ܣܸܕ݂ܪܵܐ ܕܫܘܼܪ̈ܵܝܹܐ ܕܟ݂ܠܵܗ݁ ܫܲܢ݇ܬܵܐ
ܐܵܬ݂̈ܘܵܬ݂ܵܐ ܕܫܘܼܪܵܝ ܫܘܼܪ̈ܵܝܹܐ ܡܚܲܘܹܝܬ ܡܸܢܝܵܢ ܦܸܬ݂ܓ݂ܵܡܹ̈ܐ ܕܐܝܼܬ݂ ܒܫܘܼܪܵܝܵܐ.
ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܣܘܼܒܵܪܵܐ
ܕ܀ ܠܲܝܬ݁ ܐܲܟ݂ܘܵܬ݂ܵܟܼ ܡܵܪܝܵܐ ܐܲܠܵܗܝ ܘܠܲܝܬ݁ ܐܲܝܟܼ ܥܒ݂ܵܕܲܝ̈ܟ܀ ܟܠܗܘܿܢ ܥܲܡܡܹ̈ܐ ܕܲܥ̣ܒܲܕ݁ܬ݁܀ ܢܹܐܬ݂ܘܿܢ ܘܢܸܣܓ݁ܕ݂ܘܼܢ ܠܵܟܼ ܡܵܪܝܵܐ܀ ܘܲܢܫܲܒ݁ܚܘܼܢ ܠܲܫܡܵܟܼ ܡܸܛܠ ܕܪܲܒ݁ ܐܲܢ݇ܬ݁܀
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܣܘܼܒܵܪܵܐ
ܝ܀ ܐܲܠܵܗܵܐ ܫ̣ܡܲܥܢܲܢ ܒܐܸܕ݂ܢܲܝ̈ܢ܀ ܘܐܵܦ ܐܲܒ݂ܵܗܲܝ̈ܢ ܐܸܫܬܲܥܝܼܘ ܠܲܢ܀ ܡܸܕܸܡ ܕܲܥ̣ܒܲܕ݁ܬ݁ ܒܝܵܘܡܲܝ̈ܗܘܿܢ܀ ܒܝܵܘ̈ܡܵܬ݂ܵܐ ܩܲܕ݂ܡܵܝܹ̈ܐ܀ ܐܝܼܕ݂ܵܟܼ ܐܵܘܒ݁ܕܲܬ̤ ܠܥܲܡܡܹ̈ܐ ܘܲܢ̣ܨܲܒ݂ܬ݁ ܐܸܢܘܿܢ܀ ܘܐܲܒ݂ܐܸܫ̣ܬ݁ ܠܡܲܠܟ̈ܘܵܬ݂ܵܐ ܘܫܲܪܲܪܬ݁ ܐܸܢܘܿܢ܀ ܡܸܛܠ ܕܠܵܐ ܗ݇ܘ̣ܵܐ ܒܚܲܪܒ݁ܗܘܿܢ ܝܼܪܸܬ݂ܘ ܐܲܪܥܵܐ܀ ܘܐܵܦ ܠܵܐ ܕܪܵܥܗܘܿܢ ܦܪܲܩ̣ ܐܸܢܘܿܢ܀ ܐܸܠܵܐ ܝܲܡܝܼܢܵܟܼ ܘܲܕ݂ܪܵܥܵܟܼ܀ ܒܢܘܼܗܪܵܐ ܕܐܲܦܲܝ̈ܟ ܕܲܨ̣ܒܲܝܬ݁ ܒܗܘܿܢ܀
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܣܘܼܒܵܪܵܐ
ܘ܀ ܟܲܕ݂ ܦܪܲܫ̣ ܐܲܠܵܗܵܐ ܡܲܠܟܵܐ ܒܹܗ ܐܲܬ݂ܠ̱ܓ݂ܲܬ̤܀ ܒܨܲܠܡܘܿܢ ܛܘܼܪܹܗ ܕܐܲܠܵܗܵܐ܀ ܛܘܼܪܹ̈ܐ ܕܒܲܝܫܵܢ ܛܘܼܪܹ̈ܐ ܕܲܓ݂ܒܸܢܝܵܡ܀ ܛܘܼܪܹ̈ܐ ܕܒܲܝܫܵܢ ܡܵܢܵܐ ܨܵܒܹܝ̇ܬ݁ܘܿ݁ܢ ܛܘܼܪܹ̈ܐ ܕܲܓ݂ܒܸܢܝܵܡ܀ ܛܘܼܪܵܐ ܕܲܓ݂ܒ݂ܵܐ ܠܹܗ ܐܲܠܵܗܵܐ ܠܡܸܬܲܒ݂ ܒܹܗ܀ ܡܵܪܝܵܐ ܢܸܫܪܸܐ ܒܹܗ ܠܥܵܠܲܡ܀
ܚܲܕ݂ܒܫܲܒܵܐ ܕܐܲܪܒ݁ܥܵܐ ܕܣܘܼܒܵܪܵܐ
ܘ܀ ܐܲܢ݇ܬ݁ ܬܲܩܸܢ̣ܬ݁ ܬܪܝܼܨܘܼܬ݂ܵܐ ܘܕ݂ܝܼܢܵܐ܀ ܘܙܲܕܝܼܩܘܼܬ݂ܵܐ ܒܝܲܥܩܘܿܒ݂ ܐܲܢ݇ܬ݁ ܥ̣ܒܲܕ݁ܬ݁܀ ܪܲܡܪܸܡܘ ܠܡܵܪܝܵܐ ܐܲܠܵܗܲܢ܀ ܘܲܣܓ݂ܘܿܕ݂ܘ ܠܟ݂ܘܼܒ݂ܫܵܐ ܕܪܸ̈ܓ݂ܠܵܘܗܝ܀ ܩܲܕܝܼܫܘܼ ܡܘܼܫܹܐ ܘܐܲܗܪܘܿܢ ܒܟ݂ܘܼܡܪ̈ܵܘܗܝ܀ ܘܲܫܡܘܼܐܹܝܠ ܒܩܵܪ̈ܝܲܝ ܫܡܹܗ܀
ܕܥܹܐܕ݂ܵܐ ܕܝܲܠܕܵܐ
ܓܲܒ݂ܪܵܐ ܓܲܢ݇ܒܵܪܵܐ ܐܸܬ݂ܝܼܠܸܕ݂ ܒܵܗ̇ ܘܗ̤ܘ ܐܲܬ݂ܩ̄ܢ̣ܵܗ̇. ܡܵܪܝܵܐ ܢܸܡܢܸܐ ܒܲܟ݂ܬ݂ܵܒ݂ܵܐ ܠܥܲܡܹܗ. ܠܡܵܘܠܵܕܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܗܵܢܵܐ ܐܸܬ݂ܝܼܠܸܕ݂ ܬܲܡܵܢ. ܪܵܘ̱ܪ̈ܒ݂ܵܢܹܐ ܕܥܵܡ̇ܪܝܼܢ ܒܹܟ݂ܝ ܢܸܚܕ݁ܘܿܢ. ܠܡܵܘܠܵܕܹܗ ܕܲܡܫܝܼܚܵܐ.. ܫܲܒܲܚ: ܠܡܵܘܠܵܕܹܗ ܕܲܡܫܝܼܚܵܐ... ܥܵܠܲܡ: ܠܡܵܘܠܵܕܹܗ ܕܲܡܫܝܼܚܵܐ....
ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܝܲܠܕܵܐ
ܕ܀ ܐܲܝܬܵܘ ܠܡܵܪܝܵܐ ܒܢܲܝ̈ ܕܸܟ݂ܪܹ̈ܐ܀ ܐܲܝܬܵܘ ܠܡܵܪܝܵܐ ܫܘܼܒ݂ܚܵܐ ܘܐܝܼܩܵܪܵܐ܀ ܐܲܝܬܵܘ ܠܡܵܪܝܵܐ ܐܝܼܩܵܪܵܐ ܠܲܫܡܹܗ܀ ܣܓ݂ܘܿܕ݂ܘ ܠܡܵܪܝܵܐ ܒܕ݂ܵܪܬܵܐ ܕܩܘܼܕ݂ܫܹܗ܀
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܝܲܠܕܵܐ
ܫܘܼܪܵܝܵܐ ܀ܕ܀ ܐܸܡܲܪ ܒܹܝܬ݂ ܥܲܡܡܹ̈ܐ ܕܡܵܪܝܵܐ ܐܲܡ̣ܠܸܟܼ܀ ܘܐܲܬ݂ܩ̣ܢܵܗ̇ ܠܬܹܒܹܝܠ ܕܠܵܐ ܬܙܘܼܥ܀ ܢܕ݂ܘܼܢ ܠܥܲܡܡܹ̈ܐ ܒܲܬ݂ܪܝܼܨܘܼܬ݂ܵܐ܀ ܢܸܚܕ݁ܘܿܢ ܫܡܲܝܵܐ ܘܲܬ݁ܕ݂ܘܼܨ ܐܲܪܥܵܐ܀
ܥܪܘܼܒ݂ܬܵܐ ܕܬܲܪܬܹܝܢ ܕܒ݂ܵܬܲܪ ܝܲܠܕܵܐ ܕܘܼܟ݂ܪܵܢܵܐ ܗ݇ܝ̣ ܕܡܵܪܬܝ ܡܲܪܝܲܡ
ܟܠܹܗ ܫܘܼܒ݂ܚܵܐ ܕܒܲܪ݇ܬ݂ ܡܲܠܟܵܐ ܡ̣ܢ ܠܓ݂ܵܘ: ܠܕ݂ܘܼܟ݂ܪܵܢܵܗ̇ ܕܲܒ݂ܬ݂ܘܼܠܬܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܲܡܨܲܒܲܬ݂ ܠܒ݂ܘܼܫܵܗ̇ ܒܕܲܗܒ݂ܵܐ ܛܵܒ݂ܵܐ: ܠܕ݂ܘܼܟ݂ܪܵܢܵܗ̇ ܕܲܒ݂ܬ݂ܘܼܠܬܵܐ... ܫܲܒܲܚ: ܠܕ݂ܘܼܟ݂ܪܵܢܵܗ̇ ܕܲܒ݂ܬ݂ܘܼܠܬܵܐ... ܥܵܠܲܡ: ܠܕ݂ܘܼܟ݂ܪܵܢܵܗ̇ ܕܲܒ݂ܬ݂ܘܼܠܬܵܐ...
ܥܹܐܕ݂ܵܐ ܕܕܸܢܚܹܗ ܕܡܵܪܲܢ
ܡܸܛܠ ܗܵܢܵܐ ܡܲܫ̣ܚܵܟܼ ܐܲܠܵܗܵܐ ܐܲܠܵܗܵܟ݂. ܠܲܥܡܵܕܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܡܸܫܚܵܐ ܕܚܲܕ݂ܘܼܬ݂ܵܐ ܝܲܬ݁ܝܼܪ ܡ̣ܢ ܚܲܒ݂ܪ̈ܲܝܟ: ܠܲܥܡܵܕܹܗ ܕܲܡܫܝܼܚܵܐ.. ܫܲܒܲܚ. ܠܲܥܡܵܕܹܗ ܕܲܡܫܝܼܚܵܐ.. ܥܵܠܲܡ. ܠܲܥܡܵܕܹܗ ܕܲܡܫܝܼܚܵܐ..
ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܒ݂ܵܬܲܪ ܕܸܢܚܵܐ
ܘ܀ ܐܲܝܟܼ ܕܲܫܡܲܥ̣ܢ ܗܵܟܲܢܵܐ ܚ̣ܙܲܝܢ܀ ܒܲܩܪܝܼܬܹܗ ܕܡܵܪܝܵܐ ܚܲܝܠ̱ܬ݂ܵܢܵܐ܀ ܒܲܩܪܝܼܬܹܗ ܕܐܲܠܵܗܲܢ܀ ܐܲܠܵܗܵܐ ܢܲܬ݂ܩ̄ܢܝܼܗ̇ ܥܕ݂ܲܡܵܐ ܠܥܵܠܲܡ܀ ܣܲܒܲܪ̄ܢ ܐܲܠܵܗܵܐ ܠܛܲܝܒ݁ܘܼܬ݂ܵܟܼ ܒܓ݂ܵܘܹܗ ܕܗܲܝܟ݁ܠܵܟܼ܀ ܐܲܝܟܼ ܫܡܵܟܼ ܐܲܠܵܗܵܐ ܗܵܟܲܢܵܐ ܬܸܫ̈ܒܚܵܬ݂ܵܟ݂܀
ܕܘܼܟ݂ܪܵܢܵܐ ܗ݇ܝܼ ܕܡܵܪܝ ܝܘܿܚܲܢܵܢ ܡܲܥܡ̄ܕ݂ܵܢܵܐ
ܚܸܟ݂ܡ̱ܬ݂ܵܐ ܪܵܢܹ̇ܐ ܦܘܼܡܹܗ ܕܙܲܕܝܼܩܵܐ: ܠܕ݂ܘܼܟ݂ܪܵܢܹܗ ܕܣܵܗܕܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܠܸܫܵܢܹܗ ܡܡܲܠܸܠ ܕܝܼܢܵܐ: ܠܕ݂ܘܼܟ݂ܪܵܢܹܗ ܕܣܵܗܕܵܐ.. ܫܲܒܲܚ. ܠܕ݂ܘܼܟ݂ܪܵܢܹܗ.. ܥܵܠܲܡ. ܠܕ݂ܘܼܟ݂ܪܵܢܹܗ ..
ܒܵܥܘܼܬ݂ܵܐ ܕܲܒ݂ܬ݂ܘܼܠܵܬ݂̈ܵܐ
ܙ܀ ܒܢܸܩܦܲܬ̤܀ ܘܐܲܢ݇ܬ݁ ܡܵܪܝܵܐ ܐܲܠܵܗܵܐ ܡܪܲܚܡܵܢܵܐ ܘܲܡܪܲܚܦܵܢܵܐ܀ ܢܲܓ݁ܝܼܪ ܪܘܼܚܵܐ ܘܣܲܓ݁ܝܼ ܛܲܝܒ݁ܘܼܬ݂ܵܐ ܘܩܘܼܫܬܵܐ܀ ܐܸܬ݂ܦܲܢ ܥܠܲܝ ܘܪܲܚܸܡܥܠܲܝ܀ ܗܲܒ݂ ܚܲܝܠܵܐ ܠܥܲܒ݂ܕܵܟܼ ܘܲܦܪܘܿܩ ܠܒܲܪ ܐܲܡܬ݂ܵܟ݂܀ ܘܲܥܒܸܕ݂ ܥܲܡܝ ܐܵܬ̤ܵܐ ܛܵܒ݂ܬ݂ܵܐ܀ ܕܢܸܚܙܘܿܢ ܣܵܢܐܲܝ̈ ܘܢܸܒ݂ܗ̱ܬ݂ܘܼܢ܀ ܕܐܲܢ݇ܬ݁ ܡܵܪܝܵܐ ܥܲܕܲܪܬܵܢܝ ܘܒܲܝܲܐܬܵܢܝ܀
ܬܠܵܬ݂ܒ݁ܫܲܒܵܐ ܕܒ݂ܵܥܘܼܬ݂ܵܐ ܕܲܒ݂ܬ݂ܘܼܠܵܬ݂̈ܵܐ
ܝܕ܀ ܒܢܸܩܦܲܬ̤܀ ܚܵܘܵܢ ܡܵܪܝܵܐ ܛܲܝܒ݁ܘܼܬ݂ܵܟܼ ܘܦܘܼܪܩܵܢܵܟܼ ܗܲܒ݂ܠܲܢ܀ ܕܢܸܫܡܲܥ ܡܵܢܵܐ ܡܡܲܠܸܠ ܡܵܪܝܵܐ ܐܲܠܵܗܲܢ܀ ܕܲܡܡܲܠܸܠ ܫܠܵܡܵܐ ܥܲܠ ܥܲܡܹܗ ܘܥܲܡ ܙܲܕܝܼܩܵܘ̈ܗܝ܀ ܕܠܵܐ ܢܸܗܦܟ݂ܘܼܢ ܠܒܸܣܬܲܪܗܘܿܢ܀ ܩܲܪܝܼܒ݂ܘܼ ܦܘܼܪܩܵܢܹܗ ܠܕ݂ܵܚܠܵܘ̈ܗܝ܀ ܢܸܫܪܸܐ ܐܝܼܩܵܪܹܗ ܒܐܲܪܥܲܢ܀ ܛܲܝܒ݁ܘܼܬ݂ܵܐ ܘܩܘܼܫܬܵܐ ܐܲܪܥ̣ܘܼܢ܀ ܙܲܕܝܼܩܘܼܬ݂ܵܐ ܘܲܫܠܵܡܵܐ ܢܢܲܫܩܘܼܢ܀ ܗܲܝܡܵܢܘܼܬ݂ܵܐ ܬܹܐܥܸܐ ܡ̣ܢ ܐܲܪܥܵܐ܀ ܘܙܲܕܝܼܩܘܼܬ݂ܵܐ ܐܲܕ݂ܝܼܩܲܬ̤ ܡ̣ܢ ܫܡܲܝܵܐ܀ ܘܐܵܦ ܡܵܪܝܵܐ ܢܸܬܸ݁ܠ ܛܵܒ݂ܵܬܹ̈ܗ܀ ܘܐܲܪܥܵܐ ܬܸܬܸܠ ܥܲܠ̈ܠܵܬ݂ܵܗ̇܀ ܙܲܕܝܼܩܵܐ ܩܕ݂ܵܡܵܘܗܝ ܢܗܲܠܸܟܼ܀ ܘܲܢܣܝܼܡ ܒܐܲܪܥܵܐ ܗܲܠ̈ܟ݂ܵܬܹܗ܀
ܐܲܪܒܲܥܒ݁ܫܲܒܵܐ ܕܒ݂ܵܥܘܼܬ݂ܵܐ ܕܲܒ݂ܬ݂ܘܼܠܵܬ݂̈ܵܐ
ܚ܀ ܒܢܸܩܦܲܬ̤܀ ܒܪܝܼܟ݂ܘܼ ܡܵܪܝܵܐ ܕܲܫ̣ܡܲܥ ܩܵܠܵܐ ܕܒ݂ܵܥܘܼܬ݂ܝ܀ ܡܵܪܝܵܐ ܥܵܕ݂ܘܿܪܝ ܘܲܡܣܲܝܥܵܢܝ܀ ܕܲܥܠܵܘܗܝ ܐܸܬ݁ܬ݁ܟܸܠ ܠܹܒ݁ܝ ܘܲܫ̣ܘܲܚ ܒܸܣܪ̱ܝ܀ ܘܲܒ݂ܬܸܫܒ݁ܘܿܚܬܵܐ ܐܵܘܕܸ݁ܐ ܠܹܗ܀ ܡܵܪܝܵܐ ܚܲܝܠܵܐ ܗ݇ܘ̣ ܕܥܲܡܹܗ܀ ܘܲܡܣܲܝܥܵܢܵܐ ܕܦܘܼܪܩܵܢܵܐ ܕܲܡܫܝܼܚܹܗ܀ ܦܪܘܿܩ ܠܥܲܡܵܟܼ ܘܒܲܪܸܟܼ ܠܝܵܪܬ݁ܘܼܬ݂ܵܟ݂܀ ܪܥܝܼ ܐܸܢܘܿܢ ܘܕܲܒܲܪ ܐܸܢܘܿܢ ܥܕܲܡܵܐ ܠܥܵܠܲܡ܀
ܚܲܡܫܵܒ݁ܫܲܒܵܐ ܕܒ݂ܵܬܲܪ ܕܸܢܚܵܐ ܕܘܼܟ݂ܪܵܢܵܐ ܗ݇ܘ̣ ܕܡܵܪܝ ܝܘܿܚܲܢܵܢ ܙܵܪܘܿܩܵܐ. ܕܛܲܟ݁ܣܵܗ̇ ܠܗܵܕܹܐ ܒܵܥܘܼܬ݂ܵܐ.
ܫܲܡܸܫ ܚܲܕ݂ ܦܲܪܨܘܿܦܵܐ (ܚܙܝ ܠܬܚܬ)
ܥܪܘܼܒ݂ܬܵܐ ܕܬܲܪܬܹ݁ܝܢ ܕܕܸܢܚܵܐ ܕܘܼܟ݂ܪܵܢܵܐ ܕܡܵܪܝ ܦܲܛܪܘܿܣ ܘܡܵܪܝ ܦܵܘܠܘܿܣ
ܩܵܠܵܐ ܕܫܘܼܒ݂ܚܵܐ ܘܲܕ݂ܦܘܼܪܩܵܢܵܐ ܒܡܲܫܟ݁ܢܵܐ ܕܙܲܕܝܼܩܹ̈ܐ: ܠܕ݂ܘܼܟ݂ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܝܲܡܝܼܢܹܗ ܕܡܵܪܝܵܐ ܥܸܒ݂ܕܲܬ̤ ܚܲܝܠܵܐ. ܠܕ݂ܘܼܟ݂ܪܵܢܗܘܿܢ.. ܫܲܒܲܚ. ܠܕ݂ܘܼܟ݂ܪܵܢܗܘܿܢ.. ܥܵܠܲܡ. ܠܕ݂ܘܼܟ݂ܪܵܢܗܘܿܢ ..
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܕܸܢܚܵܐ
ܫܘܼܪܵܝܵܐ ܕ܀ ܠܘܵܬ݂ܵܟܼ ܡܵܪܝܵܐ ܢܲܦ̮ܫܝ ܐܲܪܝܼܡܹ̇ܬ݂܀ ܐܲܠܵܗܝ ܒܵܟܼ ܣܲܒ݁ܪܹܬ݂ ܠܵܐ ܐܸܒ݂ܗܲܬ݂܀ ܠܵܐ ܢܸܫܬܲܒ݂ܗ̱ܪܘܼܢ ܥܠܲܝ ܒܥܸܠܕܒ݂ܵܒܲܝ̈܀ ܘܐܵܦ ܟܠ ܕܲܡܣܲܒ݁ܪܝܼܢ ܒܵܟܼ ܠܵܐ ܢܸܒ݂ܗ̱ܬ݂ܘܼܢ܀
ܥܪܘܼܒ݂ܬܵܐ ܕܲܬ݂ܠܵܬ݂ ܕܕܸܢܚܵܐ ܕܘܼܟ݂ܪܵܢܵܐ ܕܐܲܪܒ݁ܥܵܐ ܐܹܘܲܢܓܲܠܸܣ̈ܛܹܐ
ܢܸܚܕܸܐ ܠܸܒ݁ܗܘܿܢ ܕܐܲܝܠܹܝܢ ܕܒ݂ܵܥܹ̇ܝܢ ܠܡܵܪܝܵܐ: ܠܕ݂ܘܼܟ݂ܪܵܢܗܘܿܢ ܕܲܫܠܝܼܚܹܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܒܥܵܘ ܠܡܵܪܝܵܐ ܘܐܸܬ݂ܚܲܝܲܠܘ. ܠܕ݂ܘܼܟ݂ܪܵܢܗܘܿܢ.. ܫܲܒܲܚ. ܠܕ݂ܘܼܟ݂ܪܵܢܗܘܿܢ ܕܲܫܠܝܼܚܹܐ.. ܥܵܠܲܡ. ܠܕ݂ܘܼܟ݂ܪܵܢܗܘܿܢ ܕܲܫܠܝܼܚܹܐ..
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܕܸܢܚܵܐ
ܫܘܼܪܵܝܵܐ ܝܐ܀ ܡܸܛܠ ܕܐܲܪܝܼܡܹܬ݂ ܥܲܠ ܫܡܲܝܵܐ ܐܝܼܕ݂ܝ܀ ܘܐܸܡ̇ܪܹܬ݂ ܕܚܲܝ ܐ݇ܢܵܐ ܠܥܵܠܲܡ܀ ܐܸܠܛܘܿܫ ܫܢܵܢܹܗ ܕܣܲܝܦܝ ܐܲܝܟܼ ܒܲܪܩܵܐ܀ ܘܬܹܐܚܘܿܕ݂ ܒܕ݂ܝܼܢܵܐ ܐܝܼܕ݂ܝ܀ ܘܐܲܗܦܸܟܼ ܦܘܼܪܥܵܢܵܐ ܠܣܵܢܐܲܝ̈܀ ܘܠܲܒ݂ܥܸܠܕܒ݂ܵܒܲܝ̈ ܐܲܫܠܸܡ܀ ܐܲܪܘܸܐ ܓܹܐܪ̈ܲܝ ܡ̣ܢ ܕܡܵܐ܀ ܘܣܲܝܦܝ ܢܹܐܟ݂ܘܿܠ ܒܸܣܪܵܐ܀ ܡ̣ܢ ܕܡܵܐ ܕܲܩܛܝܼ̈ܠܹܐ ܘܕܲܫܒܲܝ̈ܵܐ܀ ܘܡ̣ܢ ܪܹܫ ܬܵܓ݂ܵܐ ܕܲܒ݂ܥܸܠܕܒ݂ܵܒܲܝ̈܀ ܡܸܟܹ݁ܝܠ ܫܲܒܲܚܘ ܥܲܡܡܹ̈ܐ ܥܲܡܹܗ܀
ܥܪܘܼܒ݂ܬܵܐ ܕܐܲܪܒܲܥ ܕܕܸܢܚܵܐ ܕܘܼܟ݂ܪܵܢܵܐ ܕܡܵܪܝ ܐܸܣܛܲܦܵܢܘܿܣ ܣܵܗܕܵܐ
ܚܸܟ݂ܡ̱ܬ݂ܵܐ ܪܵܢܹ̇ܐ ܦܘܼܡܹܗ ܕܙܲܕܝܼܩܵܐ: ܠܕ݂ܘܼܟ݂ܪܵܢܹܗ ܕܣܵܗܕܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܒܥܵܘ ܠܡܵܪܝܵܐ ܘܐܸܬ݂ܚܲܝܲܠܘ. ܠܕ݂ܘܼܟ݂ܪܵܢܹܗ ܕܣܵܗܕܵܐ... ܫܲܒܲܚ. ܠܕ݂ܘܼܟ݂ܪܵܢܹܗ.. ܥܵܠܲܡ. ܠܕ݂ܘܼܟ݂ܪܵܢܹܗ..
ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܕܸܢܚܵܐ
ܚ܀ ܡܲܢ̣ܘܼ ܐܲܟ݂ܘܵܬ݂ܵܟܼ ܥܲܫܝܼܢܵܐ܀ ܘܗܲܝܡܵܢܘܼܬ݂ܵܟܼ ܚܕ݂ܵܪ̈ܲܝܟ܀ ܐܲܢ݇ܬ݁ ܫܲܠܝܼܛ ܐܲܢ݇ܬ݁ ܒܓܲܐܝܘܼܬܹܗ ܕܝܲܡܵܐ܀ ܘܲܕ݂ܠܘܼܚܝܵܐ ܕܓܲܠܠܵܘ̈ܗܝ ܐܲܢ݇ܬ݁ ܡܫܲܬܸܩ܀ ܐܲܢ݇ܬ݁ ܡܡܲܟܸ݁ܟܼ ܐܲܢ݇ܬ݁ ܠܫܲܒ݂ܗ̱ܪ̈ܵܢܹܐ ܐܲܝܟܼ ܕܠܲܩܛܝܼܠܹ̈ܐ܀ ܒܲܕ݂ܪܵܥܵܟܼ ܥܲܫܝܼܢܵܐ ܒܲܕܲܪܬ݁ ܠܲܒ݂ܥܸܠܕܒ݂ܵܒܲܝ̈ܟ܀ ܕܝܼܠܵܟܼ ܐܸܢܘܿܢ ܫܡܲܝܵܐ ܘܕ݂ܝܼܠܵܟܼ ܗ݇ܝ̣ ܐܲܪܥܵܐ܀ ܬܹܒܹܝܠ ܒܲܡܠܹܐܵܗ̇ ܐܲܢ݇ܬ݁ ܬܲܩܸܢ̣ܬ݁܀
ܥܪܘܼܒ݂ܬܵܐ ܕܚܲܡܸܫ ܕܕܸܢܚܵܐ ܕܘܼܟ݂ܪܵܢܵܐ ܗ݇ܝ̣ ܕܡܲܠܦܵܢܹ̈ܐ ܝܵܘܢܵܝܹ̈ܐ
ܦܵܪܘܿܩܵܐ ܕܙܲܕܝܼܩܹ̈ܐ ܡܵܪܝܵܐ: ܠܕ݂ܘܼܟ݂ܪܵܢܗܘܿܢ ܕܟ݂ܵܗܢܹ̈ܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܲܡܥܲܕܲܪ ܠܗܘܿܢ ܒܙܲܒ݂ܢܹ̈ܐ ܕܥܵܩܬ݂ܵܐ. ܠܕ݂ܘܼܟ݂ܪܵܢܗܘܿܢ.. ܫܲܒܲܚ. ܠܕ݂ܘܼܟ݂ܪܵܢܗܘܿܢ.. ܥܵܠܲܡ. ܠܕ݂ܘܼܟ݂ܪܵܢܗܘܿܢ..
ܚܲܕ݂ܒ݁ܫܲܒܵܐ ܕܚܲܡܫܵܐ ܕܕܸܢܚܵܐ
ܫܘܼܪܵܝܵܐ ܕ܀ ܝܼܕ݂ܝܼܥ ܒܲܝܗܘܼܕ݂ܵܐ ܐܲܠܵܗܵܐ܀ ܘܒ݂ܝܼܣܪܵܝܹܠ ܪܲܒ݁ ܫܡܹܗ܀ ܢܸܗܘܸܐ ܒܫܵܠܝܼܡ ܡܲܛܠܠܹܗ܀ ܘܡܲܥܡ̱ܪܹܗ ܒܨܸܗܝܘܿܢ܀
ܬܪܹܝܢܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ
ܙ܀ ܒܢܸܩܦܲܬ̤܀ ܘܐܲܢ݇ܬ݁ ܡܵܪܝܵܐ ܐܲܠܵܗܵܐ ܡܪܲܚܡܵܢܵܐ ܘܲܡܪܲܚܦܵܢܵܐ܀ ܢܲܓ݁ܝܼܪ ܪܘܼܚܵܐ ܘܣܲܓ݁ܝܼ ܛܲܝܒ݁ܘܼܬ݂ܵܐ ܘܩܘܼܫܬܵܐ܀ ܐܸܬ݂ܦܲܢ ܥܠܲܝ ܘܪܲܚܸܡܥܠܲܝ܀ ܗܲܒ݂ ܚܲܝܠܵܐ ܠܥܲܒ݂ܕܵܟܼ ܘܲܦܪܘܿܩ ܠܒܲܪ ܐܲܡܬ݂ܵܟ݂܀ ܘܲܥܒܸܕ݂ ܥܲܡܝ ܐܵܬ̤ܵܐ ܛܵܒ݂ܬ݂ܵܐ܀ ܕܢܸܚܙܘܿܢ ܣܵܢܐܲܝ̈ ܘܢܸܒ݂ܗ̱ܬ݂ܘܼܢ܀ ܕܐܲܢ݇ܬ݁ ܡܵܪܝܵܐ ܥܲܕܲܪܬܵܢܝ ܘܒܲܝܲܐܬܵܢܝ܀
ܬܠܵܬ݂ܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ
ܝܕ܀ ܒܢܸܩܦܲܬ̤܀ ܚܵܘܵܢ ܡܵܪܝܵܐ ܛܲܝܒ݁ܘܼܬ݂ܵܟܼ ܘܦܘܼܪܩܵܢܵܟܼ ܗܲܒ݂ܠܲܢ܀ ܕܢܸܫܡܲܥ ܡܵܢܵܐ ܡܡܲܠܸܠ ܡܵܪܝܵܐ ܐܲܠܵܗܲܢ܀ ܕܲܡܡܲܠܸܠ ܫܠܵܡܵܐ ܥܲܠ ܥܲܡܹܗ ܘܥܲܡ ܙܲܕܝܼܩܵܘ̈ܗܝ܀ ܕܠܵܐ ܢܸܗܦܟ݂ܘܼܢ ܠܒܸܣܬܲܪܗܘܿܢ܀ ܩܲܪܝܼܒ݂ܘܼ ܦܘܼܪܩܵܢܹܗ ܠܕ݂ܵܚܠܵܘ̈ܗܝ܀ ܢܸܫܪܸܐ ܐܝܼܩܵܪܹܗ ܒܐܲܪܥܲܢ܀ ܛܲܝܒ݁ܘܼܬ݂ܵܐ ܘܩܘܼܫܬܵܐ ܐܲܪܥܘܼܢ܀ ܙܲܕܝܼܩܘܼܬ݂ܵܐ ܘܲܫܠܵܡܵܐ ܢܢܲܫܩܘܼܢ܀ ܗܲܝܡܵܢܘܼܬ݂ܵܐ ܬܹܐܥܸܐ ܡ̣ܢ ܐܲܪܥܵܐ܀ ܘܙܲܕܝܼܩܘܼܬ݂ܵܐ ܐܲܕ݂ܝܼܩܲܬ̤ ܡ̣ܢ ܫܡܲܝܵܐ܀ ܘܐܵܦ ܡܵܪܝܵܐ ܢܸܬܸܠ ܛܵܒ݂ܵܬܹ̈ܗ܀ ܘܐܲܪܥܵܐ ܬܸܬܸܠ ܥܲܠ̈ܠܵܬ݂ܵܗ̇܀ ܙܲܕܝܼܩܵܐ ܩܕ݂ܵܡܵܘܗܝ ܢܗܲܠܸܟܼ܀ ܘܲܢܣܝܼܡ ܒܐܲܪܥܵܐ ܗܲܠ̈ܟ݂ܵܬܹܗ܀
ܐܲܪܒܲܥܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ
ܚ܀ ܒܢܸܩܦܲܬ̤܀ ܒܪܝܼܟ݂ܘܼ ܡܵܪܝܵܐ ܕܲܫܡܲܥ̣ ܩܵܠܵܐ ܕܒ݂ܵܥܘܼܬ݂ܝ܀ ܡܵܪܝܵܐ ܥܵܕ݂ܘܿܪܝ ܘܲܡܣܲܝܥܵܢܝ܀ ܕܲܥܠܵܘܗܝ ܐܸܬ݁ܬ݁ܟܸܠ ܠܹܒ݁ܝ ܘܲܫ̣ܘܲܚ ܒܸܣܪ̱ܝ܀ ܘܲܒ݂ܬܸܫܒ݁ܘܿܚܬܵܐ ܐܵܘܕܸ݁ܐ ܠܹܗ܀ ܡܵܪܝܵܐ ܚܲܝܠܵܐ ܗ݇ܘ̣ ܕܥܲܡܹܗ܀ ܘܲܡܣܲܝܥܵܢܵܐ ܕܦܘܼܪܩܵܢܵܐ ܕܲܡܫܝܼܚܹܗ܀ ܦܪܘܿܩ ܠܥܲܡܵܟܼ ܘܒܲܪܸܟܼ ܠܝܵܪܬ݁ܘܼܬ݂ܵܟ݂܀ ܪܥܝܼ ܐܸܢܘܿܢ ܘܕܲܒܲܪ ܐܸܢܘܿܢ ܥܕܲܡܵܐ ܠܥܵܠܲܡ܀
ܕܚܲܡܫܵܒ݁ܫܲܒܵܐ ܕܒ݂ܵܥܘܼܬ݂ܵܐ ܕܢܝܼܢܘܵܝܹ̈ܐ ܕܡܸܬ݂ܝܼܕܲܥ ܕܩܘܼܒܵܠܛܲܝܒ݁ܘܼܬ݂ܵܐ
ܒܢܸܩܦܲܬ̤܀ ܠܡܸܥܒܲܕ݂ ܨܸܒ݂ܝܵܢܵܟܼ ܐܲܠܵܗܵܐ ܨܒܹܝ̇ܬ݂܀ ܘܢܵܡܘܿܣܵܟܼ ܒܓ݂ܵܘ ܟܲܪܣܝ܀ ܣܲܒ݁ܪܹܬ݂ ܙܲܕܝܼܩܘܼܬܼܵܟܼ ܒܥܹܕ݁ܬܵܐ ܪܲܒ݁ܬ݂ܵܐ܀ ܘܣܸܦܘܵܬ݂̈ܝ ܠܵܐ ܟܠܹܝ̇ܬ݂܀ ܡܵܪܝܵܐ ܐܲܢ݇ܬ݁ ܝܵܕܲܥ ܐܲܢ݇ܬ݁܀ ܕܠܵܐ ܛܲܫ̇ܝܼܬ݂ ܙܲܕܝܼܩܘܼܬܼܵܟܼ ܒܓ݂ܵܘ ܠܹܒ݁ܝ܀ ܐܸܠܵܐ ܦܘܼܪܩܵܢܵܟܼ ܘܗܲܝܡܵܢܘܼܬܼܵܟܼ ܐܸܡ̇ܪܹܬ݂܀ ܘܠܵܐ ܛܲܫ̇ܝܼܬ݂ ܛܲܝܒ݁ܘܼܬܼܵܟܼ ܘܗܲܝܡܵܢܘܼܬܼܵܟܼ ܡ̣ܢ ܥܹܕ݁ܬܵܐ ܪܲܒ݁ܬ݂ܵܐ܀ ܐܵܦ ܐܲܢ݇ܬ݁ ܡܵܪܝܵܐ ܠܵܐ ܬܸܟ݂ܠܸܐ ܡܹܢܝ ܪ̈ܲܚܡܲܝܟ ܀ ܐܸܠܵܐ ܪ̈ܲܚܡܲܝܟܼ ܘܗܲܝܡܵܢܘܼܬܼܵܟܼ ܒܟ݂ܠܙܒܲܢ ܢܢܲܛܪܘܼܢܵܢܝ܀
ܥܪܘܼܒ݂ܬܵܐ ܕܫܸܬ݂ ܕܕܸܢܚܵܐ ܕܘܼܟ݂ܪܵܢܵܐ ܕܡܲܠܦܵܢܹ̈ܐ ܐ݇ܣܘܼܪ̈ܝܵܝܹܐ
ܛܵܒ݂ܘܼ ܡܵܪܝܵܐ ܘܪ̈ܲܚܡܵܘܗܝ ܥܲܠ ܟܠܗܘܿܢ ܥܲܒ݂ܕܵܘ̈ܗܝ: ܠܕ݂ܘܼܟ݂ܪܵܢܗܘܿܢ ܕܡܲܠܦܵܢܹ̈ܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܢܵܘܕ݁ܘܿܢ ܠܵܟܼ ܡܵܪܝܵܐ ܥܲܒ݂ܕܲܝ̈ܟ. ܠܕ݂ܘܼܟ݂ܪܵܢܗܘܿܢ.. ܫܲܒܲܚ. ܠܕ݂ܘܼܟ݂ܪܵܢܗܘܿܢ..܀ ܥܵܠܲܡ. ܠܕ݂ܘܼܟ݂ܪܵܢܗܘܿܢ..
ܚܲܕ݂ܒ݁ܫܲܒܵܐ ܕܸܫܬܵܐ ܕܕܸܢܚܵܐ
ܘ ܀ ܐܲܝܬܵܘ ܠܡܵܪܝܵܐ ܒܢܲܝ̈ ܕܸܟ݂ܪܹ̈ܐ܀ ܐܲܝܬܵܘ ܠܡܵܪܝܵܐ ܫܘܼܒ݂ܚܵܐ ܘܐܝܼܩܵܪܵܐ܀ ܐܲܝܬܵܘ ܠܡܵܪܝܵܐ ܐܝܼܩܵܪܵܐ ܠܲܫܡܹܗ܀ ܣܓ݂ܘܿܕ݂ܘ ܠܡܵܪܝܵܐ ܒܕ݂ܵܪܬܵܐ ܕܩܘܼܕ݂ܫܹܗ܀ ܩܵܠܹܗ ܕܡܵܪܝܵܐ ܥܲܠ ܡܲܝ̈ܵܐ܀ ܐܲܠܵܗܵܐ ܡܫܲܒܚܵܐ ܪܥܸܡ̣܀
ܥܪܘܼܒ݂ܬܵܐ ܕܲܫܒܲܥ ܕܒ݂ܵܬܲܪ ܕܸܢܚܵܐ ܕܘܼܟ݂ܪܵܢܵܐ ܕܚܲܕ݂ ܦܲܪܨܘܿܦܵܐ
ܕܘܼܟ݂ܪܵܢܵܐ ܠܥܵܠܲܡ ܢܸܗܘܸܐ ܠܙܲܕܝܼܩܵܐ: ܠܕ݂ܘܼܟ݂ܪܵܢܹܗ ܕܐܲܒ݂ܘܼܢ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܡ̣ܢ ܛܸܒܵܐ ܒܝܼܫܵܐ ܠܵܐ ܢܸܕ݂ܚܲܠ. ܠܕ݂ܘܼܟ݂ܪܵܢܹܗ ܕܐܲܒ݂ܘܼܢ.. ܫܲܒܲܚ. ܠܕ݂ܘܼܟ݂ܪܵܢܹܗ ܕܐܲܒ݂ܘܼܢ..܀ ܥܵܠܲܡ. ܠܕ݂ܘܼܟ݂ܪܵܢܹܗ ܕܐܲܒ݂ܘܼܢ..܀
{ܕܣܵܗܕܵܐ}. ܚܸܟ݂ܡ̱ܬ݂ܵܐ ܪܵܢܹ̇ܐ ܦܘܼܡܹܗ ܕܙܲܕܝܼܩܵܐ: ܠܕ݂ܘܼܟ݂ܪܵܢܹܗ ܕܣܵܗܕܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܠܸܫܵܢܹܗ ܡܡܲܠܸܠ ܕܝܼܢܵܐ: ܠܕ݂ܘܼܟ݂ܪܵܢܹܗ ܕܣܵܗܕܵܐ.. ܫܲܒܲܚ. ܠܕ݂ܘܼܟ݂ܪܵܢܹܗ.. ܥܵܠܲܡ. ܠܕ݂ܘܼܟ݂ܪܵܢܹܗ ..
ܚܲܕ݂ܒ݁ܫܲܒܵܐ ܕܫܲܒ݂ܥܵܐ
ܘ܀ ܢܸܒ݂ܗ̱ܬ݂ܘܼܢ ܟܠ ܕܥܵܒ݂ܕ݁ܝܼܢ ܦܬܲܟ݂ܪܹ̈ܐ܀ ܘܡܸܫܬܲܒ݂ܗ̱ܪܝܼܢ ܒܲܓ݂ܠܝܼܦܹ̈ܐ܀ ܣܓ݂ܘܿܕ݂ܘ ܠܹܗ ܟܠܗܘܿܢ ܡܲܠܲܐܟ݂ܵܘ̈ܗܝ܀ ܬܸܫܡܲܥ ܘܬܸܚܕܸܐ ܨܸܗܝܘܿܢ܀ ܘܲܢ̈ܕ݂ܘܼܨܵܢ ܒܢܵܬ݂̈ ܝܼܗܘܼܕ݂ܵܐ܀ ܡܸܛܠ ܕܝܼܢܲܝ̈ܟ ܡܵܪܝܵܐ܀
ܥܪܘܼܒ݂ܬܵܐ ܕܲܬ݂ܡܵܢܹܐ ܕܕܸܢܚܵܐ ܕܘܼܟ݂ܪܵܢܐ ܕܐܲܪܒ݁ܥܝܼܢ ܣܵܗܕܹ̈ܐ ܫܲܡܸܫ ܐܲܝܟܼ ܛܲܟ݂ܣܵܐ ܕܲܥܪܘܼܒ݂ܬܵܐ ܕܡܵܘܕܝܵܢܹ̈ܐ ܡܫܲܡ̱ܠܝܵܐܝܼܬ݂ (ܚܙܝ ܠܬܚܬ)
ܚܲܕ݂ܒ݁ܫܲܒܵܐ ܕܲܬ݂ܡܵܢܝܵܐ ܕܕܸܢܚܵܐ
ܘ܀ ܡܵܐ ܣܲܓ݁ܝܼܐܵܐ ܛܲܝܒ݁ܘܼܬ݂ܵܟܼ ܕܢܵܛܲܪ ܐܲܢ݇ܬ݁ ܠܕ݂ܵܚܠܲܝ̈ܟ܀ ܠܕܲܡܣܲܒ݁ܪܝܼܢ ܒܵܟܼ ܩܕ݂ܵܡ ܒܢܲܝ̈ܢܵܫܵܐ܀ ܬܟܲܣܸܐ ܐܸܢܘܿܢ ܒܣܸܬܵܪܹܗ ܕܦܲܪܨܘܿܦܵܟܼ܀ ܡ̣ܢ ܕܠܘܼܚܝܵܐ ܕܲܒ݂ܢܲܝ̈ܢܵܫܵܐ܀ ܬܟܲܣܸܐ ܐܸܢܘܿܢ ܒܛܸܠܵܠܵܟܼ ܡ̣ܢ ܚܸܪܝܵܢܵܐ܀ ܒܪܝܼܟ݂ܘܼ ܡܵܪܝܵܐ ܕܲܓ݂ܒ݂ܵܐ ܠܹܗ ܓܒܲܝ̈ܵܐ ܒܲܩܪܝܼܬ݂ܵܐ ܥܲܫܝܼܢܬܵܐ܀
ܥܪܘܼܒ݂ܬܵܐ ܕܲܬ݂ܫܲܥ ܕܕܸܢܚܵܐ ܕܘܼܟ݂ܪܵܢܵܐ ܗ݇ܝ̣ ܕܥܲܢܝܼܕܹ̈ܐ
ܡܫܲܕܲܪ ܐܲܢ݇ܬ݁ ܪܘܼܚܵܟܼ ܘܡܸܬ݂ܒ݁ܪܹܝܢ: ܠܕ݂ܘܼܟ݂ܪܵܢܗܘܿܢ ܕܐܲܚܲܝ̈ܢ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܲܡܚܲܕܸܬ݂ ܐܲܢ݇ܬ݁ ܐܲܦܹܝ̈ܗ̇ ܕܐܲܪܥܵܐ ܠܕ݂ܘܼܟ݂ܪܵܢܗܘܿܢ ܕܐܲܚܲܝ̈ܢ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ. ܠܕ݂ܘܼܟ݂ܪܵܢܗܘܿܢ ܕܐܲܚܲܝ̈ܢ..܀ ܥܵܠܲܡ. ܠܕ݂ܘܼܟ݂ܪܵܢܗܘܿܢ ܕܐܲܚܲܝ̈ܢ..
ܕܚܲܕ݂ܒ݁ܫܲܒܵܐ ܕܡܲܥܵܠܲܝ̈ ܨܵܘܡܵܐ ܪܲܒܵܐ
ܚ܀ ܐܲܠܵܗ ܐܲܠܵܗ̈ܝܼܢ ܡܵܪܝܵܐ ܡܲܠܸܠ̣܀ ܘܲܩ̣ܪܵܗ̇ ܠܐܲܪܥܵܐ ܡ̣ܢ ܡܲܕ݂ܢܵܚܵܘ̈ܗܝ ܕܫܸܡܫܵܐ ܘܲܥܕܲܡܵܐ ܠܡܲܥܪ̈ܵܒ݂ܵܘܗܝ܀ ܡ̣ܢ ܨܸܗܝܘܿܢ ܟܠܝܼܠܵܐ ܡܫܲܒܚܵܐ ܐܲܠܵܗܵܐ ܚ̣ܵܘܝܼ܀ ܢܹܐܬܸܐ ܐܲܠܵܗܵܐ ܘܠܵܐ ܢܸܫܬ݁ܘܿܩ܀ ܘܢܘܼܪܵܐ ܬܹܐܟ݂ܘܿܠ ܩܕ݂ܵܡܵܘܗܝ܀ ܘܲܚܕ݂ܵܪ̈ܵܘܗܝ ܬܸܬ݂ܓܵܘܙܲܠ ܛܵܒ݂܀ ܢܸܩܪܸܐ ܠܲܫܡܲܝܵܐ ܡ̣ܢ ܠܥܸܠ܀ ܘܐܲܪܥܵܐ ܠܲܡܕ݂ܵܢ ܥܲܡܹܗ܀
ܕܡܲܓܵܗܲܝ̈ ܬܠܵܬ݂ܒ݁ܫܲܒܵܐ ܩܲܕ݂ܡܵܝܵܐ ܕܨܵܘܡܵܐ
ܟܠܹܗ܀ ܛܘܼܒܲܝܗܘܿܢ ܠܐܲܝܠܹܝܢ ܕܲܕ݂ܠܵܐ ܡܘܼܡ ܐܸܢܘܿܢ ܒܐܘܼܪܚܵܐ܀ ܘܲܡܗܲܠܟ݂ܝܼܢ ܒܢܵܡܘܿܣܹܗ ܕܡܵܪܝܵܐ܀ ܛܘܼܒܲܝܗܘܿܢ ܠܐܲܝܠܹܝܢ ܕܢܵܛ̇ܪܝܼܢ ܣܵܗܕ݁ܘܼܬܹܗ܀ ܘܲܒ݂ܟ݂ܠܹܗ ܠܸܒ݁ܗܘܿܢ ܒܵܥܹܝ̇ܢ ܠܹܗ܀ ܘܠܵܐ ܥ̣ܒܲܕ݂ܘ ܥܵܘ̣ܠܵܐ ܘܗܲܠܸܟ݂ܘ ܒܐܘܼܪ̈ܚܵܬܹܗ܀ ܐܲܢ݇ܬ݁ ܦܲܩܸܕ݁ܬ݁ ܕܢܸܬ݂ܢܲܛܪܘܼܢ ܦܘܼܩܕܵܢܲܝ̈ܟ ܪܵܘܪܒ݂ܵܐܝܼܬ݂܀ ܐܸܫܬ݁ܘܿܦ ܕܹܝܢ ܡܲܬ݂ܩ̈ܢܵܢ ܐܘܼܪ̈ܚܵܬ݂ܝ ܕܐܸܛܲܪ ܦܘܼܩܕܵܢܲܝ̈ܟ܀ ܠܵܐ ܐܸܒ݂ܗܲܬ݂ ܡܵܐ ܕܢܸܛ̇ܪܹܬ݂ ܟܠܗܘܿܢ ܦܘܼܩܕܵܢܲܝ̈ܟ. ܐܵܘܕܸ݁ܐ ܠܵܟܼ ܒܲܬ݂ܪܝܼܨܘܼܬܹܗ ܕܠܹܒ݁ܝ܀ ܡܵܐ ܕܝܸܠ̇ܦܹܬ݂ ܕܝܼܢܹ̈ܐ ܕܙܲܕܝܼܩܘܼܬ݂ܵܟ݂܀ ܦܘܼܩܕܵܢܲܝ̈ܟ ܢܸܛ̇ܪܹܬ݂ ܠܵܐ ܬܲܪܦܹܝܢܝ ܠܥܵܠܲܡ܀
ܕܡܲܓܵܗܲܝ̈ ܐܲܪܒܲܥܒ݁ܫܲܒܵܐ ܩܲܕ݂ܡܵܝܵܐ ܕܨܵܘܡܵܐ
ܟܠܹܗ܀ ܒܡܵܢܵܐ ܡܕܲܟܸ݁ܐ ܛܲܠܝܵܐ ܐܘܼܪܚܹܗ ܕܢܸܛܲܪ ܦܘܼܩܕܵܢܲܝ̈ܟ܀ ܒܟ݂ܠܹܗ ܠܹܒ݁ܝ ܥܲܩܸ̇ܒ݂ܬܵܟܼ ܠܵܐ ܬܸܛܥܹܝܢܝ ܡ̣ܢ ܦܘܼܩܕܵܢܲܝ̈ܟ܀ ܒܠܹܒ݁ܝ ܛܲܫ̇ܝܼܬ݂ ܡܸܠܲܝ̈ܟ ܕܠܵܐ ܐܸܚܛܸܐ ܠܵܟܼ܀ ܒܪܝܼܟܲܬ݁ ܡܵܪܝܵܐ ܐܲܠܸܦܲܝܢܝ ܦܘܼܩܕܵܢܲܝ̈ܟ܀ ܒܣܸܦ̈ܘܵܬ݂ܝ ܬܢܹܝ̇ܬ݂ ܟܠܗܘܿܢ ܕܝܼܢܹ̈ܐ ܕܙܲܕܝܼܩܘܼܬ݂ܵܟ݂܀ ܠܐܘܼܪܚܵܐ ܕܣܵܗܕܘܼܬ݂ܵܟܼ ܪܸܚ̇ܡܹܬ݂ ܛܵܒ݂ ܡ̣ܢ ܟܠܹܗ ܥܘܼܬ݂ܪܵܐ܀ ܒܦܘܼܩܕܵܢܲܝ̈ܟ ܪܢܹܝ̇ܬ݂ ܘܝܸܕ݂ܥܹ̇ܬ݂ ܐܘܼܪ̈ܚܵܬ݂ܵܟ݂܀ ܒܢܵܡܘܿܣܵܟܼ ܪܢܹܝ̇ܬ݂ ܕܠܵܐ ܐܸܛܥܸܐ ܡܸܠܲܝ̈ܟ܀
ܕܡܲܓܵܗܲܝ̈ ܚܲܡܫܵܒ݁ܫܲܒܵܐ ܩܲܕ݂ܡܵܝܵܐ ܕܨܵܘܡܵܐ
ܟܠܹܗ܀ ܥܢܝܼ ܠܥܲܒ݂ܕܵܟܼ ܕܐܸܚܸܐ ܘܐܸܛܲܪ ܡܸܠܲܝ̈ܟ܀ ܓܠܝܼ ܥܲܝܢܲܝ̈ ܕܐܸܚܙܸܐ ܬܸܕ݂ܡܪ̈ܵܬ݂ܵܐ ܕܲܒ݂ܢܵܡܘܿܣܵܟܼ܀ ܥܵܡܘܿܪܵܐ ܐ݇ܢܵܐ ܥܲܡܵܟܼ ܠܵܐ ܬܲܛܫܸܐ ܡܹܢܝ ܦܘܼܩܕܵܢܲܝ̈ܟ܀ ܨܒ݂ܵܬ̤ ܢܲܦ̮ܫܝ ܘܐܸܬ݂ܪܲܓ݂ܪܓܲܬ̤ ܠܕ݂ܝܼܢܲܝ̈ܟ ܒܟ݂ܠܙܒܲܢ܀ ܟܐܲܝܬ݁ ܒܥܲܡܡܹ̈ܐ ܘܠܝܼܛܝܼܢ ܐܸܢܘܿܢ ܐܲܝܠܹܝܢ ܕܛܵܥܹܝ̇ܢ ܡ̣ܢ ܦܘܼܩܕܵܢܲܝ̈ܟ܀ ܐܲܥܒܲܪ ܡܹܢܝ ܚܸܣܕܵܐ ܡܸܛܠ ܕܣܵܗܕܘܼܬ݂ܵܟܼ ܢܸܛ̇ܪܹܬ݂܀ ܝܵܬ݂ܒ݁ܝܼܢ ܗ݇ܘ̣ܵܘ ܥܵܘ̈ܵܠܹܐ ܘܪܵܢܹܝ̇ܢ ܗ݇ܘ̣ܵܘ ܒܝܼ܀ ܘܐܸܢܵܐ ܒܦܘܼܩܕܵܢܲܝ̈ܟ ܪܵܢܹ̇ܐ ܗ݇ܘܹܝ̇ܬ݂܀ ܒܣܵܗܕܘܼܬ݂ܵܟܼ ܪܢܹܝ̇ܬ݂ ܘܲܒ݂ܬܲܪܥܝܼܬ݂ܵܟ ܛܵܒ݂ܬ݂ܵܐ܀
ܕܡܲܓܵܗܲܝ̈ ܥܪܘܼܒ݂ܬܵܐ ܩܲܕ݂ܡܵܝܬܵܐ ܕܨܵܘܡܵܐ
ܟܠܹܗ܀ ܢܸܩܦܲܬ̤ ܢܲܦ̮ܫܝ ܠܥܲܦܪܵܐ ܐܲܚܵܢܝ ܐܲܝܟܼ ܡܸܠܬ݂ܵܟ݂܀ ܐܘܼܪ̈ܚܵܬ݂ܝ ܚ̇ܵܘܝܼܬܵܟܼ ܘܲܥ̣ܢܲܝܬܵܢܝ ܐܲܠܸܦܲܝܢܝ ܢܵܡܘܿܣܵܟܼ܀ ܐܘܼܪܚܵܐ ܕܦܘܼܩܕܵܢܲܝ̈ܟ ܚܵܘܵܢܝ ܘܐܸܪܢܸܐ ܒܬܸܕ݂ܡܪ̈ܵܬ݂ܵܟ݂܀ ܐܸܬ݁ܛܲܪܦܲܬ̤ ܢܲܦ̮ܫܝ ܒܪܸܢܝܵܐ ܐܲܚܵܢܝ ܐܲܝܟܼ ܡܸܠܬ݂ܵܟ݂܀ ܐܘܼܪܚܵܐ ܕܗܲܝܡܵܢܘܼܬ݂ܵܟܼ ܓܒܹܝ̇ܬ݂ ܘܲܒ݂ܕ݂ܝܼܢܲܝ̈ܟ ܨܒܹܝ̇ܬ݂܀ ܢܸܩ̇ܦܹܬ݂ ܠܣܵܗܕܘܼܬ݂ܵܟܼ ܡܵܪܝܵܐ ܠܵܐ ܬܲܒ݂ܗܸܬܲܝܢܝ܀ ܒܐܘܼܪܚܵܐ ܕܦܘܼܩܕܵܢܲܝ̈ܟ ܗܲܠ̇ܟ̣ܹܬ݂ ܡܸܛܠ ܕܚܲܕ݁ܝܼܬܵܢܝ܀
ܕܡܲܓܵܗܲܝ̈ ܫܲܒ݁ܬ݂ܵܐ ܩܲܕ݂ܡܵܝܬܵܐ ܕܨܵܘܡܵܐ
ܟܠܹܗ܀ ܐܲܠܸܦܲܝܢܝ ܡܵܪܝܵܐ ܐܘܼܪܚܵܐ ܕܦܘܼܩܕܵܢܲܝ̈ܟ ܘܐܸܛܲܪ ܐܸܢܘܿܢ܀ ܣܲܟܸ݁ܠܲܝܢܝ ܕܐܸܛܲܪ ܢܵܡܘܿܣܵܟܼ ܘܐܸܛܪܝܼܘܗܝ ܡ̣ܢ ܟܠܹܗ ܠܹܒ݁ܝ܀ ܗܲܠܸܟܲܝܢܝ ܒܲܫܒ݂ܝܼܠܵܐ ܕܦܘܼܩܕܵܢܲܝ̈ܟ ܡܸܛܠ ܕܒܹܗ ܨܒܹܝ̇ܬ݂܀ ܐܲܦܢܵܐ ܠܹܒ݁ܝ ܠܣܵܗܕܘܼܬ݂ܵܟܼ ܘܠܵܐ ܠܡܲܬ݂̈ܠܹܐ܀ ܐܲܥܒܲܪ ܥܲܝܢܲܝ̈ ܕܠܵܐ ܢܸܚ̈ܙܝܵܢ ܕܲܓܵܠܘܼܬ݂ܵܐ ܘܒ݂ܐܘܼܪ̈ܚܵܬ݂ܵܟܼ ܐܲܚܵܢܝ܀ ܐܲܫܲܪ ܡܸܠܬ݂ܵܟܼ ܠܥܲܒ݂ܕܵܟܼ ܕܕ݂ܵܚܹ̇ܠ ܠܵܟܼ܀ ܐܲܥܒܲܪ ܡܹܢܝ ܚܸܣܕܵܐ ܡܸܛܠ ܕܕ݂ܝܼܢܲܝ̈ܟ ܫܲܦܝܼܪܝܼܢ ܐܸܢܘܿܢ܀ ܨܒܹܝ̇ܬ݂ ܒܦܘܼܩܕܵܢܲܝ̈ܟ ܘܲܒ݂ܙܲܕܝܼܩܘܼܬ݂ܵܟܼ ܐܲܚܵܢܝ܀
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܨܵܘܡܵܐ
ܘ܀ ܐܲܝܢܵܘ ܓܲܒ݂ܪܵܐ ܕܨܵܒܹ̇ܐ ܚܲܝܹ̈ܐ܀ ܘܪܵܚܹ̇ܡ ܝܵܘ̈ܡܵܬ݂ܵܐ ܛܵܒܹ̈ܐ ܠܡܸܚܙܵܐ܀ ܛܲܪ ܠܸܫܵܢܵܟ݂ ܡ̣ܢ ܒܝܼܫܬܵܐ܀ ܘܣܸܦ̈ܘܵܬ݂ܵܟܼ ܠܵܐ ܢܡܲܠ̈ܠܵܢ ܢܸܟ݂ܠܵܐ܀ ܥܒܲܪ ܡ̣ܢ ܒܝܼܫܬܵܐ ܘܲܥܒܸܕ݂ ܛܵܒ݂ܬ݂ܵܐ܀ ܒܥܝܼ ܫܠܵܡܵܐ ܘܗܲܪܛ̄ ܒܵܬ݂ܪܹܗ܀
ܕܡܲܓܵܗܲܝ̈ ܫܲܒ݁ܬ݂ܵܐ ܕܬܲܪܬܹܝܢ ܕܨܵܘܡܵܐ
ܛ܀ ܙܪܲܥ̣ܘ ܚܲܩ̈ܠܵܬ݂ܵܐ ܘܲܢ̣ܨܲܒ݂ܘ ܟܲܪ̈ܡܹܐ܀ ܘܐܸܟܲܠ̣ܘ ܡ̣ܢ ܦܹܐܪܹ̈ܐ ܕܥܲܠܠܵܬ݂̈ܗܘܿܢ܀ ܒܲܪܸܟܼ ܐܸܢܘܿܢ ܘܲܣ̣ܓ݂ܝܼܘ ܛܵܒ݂܀ ܘܲܒ݂ܥܝܼܪܗܘܿܢ ܠܵܐ ܙ̣ܥܲܪܘ܀ ܘܲܙ̣ܥܲܪܘ ܘܐܸܬ݂ܡܲܟܲܟ݂ܘ ܒܣܘܿܓ݂ܐܵܐ ܕܒ݂ܝܼܫܬܵܐ ܘܲܕܕ݂ܵܘܘܿܢܵܐ܀ ܐܲܪܡ̣ܝܼ ܒܝܼܫܬܵܐ ܥܲܠ ܫܲܠܝܼܛܹ̈ܐ܀ ܘܐܲܛ̣ܥܝܼ ܐܸܢܘܿܢ ܒܬ݂ܵܘܫܵܐ ܕܠܵܐ ܐܘܼܪܚܵܐ܀ ܘܐܲܥ̣ܫܸܢ ܠܡܸܣܟܹ݁ܢܹ̈ܐ ܘܲܥ̣ܒܲܕ݂ ܐܲܝܟܼ ܥܵܢ̈ܵܐ ܫܲܪ̈ܒ݂ܵܬ݂ܗܘܿܢ܀ ܕܢܸܚܙܘܿܢ ܙܲܕܝܼܩܹ̈ܐ ܘܢܸܚܕ݁ܘܿܢ܀
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܨܵܘܡܵܐ
ܗ܀ ܘܟ݂ܘܼܫ ܬܲܫܠܸܡ ܐܝܼܕ݂ܵܐ ܠܐܲܠܵܗܵܐ܀ ܡܲܠܟ݁ܘ̈ܵܬ݂ܵܐ ܕܐܲܪܥܵܐ ܫܲܒܲܚܹܝ̈ܢ ܠܐܲܠܵܗܵܐ܀ ܙܡܲܪܘ ܠܡܵܪܝܵܐ ܕܲܪܟ݂ܝܼܒ݂ ܒܲܫܡܲܝ̈ ܫܡܲܝܵܐ܀ ܡ̣ܢ ܡܲܕ݂ܢ̱ܚܵܐ ܝܲܗ̣݇ܒ݂ ܩܵܠܹܗ ܩܵܠܵܐ ܥܲܫܝܼܢܵܐ܀ ܗܲܒ݂ܘ ܬܸܫܒ̇ܘܿܚܬܵܐ ܠܐܲܠܵܗܵܐ܀
ܕܡܲܓܵܗܲܝ̈ ܫܲܒ݁ܬ݂ܵܐ ܕܲܬ݂ܠܵܬ݂ ܕܨܵܘܡܵܐ
ܚ܀ ܡܸܛܠ ܕܪܲܒ݁ܘܼ ܡܵܪܝܵܐ ܘܲܡܫܲܒܲܚ ܛܵܒ݂܀ ܘܲܕ݂ܚܝܼܠ ܥܲܠ ܟܠܗܘܿܢ ܐܲܠܵܗܹ̈ܐ܀ ܡܸܛܠ ܕܟ݂ܠܗܘܿܢ ܐܲܠܵܗܹ̈ܐ ܕܥܲܡܡܹ̈ܐ ܣܪܝܼܩܝܼܢ ܐܸܢܘܿܢ܀ ܡܵܪܝܵܐ ܫܡܲܝܵܐ ܥ̣ܒܲܕ݂܀ ܙܝܼܘܵܐ ܘܫܘܼܒ݂ܚܵܐ ܩܕ݂ܵܡܵܘܗܝ܀ ܥܘܼܫܢܵܐ ܘܬܸܫܒ݁ܘܿܚܬܵܐ ܒܡܲܩܕ݁ܫܹܗ܀ ܗܲܒ݂ܘ ܠܡܵܪܝܵܐ ܫܲܪ̈ܒ݂ܵܬ݂ܵܐ ܕܥܲܡܡܹ̈ܐ܀ ܗܲܒ݂ܘ ܠܡܵܪܝܵܐ ܬܸܫܒ݁ܘܿܚܬܵܐ ܘܐܝܼܩܵܪܵܐ܀
ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܨܵܘܡܵܐ
ܘ܀ ܟܠܗܘܿܢ ܣ̣ܛܵܘ ܐܲܟ݂ܚ݇ܕ݂ܵܐ ܘܐܸܬ݁ܛܲܢܲܦܘ܀ ܘܠܲܝܬ݁ ܕܥܵܒܹ̇ܕ݂ ܛܵܒ݂ܬ݂ܵܐ ܘܐܵܦܠܵܐ ܚܲܕ݂܀ ܘܠܵܐ ܝܼܕܲܥ̣ܘ ܟܠ ܥܵܒ݂ܕܲܝ̈ ܥܵܘ̣ܠܵܐ܀ ܐܲܝܠܹܝܢ ܕܐܵܟ݂ܠ̇ܝܼܢ ܗ݇ܘ̣ܵܘ ܠܥܲܡܝ ܡܹܐܟ݂ܘܼܠܬܵܐ ܕܠܲܚܡܵܐ܀ ܘܠܲܐܠܵܗܵܐ ܠܵܐ ܩ̣ܪܵܘ܀ ܬܲܡܵܢ ܕܚܸܠ̣ܘ ܕܸܚܠ̱ܬ݂ܵܐ܀
ܕܡܲܓܵܗܲܝ̈ ܬܠܵܬ݂ܒ݁ܫܲܒܵܐ ܕܐܲܪܒ݁ܥܵܐ ܕܨܵܘܡܵܐ
ܝܕ. ܒܢܸܩܦܲܬ̤܀ ܠܡܵܢܵܐ ܐܲܪܓܸܙ ܚܲܛܵܝܵܐ ܠܐܲܠܵܗܵܐ܀ ܘܐܵܡܲܪ ܒܠܸܒܹ݁ܗ ܕܠܵܐ ܬܵܒܲܥ݁܀ ܚܵܙܹ̇ܐ ܐܲܢ݇ܬ݁ ܕܐܝܼܬ݂ ܥܵܘ̣ܠܵܐ ܘܪܘܼܓ݂ܙܵܐ܀ ܘܚܵܐܲܪ ܐܲܢ݇ܬ݁ ܕܢܸܫܬ݁ܠܸܡ ܒܐܝܼܕܲܝ̈ܟ܀ ܥܠܲܝܟ ܢܸܫܬ݁ܒܸܩ ܒܵܝܫܵܐ܀ ܘܲܕ݂ܝܲܬ݂ܡܵܐ ܐܲܢ݇ܬ݁ܘܼ ܥܵܕ݂ܘܿܪܹܗ܀ ܬܒܲܪ ܕܪܵܥܹܗ ܕܚܲܛܵܝܵܐ ܘܲܕ݂ܒ݂ܝܼܫܵܐ܀ ܬܸܬ݂ܒ݁ܥܹܗ ܚܛܝܼܬܹܗ ܘܠܵܐ ܢܸܫܬ݁ܟܲܚ܀ ܡܵܪܝܵܐ ܡܲܠܟܵܐ ܗ݇ܘ̣ ܠܥܵܠܲܡ ܥܵܠܡܝܼܢ܀ ܐܸܒܲܕ݂ܘ ܥܲܡܡܹ̈ܐ ܡ̣ܢ ܐܲܪܥܹܗ܀ ܣܲܒ݂ܪܵܐ ܕܡܸܣܟܹ݁ܢܹ̈ܐ ܫܵܡܲܥ݁ ܐܲܢ݇ܬ݁ ܡܵܪܝܵܐ܀ ܘܛܘܼܝܵܒ݂ܵܐ ܕܠܸܒ݁ܗܘܿܢ ܬܨܘܼܬ݂ ܐܸܕ݂ܢܵܟܼ܀ ܠܲܡܕ݂ܵܢ ܠܝܲܬ݂ܡܹ̈ܐ ܘܲܠܒ݂ܵܝܫܹ̈ܐ܀ ܕܠܵܐ ܢܵܘܣܸܦ ܬܘܼܒ݂ ܠܡܵܘܒܵܕ݂ܘܼ ܒܢܲܝ̈ܢܵܫܵܐ ܡ̣ܢ ܐܲܪܥܵܐ܀
ܕܡܲܓܵܗܲܝ̈ ܐܲܪܒܲܥܒ݁ܫܲܒܵܐ ܕܦܸܠܓ݁ܘܼܬ݂ ܨܵܘܡܵܐ
ܝܕ ܀ ܡܵܪܝܵܐ ܡܥܲܕ݁ܪܵܢܝ ܠܵܐ ܐܸܕ݂ܚܲܠ܀ ܡܵܢܵܐ ܥܵܒܹ̇ܕ݂ ܠܝܼ ܒܲܪܢܵܫܵܐ܀ ܡܵܪܝܵܐ ܡܥܲܕ݁ܪܵܢܝ ܘܐܸܢܵܐ ܐܸܚܙܸܐ ܒܣܵܢܐܲܝ̈܀ ܛܵܒ݂ ܠܡܸܬ݁ܬ݁ܟ݂ܵܠܘܼ ܥܲܠ ܡܵܪܝܵܐ܀ ܛܵܒ݂ ܡ̣ܢ ܕܲܠܡܸܬ݁ܬ݁ܟ݂ܵܠܘܼ ܥܲܠ ܒܲܪܢܵܫܵܐ܀ ܛܵܒ݂ ܠܡܸܬ݁ܬ݁ܟ݂ܵܠܘܼ ܥܲܠ ܡܵܪܝܵܐ܀ ܛܵܒ݂ ܡ̣ܢ ܕܲܠܡܸܬ݁ܬ݁ܟ݂ܵܠܘܼ ܥܲܠ ܫܲܠܝܼܛܵܐ܀ ܟܠܗܘܿܢ ܥܲܡܡܹ̈ܐ ܚܲܕ݂ܪܘܼܢܝ܀ ܘܒܲܫܡܹܗ ܕܡܵܪܝܵܐ ܐܲܣܝܼ݁ܦܹܬ݂ ܐܸܢܘܿܢ܀ ܐܸܬ݂ܟܲܪܟ݁ܘܼܢܝ ܘܚܲܕ݂ܪܘܼܢܝ܀ ܘܒܲܫܡܹܗ ܕܡܵܪܝܵܐ ܐܲܣܝܼ݁ܦܹܬ݂ ܐܸܢܘܿܢ܀ ܚܲܕ݂ܪܘܼܢܝ ܐܲܝܟܼ ܕܸܒ݁ܘܿܪܹ̈ܐ ܘܲܕ݂ܥܸܟ݂ܘ ܐܲܝܟܼ ܢܘܼܪܵܐ ܕܓܸܠܹ̈ܐ܀ ܘܒܲܫܡܹܗ ܕܡܵܪܝܵܐ ܐܲܣܝܼ݁ܦܹܬ݂ ܐܸܢܘܿܢ܀ ܐܸܬ݁ܕ݁ܚܝܼܬ݂ ܕܐܸܣܬ݁ܚܸܦ ܘܐܸܦܸܠ ܘܡܵܪܝܵܐ ܥܲܕ݁ܪܲܢܼܝ܀
ܕܡܲܓܵܗܲܝ̈ ܚܲܡܫܵܒ݁ܫܲܒܵܐ ܕܐܲܪܒ݁ܥܵܐ ܕܨܵܘܡܵܐ
ܗ܀ ܒܣܘܿܓ݂ܐܵܐ ܕܥܘܼܫܢܵܟܼ ܢܸܬ݂ܟܲܕ݁ܒ݂ܘܼܢ ܠܵܟܼ ܒܥܸܠܕܒ݂ܵܒܲܝ̈ܟ܀ ܒܟ݂ܠܵܗ̇ ܐܲܪܥܵܐ ܢܸܣܓ݁ܕ݂ܘܼܢ ܠܵܟܼ ܘܲܢܙܲܡܪܘܼܢ ܠܵܟܼ܀ ܘܲܢܫܲܒ݁ܚܘܼܢ ܠܲܫܡܵܟܼ ܠܥܵܠܡܝܼܢ܀ ܘܢܹܐܡܪܘܼܢ ܕܬ݂ܵܘ ܚܙܵܘ ܥܒ݂ܵܕ݂ܵܘ̈ܗܝ ܕܐܲܠܵܗܵܐ܀ ܕܣܲܓܝܼ̈ܐܵܢ ܬܸܕ݂ܡܪ̈ܵܬܹܗ ܥܲܠ ܒܢܲܝ̈ܢܵܫܵܐ܀
ܕܡܲܓܵܗܲܝ̈ ܥܪܘܼܒ݂ܬܵܐ ܕܐܲܪܒܲܥ ܕܨܵܘܡܵܐ
ܘ܀ ܡܸܛܠ ܕܬܲܪܥܝܼܬܹܗ ܕܒܲܪܢܵܫܵܐ ܬܵܘܕܸ݁ܐ ܠܵܟܼ܀ ܘܫܲܪܟܵܐ ܕܚܸܡܬܹܗ ܬܲܦܪܸܩ ܪܘܼܓ݂ܙܵܐ܀ ܢܕ݂ܘܿܪܘ ܘܫܲܠܸܡܘ ܠܡܵܪܝܵܐ ܐܲܠܵܗܟ݂ܘܿܢ܀ ܟܠ ܕܲܚܕ݂ܝܼܪܝܼܢ ܠܹܗ ܢܵܘܒ݁ܠܘܼܢ ܩܘܼܪ̈ܒܵܢܹܐ ܠܲܕ݂ܚܝܼܠܵܐ܀ ܕܲܡܡܲܟܸ݁ܟܼ ܪܘܼܚܵܐ ܕܫܲܠܝܼܛܵܢܹ̈ܐ܀ ܘܲܕ݂ܚܝܼܠ ܥܲܠ ܡܲܠܟܹ̈ܐ ܕܐܲܪܥܵܐ܀
ܕܡܲܓܵܗܲܝ̈ ܫܲܒ݁ܬ݂ܵܐ ܕܐܲܪܒܲܥ ܕܨܵܘܡܵܐ
ܘ܀ ܡܲܠܟܹ̈ܐ ܕܬܲܪܫܝܼܫ ܘܲܕ݂ܓ݂ܵܙܪ̈ܵܬ݂ܵܐ܀ ܩܘܼܪ̈ܒܵܢܹܐ ܢܲܝܬ݁ܘܿܢ ܠܹܗ܀ ܡܲܠܟܹ̈ܐ ܕܲܫܒ݂ܵܐ ܘܲܕ݂ܣܵܒ݂ܵܐ܀ ܩܘܼܪ̈ܒܵܢܹܐ ܢܩܲܪܒ݂ܘܼܢ܀ ܢܸܣܓ݁ܕ݂ܘܼܢ ܠܹܗ ܟܠܗܘܿܢ ܡܲܠܟܹ̈ܐ܀ ܘܟ݂ܠܗܘܿܢ ܥܲܡܡܹ̈ܐ ܢܸܦܠ̱ܚܘܼܢܵܝܗܝ܀
ܚܲܕ݂ܒ݁ܫܲܒܵܐ ܕܚܲܡܫܵܐ ܕܨܵܘܡܵܐ
ܘ ܀ ܢܵܘܕ݁ܘܿܢ ܠܵܟܼ ܡܵܪܝܵܐ ܟܠܗܘܿܢ ܡܲܠܟܹ̈ܐ ܕܐܲܪܥܵܐ܀ ܡܸܛܠ ܕܲܫ̣ܡܲܥܘ ܡܹܐܡܪܹܗ ܕܦܘܼܡܵܟܼ܀ ܘܲܢܫܲܒ݁ܚܘܼܢ ܐܘܼܪ̈ܚܵܬܹܗ ܕܡܵܪܝܵܐ܀ ܡܸܛܠ ܕܪܲܒܘܼ ܐܝܼܩܵܪܹܗ ܕܡܵܪܝܵܐ܀ ܘܪܵܡܘܼ ܡܵܪܝܵܐ ܕܲܒ݂ܥܘܼܡܩܵܐ ܚܵܙܹ̇ܐ܀ ܘܐܲܝܢܵܐ ܕܡܸܬ݁ܬ݁ܪܝܼܡ ܡ̣ܢ ܪܘܼܚܩܵܐ ܝܵܕܲܥ̇܀
ܕܡܲܓܵܗܲܝ̈ ܫܲܒ݁ܬ݂ܵܐ ܕܚܲܡܸܫ ܕܨܵܘܡܵܐ
ܙ܀ ܡܒܲܛܸܠ ܩܪ̈ܵܒܹܐ ܡ̣ܢ ܣܵܘܦܹܝ̈ܗ̇ ܕܐܲܪܥܵܐ܀ ܩܸܫ̈ܬܵܬ݂ܵܐ ܡܬܲܒܲܪ ܘܲܡܬܲܒܲܪ ܢܲܝ̈ܙܟܹ݁ܐ܀ ܘܡܲܪ̈ܟܒ݂ܵܬ݂ܵܐ ܡܵܘܩܸܕ݂ ܒܢܘܼܪܵܐ܀ ܐܸܬ݂ܦܢܵܘ ܘܕܲܥܘ ܕܐܸܢܵܐ ܐ݇ܢܵܐ ܐܲܠܵܗܵܐ܀ ܐܸܬ݁ܬ݁ܪܝܼܡܹܬ݂ ܒܥܲܡܡܹ̈ܐ ܘܐܸܬ݁ܬ݁ܪܝܼܡܹܬ݂ ܒܐܲܪܥܵܐ܀ ܡܵܪܝܵܐ ܚܲܝܠ̱ܬ݂ܵܢܵܐ ܥܲܡܲܢ܀ ܘܲܡܥܲܕ݁ܪܵܢܲܢ ܐܲܠܵܗܹܗ ܕܝܲܥܩܘܿܒ݂܀
ܚܲܕ݂ܒ݁ܫܲܒܵܐ ܕܸܫܬܵܐ ܕܨܵܘܡܵܐ
ܙ܀ ܡܸܛܠ ܕܐܸܬ݁ܕ݁ܟܲܪ ܡܸܠܬ݂ܵܐ ܕܩܘܼܕ݂ܫܹܗ ܕܐܲܒ݂ܪܵܗܵܡ ܥܲܒ݂ܕܹܗ܀ ܐܲܦܸܩ̣ ܠܥܲܡܹܗ ܒܚܲܕ݂ܘܼܬ݂ܵܐ܀ ܘܲܒ݂ܬܸܫܒ݁ܘܿܚܬܵܐ ܠܓܲܕ݁ܘܼܕ݂ܵܘ̈ܗܝ܀ ܝܲܗ̣݇ܒ݂ ܠܗܘܿܢ ܐܲܪ̈ܥܵܬ݂ܵܐ ܕܥܲܡܡܹ̈ܐ܀ ܘܥܲܡܠܵܐ ܕܐܸܡ̈ܘܵܬ݂ܵܐ ܝܼܪܸܬ݂ܘ܀ ܕܢܸܙܕܲܗܪܘܼܢ ܒܦܘܼܩܕܵܢܵܘ̈ܗܝ܀ ܘܢܵܡܘܿܣܵܘ̈ܗܝ ܢܸܛܪܘܼܢ܀
ܕܡܲܓܵܗܲܝ̈ ܫܲܒ݁ܬ݂ܵܐ ܕܫܸܬ݂ ܕܨܵܘܡܵܐ
ܐܸܬ݁ܛܲܢܲܦܘ ܒܲܥܒ݂ܵܕܲܝ̈ܗܘܿܢ ܘܙܲܢ̣ܝܼܘ ܒܨܸܢ̈ܥܵܬ݂ܗܘܿܢ܀ ܘܐܸܬ݂ܚܲܡܲܬ݂ ܪܘܼܓ݂ܙܹܗ ܕܡܵܪܝܵܐ ܥܲܠ ܥܲܡܹܗ܀ ܘܐܲܣ̣ܠܝܼ ܠܝܵܪܬ݁ܘܼܬܹܗ܀ ܘܐܲܫ̣ܠܸܡ ܐܸܢܘܿܢ ܒܐܝܼܕ݂ܵܐ ܕܥܲܡܡܹ̈ܐ܀ ܘܐܸܫܬܲܠܲܛܘ ܒܗܘܿܢ ܣܵܢܐܲܝ̈ܗܘܿܢ܀ ܘܫܲܥ̣ܒܸ݁ܕ݂ܘ ܐܸܢܘܿܢ ܒܥܸܠܕܒ݂ܵܒܲܝ̈ܗܘܿܢ܀ ܘܐܸܫܬܲܥܒܲܕ݂ܘ ܬܚܘܿܬ݂ ܐܝܼܕܲܝ̈ܗܘܿܢ܀ ܙܲܒ݂̈ܢܵܬ݂ܵܐ ܣܲܓܝܼ̈ܐܵܬ݂ܵܐ ܦܲܨ̣ܝܼ ܐܸܢܘܿܢ܀
ܚܲܕ݂ܒ݁ܫܲܒܵܐ ܕܫܲܒ݂ܥܵܐ ܕܨܵܘܡܵܐ ܥܹܐܕ݂ܵܐ ܗ݇ܘ̣ ܕܐܘܿܫܲܥܢܹ̈ܐ
ܗܵܝܕܹܝܢ ܢܫܲܒ݁ܚܘܼܢ ܟܠܗܘܿܢ ܐܝܼܠܵܢܹ̈ܐ ܕܥܵܒ݂ܵܐ: ܠܡܲܥܲܠܬܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀
ܦܘܼܢܵܝܵܐ܀ ܩܕ݂ܵܡ ܡܵܪܝܵܐ ܕܐܵܬܹ̇ܐ ܠܲܡܕ݂ܵܢܵܗ̇ ܠܐܲܪܥܵܐ. ܠܡܲܥܲܠܬܹܗ ܕܲܡܫܝܼܚܵܐ..
ܫܲܒܲܚ. ܠܡܲܥܲܠܬܹܗ ܕܲܡܫܝܼܚܵܐ.. ܥܵܠܲܡ. ܠܡܲܥܲܠܬܹܗ ܕܲܡܫܝܼܚܵܐ..
ܕܡܲܓܵܗܲܝ̈ ܬܠܵܬ݂ܒ݁ܫܲܒܵܐ ܐ݇ܚܪܵܝܵܐ ܕܨܵܘܡܵܐ
ܙ. ܒܩܵܠ ܢܸܩܦܲܬ̤܀ ܡܵܐ ܚܲܒ݁ܝܼܒ݂ܝܼܢ ܡܲܫܟ݁ܢܲܝ̈ܟ ܡܵܪܝܵܐ ܚܲܝܠ̱ܬ݂ܵܢܵܐ܀ ܣܲܟ݁ܝܲܬ̤ ܢܲܦ̮ܫܝ ܘܐܸܬ݂ܪܲܓ݂ܪ̱ܓܲܬ̤ ܠܕ݂ܵܪ̈ܵܘܗܝ ܕܡܵܪܝܵܐ܀ ܠܹܒ݁ܝ ܘܒܸܣ̱ܪܝ ܫܲܒܲܚ̣ܘ ܠܐܲܠܵܗܵܐ ܚܲܝܵܐ܀ ܘܐܵܦ ܨܸܦܪܵܐ ܐܸܫܟ݁ܚܲܬ̤ ܠܵܗ̇ ܒܲܝܬܵܐ ܘܫܘܿܦܢܝܼܢܵܐ ܩܸܢܵܐ܀ ܪܲܒ݁ܝܼܘ ܦܲܪ̈ܘܼܓܹܐ ܥܲܠ ܓܹܢ݇ܒ݂ ܡܲܕ݂ܒ݁ܚܵܟܼ ܡܵܪܝܵܐ ܚܲܝܠ̱ܬ݂ܵܢܵܐ܀ ܡܲܠܟ݁ܝ ܘܐܲܠܵܗܝ ܛܘܼܒܲܝܗܘܿܢ ܠܲܕ݂ܥܵܡ̇ܪܝܼܢ ܒܒܲܝܬܵܟ݂܀ ܢܫܲܒ݁ܚܘܼܢܵܟܼ ܠܥܵܠܲܡ܀
ܕܡܲܓܵܗܲܝ̈ ܐܲܪܒܲܥܒ݁ܫܲܒܵܐ ܕܫܲܒ݂ܥܵܐ ܕܨܵܘܡܵܐ
ܘ. ܒܩܵܠ ܢܸܩܦܲܬ̤܀ ܡܵܪܝܵܐ ܐܲܠܵܗܲܢ ܐܲܢ݇ܬ݁ ܥ̣ܢܲܝܬ݁ ܐܸܢܘܿܢ܀ ܐܲܠܵܗܵܐ ܬܵܒ݂ܘܿܥܵܐ ܗ̤ܘܲܝܬ݁ ܠܗܘܿܢ܀ ܦܪܘܿܥ ܐܸܢܘܿܢ ܐܲܝܟܼ ܥܒ݂ܵܕܲܝ̈ܗܘܿܢ܀ ܪܲܡܪܸܡܘ ܠܡܵܪܝܵܐ ܐܲܠܵܗܲܢ܀ ܘܲܣܓ݂ܘܿܕ݂ܘ ܠܛܘܼܪܹܗ ܩܲܕܝܼܫܵܐ܀ ܡܸܛܠ ܕܩܲܕܝܼܫܘܼ ܡܵܪܝܵܐ ܐܲܠܵܗܲܢ܀
ܕܡܲܓܵܗܲܝ̈ ܚܲܡܫܵܒ݁ܫܲܒܵܐ ܕܦܸܨܚܵܐ
ܙ. ܒܩܵܠ ܢܸܩܦܲܬ̤. ܟܠܗܘܿܢ ܡܲܚܫܘܼܠܲܝ̈ܟ ܘܓܲܠܠܲܝ̈ܟ ܥܠܲܝ ܥ̣ܒܲܪܘ܀ ܒܐܝܼܡܵܡܵܐ ܢܸܦܩܘܿܕ݂ ܡܵܪܝܵܐ ܪ̈ܲܚܡܵܘܗܝ܀ ܘܲܒ݂ܠܸܠܝܵܐ ܬܸܫ̈ܒ݁ܚܵܬܹܗ܀ ܥܲܡܝ ܨܠܘܿܬ݂ܵܐ ܠܐܲܠܵܗܵܐ ܚܲܝܵܐ܀ ܐܸܡ̇ܪܹܬ݂ ܠܐܲܠܵܗܵܐ ܕܲܠܡܵܢܵܐ ܛ̣ܥܲܝܬܵܢܝ܀ ܘܲܠܡܵܢܵܐ ܡܗܲܠܸܟܼ ܐ݇ܢܵܐ ܟܡܝܼܪܵܐܝܼܬ݂܀ ܒܐܘܼܠܨܵܢܵܐ ܕܲܒ݂ܥܸܠܕܒ݂ܵܒܲܝ̈܀
ܕܡܲܓܵܗܲܝ̈ ܥܪܘܼܒ݂ܬܵܐ ܕܚܲܫܵܐ ܘܐ݇ܪ̈ܵܙܹܐ ܕܦܸܨܚܵܐ
ܚ܀ ܐܸܬ݂ܠܲܚܲܫܘ ܥܠܲܝ ܐܲܟ݂ܚ݇ܕ݂ܵܐ ܟܠܗܘܿܢ ܣܵܢܐܲܝ̈܀ ܘܐܸܬ݂ܚܲܫܲܒ݂ܘ ܥܠܲܝ ܒܝܼܫܬܵܐ܀ ܒܡܸܠܬ݂ܵܐ ܕܥܵܘ̣ܠܵܐ ܪܵܢܹܝ̇ܢ ܗ̣݇ܘܵܘ܀ ܡܸܟܹ݁ܝܠ ܕܲܫ̣ܟܸܒ݂ ܠܵܐ ܡܵܘܣܸܦ ܠܲܡܩܵܡ܀ ܐܵܦ ܓܲܒ݂ܪܵܐ ܫܵܐܹ̇ܠ ܫܠܵܡܝ ܕܲܬ݂ܟ݂ܝܼܠ ܐ݇ܢܵܐ ܥܠܵܘܗܝ܀ ܐܵܟܹܠ̇ ܠܲܚܡ̱ܝ ܕܲܬ݂ܟ݂ܝܼܠ ܐ݇ܢܵܐ ܥܠܵܘܗܝ ܣܲܓ݁ܝܼ ܐܸܬ݂ܢ̱ܟܸܠ ܥܠܲܝ܀ ܘܐܲܢ݇ܬ݁ ܡܵܪܝܵܐ ܪܲܚܸܡܥܠܲܝ܀ ܘܐܲܩܝܼܡܲܝܢܝ ܘܐܸܦܪܘܿܥ ܐܸܢܘܿܢ܀
ܕܡܲܓܵܗܲܝ̈ ܕܫܲܒ݁ܬ݂ܵܐ ܪܲܒ݁ܬ݂ܵܐ
ܒܢܸܩܦܲܬ̤܀ ܥܒܲܪ ܡ̣ܢ ܒܝܼܫܬܵܐ ܘܲܥܒܸܕ݂ ܛܵܒ݂ܬ݂ܵܐ܀ ܒܥܝܼ ܫܠܵܡܵܐ ܘܗܲܪ̄ܛ ܒܵܬ݂ܪܹܗ܀ ܥܲܝܢܵܘ̈ܗܝ ܕܡܵܪܝܵܐ ܥܲܠ ܙܲܕܝܼܩܹ̈ܐ܀ ܘܐܸܕ݂ܢܵܘ̈ܗܝ ܠܡܸܫܡܲܥ ܐܸܢܘܿܢ܀ ܐܲܦܵܘ̈ܗܝ ܕܡܵܪܝܵܐ ܥܲܠ ܒܝܼܫܹ̈ܐ܀ ܕܢܸܥܛܸܐ ܡ̣ܢ ܐܲܪܥܵܐ ܕܘܼܟ݂ܪܵܢܗܘܿܢ܀
ܕܡܲܓܵܗܲܝ̈ ܚܲܕ݂ܒ݁ܫܲܒܵܐ ܪܲܒܵܐ ܕܲܩܝܵܡܬܹܗ ܕܡܵܪܲܢ
ܕ. ܒܩܵܠ ܢܸܩܦܲܬ̤.܀ ܡܲܫܪܝܼܬ݂ܵܐ ܕܡܲܠܲܐܟ݂ܵܘ̈ܗܝ ܕܡܵܪܝܵܐ܀ ܚܕ݂ܝܼܪܵܐ ܠܕ݂ܵܚܠܵܘ̈ܗܝ ܘܲܡܦܲܨܸܐ ܠܗܘܿܢ܀ ܛܥܲܡܘ ܘܲܚܙܵܘ ܕܛܵܒ݂ܘܼ ܡܵܪܝܵܐ܀ ܛܘܼܒܲܝܗܘܿܢ ܠܟ݂ܠ ܕܲܬ݂ܟ݂ܝܼܠܝܼܢ ܥܠܵܘܗܝ܀
ܕܐ݇ܪ̈ܵܙܹܐ ܕܚܲܕ݂ܒ݁ܫܲܒܵܐ ܪܲܒܵܐ ܕܲܩܝܵܡܬܹܗ ܕܡܵܪܲܢ
ܡܵܪܝܵܐ ܐܲܡ̣ܠܸܟܼ ܬܕ݂ܘܨ ܐܲܪܥܵܐ. ܠܲܩܝܵܡܬܹ݁ܗ ܕܲܡܫܝܼܚܵܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܢܸܚ̈ܕ݁ܝܵܢ ܓܵܙܪ̈ܵܬ݂ܵܐ ܣܲܓܝܼ̈ܐܵܬ݂ܵܐ. ܠܲܩܝܵܡܬܹ݁ܗ ܕܲܡܫܝܼܚܵܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀
ܫܲܒܲܚ. ܠܲܩܝܵܡܬܹ݁ܗ ܕܲܡܫܝܼܚܵܐ..܀ ܥܵܠܲܡ. ܠܲܩܝܵܡܬܹ݁ܗ ܕܲܡܫܝܼܚܵܐ..
ܬܪܹܝܢܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ
ܡܸܛܠ ܕܠܵܐ ܫܒܲܩܼܬ݁ ܠܢܲܦ̮ܫܝ ܒܲܫܝܘܿܠ. ܠܲܩܝܵܡܬܹ݁ܗ ܕܲܡܫܝܼܚܵܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ܘܠܵܐ ܝܲܗ̣݇ܒ݂ܬ݁ ܠܚܲܣܝܵܟܼ ܕܢܸܚܙܸܐ ܚܒ݂ܵܠܵܐ. ܠܲܩܝܵܡܬܹ݁ܗ ܕܲܡܫܝܼܚܵܐ܀ ܫܲܒܲܚ. ܠܲܩܝܵܡܬܹ݁ܗ ܕܲܡܫܝܼܚܵܐ..܀ ܥܵܠܲܡ. ܠܲܩܝܵܡܬܹ݁ܗ ܕܲܡܫܝܼܚܵܐ...܀
ܬܠܵܬ݂ܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ
ܘ܀ ܡܵܪܝܵܐ ܐܲܠܵܗܝ ܒܥܹܝ̇ܬ݂ ܡܸܢܵܟܼ ܘܐܲܣ̣ܝܼܬܵܢܝ܀ ܘܐܲܣܸܩ̣ܬ݁ ܡ̣ܢ ܫܝܘܿܠ ܠܢܲܦ̮ܫܝ܀ ܘܐܲܚ̣ܝܼܬܵܢܝ ܡ̣ܢ ܢܵܚܬܲܝ̈ ܓܘܼܒܵܐ܀ ܙܡܲܪܘ ܠܡܵܪܝܵܐ ܓܒ݂ܵܘ̈ܗܝ܀ ܘܐܵܘܕܵܘ ܠܕ݂ܘܼܟ݂ܪܵܢܵܐ ܕܩܘܼܕ݂ܫܹܗ܀
ܕܐܲܪܒܲܥܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ
ܡܸܛܠ ܕܐܲܠܵܗܵܐ ܗ݇ܘ̣ ܪܲܒܵܐ ܡܵܪܝܵܐ܀ ܡܲܠܟܵܐ ܕܪܲܒ ܥܲܠ ܟܠܗܘܿܢ ܐܲܠܵܗܹ̈ܐ܀
ܚܲܡܫܵܒ݁ܫܲܒܵܐ ܕܫܲܒܲܬ݂ ܫܲܒܹ̈ܐ
ܗ܀ ܐܵܘܕܵܘ ܠܡܵܪܝܵܐ ܘܲܩܪܵܘ ܫܡܹܗ܀ ܘܚܵܘܵܘ ܒܥܲܡܡܹ̈ܐ ܥܒ݂ܵܕ݂̈ܵܘܗܝ܀ ܫܲܒ݁ܚܘܼܗܝ ܘܲܙܡܲܪܘ ܠܹܗ܀ ܘܐܸܫܬܲܥܵܘ ܟܠܗܹܝܢ ܬܸܕ݂ܡܪ̈ܵܬܹܗ܀ ܫܲܒܲܚܘ ܠܲܫܡܵܐ ܕܩܘܼܕ݂ܫܹܗ܀
ܥܪܘܼܒ݂ܬܵܐ ܕܡܵܘܕܝܵܢܹ̈ܐ
ܡܸܛܠܵܬ݂ܵܟܼ ܐܸܬ݂ܩܲܛܲܠ̄ܢ ܟܠܝܘܿܡ. ܠܕ݂ܘܼܟ݂ܪܵܢܗܘܿܢ ܕܣܵܗܕܹ̈ܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܐܸܬ݂ܚܫܸܒ݂̄ܢ ܐܲܝܟܼ ܥܵܢ̈ܵܐ ܠܢܸܟ݂ܣܬ݂ܵܐ: ܠܕ݂ܘܼܟ݂ܪܵܢܗܘܿܢ ܕܣܵܗܕܹ̈ܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ ܀ ܫܲܒܲܚ ܠܕ݂ܘܼܟ݂ܪܵܢܗܘܿܢ ܕܣܵܗܕܹ̈ܐ܀ ܥܵܠܲܡ܀ ܠܕ݂ܘܼܟ݂ܪܵܢܗܘܿܢ ܕܣܵܗܕܹ̈ܐ ܀
ܕܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܲܩܝܵܡܬܵܐ ܘܡܸܬ݂ܩܪܸܐ ܚܲܕ݂ܬܵܐ
ܘ܀ ܡܵܐ ܛܵܒ݂ ܘܡܵܐ ܫܲܦܝܼܪ܀ ܠܐܲܚܹ̈ܐ ܡܵܐ ܕܥܵܡ̇ܪܝܼܢ ܐܲܟ݂ܚ݇ܕ݂ܵܐ܀ ܐܲܝܟܼ ܡܸܫܚܵܐ ܕܢܵܚܹ̇ܬ݂ ܥܲܠ ܪܹܫܵܐ ܘܥܲܠ ܕܲܩܢܵܐ܀ ܕܲܩܢܹܗ ܕܐܲܗܪܘܿܢ ܕܢܵܚܹ̇ܬ݂ ܥܲܠ ܒܲܪ ܨܵܘܪܵܐ ܕܟ݂ܘܿܬ݁ܝܼܢܹܗ܀ ܘܐܲܝܟܼ ܛܲܠܵܐ ܕܚܸܪܡܘܿܢ ܕܢܵܚܹ̇ܬ݂ ܥܲܠ ܛܘܼܪܵܐ ܕܨܸܗܝܘܿܢ܀ ܡܸܛܠ ܕܬܲܡܵܢ ܦ̣ܩܲܕ݂ ܡܵܪܝܵܐ ܒܘܼܪܟ݁ܬ݂ܵܐ ܘܚܲܝܹ̈ܐ ܥܕܲܡܵܐ ܠܥܵܠܲܡ܀
ܕܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܲܩܝܵܡܬܵܐ
ܠܲܝܬ݁ ܐܲܟ݂ܘܵܬ݂ܵܟܼ ܡܵܪܝܵܐ ܐܲܠܵܗܝ ܘܠܲܝܬ݁ ܐܲܝܟܼ ܥܒ݂ܵܕܲܝ̈ܟ܀ ܟܠܗܘܿܢ ܥܲܡܡܹ̈ܐ ܕܲܥ̣ܒܲܕ݁ܬ݁܀ ܢܹܐܬ݂ܘܿܢ ܘܢܸܣܓ݁ܕ݂ܘܼܢ ܠܵܟܼ ܡܵܪܝܵܐ܀ ܘܲܢܫܲܒܚܘܼܢ ܠܲܫܡܵܟܼ ܡܸܛܠ ܕܪܲܒ݁ ܐܲܢ݇ܬ݁܀
ܕܘܼܟ݂ܪܵܢܵܐ ܕܡܵܪܝ ܓܝܼܘܲܪܓܝܼܣ ܣܵܗܕܵܐ
ܚܸܟ݂ܡ̱ܬ݂ܵܐ ܪܵܢܹ݁ܐ ܦܘܼܡܹܗ ܕܙܲܕܝܼܩܵܐ. ܠܕ݂ܘܼܟ݂ܪܵܢܹܗ ܕܣܵܗܕܵܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀
ܕܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܲܩܝܵܡܬܵܐ
ܘ܀ ܫܡܲܥܘ ܗܵܕܹܐ ܟܠܟ݂ܘܿܢ ܥܲܡܡܹ̈ܐ܀ ܘܨܘܼܬ݂ܘ ܟܠ ܝܵܬ݂ܒܲܝ̈ ܐܲܪܥܵܐ܀ ܒܢܲܝ̈ ܐܲܪܥܵܐ ܘܲܒ݂ܢܲܝ̈ ܐܢܵܫܵܐ܀ ܐܲܟ݂ܚ݇ܕ݂ܵܐ ܥܲܬ݁ܝܼܪܹ̈ܐ ܘܡܸܣܟܹ݁ܢܹ̈ܐ܀ ܦܘܼܡܝ ܢܡܲܠܸܠ ܚܸܟ݂ܡ̱ܬ݂ܵܐ܀ ܘܪܸܢܝܹܗ ܕܠܹܒ݁ܝ ܣܘܼܟܵܠܵܐ܀
ܚܲܕ݂ܒܫܲܒܵܐ ܕܚܲܡܫܵܐ ܕܲܩܝܵܡܬܵܐ (ܘܕ݂ܘܼܟ݂ܪܵܢܵܐ ܗ݇ܘ̣ ܕܡܵܪܝ ܐܲܕܲܝ ܫܠܝܼܚܵܐ)
ܙ܀ ܕܵܪܵܐ ܠܕ݂ܵܪܵܐ ܢܸܫܬܲܥܘܿܢ ܥܒ݂ܵܕܲܝ̈ܟ܀ ܘܓܲܢ݇ܒܵܪܘܼܬ݂ܵܟܼ ܢܚܵܘܘܿܢ܀ ܘܥܘܼܫܢܵܐ ܕܲܕ݂ܚܝܼܠܘܼܬ݂ܵܟܼ ܢܹܐܡܪܘܼܢ܀ ܘܪܵܘ̱ܪ̈ܒ݂ܵܬ݂ܵܟܼ ܢܸܫܬܲܥܘܿܢ܀ ܘܲܕ݂ܚܝܼܠܘܼܬ݂ ܥܘܼܫܢܵܟܼ ܢܹܐܡܪܘܼܢ܀ ܘܪܲܒ݁ܘܼܬ݂ܵܟܼ ܐܸܫܬܲܥܸܐ܀ ܕܘܼܟ݂ܪܵܢܵܐ ܕܛܲܝ̈ܒ݁ܘܵܬ݂ܵܟܼ ܣܲܓܝܼ̈ܐܵܬ݂ܵܐ܀
ܚܲܕ݂ܒܫܲܒܵܐ ܕܸܫܬܵܐ ܕܲܩܝܵܡܬܵܐ
ܡܲـ̣ܢܘܼ ܕܦܵܚܹ̇ܡ ܠܡܵܪܝܵܐ ܒܲܫܡܲܝ̈ ܫܡܲܝܵܐ. ܘܲܕ݁ܕ݂ܵܡܹ̇ܐ ܠܡܵܪܝܵܐ ܒܲܒ݂ܢܲܝ̈ ܡܲܠܲܐܟܹ̈ܐ. ܐܲܠܵܗܵܐ ܩܵܡ̣ ܒܥܹܕ݁ܬܵܐ ܕܩܲܕ݁ܝܼܫܹ̈ܐ. ܪܲܒ݁ ܘܲܕ݂ܚܝܼܠ ܥܲܠ ܟܠܗܘܿܢ ܕܲܚܕ݂ܵܪ̈ܵܘܗܝ. ܡܵܪܝܵܐ ܐܲܠܵܗܵܐ ܚܲܝܠ̱ܬ݂ܵܢܵܐ. ܡܲـ̣ܢܘܼ ܐܲܟ݂ܘܵܬ݂ܵܟܼ ܥܲܫܝܼܢܵܐ܀
ܕܘܼܟ݂ܪܵܢܵܐ ܕܲܫܡܘܿܢܝܼ ܘܕܲܒ݂ܢܹ̈ܝܗ̇
ܡܸܛܠܵܬ݂ܵܟܼ ܐܸܬ݂ܩܲܛܲܠ̄ܢ ܟܠܝܘܿܡ. ܠܕ݂ܘܼܟ݂ܪܵܢܗܘܿܢ ܕܣܵܗ̈ܕܹ݁ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܐܸܬ݂ܚܫܸܒ݂̄ܢ ܐܲܝܟܼ ܥܵܢ̈ܵܐ ܠܢܸܟ݂ܣܬ݂ܵܐ. ܠܕ݂ܘܼܟ̣ܪܵܢܗܘܿܢ ܕܣܵܗ̈ܕܹ݁ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ ܀ ܫܲܒܲܚ. ܠܕ݂ܘܼܟ̣ܪܵܢܗܘܿܢ ܕܣܵܗܕܹ̈ܐ..܀ ܥܵܠܲܡ ܠܕ݂ܘܼܟ̣ܪܵܢܗܘܿܢ ܕܣܵܗܕܹ̈ܐ...܀
ܥܹܐܕ݂ܵܐ ܩܲܕ݁ܝܼܫܵܐ ܕܣܘܼܠܵܩܹܗ ܕܡܵܪܲܢ
ܣ̣ܠܸܩ ܐܲܠܵܗܵܐ ܒܫܘܼܒ݂ܚܵܐ ܡܵܪܝܵܐ ܒܩܵܠܵܐ ܕܩܲܪܢܵܐ. ܠܣܘܼܠܵܩܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܙܡܲܪܘ ܠܐܲܠܵܗܵܐ ܒܫܘܼܒ݂ܚܵܐ ܙܡܲܪܘ ܠܡܲܠܟܲܢ. ܠܣܘܼܠܵܩܹܗ ܕܲܡܫܝܼܚܵܐ..܀ ܫܲܒܲܚ. ܠܣܘܼܠܵܩܹܗ ܕܲܡܫܝܼܚܵܐ...܀ ܥܵܠܲܡ. ܠܣܘܼܠܵܩܹܗ ܕܲܡܫܝܼܚܵܐ...܀
ܚܲܕ݂ܒ݁ܫܲܒܵܐ ܕܒ݂ܵܬܲܪ ܣܘܼܠܵܩܵܐ
ܚ. ܒܪܝܼܟ̣ܘ ܡܵܪܝܵܐ ܕܲܓ݂ܒ݂ܵܐ ܠܹܗ ܓܒܲܝ̈ܵܐ ܒܲܩܪܝܼܬ݂ܵܐ ܥܲܫܝܼܢܬܵܐ܀ ܐܸܢܵܐ ܐܸܡ̇ܪܹܬ݂ ܒܲܡܣܲܪܗ̱ܒ݂ܘܼܬ݂ܝ ܕܐܸܒ݂ܕܹ݁ܬ݂ ܡ̣ܢ ܩܕ݂ܵܡ ܥܲܝܢܲܝ̈ܟ܀ ܘܲܫ̣ܡܲܥܬ݁ ܩܵܠܵܐ ܕܒ݂ܵܥܘܼܬ݂ܝ ܟܲܕ݂ ܩܪܹܝ̇ܬ݂ܵܟܼ܀ ܪܚܲܡܘ ܠܡܵܪܝܵܐ ܙܲܕܝܼܩܵܘ̈ܗܝ܀ ܠܲܡܗܲܝܡܢܹ̈ܐ ܢܵܛܲ݁ܪ ܡܵܪܝܵܐ܀ ܘܦܵܪܲܥ̇ ܠܥܵܘܵܠܹ̈ܐ ܥܒ݂ܵܕܲܝ̈ܗܘܿܢ܀ ܐܸܬ݂ܚܲܝܲܠܘ ܘܢܸܬ݂ܥܲܫܲܢ ܠܸܒ݁ܟ݂ܘܿܢ܀ ܟܠ ܕܲܡܣܲܒ݁ܪܝܼܢ ܒܡܵܪܝܵܐ܀
ܚܲܕ݂ܒ݁ܫܲܒܵܐ ܕܦܲܢܛܹܩܘܼܣܛܹܐ
ܠܸܒܵܐ ܕܲܟ݂ܝܵܐ ܒܪܝܼ ܒܝܼ ܐܲܠܵܗܵܐ. ܠܡܲܚܲܬ݁ܬܹܗ ܕܪܘܼܚ ܩܘܼܕ݂ܫܵܐ. ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܪܘܼܚܵܟܼ ܬܩܲܢܬ݂ܵܐ ܚܲܕܸ݁ܬ݂ ܒܓ݂ܵܘܝ. ܠܡܲܚܲܬ݁ܬܹ݁ܗ ܕܪܘܼܚ ܩܘܼܕ݂ܫܵܐ. ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ.. ܠܡܲܚܲܬ݁ܬܹ݁ܗ..܀ ܥܵܠܲܡ.. ܠܡܲܚܲܬ݁ܬܹ݁ܗ..
ܥܪܘܼܒ̣ܬܵܐ ܕܕܲܗܒ̣ܵܐ
ܦܘܼܩܕܵܢܵܘ̈ܗܝ ܕܡܵܪܝܵܐ ܬܪܝܼܨܝܼܢ ܘܲܡܚܲܕܹܝܢ ܠܸܒܵܐ. ܠܕ݂ܘܼܟ̣ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܦܘܼܩܕܵܢܹܗ ܕܡܵܪܝܵܐ ܓܒܸܐ ܘܡܲܢܗܲܪ ܥܲܝܢܹ̈ܐ. ܠܕ݂ܘܼܟ̣ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ ܀ ܫܲܒܲܚ.. ܠܕ݂ܘܼܟ̣ܪܵܢܗܘܿܢ܀ ܥܵܠܲܡ. ܠܕ݂ܘܼܟ̣ܪܵܢܗܘܿܢ܀
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܲܫܠܝܼܚܹ̈ܐ
ܢܸܚܕܸ݁ܐ ܠܸܒ݁ܗܘܿܢ ܕܐܲܝܠܹܝܢ ܕܒ̣ܵܥܹ̇ܝܢ ܠܡܵܪܝܵܐ܀ ܒܥܵܘ ܠܡܵܪܝܵܐ ܘܐܸܬ݂ܚܲܝܲܠܘ܀ ܘܲܒ݂ܥܵܘ ܐܲܦܵܘ̈ܗܝ ܒܟ݂ܠܙܒܲܢ܀ ܐܸܬ݁ܕܲܟ݂̄ܪܘ ܬܸܕ݂ܡ̱ܪ̈ܵܬܹܗ ܕܲܥـ̣ܒܲܕ݂܀ ܬܸܕ݂ܡ̱ܪ̈ܵܬܹܗ ܘܕ݂ܝܼܢܵܐ ܕܦܘܼܡܹܗ܀ ܙܲܪܥܹܗ ܕܐܲܒ̣ܪܵܗܵܡ ܥܲܒ݂ܕܹ݁ܗ܀ ܘܲܒ݂ܢܲܝ̈ ܝܲܥܩܘܿܒ݂ ܓܒ̣ܵܘ̈ܗܝ܀ ܗܘ̤ܝܘ̣ ܡܵܪܝܵܐ ܐܲܠܵܗܲܢ܀
ܚܲܕ݂ܒܫܲܒܵܐ ܕܲܬ݂ܠܵܬ݂ܵܐ ܕܲܫܠܝܼܚܹ̈ܐ
ܐܸܠܘܼܠܵܐ ܡܵܪܝܵܐ ܕܲܗܘ̤ܵܐ ܠܝܼ ܥܵܕ݂ܘܿܪܵܐ܀ ܥܲܕ݂ ܩܲܠܝܼܠ ܫܵܪܝܵܐ ܗ݇ܘ̣ܵܬ݂ ܢܲܦ̮ܫܝ ܒܕ݂ܵܘܘܿܢܵܐ܀ ܘܐܸܢܵܐ ܐܸܡ̇ܪܹܬ݂ ܕܡܵـܛ ܪܸ̈ܓ̣ܠܲܝ ܘܛܲܝܒ݁ܘܼܬ݂ܵܟܼ ܡܵܪܝܵܐ ܣܡܲܟ̣ܬ݂ܲܢܝ܀
ܚܲܕ݂ܒܫܲܒܵܐ ܕܐܲܪܒܥܵܐ ܕܲܫܠܝܼܚܹ̈ܐ
ܘ܀ ܕܲܒܲܪ ܐܸܢܘܿܢ ܒܐܝܼܡܵܡܵܐ ܒܲܥܢܵܢܵܐ܀ ܘܟ݂ܠܹܗ ܠܸܠܝܵܐ ܒܙܲܗܪܵܐ ܕܢܘܼܪܵܐ܀ ܬܪܲܥ̣ ܛܲܪܵܢܵܐ ܒܡܲܕ݂ܒ݁ܪܵܐ܀ ܘܐܲܫ̣ܩܝܼ ܐܸܢܘܿܢ ܐܲܝܟܼ ܕܡ̣ܢ ܬܗܘܿܡܵܐ ܪܲܒܵܐ܀ ܐܲܦܸܩ̣ ܪ̈ܵܕܲܝܵܐ ܡ̣ܢ ܟܹܐܦܵܐ܀ ܘܲܪܕ݂ܵܘ ܡܲܝ̈ܵܐ ܐܲܝܟܼ ܢܲܗܪ̈ܵܘܵܬ݂ܵܐ.
ܚܲܕ݂ܒ݁ܫܲܒܵܐ ܕܚܲܡܫܵܐ ܕܲܫܠܝܼܚ̈ܐ
ܕ܀ ܘܲܕ݂ܚܸܠ̣ܘ ܠܲܦܬܲܟ݂ܪ̈ܲܝܗܘܿܢ ܘܲܗܘ̤ܵܘ ܠܗܘܿܢ ܠܬ݂ܘܼܩ̱ܠܬ݂ܵܐ܀ ܘܕܲܒܲܚܘ ܒܢܲܝ̈ܗܘܿܢ ܘܲܒ̣ܢܵܬ݂̈ܗܘܿܢ ܠܫܹܐܕܹ̈ܐ܀ ܘܐܸܫܲܕ݂ܘ ܕܡܵܐ ܙܲܟܵܝܵܐ܀ ܕܡܵܐ ܕܲܒ̣ܢܲܝ̈ܗܘܿܢ ܘܕܲܒ̣ܢܵܬ݂̈ܗܘܿܢ.
ܚܲܕ݂ܒ݁ܫܲܒܵܐ ܕܸܫܬܵܐ ܕܲܫܠܝܼܚܹ̈ܐ
ܒܥܵܘ ܠܡܵܪܝܵܐ ܘܐܸܬ݂ܚܲܝܲܠܘ܀ ܘܲܒ݂ܥܵܘ ܐܲܦܵܘ̈ܗܝ ܒܟ̣ܠܙܒܲܢ܀ ܐܸܬ݁ܕܲܟ݂̄ܪܘ ܬܸܕ݂ܡ̱ܪ̈ܵܬܹܗ ܕܲܥ̣ܒܲܕ. ܬܸܕ݂ܡ̱ܪ̈ܵܬܹܗ ܘܕ݂ܝܼܢܵܐ ܕܦܘܼܡܹܗ܀ ܙܲܪܥܹܗ ܕܐܲܒ݂ܪܵܗܵܡ ܥܲܒ݂ܕܹܗ܀ ܘܲܒ݂ܢܲܝ̈ ܝܲܥܩܘܿܒ݂ ܓܒ݂ܵܘ̈ܗܝ܀ ܗ̤ܘܝܘܼ ܡܵܪܝܵܐ ܐܲܠܵܗܲܢ܀ ܕܲܒ݂ܟ̣ܠܵܗ̇ ܐܲܪܥܵܐ ܕܝܼܢܵܘ̈ܗܝ܀
ܚܲܕ݂ܒ݁ܫܲܒܵܐ ܕܫܲܒ̣ܥܵܐ ܕܲܫܠܝܼܚܹ̈ܐ
ܚ܀ ܐܲܪܝܼܡ̣ ܐܝܼܕܹܗ ܥܠܲܝܗܘܿܢ ܕܢܵܘܒܸܕ݂ ܐܸܢܘܿܢ ܒܥܲܡܡܹ̈ܐ܀ ܘܲܢܒܲܕܲܪ ܙܲܪܥ̱ܗܘܿܢ ܒܥܲܡܡܹ̈ܐ܀ ܘܢܵܘܒܸ݁ܕ ܐܸܢܘܿܢ ܒܐܲܪ̈ܥܵܬ݂ܵܐ܀ ܥܲܠ ܕܐܸܬ݂ܢܲܩܲܦܘ ܠܲܦܬܲܟ݂ܪܹ̈ܐ ܕܲܦܥܘܿܪ܀ ܘܐܸܟܲܠ̣ܘ ܕܸܒ݂ܚܹ̈ܐ ܕܡܝܼ̈ܬܹܐ܀ ܘܐܲܪܓ݁ܙ̣ܘܼܗܝ ܒܲܥܒ݂ܵܕܲܝ̈ܗܘܿܢ ܘܒܲܦܬܲܟ݂ܪ̈ܲܝܗܘܿܢ ܐܲܛ̣ܢܘܼܗܝ܀ ܘܐܲܥ̣ܫܸܢ ܥܠܲܝܗܘܿܢ ܡܵܘܬܵܢܵܐ ܡ̣ܢ ܫܸܠܝܵܐ܀ ܩܵܡ̣ ܦܝܼܢܚܸܣ ܘܨܲܠܝܼ ܘܐܸܬ݂ܟ݁ܠܝܼ ܡܵܘܬܵܢܵܐ.
ܥܪܘܼܒ̣ܬܵܐ ܕܫܘܼܠܵܡ ܫܵܒ̣ܘܿܥܵܐ ܕܲܫܠܝܼܚ̈ܐ ܘܕ݂ܘܼܟ̣ܪܵܢܵܐ ܗ݇ܘ̣ ܕܫܲܒ̣ܥܝܼܢ ܘܲܬ݂ܪܹܝܢ ܬܲܠܡܝܼܕܹ̈ܐ.
ܢܸܚܕܸܐ ܠܸܒ݁ܗܘܿܢ ܕܐܲܝܠܹܝܢ ܕܒ݂ܵܥܹܝ̇ܢ ܠܡܵܪܝܵܐ. ܠܕ݂ܘܼܟ݂ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ.
ܒܥܵܘ ܠܡܵܪܝܵܐ ܘܐܸܬ݂ܚܲܝܲܠܘ. ܠܕ݂ܘܼܟ݂ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ. ܠܕ݂ܘܼܟ݂ܪܵܢܗܘܿܢ....܀ ܥܵܠܲܡ. ܠܕ݂ܘܟܼܪܵܢܗܘܿܢ....܀
ܚܲܕ݂ܒ݁ܫܲܒܵܐ ܕܫܘܼܠܵܡ ܫܵܒ݂ܘܿܥܵܐ ܕܲܫܠܝܼܚܹ̈ܐ ܘܩܲܕ݂ܡܵܝܵܐ ܗ݇ܘ̣ ܕܩܲܝܛܵܐ ܘܡܸܬܼܩܪܸܐ ܢܘܼܣܲܪܕ݁ܐܹܝܠ ܘܡܸܬ݂ܦܲܫܲܩ ܥܹܐܕܹܗ ܕܐܲܠܵܗܵܐ. ܘܕ݂ܘܼܟ݂ܪܵܢܵܐ ܗ݇ܘ̣ ܕܲܬ݂ܪܸܥܣܲܪ ܫܠܝܼܚܹ̈ܐ
ܡܸܣܟܹܢܹ̈ܐ ܝܵܪܬ݁ܝܼ̇ܢ ܐܲܪܥܵܐ. ܠܕ݂ܘܼܟ̣ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܡܸܬ݂ܒܲܣܡܝܼܢ ܒܲܫܠܵܡܵܐ ܣܲܓܝܼܐܵܐ. ܠܕܘܼܟ̣ܪܵܢܗܘܿܢ ܕܲܫܠܝܼܚܹ̈ܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ. ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ. ܫܲܒܲܚ. ܠܕ݂ܘܼܟܼܪܵܢܗܘܿܢ...܀ ܥܵܠܲܡ. ܠܕ݂ܘܼܟܼܪܵܢܗܘܿܢ...܀
ܘܕ݂ܘܼܟ݂ܪܵܢܵܐ ܗ݇ܝ̣ ܕܡܵܪܝ ܝܲܥܩܘܿܒ݂ ܕܲܢܨܝܼܒ݂ܝܼܢ
(ܫܲܡܸܫ ܐܲܝܟܼ ܛܲܟ݂ܣܵܐ ܕܚܲܕ݂ ܦܲܪܨܘܿܦܵܐ ܐܸܢ ܨܵܒ݂ܹܝ̇ܬ݁)
ܕܘܼܟ̣ܪܵܢܵܐ ܕܡܵܪܝ ܬܐܘܿܡܵܐ ܫܠܝܼܚܵܐ
ܢܸܗܘܸܐ ܚܲܝܠ̱ܬ݂ܵܢ ܙܲܪܥܹܗ ܒܐܲܪܥܵܐ. ܠܕ݂ܘܼܟ݂ܪܵܢܹܗ ܕܲܫܠܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ. ܘܢܸܬ݂ܒܲܪܲܟܼ ܒܕ݂ܵܪܵܐ ܕܙܲܕ݁ܝܼܩܹ̈ܐ. ܠܕ݂ܘܼܟ݂ܪܵܢܹܗ ܕܲܫܠܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ.. ܫܲܒܲܚ. ܠܕ݂ܘܼܟ݂ܪܵܢܹܗ...܀ ܥܵܠܲܡ܀ ܠܕ݂ܘܼܟ݂ܪܵܢܹܗ...܀
ܚܲܕ݂ܒܫܲܒܵܐ ܕܲܬ݂ܪܹܝܢ ܕܩܲܝܛܵܐ
ܗ܀ ܗܵܟܲܢ ܢܸܬ݂ܒܲܪܲܟܼ ܓܲܒ݂ܪܵܐ ܕܕ݂ܵܚܹܠ̇ ܡ̣ܢ ܡܵܪܝܵܐ܀ ܢܒܲܪܟܼ݂ܵܟܼ ܡܵܪܝܵܐ ܡ̣ܢ ܨܸܗܝܘܿܢ܀ ܘܬܸܚܙܸܐ ܒܛܵܒ݂ܵــ̈ܬ݂ܵܗ̇ ܕܐܘܿܪܸܫܠܸܡ ܟܠ ܝܵܘܡܲܝ̈ ܚܲܝܲܝ̈ܟ܀ ܘܬܸܚܙܸܐ ܒܢܲــ̈ܝܵܐ ܠܲܒ݂ܢܲܝ̈ܟ܀ ܫܠܵܡܵܐ ܥܲܠ ܝܑܼܣܪܵܝܹܠ.
ܥܪܘܼܒ݂ܬܵܐ ܕܬܲܪܬܹܝܢ ܕܩܲܝܛܵܐ ܘܕ݂ܘܼܟ݂ܪܵܢܵܐ ܗ݇ܘ̣ ܕܡܵܪܝ ܡܵܐܪܝܼ ܫܠܝܼܚܵܐ.
(ܘܐܸܢ ܨܵܒܹܝܬ݁ ܫܲܡܸܫ ܛܲܟ݂ܣܵܐ ܕܡܵܪܝ ܬܐܘܿܡܵܐ ܫܠܝܼܚܵܐ)
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܩܲܝܛܵܐ
ܛ܀ ܗܓܲܡ̣ܬ݁ ܣܝܵܓ݂ܵܘ̈ܗܝ ܘܣܲܚܸܦ̣ܬ݁ ܚܸܣܢܵܘ̈ܗܝ܀ ܘܕ݂ܵܫ̣ܘܼܗܝ ܟܠ ܥܵܒ݂ܪ̈ܲܝ ܐܘܼܪܚܵܐ܀ ܘܲܗܘ̤ܵܐ ܚܸܣܕܵܐ ܠܲܫܒ݂ܵܒ݂ܵܘ̈ܗܝ܀ ܘܐܲܪܝܼܡ̣ܬ݁ ܝܲܡܝܼܢܵܐ ܕܲܒ݂ܥܸܠܕܒ݂ܵܒ݂ܵܘ̈ܗܝ܀ ܘܚܲܕ݁ܝܼܬ݁ ܠܟ̣ܠـܗܘܿܢ ܣܵܢـܐܵܘ̈ܗܝ܀ ܘܐܲܗ̣ܦܸܟ݂ܬ݁ ܥܘܼܕ݂ܪܵܢܵܐ ܕܣܲܦ̮ܣܹܪܹܗ܀ ܘܠܵܐ ܣܲܝܲܥ̣ܬܵܝܗܝ ܒܲܩܪܵܒ݂ܵܐ܀ ܒܲܛܸܠ̣ܬ݁ ܡܙܲܟ݁ܝܵܢܵܘ̈ܗܝ܀ ܘܟ̣ܘܼܪܣܝܹܗ ܠܐܲܪܥܵܐ ܣـ̣ܚܲܦܬ݁.
ܕܘܼܟ݂ܪܵܢܵܐ ܕܡܵܪܝ ܩܘܼܪܝܵܩܘܿܣ ܘܲܕ݂ܝܘܿܠܹܝܛܹܐ ܐܸܡܹܗ
ܡܸܛܠܵܬ݂ܵܟܼ ܐܸܬ݂ܩܲܛܲܠ̄ܢ ܟܠܝܘܿܡ. ܠܕ݂ܘܼܟ݂ܪܵܢܗܘܿܢ ܕܣܵܗܕܹ̈ܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ. ܘܐܸܬ݂ܚܫܸܒ݂̄ܢ ܐܲܝܟܼ ܥܵܢ̈ܵܐ ܠܢܸܟ̣ܣܬ݂ܵܐ. ܠܕ݂ܘܼܟ݂ܪܵܢܗܘܿܢ ܕܣܵܗܕܹ̈ܐ ܢܝܲܩܲܪ: ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ...܀ ܠܕ݂ܘܼܟ݂ܪܵܢܗܘܿܢ. ܥܵܠܲܡ...܀ ܠܕ݂ܘܼܟ݂ܪܵܢܗܘܿܢ..
ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܩܲܝܛܵܐ
ܡܲـܢ̣ܘܼ ܓܲܒ݂ܪܵܐ ܕܕ݂ܵܚܹ̇ܠ ܡ̣ܢ ܡܵܪܝܵܐ܀ ܘܢܲܠܦܝܼܘܗܝ ܐܘܼܪܚܵܐ ܕܲܓ݂ܒ݂ܵܐ܀ ܘܢܲܦ̮ܫܹܗ ܬܒ݂ܘܼܬ݂ ܒܛܲܝܒ݁ܘܼܬ݂ܵܐ܀ ܘܙܲܪܥܹܗ ܢܹܐܪܲܬ݂ ܐܲܪܥܵܐ܀ ܬܲܪܥܝܼܬܹܗ ܕܡܵܪܝܵܐ ܥܲܠ ܕܵܚܠܵܘ̈ܗܝ܀ ܘܲܩܝܵܡܹܗ ܐܵܘܕܲܥ̣ ܐܸܢܘܿܢ.
ܥܹܐܕ݂ܵܐ ܩܲܕܝܼܫܵܐ ܕܓܸܠܝܵܢܹܗ ܕܡܵܪܲܢ ܥܲܠ ܛܘܼܪ ܬܵܒ݂ܘܿܪ
(ܕܛܲܟ݁ܣܹܗ ܚܲܣܝܵܐ ܕܐܲܠܵܗܵܐ ܡܵܪܝ ܓܝܼܘܲܪܓܝܼܣ ܡܝܼܛܪܵܦܘܿܠܹܝܛܵܐ ܕܐܵܬ݂ܘܿܪ.)
ܘܲܠܥܹܝܢ ܥܲܡܡܹ̈ܐ ܓܠ̣ܵܐ ܙܲܕ݁ܝܼܩܘܼܬܹܗ. ܠܓܸܠܝܵܢܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܐܸܬ݁ܕ݁ܟܲܪ ܛܲܝܒ݁ܘܼܬܹܗ ܘܗܲܝܡܵܢܘܼܬܹܗ ܠܲܕ݂ܒܹܝܬ݂ ܝܑܼܣܪܵܝܹܠ. ܠܓܸܠܝܵܢܹܗ ܕܲܡܫܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ..܀ ܠܓܸܠܝܵܢܹܗ ܕܲܡܫܝܼܚܵܐ. ܥܵܠܲܡ..܀ ܠܓܸܠܝܵܢܹܗ ܕܲܡܫܝܼܚܵܐ
ܚܲܕ݂ܒܫܲܒܵܐ ܕܚܲܡܫܵܐ ܕܩܲܝܛܵܐ
ܛ܀ ܗ݀ܘܲܝܢ ܚܸܣܕܵܐ ܠܲܫܒ݂ܵܒܲܝ̈ܢ܀ ܘܡܘܼܝܵܩܵܐ ܘܒ݂ܘܼܙܵܚܵܐ ܠܐܲܝܠܹܝܢ ܕܲܚܕ݂ܵܪ̈ܲܝܢ ܐܸܢܘܿܢ܀ ܥܕܲܡܵܐ ܠܐܸܡܲܬ݂ܝ ܪܵܓܹܙ݁ ܐܲܢ݇ܬ݁ ܡܵܪܝܵܐ܀ ܘܝܵܩܹ̇ܕ݂ ܐܲܝܟ ܢܘܼܪܵܐ ܪܘܼܓ݂ܙܵܟܼ܀ ܐܲܫܘܿܕ݂ ܪܘܼܓ݂ܙܵܟܼ ܥܲܠ ܥܲܡܡܹ̈ܐ ܐܲܝܠܹܝܢ ܕܠܵܐ ܝܲܕ݂ܥ̣ܘܼܟܼ܀ ܘܥܲܠ ܡܲܠܟ̈ܘܵܬ݂ܵܐ ܐܲܝܠܹܝܢ ܕܒܲܫܡܵܟܼ ܠܵܐ ܩܪ̈ܲܝ܀ ܡܸܛܠ ܕܐܲܟ݂ܠ̣ܘܼܗܝ ܠܝܲܥܩܘܿܒ݂ ܘܲܠܕܲܝܪܹܗ ܚ̣ܪܲܒ݂ܘ܀ ܘܠܵܐ ܬܸܬ݁ܕ݁ܟܲܪ ܠܲܢ ܚܛܵܗܲܝ̈ܢ ܩܲܕ݂ܡܵܝܹ̈ܐ܀ ܒܲܥܓܲܠ ܢܩܲܕ݁ܡܘܼܢܵܢ ܪ̈ܲܚܡܲܝܟ.
ܚܲܕ݂ܒ݁ܫܲܒܵܐ ܕܸܫܬܵܐ ܕܩܲܝܛܵܐ
ܕ܀ ܫܡܲܥ ܐܲܠܵܗܵܐ ܩܵܠܝ ܟܲܕ݂ ܐܸܬ݂ܟܲܫܲܦ ܠܵܟܼ܀ ܘܡ̣ܢ ܕܸܚܠ̱ܬ݂ܵܐ ܕܲܒ݂ܥܸܠܕ݁ܒ݂ܵܒܲܝ̈ ܢܲܛܲܪܲܝܢܝ܀ ܣܲܬܲܪܲܝܢܝ ܡ̣ܢ ܥܵܘ̣ܠܹܗ ܕܒ݂ܝܼܫܵܐ܀ ܘܡ̣ܢ ܗܘܼܦܵܟ݂ܵܐ ܕܥܵܒ݂ܕܲܝ̈ ܥܵܘ̣ܠܵܐ.
ܥܪܘܼܒ݂ܬܵܐ ܕܫܸܬ݂ ܕܩܲܝܛܵܐ
ܕܘܼܟ݂ܪܵܢܵܐ ܗ݇ܝ̣ ܕܪܲܒܲܢ ܝܵܘܣܸܦ ܒܘܼܣܢܵܝܵܐ: ܬܲܠܡܝܼܕܹܗ ܕܪܲܒܲܢ ܡܘܼܫܹܐ ܕܒܹܝܬ݂ ܨܲܝܵܪܹ̈ܐ. ܘܪܲܒܹܗ ܕܝܘܿܚܲܢܵܢ ܒܲܪ ܟ̣ܲܠܕܘܿܢ. ܘܒ݂ܵܗ̇ ܥܵܒ݂ܕ݁ܝܼܢ ܕܘܼܟ݂ܪܵܢܵܐ ܠܡܵܪܝ ܫܸܡܥܘܿܢ ܒܲܪ ܨܲܒܵܥܹ̈ܐ.
ܢܸܗܘܸܐ ܚܲܝ̱ܠܬ݂ܵܢ ܙܲܪܥܹܗ ܒܐܲܪܥܵܐ. ܠܕ݂ܘܼܟ݂ܪܵܢܹܗ ܕܲܫܠܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܢܸܬ݂ܒܲܪܲܟܼ ܒܕ݂ܵܪܵܐ ܕܙܲܕ݁ܝܼܩܹ̈ܐ. ܠܕ݂ܘܼܟ݂ܪܵܢܹܗ ܕܲܫܠܝܼܚܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀. ܫܲܒܲܚ...܀ ܠܕ݂ܘܼܟ݂ܪܵܢܹܗ܀ ܥܵܠܲܡ...܀ ܠܕ݂ܘܼܟ݂ܪܵܢܹܗ.
ܚܲܕ݂ܒ݁ܫܲܒܵܐ ܕܫܲܒ݂ܥܵܐ ܕܩܲܝܛܵܐ
ܗ܀ ܪܚܲܡܘ ܠܡܵܪܝܵܐ ܙܲܕ݁ܝܼܩܵܘ̈ܗܝ܀ ܠܲܡܗܲܝܡܢܹ̈ܐ ܢܵܛܲܪ ܡܵܪܝܵܐ܀ ܘܦܵܪܲܥ̇ ܠܥܵܘܵܠܹ̈ܐ ܥܒ݂ܵܕܲܝ̈ܗܘܿܢ܀ ܐܸܬ݂ܚܲܝܲܠܘ ܘܢܸܬ݂ܥܲܫܲܢ ܠܸܒ݁ܟ̣ܘܿܢ܀ ܟܠ ܕܲܡܣܲܒ݁ܪܝܼܢ ܒܡܵܪܝܵܐ.
ܥܪܘܼܒ݂ܬܵܐ ܕܫܘܼܠܵܡ ܫܵܒ݂ܘܿܥܵܐ ܕܩܲܝܛܵܐ ܕܘܼܟ݂ܪܵܢܵܐ ܗ݇ܝ̣ ܕܡܵܪܝ ܩܲܪܕܵܓ݂ ܣܵܗܕܵܐ ܢܲܨܝܼܚܵܐ
ܐܸܢ ܨܵܒܹܝܬ݁ ܫܲܡܸܫ ܛܲܟ݂ܣܵܐ ܕܡܵܪܝ ܓܝܼܘܲܪܓ݁ܝܼܣ ܣܵܗܕܵܐ (ܚܙܝ ܠܥܠ)
ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܐܹܠܝܼܵܐ
ܐܸܠܘܼܠܵܐ ܡܘܼܫܹܐ ܓܲܒ݂ܝܹܗ܀ ܕܩܵܡ̣ ܒܬ݂ܘܼܪ̱ܥܬ݂ܵܐ ܩܕ݂ܵܡܵܘܗܝ܀ ܘܐܲܗ̣ܦܸܟܼ ܪܘܼܓ݂ܙܹܗ ܕܠܵܐ ܢܚܲܒܸ݁ܠ ܐܸܢܘܿܢ.
ܥܪܘܼܒ݂ܬܵܐ ܩܲܕ݂ܡܵܝܬܵܐ ܕܐܹܠܝܼܵܐ
ܘܕ݂ܘܼܟ݂ܪܵܢܵܐ ܗ݇ܝ ܕܡܵܪܝ ܦܵܦܵܐ ܩܵܬ݂ܘܿܠܝܼܩܵܐ. ܫܲܡܸܫ ܕܚܲܕ݂ ܦܲܪܨܘܿܦܵܐ. (ܚܙܝ ܠܥܠ)
ܚܲܕ݂ܒܫܲܒܵܐ ܕܲܬ݂ܪܹܝܢ ܕܐܹܠܝܼܵܐ
ܕ܀ ܠܘܵܬ݂ܵܟܼ ܡܵܪܝܵܐ ܢܲܦ̮ܫܝ ܐܲܪܝܼܡܹ̇ܬ݂܀ ܐܲܠܵܗܝ ܒܵܟܼ ܣܲܒ̇ܪܹܬ݂ ܠܵܐ ܐܸܒ݂ܗܲܬ݂܀ ܠܵܐ ܢܸܫܬܲܒ݂ܗ̱ܪܘܼܢ ܥܠܲܝ ܒܥܸܠܕܒ݂ܵܒܲܝ̈܀ ܘܐܵܦ ܟܠ ܕܲܡܣܲܒ݁ܪܝܼܢ ܒܵܟܼ ܠܵܐ ܢܸܒ݂ܗ̱ܬ݂ܘܼܢ.
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܐܹܠܝܼܵܐ
ܘ܀ ܕܵܪܵܐ ܠܕ݂ܵܪܵܐ ܢܸܫܬܲܥܘܿܢ ܥܒ݂ܵܕܲܝ̈ܟ܀ ܘܓܲܢ݇ܒܵܪܘܼܬ݂ܵܟܼ ܢܚܵܘܘܿܢ܀ ܘܥܘܼܫܢܵܐ ܕܲܕ݂ܚܝܼܠܘܼܬ݂ܵܟܼ ܢܹܐܡܪܘܼܢ܀ ܘܪܵܘ̱ܪ̈ܒ݂ܵܬ݂ܵܟܼ ܢܸܫܬܲܥܘܿܢ܀ ܘܲܕ݂ܚܝܼܠܘܼܬ݂ ܥܘܼܫܢܵܟܼ ܢܹܐܡܪܘܼܢ܀ ܘܪܲܒ݁ܘܼܬ݂ܵܟܼ ܐܸܫܬܲܥܸܐ܀
ܥܹܐܕ݂ܵܐ ܕܲܨܠܝܼܒ݂ܵܐ ܣܓ݂ܝܼܕ݂ܵܐ
ܡܸܛܠ ܗܵܢܵܐ ܒܲܪܟ̣ܵܟܼ ܐܲܠܵܗܵܐ ܠܥܵܠܲܡ. ܠܲܫܟ݂ܵܚܬܹ݁ܗ ܕܲܨܠܝܼܒ݂ܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܐܲܪܡܵܐ ܣܲܝܦܵܐ ܒܚܲܨܲܝ̈ܟ ܓܲܢ݇ܒܵܪܵܐ. ܠܲܫܟ݂ܵܚܬܹ݁ܗ ܕܲܨܠܝܼܒ݂ܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ..܀ ܠܲܫܟ݂ܵܚܬܹ݁ܗ ܕܲܨܠܝܼܒ݂ܵܐ. ܥܵܠܲܡ...܀ ܠܲܫܟ݂ܵܚܬܹ݁ܗ ܕܲܨܠܝܼܒ݂ܵܐ.
ܚܲܕ݂ܒ݁ܫܲܒܵܐ. ܐ. ܕܲܨܠܝܼܒ݂ܵܐ. ܕ. ܕܐܹܠܝܼܵܐ
ܗ܀ ܠܵܐ ܬܸܚܣܲܡ ܒܓܲܒ݂ܪܵܐ ܕܥܵܒܹ̇ܕ݂ ܥܵܘ̣ܠܵܐ ܘܡܲܨܠ̱ܚܵܐ ܐܘܼܪܚܹܗ܀ ܐܸܬ݁ܬ݁ܢܝܼܚ ܡ̣ܢ ܚܸܡܬ݂ܵܐ ܘܐܸܬ݁ܬ݁ܢܝܼܚ ܡ̣ܢ ܪܘܼܓ݂ܙܵܐ܀ ܘܠܵܐ ܬܸܚܣܲܡ ܠܡܸܥܒܲܕ݂ ܒܝܼܫܬܵܐ܀ ܡܸܛܠ ܕܒ݂ܝܼܫܹ̈ܐ ܣܵܝ̇ܦܝܼܢ܀ ܘܐܲܝܠܹܝܢ ܕܲܡܣܲܒ݁ܪܝܼܢ ܒܡܵܪܝܵܐ ܝܵܪܬ݁ܝܼܢ ܐܲܪܥܵܐ.
ܚܲܕ݂ܒ݁ܫܲܒܵܐ. ܒ. ܕܲܨܠܝܼܒ݂ܵܐ. ܗ. ܕܐܹܠܝܼܵܐ
ܓ܀ ܐܲܠܵܗ ܐܲܠܵܗܝܼ̈ܢ ܡܵܪܝܵܐ ܡܲܠܸܠ̣܀ ܘܲܩ̣ܪܵܗ̇ ܠܐܲܪܥܵܐ ܡ̣ܢ ܡܲܕ݂ܢܵܚܵܘ̈ܗܝ ܕܫܸܡܫܵܐ ܘܲܥܕܲܡܵܐ ܠܡܲܥܪ̈ܵܒ݂ܵܘܗܝ܀ ܡ̣ܢ ܨܸܗܝܘܿܢ ܟܠܝܼܠܵܐ ܡܫܲܒܚܵܐ ܐܲܠܵܗܵܐ ܚ̣ܵܘܝܼ.
ܚܲܕ݂ܒ݁ܫܲܒܵܐ. ܓ. ܕܲܨܠܝܼܒ݂ܵܐ. ܘ. ܕܐܹܠܝܼܵܐ
ܕ܀ ܡܸܛܠ ܕܐܲܠܵܗܵܐ ܗ݇ܘ̣ ܕܲܝܵܢܵܐ܀ ܠܗܵܢܵܐ ܡܫܲܦܸܠ ܘܲܠܗܵܢܵܐ ܡܪܝܼܡ܀ ܡܸܛܠ ܕܟ݂ܵܣܵܐ ܒܐܝܼܕܹܗ ܕܡܵܪܝܵܐ܀ ܘܲܡܠܸܐ ܡܙܵܓ݂ܵܐ ܕܚܲܡܪܵܐ ܬܛܝܼܪܵܐ.
ܚܲܕ݂ܒ݁ܫܲܒܵܐ. ܕ. ܕܲܨܠܝܼܒ݂ܐ. ܙ. ܕܐܹܠܝܼܵܐ
ܒܲܪܸܟܼ ܐܸܢܘܿܢ ܘܲܣ̣ܓ݂ܝܼܘ ܛܵܒ݂܀ ܘܲܒ݂ܥܝܼܪܗܘܿܢ ܠܵܐ ܙ̣ܥܲܪܘ܀ ܘܲܙ̣ܥܲܪܘ ܘܐܸܬ݂ܡܲܟܲܟ݂ܘ ܒܣܘܿܓ݂ܐܵܐ ܕܒ݂ܝܼܫܬܵܐ ܘܲܕ݁ܕ݂ܵܘܘܿܢܵܐ܀ ܐܲܪܡ̣ܝܼ ܒܝܼܫܬܵܐ ܥܲܠ ܫܲܠܝܼܛܹ̈ܐ܀ ܘܐܲܛ̣ܥܝܼ ܐܸܢܘܿܢ ܒܬ݂ܵܘܫܵܐ ܕܠܵܐ ܐܘܼܪܚܵܐ܀ ܘܐܲܥ̣ܫܸܢ ܠܡܸܣܟܹ݁ܢܹ̈ܐ ܘܲܥ̣ܒܲܕ݂ ܐܲܝܟܼ ܥܵܢ̈ܵܐ ܫܲܪ̈ܒ݂ܵܬ݂ܗܘܿܢ܀ ܕܢܸܚܙܘܿܢ ܙܲܕܝܼܩܹ̈ܐ ܘܢܸܚܕ݁ܘܿܢ.
ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܡܵܪܝ ܡܘܼܫܹܐ
ܕ܀ ܡܵܐ ܪܵܘ̱ܪܒ݂ܝܼܢ ܥܒ݂ܵܕܲܝ̈ܟ ܡܵܪܝܵܐ܀ ܘܛܵܒ݂ ܥܲܡܝܼ̈ܩܵܢ ܡܲܚܫ̈ܒ݂ܵܬ݂ܵܟܼ܀ ܓܲܒ݂ܪܵܐ ܫܵܛܝܵܐ ܠܵܐ ܝܵܕܲܥ̇܀ ܘܣܲܟ݂ܠܵܐ ܠܵܐ ܡܸܣܬܲܟܲܠ ܒܗܵܕܹܐ.
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܡܵܪܝ ܡܘܼܫܹܐ
ܘ܀ ܥ̣ܒܲܕ݂ܘ ܥܸܓ݂ܠܵܐ ܒܚܘܿܪܝܼܒ݂ ܘܲܣ̣ܓܸܕ݂ܘ ܠܲܢܣܝܼܟ݂ܵܐ܀ ܘܚܲܠܸܦ̣ܘ ܐܝܼܩܵܪܗܘܿܢ ܒܲܕ݂ܡܘܼܬ݂ܵܐ ܕܬ݂ܵܘܪܵܐ ܕܐܵܟܹܠ ܥܸܣܒܵܐ܀ ܘܲܛ̣ܥܵܘ ܠܐܲܠܵܗܵܐ ܕܲܦ̣ܪܲܩ ܐܸܢܘܿܢ܀ ܕܲܥ̣ܒܲܕ݂ ܪܵܘ̱ܪ̈ܒ݂ܵܬ݂ܵܐ ܒܡܸܨܪܹܝܢ܀ ܘܬܸܕ݂ܡ̱ܪ̈ܵܬ݂ܵܐ ܒܐܲܪܥܵܐ ܕܚܵܡ܀ ܘܲܕ݂ܚܝܼ̈ܠܵܬ݂ܵܐ ܒܝܲܡܵܐ ܕܣܘܿܦ.
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܡܵܪܝ ܡܘܼܫܹܐ
ܕ܀ ܕܝܼܠܵܟܼ ܐܸܢܘܿܢ ܫܡܲܝܵܐ ܘܕ݂ܝܼܠܵܟܼ ܗ݇ܝ̣ ܐܲܪܥܵܐ܀ ܬܹܒܹܝܠ ܒܲܡܠܹܐܵܗ̇ ܐܲܢ݇ܬ݁ ܬܲܩܸܢܬ݁܀ ܠܓܲܪܒ݁ܝܵܐ ܘܲܠܬܲܝܡܢܵܐ ܐܲܢ݇ܬ݁ ܒܪܲܝܬ݁܀ ܬܵܒ݂ܘܿܪ ܘܚܸܪܡܘܿܢ ܠܲܫܡܵܟܼ ܗ݇ܘ̣ ܡܫܲܒ݁ܚܝܼܢ.
ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܡܵܪܝ ܡܘܼܫܹܐ
ܘ܀ ܫܲܒܲܚܘ ܠܐܲܠܵܗܵܐ ܟܠܵܗ̇ ܐܲܪܥܵܐ܀ ܙܡܲܪܘ ܠܐܝܼܩܵܪܵܐ ܕܲܫܡܹܗ ܙܡܲܪܘ ܠܐܝܼܩܵܪܵܐ ܕܬܸܫܒ݁ܘܿܚܬܹ݁ܗ܀ ܐܸܡܲܪܘ ܠܐܲܠܵܗܵܐ ܡܵܐ ܕܚܝܼܠܝܼܢ ܥܒ݂ܵܕܲܝ̈ܟ܀ ܒܣܘܿܓ݂ܐܵܐ ܕܥܘܼܫܢܵܟܼ ܢܸܬ݂ܟܲܕ݁ܒ݂ܘܼܢ ܠܵܟܼ ܒܥܸܠܕ݁ܒ݂ܵܒܲܝ̈ܟ܀ ܒܟ݂ܠܵܗ̇ ܐܲܪܥܵܐ ܢܸܣܓ݁ܕ݂ܘܼܢ ܠܵܟܼ ܘܲܢܙܲܡܪܘܼܢ ܠܵܟܼ܀ ܘܲܢܫܲܒ݁ܚܘܼܢ ܠܲܫܡܵܟܼ ܠܥܵܠܡܝܼܢ.
ܚܲܕ݂ܒ݁ܫܲܒܵܐ ܩܲܕ݂ܡܵܝܵܐ ܕܩܘܼܕܵܫ ܥܹܕ݁ܬܵܐ
ܟܠܹܗ ܫܘܼܒ݂ܚܵܗ̇ ܕܒܲܪ݇ܬ݂ ܡܲܠܟܵܐ ܡ̣ܢ ܠܓ݂ܵܘ: ܠܩܘܼܕܵܫܵܗ̇ ܕܥܹܕ݁ܬܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܲܡܨܲܒܲܬ݂ ܠܒ̣ܘܼܫܵܗ̇ ܒܕܲܗܒ̣ܵܐ ܛܵܒ̣ܵܐ: ܠܩܘܼܕܵܫܵܗ̇ ܕܥܹܕ݁ܬܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ... ܠܩܘܼܕܵܫܵܗ̇ ܕܥܹܕ݁ܬܵܐ܀ ܥܵܠܲܡ...܀ ܠܩܘܼܕܵܫܵܗ̇ ܕܥܹܕ݁ܬܵܐ܀
ܚܲܕ݂ܒ݁ܫܲܒܵܐ ܕܲܬ݂ܪܹܝܢ ܕܩܘܼܕܵܫ ܥܹܕ݁ܬܵܐ
ܘ܀ ܗܵܪܟܵܐ ܐܸܬܸܒ݂ ܡܸܛܠ ܕܪܲܓ݂ܬܵܗ̇܀ ܘܲܠܨܲܝܵܕܹܝ̈ܗ̇ ܐܹܒܲܪܸܟܼ܀ ܘܲܠܡܸܣܟܹ݁ܢܹܝ̈ܗ̇ ܐܹܣܲܒܲܥ ܠܲܚܡܵܐ܀ ܠܟ݂ܘܼܡܖܹ̈ܝܗ̇ ܐܲܠܒܸܫ ܦܘܼܪܩܵܢܵܐ ܘܲܠܙܲܕܝܼܩܹ̈ܝܗ̇ ܫܘܼܒ݂ܚܵܐ܀ ܬܲܡ̇ܢ ܐܲܕ݂ܢܲܚ̣ ܩܲܪܢܵܐ ܠܕ݂ܵܘܝܼܕ݂܀ ܘܐܲܢ̣ܗܲܪ ܫܪܵܓ݂ܵܐ ܠܲܡܫܝܼܚܹܗ.
ܚܲܕ݂ܒ݁ܫܲܒܵܐ ܕܲܬ݂ܠܵܬ݂ܵܐ ܕܩܘܼܕܵܫ ܥܹܕ݁ܬܵܐ
ܕ܀ ܟܠܗܘܿܢ ܥܲܡܡܹ̈ܐ ܕܲܥ̣ܒܲܕ݁ܬ݁܀ ܢܹܐܬ݂ܘܿܢ ܘܢܸܣܓ݁ܕ݂ܘܼܢ ܠܵܟܼ ܡܵܪܝܵܐ܀ ܘܲܢܫܲܒ݁ܚܘܼܢ ܠܲܫܡܵܟܼ ܡܸܛܠ ܕܪܲܒ݁ ܐܲܢ݇ܬ݁܀ ܥܵܒܹ̇ܕ݂ ܐܲܢ݇ܬ݁ ܬܸܕ݂ܡ̱ܪ̈ܵܬ݂ܵܐ ܐܲܢ݇ܬ݁ ܐܲܠܵܗܵܐ ܒܲܠܚܘܿܕܲܝܟ.
ܕܘܼܟ݂ܪܵܢܵܐ ܕܡܵܪܝ ܝܲܥܩܘܿܒ݂ ܡܦܲܣܩܵܐ ܕܗܵܘܹ̇ܐ. ܝܛ. ܒܬܸܫܪܝܼܢ ܐ݇ܚܪܵܝ.
ܚܸܟ݂ܡ̱ܬ݂ܵܐ ܪܵܢܹܐ ܦܘܼܡܹܗ ܕܙܲܕܝܼܩܵܐ. ܠܕ݂ܘܼܟ݂ܪܵܢܹܗ ܕܣܵܗܕܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܘܠܸܫܵܢܹܗ ܡܡܲܠܸܠ ܕܝܼܢܵܐ. ܠܕ݂ܘܼܟ݂ܪܵܢܹܗ ܕܣܵܗܕܵܐ ܢܝܲܩܲܪ ܒܲܙܡܝܼܪ̈ܵܬ݂ܵܐ ܕܪܘܼܚܵܐ: ܗܲܠܸܠܘܼܝܲܗ ܗܲܠܸܠܘܼܝܲܗ ܐܹܗܲܠܸܠܘܼܝܲܗ܀ ܫܲܒܲܚ. ܠܕ݂ܘܼܟ݂ܪܵܢܹܗ ܕܣܵܗܕܵܐ...܀
ܥܵܠܲܡ. ܠܕ݂ܘܼܟ݂ܪܵܢܹܗ ܕܣܵܗܕܵܐ...܀
ܚܲܕ݂ܒ݁ܫܲܒܵܐ ܕܐܲܪܒ݁ܥܵܐ ܕܩܘܼܕܵܫ ܥܹܕ݁ܬܵܐ
ܢܸܥܘܿܠ ܠܡܲܫܟ݁ܢܹܗ ܘܢܸܣܓ݁ܘܿܕ݂ ܠܟ̣ܘܼܒ̣ܫܵܐ ܕܪܸ̈ܓ݂ܠܵܘܗܝ܀ ܩܘܼܡ ܡܵܪܝܵܐ ܠܲܢܝܵܚܬܵܟܼ܀ ܐܲܢ݇ܬ݁ ܘܩܹܒ݂ܘܿܬ݂ܵܐ ܕܥܘܼܫܢܵܟܼ܀ ܟܵܗܢܲܝ̈ܟ ܢܸܠܒ݁ܫܘܼܢ ܙܲܕ݁ܝܼܩܘܼܬ݂ܵܐ ܘܙܲܕ݁ܝܼܩܲܝ̈ܟ ܫܘܼܒ݂ܚܵܐ܀ ܡܸܛܠ ܕܵܘܝܼܕ݂ ܥܲܒ݂ܕܵܟܼ ܠܵܐ ܬܲܗܦܸܟܼ ܐܲܦܵܘ̈ܗܝ ܕܲܡܫܝܼܚܵܟܼ܀ ܝܑܼܡ̣ܵܐ ܡܵܪܝܵܐ ܠܕ݂ܵܘܝܼܕ݂ ܒܲܫܪܵܪܵܐ ܘܠܵܐ ܢܸܗܦܘܿܟܼ ܡܸܢܹܗ܀ ܕܡ̣ܢ ܦܹܐܪ̈ܲܝ ܟܲܪܣܵܟܼ ܐܵܘܬܸ݁ܒ݂ ܥܲܠ ܟܘܼܪܣܝܵܟܼ.