈ܐ ܘܲܬ݂ܡܝܼܗ ܒܐܲܒ݂ܝܼܠܹ̈ܐ ܘܪܲܒ ܒܥܲܢܘܵܝܹ̈ܐ: ܘܲܙܪܝܼܙ ܒܐܲܬ݂ܠܹܝܛܹ̈ܐ: ܘܲܛܒ݂ܝܼܒ݂ ܒܣܵܥܘܿܪ̈ܘܵܬ݂ܵܐ: ܡܵܪܝ ܘܪܲܒܲܢ ܒܲܪ ܥܸܕܬܵܐ: ܫܸܡܫܵܐ ܕܩܲܕܝܼܫܹ̈ܐ. ܘܲܕ݂ܚܵܢܵܗ݁ ܝܼܫܘܿܥ ܚܵܬܹܗ ܡܗܲܝܡܲܢܬܵܐ܀ ܘܲܕ݂ܡܵܪܝ ܣܲܪܓܝܼܣ ܘܒ݂ܵܟܘܿܣ. ܘܓ݂ܝܼܘܲܪܓ݂ܝܼܣ. ܘܩܘܿܪܝܵܩܘܿܣ. ܘܦܸܬ݂ܝܘܿܢ ܘܡܵܪܝ ܣܵܒ݂ܵܐ. ܘܝܼܫܘܿܥܣܲܒ݂ܪܲܢ. ܘܝܘܿܟܲܢܝܵܐ ܘܡܸܣܟܹ݁ܢܬܵܐ ܘܲܬ݂ܪܹܝܢ ܒܢܹܝ̈ܗ݁ ܣܵܗܕܹ̈ܐ ܢܲܨܝܼܚܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܡܵܪܝ ܣܲܒ݂ܪܝܼܫܘܿܥ ܘܡܵܪܝ ܚܢܵܢܝܼܫܘܿܥ: ܘܝܘܿܚܲܢܵܢ ܒܲܪ ܚܲܙܵܝܹ̈ܐ: ܘܡܵܪܲܢܥܲܡܹܗ ܙܝܼܢܵܝܵܐ. ܘܡܵܪܝ ܫܘܼܒ݂ܚܵܠܡܵܪܲܢ ܘܪܲܒܲܢ ܦܪܲܢܣܸܐ. ܘܪܲܒܲܢ ܝܵܘܣܸܦ ܘܐܲܒ݂ܪܵܗܵܡ ܘܟ݂ܠܗܘܿܢ ܚܲܒ݂ܪ̈ܲܝܗܘܿܢ: ܢܵܨ̈ܘܿܒܹܐ ܕܲܟ݂ܢܘܼܫܝܵܐ ܐܲܠܵܗܵܝܵܐ: ܕܥܘܼܡܪܵܐ ܕܒܹܝܬ݂ ܩܘܼܩܵܐ܀ ܘܥܲܠ ܕܘܼܟ݂ܪܵܢܹܗ ܕܡܵܪܝ ܝܘܿܚܲܢܵܢ ܕܝܼܠܘܿܡܵܝܵܐ. ܕܲܒ݂ܢܵܐ ܬܪܹܝܢ ܥܘܼܡܪܹ̈ܐ ܕܒ݂ܵܠܵܕܵܝܹ̈ܐ ܘܲܕ݂ܦܵܪ̈ܣܵܝܹܐ܀ ܘܥܲܠ ܕܘܼܟ݂ܪܵܢܵܐ ܕܣܵܗܕܹ̈ܐ ܩܲܕܝܼܫܹ̈ܐ. ܘܐܲܬ݂ܠܹܝܛܹ̈ܐ ܙܪ̈ܝܼܙܹܐ ܒܢܲܝ̈ ܓܪܝܼܓܘܿܪܝܼܘܿܣ: ܕܣܝܼܡܝܼܢ ܒܲܩܪܝܼܬ݂ܵܐ ܗܵܕܹܐ ܡܒܲܪܲܟ݂ܬܵܐ܀

ܐܵܘ:

ܘܥܲܠ ܕܘܼܟ݂ܪܵܢܹܗ ܕܢܲܨܝܼܚ ܒܩܲܕܝܼܫܹ̈ܐ. ܘܲܬ݂ܡܝܼܗ ܒܡܵܘ̈ܕܝܵܢܹܐ ܡܵܪܝ ܓܝܼܘܲܪܓܝܼܣ. ܣܵܗܕܵܐ ܩܲܕܝܼܫܵܐ: ܕܥܲܠ ܫܡܹܗ ܐܸܬ݂ܒܲܢܝܲܬ̤ ܥܸܕܬܵܐ ܗܵܕܹܐ ܩܲܕܝܼܫܬܵܐ܀

ܐܵܘ:

ܘܥܲܠ ܕܘܼܟ݂ܪܵܢܹܗ ܕܪܲܒܲܢ ܣܲܒ݂ܵܐ ܘܲܒ݂ܢܲܝ̈ ܫܡܘܿܢܝܼ: ܕܣܝܼܡܝܼܢ ܒܲܩܪܝܼܬ݂ܵܐ ܗܵܕܹܐ ܡܒܲܪܲܟ݂ܬܵܐ܀

ܐܵܘ:

ܘܥܲܠ ܕܘܼܟ݂ܪܵܢܹܗ ܕܡܵܪܝ ܝܘܿܚܲܢܵܢ ܣܵܗܕܵܐ ܩܲܕܝܼܫܵܐ: ܣܗܝܼܕ݂ ܒܲܥܒ݂ܵܕܹ̈ܐ ܛܵܒܹ̈ܐ ܕܩܲܕܝܼܫܘܼܬ݂ܵܐ. ܘܲܕ݂ܪܲܒܲܢ ܝܵܘܣܸܦ ܐܲܚܘܼܗܝ ܕܣܝܼܡܝܼܢ: ܒܲܩܪܝܼܬ݂ܵܐ ܗܵܕܹܐ ܡܒܲܪܲܟ݂ܬܵܐ܀

ܐܵܘ ܫܲܪܟܵܐ ܕܩܲܕܝܼܫܹ̈ܐ ܡܛܠ ܗܵܪܟܵܐ ܒܲܠܚܘܿܕ݂ ܡܲܕ݂ܟ݂ܪܝܼܢ ܫܡܹܗ ܕܩܲܕܝܼܫܵܐ ܕܥܲܠ ܫܡܹܗ ܒܲܢܝܵܐ ܥܸܕܬܵܐ ܕܒ݂ܵܗ݁ ܡܩܲܕܫܝܼܢ.

ܐܲܩܸܦ:

ܘܲܕ݂ܩܘܿܣܛܲܢܛܝܼܢܘܿܣ ܡܲܠܟܵܐ ܙܲܟܵܝܵܐ. ܘܲܕ݂ܗܹܠܹܢܹܐ ܐܸܡܹܗ ܡܗܲܝܡܲܢܬܵܐ. ܘܩܘܿܣܛܲܢܛܝܼܢ. ܘܩܘܿܣܛܘܿܣ. ܘܝܘܿܒܲܢܝܵܢܘܿܣ. ܘܬܹܐܕܵܣܝܼܣ. ܘܲܒ݂ܨܵܝ. ܘܢܲܥܡܲܢ. ܘܡܘܼܪܝܼܩܹܐ. ܡܲܠܟܹ̈ܐ ܙܲܟܵܝܹ̈ܐ܀ ܘܥܲܠ ܕܘܼܟ݂ܪܵܢܵܐ ܕܢܲܨܝܼܚܲܝ̈ ܒܣܵܗܕܹ̈ܐ ܘܲܛܒ݂ܝܼܒܲܝ̈ ܒܐܲܬ݂ܠܹܝܛܹ̈ܐ. ܡܩܝܼܡܵܢܹ̈ܐ ܕܥܘܼܡܪܹ̈ܐ ܘܲܕ݂ܥܸ̈ܕܵܬ݂ܵܐ ܝܵܗܘܿܒܹ̈ܐ ܕܡܵܘ̈ܗܒ݂ܵܬ݂ܵܐ ܘܲܕ݂ܙܸܕ݂ܩ̈ܵܬ݂ܵܐ ܡܬܲܪ̈ܣܝܵܢܹܐ ܕܝܲܬ݂ܡܹ̈ܐ ܘܕܐܲܪ̈ܡܠܵܬ݂ܵܐ: ܐܲܡܝܼܪܵܐ ܡܲܬܲܝ. ܘܐܲܡܝܼܪܵܐ ܡܲܣܥܘܼܕܒܲܝܓ܀ ܘܝܵܨܘܿܦܹ̈ܐ ܕܥ̈ܕ݂ܵܬ݂ܵܐ ܘܲܕܕܲܝܪ̈ܵܬ݂ܵܐ. ܐܲܡܝܼܪܵܐ ܡܲܬܲܝ. ܘܠܲܡܝܼܪܵܐ ܚܲܣܵܢ. ܘܐܲܡܝܼܪܵܐ ܢܲܓ̰ܡܲܠܕܝܼܢ܀ ܘܥܲܠ ܕܘܼܟ݂ܪܵܢܵܐ ܕܟ݂ܠܗܘܿܢ ܡܲܠܟܹ̈ܐ ܡܗܲܝܡܢܹ̈ܐ. ܪ̈ܲܚܡܲܝ ܠܲܡܫܝܼܚܵܐ܀ ܘܲܕ݂ܢܵܨܸܪ ܒܲܪ ܐܲܗܪܘܿ ܪܹܫ ܣܵܦܪܹ̈ܐ: ܕܲܥܒܲܕ݂ ܙܸܕ݂ܩ̈ܵܬ݂ܵܐ ܘܲܥܒ݂ܵܕܹ̈ܐ ܛܵܒܹ̈ܐ ܒܥܸܕܬܵܐ ܩܲܕܝܼܫܬܵܐ܀ ܘܥܲܠ ܩܲܫܝܼܫܹ̈ܐ ܘܲܡܫܲܡܫܵܢܹ̈ܐ ܘܐܸܣܟ݁ܘܿܠܵܝܹ̈ܐ ܕܲܥܢܲܕ݂ܘ ܡ݂ܢ ܥܸܕܬܵܐ ܗܵܕܹܐ܀ ܘܲܕ݂ܟ݂ܠܗܘܿܢ ܐܲܝܠܹܝܢ ܕܲܒ݂ܗܲܝܡܵܢܘܼܬ݂ܵܐ ܫܲܪܝܼܪܬܵܐ ܥܢܲܕ݂ܘ ܡ݂ܢ ܥܵܠܡܵܐ ܗܵܢܵܐ܀ ܗܵܢܘܿܢ ܕܡܵܪܲܢ ܗ݇ܘܼ ܝܵܕܲܥ ܫܡܵܗܲܝ̈ܗܘܿܢ. ܕܐܲܠܵܗܵܐ ܢܟܲܠܸܠ ܐܸܢܘܿܢ ܒܲܩܝܵܡܬܵܐ ܕܡ݂ܢ ܒܹܝܬ݂ ܡܝܼܬܹ̈ܐ܀ ܘܥܵܢܹܐ ܥܲܡܵܐ. ܘܐܵܦܠܲܢ ܢܫܵܘܬܸ݁ܦ ܥܲܡܗܘܿܢ ܒܛܲܝܒ݁ܘܼܬܹܗ ܘܲܒ݂ܪ̈ܲܚܡܵܘܗܝ ܠܥܵܠܡܝܼܢ ܐܵܡܹܝܢ܀

ܘܡܲܟ݂ܪܸܙ ܡܫܲܡܫܵܢܵܐ ܢܵܘܕܸܐ ܘܢܸܒ݂ܥܸܐ ܐܲܝܟ݂ ܕܐܝܼܬ݂ ܒܛܲܟ݂ܣܵܐ ܕܐ݇ܪܵܙܵܐ

ܫܠܸܡ ܟܬ݂ܵܒ݂ܵܐ ܕܝܘܿܦܲܛܟ݂ܝܼܢ: ܕܗ̤ܘܝܘ ܣܦܲܪ ܚܲܝܹ̈ܐ ܘܡܝܼܬܹ̈ܐ.