ܨܦܢܝܐ
ܩܦܠܐܘܢ: ܐ.
1. ܚܲܒ̇ܪܹܗ ܕܡܵܪܝܵܐ ܕܗ̄ܘܹܠܹܐ ܥܲܠ ܨܦܲܢܝܵܐ ܒܪܘܼܢܵܐ ܕܟܘܿܫܝܼ: ܒܪܘܼܢܵܐ ܕܓܕܲܠܝܵܐ: ܒܪܘܼܢܵܐ ܕܐܲܡܲܪܝܵܐ: ܒܪܘܼܢܵܐ ܕܚܹܙܲܩܝܵܐ: ܒܝܘܿܡܵܢܹ̈ܐ ܕܝܘܿܫܝܼܵܐ ܒܪܘܼܢܵܐ ܕܐܲܡܘܿܢ: ܡܲܠܟܵܐ ܕܝܼܗܘܼܕܵܐ. 2 ܬܝܵܡܵܐ ܒܸܬ ܬܵܝܸܡܢ ܟܠ ܡܥܲܠ ܦܵܬܵܐ ܕܐܲܪܥܵܐ: ܒܹܐܡܵܪܵܐ 3 ܝܠܹܐ ܡܵܪܝܵܐ.܀ ܒܸܬ ܬܵܝܡܸܢ ܒܲܪܢܵܫܵܐ ܘܗܲܝܘܵܢ: ܒܸܬ ܬܵܝܡܸܢ ܛܲܝܪܵܐ ܕܫܡܲܝܵܐ: ܘܢܘܼܢܹ̈ܐ ܕܝܵܡܵܐ: ܘܬܘܼܪ̈ܩܵܠܹܐ ܥܲܡ ܒܝܼܫܹ̈ܐ: ܘܒܸܬ ܩܲܛܥܸܢ ܒܲܪܢܵܫܵܐ ܡܥܲܠ ܦܵܬܵܐ ܕܐܲܪܥܵܐ: ܒܹܐܡܵܪܵܐ ܝܠܹܐ 4 ܡܵܪܝܵܐ.܀ ܘܒܸܬ ܦܵܫܛܸܢ ܐܝܼܕܝܼ ܥܲܠ ܝܼܗܘܼܕܵܐ: ܘܥܲܠ ܟܠܵܝ ܥܵܡܪ̈ܵܢܹܐ ܕܐܘܿܪܸܫܠܸܡ: ܘܒܸܬ ܩܲܛܥܸܢ ܡܐܵܗܵܐ ܕܘܼܟܬܵܐ ܠܣܵܡܵܐ 5 ܦܝܼܫܵܐ ܕܒܲܥܠܵܐ: ܫܸܡܵܐ ܕܟܘܼܡܪܹ̈ܐ ܥܲܡ ܟܵܗܢܹ̈ܐ:܀ ܘܠܵܐܢܝܼ ܕܣܵܓ̣ܕܝܼ ܥܲܠ ܐܓܵܪ̈ܵܘܵܬܹܐ ܠܚܲܝܠܵܘܵܬܵܐ ܕܫܡܲܝܵܐ: ܘܠܵܐܢܝܼ ܕܣܵܓ̣ܕܝܼ: ܐܵܢܝܼ ܕܝܵܡܝܼ ܠܡܵܪܝܵܐ: ܘܐܵܢܝܼ ܕܝܵܡܝܼ [1] ܒܡܲܠܟܘܿܡ.܀ 6 ܘܠܵܐܢܝܼ ܕܕܝܼܪܹܐ ܝܢܵܐ ܡ̣ܢ ܒܵܬ̄ܪ ܡܵܪܝܵܐ: ܘܕܠܵܐ ܛܸܥܠܘܿܢ ܠܡܵܪܝܵܐ: ܘܠܵܐ ܨܘܼܚܨܹܠܘܿܢ ܒܵܬ̄ܪܹܗ. 7 ܫܬܘܿܩ ܡ̣ܢ ܩܵܕ̄ܡ ܡܵܪܝܵܐ ܐܲܠܵܗܵܐ: ܣܵܒܵܒ ܕܩܘܼܪܒܵܐ ܝܠܹܐ ܝܘܿܡܵܐ ܕܡܵܪܝܵܐ: ܣܵܒܵܒ ܕܗܘܼܕܸܪܹܐ ܡܵܪܝܵܐ ܕܸܒ̣ܚܵܐ: ܩܘܼܕܸܫܠܹܐ 8 ܩܸܪ̈ܝܘܼܗܝ.܀ ܘܒܸܬ ܗܵܘܝܵܐ ܒܝܘܿܡܵܐ ܕܕܸܒ̣ܚܵܐ ܕܡܵܪܝܵܐ: ܒܸܬ ܣܲܚܒܸܪܸܢ ܥܲܠ ܓܘܼܪ̈ܵܢܹܐ: ܘܥܲܠ ܒܢܘܼܢܹ̈ܐ ܕܡܲܠܟܵܐ: ܘܥܲܠ 9 ܟܠܵܝ ܠܵܒ̣ܫܵܢܹ̈ܐ ܕܠܒܸܫܬܵܐ ܢܘܼܟ̣ܪܵܝܬܵܐ.܀ ܘܒܸܬ ܣܲܚܒܸܪܸܢ ܥܲܠ ܟܠ ܕܢܵܕܹܐ ܥܲܠ ܣܩܘܼܦܬܵܐ ܒܗ̇ܘ ܝܘܿܡܵܐ: ܕܟܹܐ ܡܵܠܝܼ ܒܲܝܬܵܐ 10 ܕܡܵܪ̈ܵܘܵܬܵܝ ܙܠܘܼܡܝܵܐ ܘܦܸܠܡܵܐ.܀ ܘܒܸܬ ܗܵܘܝܵܐ ܒܗ̇ܘ ܝܘܿܡܵܐ: ܒܹܐܡܵܪܵܐ ܝܠܹܐ ܡܵܪܝܵܐ: ܩܵܠܵܐ ܕܡܲܩܘܲܚܬܵܐ ܡ̣ܢ ܕܲܪܘܵܙܵܐ ܕܢܘܼܢܹ̈ܐ: ܘܘܲܠܘܲܠܬܵܐ ܡ̣ܢ ܕܗ̇ܘ ܕܬܪܲܝ: ܘܬܒ̣ܵܪܵܐ ܓܘܼܪܵܐ ܡ̣ܢ 11 ܪ̈ܘܼܡܝܵܬܹܐ.܀ ܘܲܠܘܸܠܘܿܢ: ܥܵܡܪ̈ܵܢܹܐ ܕܡܲܟܬܸܫ: ܣܵܒܵܒ ܕܦܸܫܠܹܐ ܬܘܼܠܩܵܐ ܟܠܹܗ ܛܵܝܸܦܵܐ ܕܟܢܲܥܢ: ܦܸܫܠܘܿܢ ܩܸܛܥܝܹܐ ܟܠܵܝ 12 ܛܵܥܢܵܢܹ̈ܐ ܕܣܹܐܡܵܐ.܀ ܘܒܸܬ ܗܵܘܝܵܐ ܒܗ̇ܘ ܙܲܒ̣ܢܵܐ: ܒܸܬ ܬܲܦ̮ܬܸܫܸܢ ܠܐܘܿܪܸܫܠܸܡ ܒܫܪܵܝܵܬܹܐ: ܘܒܸܬ ܣܲܚܒܸܪܸܢ ܥܲܠ ܐܢܵܫܹ̈ܐ ܕܓ̰ܡܸܥܝܹܐ ܝܢܵܐ ܥܲܠ ܕܘܼܪܕܵܝ: ܕܟܹܐ ܐܵܡܪܝܼ ܒܠܸܒܵܝ: ܠܹܐ ܥܵܒܸܕ ܛܵܒ̣ܬܵܐ 13 ܡܵܪܝܵܐ ܘܠܹܐ ܥܵܒܸܕ ܒܝܼܫܬܵܐ.܀ ܘܒܸܬ ܗܵܘܹܐ ܡܵܐܠܝ ܠܬܵܠܵܢ: ܘܒܵܬܵܝ̈ ܠܘܲܝܪܵܢ: ܘܒܸܬ ܒܵܢܝܼ ܒܵܬܹ̈ܐ ܘܠܹܐ ܝܵܬܒ̣ܝܼ (ܓܵܘܵܝ): 14 ܘܒܸܬ ܢܵܨܒ̣ܝܼ ܟܲܪ̈ܡܵܢܹܐ: ܘܠܹܐ ܫܵܬܝܼ ܚܲܡܪܵܝ.܀ ܩܘܼܪܒܵܐ ܝܠܹܐ ܝܘܿܡܵܐ ܕܡܵܪܝܵܐ ܓܘܼܪܵܐ: ܩܘܼܪܒܵܐ ܝܠܹܐ ܘܒܸܠܝܵܙܵܐ ܪܵܒܵܐ: ܩܵܠܹܗ ܕܝܘܿܡܵܐ ܕܡܵܪܝܵܐ: ܡܲܪܝܼܪܵܐ ܒܸܬ ܡܲܩܘܸܚ ܬܵܡܵܐ ܓܲܢ̄ܒܵܪܵܐ.܀ 15 ܝܘܿܡܵܐ ܕܚܸܡܬܵܐ ܝܠܹܐ ܗ̇ܘ ܝܘܿܡܵܐ: ܝܘܿܡܵܐ ܕܥܵܘܩܵܢܵܐ ܘܐܘܼܠܨܵܢܵܐ: ܝܘܿܡܵܐ ܕܚܪܵܒ̣ܵܐ ܘܡܲܚܪܲܒ̣ܬܵܐ: ܝܘܿܡܵܐ ܕܚܘܼܒ̣ܝܵܐ ܘܚܸܫܟܵܐ: ܝܘܿܡܵܐ 16 ܕܥܢܵܢܵܐ ܘܥܲܪܦܸܠܵܐ.܀ ܝܘܿܡܵܐ ܕܫܝܼܦܘܿܪܵܐ ܘܩܲܘܲܚܬܵܐ: ܥܲܠ 17 ܡܕܝܼܢܵܬܹ̈ܐ ܡܵܪܹ̈ܐ ܩܲܠܥܵܐ: ܘܥܲܠ ܟܸܢܦܹ̈ܐ ܪ̈ܵܡܹܐ.܀ ܘܒܸܬ ܡܲܥܝܸܩܸܢ ܠܒܲܪܢܵܫܵܐ: ܘܒܸܬ ܚܵܕܪܝܼ ܐܲܝܟ ܣܸܡܝܹ̈ܐ: ܣܵܒܵܒ ܠܡܵܪܝܵܐ ܚܛܹܠܘܿܢ: ܘܒܸܬ ܦܵܝܸܫ ܫܦܝܼܟ̣ܵܐ ܕܸܡܵܝ ܐܲܝܟ ܥܲܦܪܵܐ: ܘܒܸܣܪܵܝ 18 ܐܲܝܟ ܟܘܼܒܹ̈ܐ.܀ ܐܘܼܦ ܣܹܐܡܵܝ ܐܘܼܦ ܕܲܗܒ̣ܵܝ ܠܹܐ ܡܵܨܹܐ ܠܦܵܨܘܿܝܵܝ ܒܝܘܿܡܵܐ ܕܚܸܡܬܹܗ ܕܡܵܪܝܵܐ: ܘܒܢܘܼܪܵܐ ܕܩܲܝܪܲܬܹܗ ܒܸܬ ܦܵܝܫܵܐ ܐܟ̣ܝܼܠܬܵܐ ܟܠܵܗ̇ ܐܲܪܥܵܐ: ܣܵܒܵܒ ܬܝܵܡܵܐ: [2] ܡܲܪܥܸܠܵܢܵܐ ܪܵܒܵܐ: ܒܸܬ ܥܵܒܸܕ ܠܟܠܵܝ ܥܵܡܪ̈ܵܢܹܐ ܕܐܲܪܥܵܐ.
ܩܦܠܐܘܢ: ܒ.
1. ܦܘܼܫܘܿܢ ܓ̰ܸܡܥܝܹܐ: ܘܓ̰ܿܡܸܥܡܘܿܢ: ܡܸܠܲܬ ܕܠܵܐ ܢܚܸܦܬܵܐ.܀ 2 ܡܩܵܕ̄ܡ ܕܝܵܠܸܕ ܩܢܘܼܢܵܐ: ܐܲܝܟ ܬܵܘܙ ܥܵܒܸܪ ܝܘܿܡܵܐ: ܗܹܫ ܠܵܐ ܐܵܬܝܵܐ ܥܲܠܵܘܟ̣ܘܿܢ ܚܝܵܡܬܹܗ ܕܟܲܪܒܵܐ ܕܡܵܪܝܵܐ: ܗܹܫ ܠܵܐ ܐܵܬܹܐ 3 ܥܲܠܘܟ̣ܘܿܢ ܝܘܿܡܵܐ ܕܟܲܪܒܵܐ ܕܡܵܪܝܵܐ.܀ ܛܸܥܡܘܿܢ ܠܡܵܪܝܵܐ: ܟܠܵܝ ܡܘܼܠܝܸܨܸ̈ܐ ܕܐܵܪܥܵܐ: ܕܕܝܼܘܵܢܘܼܗܝ ܦܠܸܚܠܘܢ: ܛܸܥܡܘܿܢ ܠܙܲܕܝܼܩܘܼܬܵܐ: ܛܸܥܡܘܿܢ ܠܡܸܟܝܼܟ̣ܘܼܬܵܐ ܩܵܘܡܵܐ ܦܵܝܫܝܼܬܘܿܢ 4 ܟܘܼܣܝܹܐ ܒܝܼܘܡܵܐ.܀ ܣܵܒܵܒ ܕܥܵܐܙܵܐ ܫܒ̣ܝܼܩܬܵܐ ܒܸܬ ܗܵܘܝܵܐ: ܘܐܲܫܩܵܠܘܿܢ ܠܘܲܝܪܵܢ: ܐܲܫܕܘܕ [3] ܒܛܲܗܪܵܐ ܒܸܬ 5 ܛܵܪܕܝܼ ܠܵܗ̇: ܘܥܸܩܪܘܿܢ ܒܸܬ ܦܵܝܫܵܐ ܥܩܝܼܪܬܵܐ.܀ ܐܘܿܝ ܠܥܵܡܪ̈ܵܢܹܐ ܕܬܸܚܘܼܒ ܕܝܵܡܵܐ: ܡܸܠܲܬ ܕܟܪ̈ܝܼܬܵܝܹܐ. ܚܲܒ̇ܪܹܗ ܕܡܵܪܝܵܐ ܥܲܠܵܘܿܟ̣ܘܿܢ: ܟܢܲܥܢ ܐܲܪܥܵܐ ܕܦܠܸܫܬܵܝܹ̈ܐ: ܒܸܬ ܬܵܠܩܸܢܵܟ̣ܝ 6 ܡܲܢ ܕܠܲܝܬ ܥܵܡܪܵܢܵܐ.܀ ܘܒܸܬ ܗܵܘܹܐ ܬܸܚܘܼܒ ܕܝܵܡܵܐ ܠܡܲܪ̈ܥܝܹܐ: 7 ܚܸܦܲܪ̈ܝܵܬܹܐ ܕܪ̈ܵܥܝܹܐ: ܘܓܘܼܡܵܢܹ̈ܐ ܕܦܸܣܩܵܐ.܀ ܘܒܸܬ ܗܵܘܹܐ ܬܸܚܘܼܒ ܠܣܵܡܵܐ ܦܝܼܫܵܐ ܕܝܹܬ ܝܼܗܘܼܕܵܐ: ܥܲܠܵܐ ܒܸܬ ܪܸ̈ܥܝܝܼ: ܓܵܐ ܒܵܬܹ̈ܐ ܕܐܲܫܩܵܠܘܿܢ ܒܪ̈ܡܫܵܐ ܒܸܬ ܕܵܡܟ̣ܝܼ: ܣܵܒܵܒ ܕܒܸܬ ܣܲܚܒܸܪܘܿܢ ܡܵܪܝܵܐ ܐܲܠܵܗܵܝ: ܘܒܸܬ ܡܲܕܸܪ ܝܲܚܣܝܼܪܘܼܬܵܝ.܀ 8 ܫܡܸܥܠܝܼ ܠܝܵܡܬܵܐ ܕܡܘܼܐܵܒ̣: ܘܓܘܼܕܵܦܹ̈ܐ ܕܒܢܲܝ̈ ܥܲܡܘܿܢ: ܕܠܸܡܠܘܢ ܠܛܵܝܸܦܝܼ: ܘܓܘܼܪܘܸܣܠܘܿܢ ܓܵܢܵܝ ܥܲܠ ܬܸܚܘܼܒܵܝ.܀ 9 ܒܘܼܬ ܕܐܵܗܵܐ: ܚܵܝܵܐ ܝܘܸܢ ܐܵܢܵܐ: ܒܹܐܡܵܪܵܐ ܝܠܹܐ ܡܵܪܝܵܐ ܨܒ̣ܵܐܘܼܬ: ܐܲܠܵܗܵܐ ܕܝܼܣܪܵܝܹܠ: ܕܡܘܼܐܵܒ̣ ܐܲܝܟ ܣܕܘܿܡ ܒܸܬ ܗܵܘܝܵܐ: ܘܒܢܲܝ̈ ܥܲܡܘܿܢ ܐܲܝܟ ܥܵܡܘܿܪܵܐ: ܝܵܪܬܘܼܬܵܐ ܕܩܘܼܪܨܹܝܢܵܐ: ܘܓܘܼܒܵܐ ܕܡܸܠܚܵܐ: ܘܘܼܝܪܵܢ ܗܲܠ ܥܵܠܲܡ: ܣܵܡܵܐ ܦܝܼܫܵܐ ܕܛܵܝܸܦܝܼ ܒܸܬ ܣܵܠܒܝܼ ܠܗ̄ܘܿܢ: ܘܣܵܡܵܐ ܫܒ̣ܝܼܩܵܐ ܕܡܸܠܲܬܝܼ ܒܸܬ ܝܵܪܬܝܼ 10 ܠܗ̄ܘܿܢ.܀ ܐܵܗܵܐ ܐܸܠܵܝ ܡܒܵܕܵܠ ܕܪܵܡܘܼܬܵܝ: ܣܵܒܵܒ ܕܠܸܡܠܘܿܢ ܘܓܘܼܪܘܸܣܠܘܿܢ ܓܵܢܵܝ ܥܲܠ ܛܵܝܸܦܵܐ ܕܡܵܪܝܵܐ ܨܒ̣ܐܘܼܬ.܀ 11 ܣܲܗܡܵܢܵܐ ܝܠܹܐ ܡܵܪܝܵܐ ܥܲܠܵܝ: ܣܵܒܵܒ ܕܒܸܬ ܡܲܢܘܸܠ ܠܟܠܵܝ ܐܲܠܵܗܹ̈ܐ ܕܐܲܪܥܵܐ: ܘܒܸܬ ܣܵܓ̣ܕܝܼ ܠܹܗ ܐܢܵܫܵܐ ܡ̣ܢ ܕܘܼܟܬܹܗ12 ܟܠܵܝ ܓܵܙܪܵܬܵܐ ܕܡܸܠܲܬܹ̈ܐ.܀ ܐܘܼܦ ܐܲܚܬܘܿܢ ܟܘܼܫܵܝܹ̈ܐ: ܩܛܝܼ̈ܠܹܐ 13 ܕܣܲܝܦܝܼ ܐܵܢܝܼ.܀ ܘܒܸܬ ܦܵܫܸܛ ܐܝܼܕܹܗ ܥܲܠ ܓܲܪܒܝܵܐ: ܘܒܸܬ ܬܵܠܸܩ ܠܐܵܬܘܿܪ: ܘܒܸܬ ܥܵܒܸܕ ܢܝܼܢܘܹܐ ܠܘܲܝܪܵܢ: ܨܗ̄ܝܼܬܵܐ ܐܲܝܟ 14 ܒܲܪܝܼܵܐ.܀ ܘܒܸܬ ܕܵܡܟ̣ܝܼ ܒܓܵܘܵܗ̇ ܦܸܣܩܹ̈ܐ: ܟܠܵܗ̇ ܗܲܝܘܵܢ ܕܡܸܠܲܬܹ̈ܐ: ܐܘܼܦ ܩܵܩܵܐ ܐܘܼܦ ܟܲܕܘܼܕܵܐ ܒܓܘܼܠܝܵܬܘܼ̈ܗ̇ ܒܸܬ ܦܵܝܫܝܼ ܒܠܲܝܠܹܐ: ܩܵܠܵܐ ܒܸܬ ܙܵܡܸܪ ܒܟܵܘܹܐ: ܚܪܵܒ̣ܵܐ ܒܣܩܘܼܦܬܵܐ: 15 ܣܵܒܵܒ ܐܲܪ̈ܙܹܐ ܫܘܼܠܸܚܠܹܐ.܀ ܐܵܗܵܐ ܝܠܵܐ ܡܕܝܼܢ̄ܬܵܐ ܦܵܨܚܵܢܬܵܐ: ܝܵܬܒ̣ܵܢܬܵܐ ܒܐܲܡܝܼܢܵܝܝܼ: ܕܟܹܐ ܐܵܡܪܵܐ ܒܠܸܒܘܼܗ̇: ܐܵܢܵܐ ܝܘܵܢ: ܘܠܲܝܬ ܐܚܹܪ̄ܢܵܐ: ܕܵܐܟ̣ܝܼ ܗ̄ܘܹܠܵܐ ܠܘܼܝܪܵܢ: ܡܲܕܒܲܪܬܵܐ ܠܗܲܝܘܵܢ: ܟܠ ܕܥܵܒܸܕ ܥܲܠܘܼܗ̇ ܒܸܬ ܡܲܫܪܸܩ: ܒܸܬ ܡܲܫܥܸܫ ܐܝܼܕܹܗ.
ܩܦܠܐܘܢ: ܓ.
1. ܐܘܿܝ ܠܚܵܝܝܼܢ ܘܟ̰ܘܼܦܠܸܢܬܵܐ: ܡܕܝܼܢ̄ܬܵܐ ܙܵܠܡܵܢܬܵܐ.܀ ܠܵܐ 2 ܫܡܸܥܠܵܐ ܒܩܵܠܵܐ: ܠܵܐ ܩܘܼܒܸܠܵܐ ܬܲܥܠܲܡܬܵܐ: ܒܡܵܪܝܵܐ ܠܵܐ 3 ܣܒܸܪܵܐ: ܠܐܲܠܵܗܘܼܗ̇ ܠܵܐ ܩܘܼܪܒܸܢܵܐ.܀ ܓܘܼܪ̈ܵܢܘܼܗ̇ ܒܓܵܘܵܗ̇ ܐܲܪ̈ܝܹܐ ܓܲܪ̈ܓܸܡܵܢܹܐ: ܕܲܝܵܢܘܼ̈ܗ̇ ܕܹܐܒܹ̈ܐ ܕܪܲܡܫܵܐ: ܠܹܐ ܫܵܒ̣ܩܝܼ ܓܲܪܡܵܐ 4 ܠܨܲܦܪܵܐ.܀ ܢܒ̣ܝܼܘܼ̈ܗ̇ ܦܲܚܙܹ̈ܐ ܝܢܵܐ: ܐܢܵܫܹ̈ܐ ܕܚܵܝܝܼܢܘܼܬܵܐ: ܟܵܗܢܘܼ̈ܗ̇ 5 ܫܚܸܡܠܘܿܢ ܠܩܘܼܕܫܵܐ: ܙܠܸܡܠܘܿܢ ܠܢܵܡܘܿܣܵܐ.܀ ܡܵܪܝܵܐ ܙܲܕܝܼܩܵܐ ܒܓܵܘܵܗ̇ ܝܠܹܐ: ܠܹܐ ܥܵܒܸܕ ܥܵܘܠܵܐ: ܨܲܦܪܵܐ ܒܨܲܦܪܵܐ ܕܝܼܘܵܢܹܗ ܟܹܐ ܝܵܗ̄ܒܸܠ ܠܒܲܗܪܵܐ: ܠܹܐ ܦܵܝܸܫ ܒܵܨܘܿܪܵܐ: ܘܠܹܐ ܝܲܕܸܥ 6 ܥܵܘܠܵܐ ܢܚܸܦܬܵܐ.܀ ܩܛܸܥܠܝܼ ܡܸܠܲܬܹ̈ܐ: ܦܸܫܠܘܿܢ ܘܲܝܪܵܢ ܟܸܢܦܵܝ̈: ܡܘܼܚܪܸܒ̣ܠܝܼ ܥܵܠܘܿܠܵܢܵܝ̈ ܡ̣ܢ ܒܠܵܐ ܥܵܒ̣ܪܵܢܵܐ: ܦܸܫܠܘܿܢ ܡܘܼܫܲܡܸܪ ܡܕܝܼܢܵܬܵܝ̈ ܡ̣ܢ ܒܠܵܐ ܐܢܵܫܵܐ: ܡ̣ܢ 7 ܕܠܲܝܬ ܥܵܡܪܵܢܵܐ.܀ ܐܡܸܪܝܼ: ܡܸܓ̰ܸܕ ܒܸܬ ܙܵܕܥܝܲܬ ܡܸܢܝܼ: ܒܸܬ ܩܵܒܠܲܬܝ ܬܲܥܠܲܡܬܵܐ: ܘܠܵܐ ܦܵܝܸܫ ܩܸܛܥܝܵܐ ܡܲܣܟܵܢܘܼܗ̇: (ܐܝܟ) ܟܠ ܕܦܘܼܩܸܕܠܝܼ ܥܲܠܘܼܗ̇. ܐܝܼܢܵܐ ܩܘܼܕܸܡܠܘܿܢ 8 ܡܘܼܚܪܸܒ̣ܠܘܿܢ ܟܠܵܝ ܥܵܡܵܠܵܝ̈.܀ ܒܘܼܬ ܕܐܵܗܵܐ ܣܦܘܿܪܘܿܢ ܐܸܠܝܼ: ܒܹܐܡܵܪܵܐ ܝܠܹܐ ܡܵܪܝܵܐ: ܠܝܘܿܡܵܐ ܕܩܵܝܡܸܢ ܠܬܵܠܵܢ: ܣܵܒܵܒ ܕܝܼܘܵܢܝܼ ܠܓ̰ܲܡܘܼܥܝܹܐ ܡܸܠܲܬܹ̈ܐ: ܒܡܲܬ̄ܝܵܝܬܵܝ [4] ܡܲܠܟܘܵܬܹ̈ܐ: ܠܫܵܦܘܿܟܹܐ ܥܲܠܵܝ ܩܲܙܵܒܝܼ: ܟܠܵܗ̇ ܚܝܵܡܬܵܐ ܕܟܲܪܒܝܼ: ܣܵܒܵܒ ܕܒܢܘܼܪܵܐ ܕܩܲܝܪܲܬܝ ܒܸܬ ܦܵܝܫܵܐ ܐܟ̣ܝܼܠܬܵܐ ܟܠܵܗ̇ ܐܲܪܥܵܐ.܀ 9 ܣܵܒܵܒ ܗ̇ܝܓܵܗ ܒܸܬ ܡܲܕܸܪܸܢ ܥܲܠ ܛܵܝܸܦܹ̈ܐ ܣܸܦܬܵܐ ܕܟ̣ܝܼܬܵܐ: ܠܸܩܪܵܝܵܐ ܟܠܵܝ ܒܫܸܡܵܐ ܕܡܵܪܝܵܐ: ܠܸܦܠܵܚܵܐ ܐܸܠܹܗ ܒܚܵܕ̄ 10 ܪܘܼܦ̮ܫܵܐ.܀ ܡܗ̇ܘ ܓܹܒܵܐ ܠܢܲܗܪ̈ܵܘܵܬܹܐ ܕܟܘܼܫ ܦܲܪ̈ܦܸܠܵܢܝܼ: 11 ܒܪܵܬܵܐ ܕܒܘܼܪ̈ܒܸܙܝܼ: ܒܸܬ ܡܲܝܬ̄ܝܝܼ ܦܲܫܟܵܫܝܼ.܀ ܒܗ̇ܘ ܝܘܿܡܵܐ ܠܹܐ ܢܵܚܦܲܬܝ ܡ̣ܢ ܟܠܵܝ ܥܵܡܵܠܵܟ̣ܝ̈ ܕܥܒܸܕܠܵܟ̣ܝ ܓܢܵܗܵܐ ܒܝܼܝܼ: ܣܵܒܵܒ ܗ̇ܝܓܵܗ ܒܸܬ ܡܲܥܒܸܪܸܢ ܡ̣ܢ ܓܵܘܵܟ̣ܝ ܦܵܨܚܵܢܹ̈ܐ ܒܪܵܡܵܢܘܼܬܵܟ̣ܝ: ܘܠܹܐ ܡܲܙܝܸܕܲܬܝ ܠܸܪܝܵܡܵܐ ܡܸܕܪܹܐ ܒܛܘܼܪܵܐ 12 ܕܩܘܼܕܫܝܼ.܀ ܘܒܸܬ ܫܵܒ̣ܩܸܢ ܛܵܝܸܦܵܐ ܡܘܼܠܝܸܨܵܐ 13 ܘܡܸܣܟܹܢܵܐ: ܘܒܸܬ ܣܵܒܪܝܼ ܒܫܸܡܹܗ ܕܡܵܪܝܵܐ.܀ ܣܵܡܵܐ ܫܒ̣ܝܼܩܵܐ ܕܝܼܣܪܵܝܹܠ ܠܹܐ ܥܵܒ̣ܕܝܼ ܥܵܘܠܵܐ: ܘܠܹܐ ܗܲܡܙܸܡܝܼ ܕܘܼܓܠܵܐ: ܘܠܹܐ ܦܵܝܸܫ ܡܘܼܫ̄ܟ̰ܚܵܐ ܒܦܘܼܡܵܝ ܠܸܫܵܢܵܐ ܕܦܸܠܡܵܐ: ܣܵܒܵܒ ܐܵܢܝܼ ܒܸܬ ܪܲܥܝܝܼ ܘܒܸܬ ܕܵܡܟ̣ܝܼ: ܘܠܹܐ ܗܵܘܹܐ 14 ܡܲܙܕܸܥܝܵܢܵܐ.܀ ܫܵܒܸܚ: ܒܪܵܬܵܐ ܕܨܸܗܝܘܿܢ: ܩܲܘܸܚܘܿܢ: ܝܼܣܪܵܝܹܠ: ܚܕܝܼ ܘܦܨܘܿܚܝ ܒܟܠܹܗ ܠܸܒܵܐ: ܒܪܵܬܵܐ ܕܐܘܿܪܸܫܠܸܡ.܀ 15 ܡܘܼܥܒܸܪܹܐ ܡܵܪܝܵܐ ܕܝܼܘܵܢܵܟ̣ܝ̈: ܡܘܼܕܸܪܹܐ ܕܸܫܡܸܢܵܟ̣ܝ: ܡܲܠܟܵܐ ܕܝܼܣܪܵܝܹܠ: ܡܵܪܝܵܐ: ܒܓܵܘܵܟ̣ܝ ܝܠܹܐ: ܠܹܐ ܚܵܙܝܲܬܝ ܒܝܼܫܬܵܐ 16 ܡܸܕܪܹܐ.܀ ܒܗ̇ܘ ܝܘܿܡܵܐ ܒܸܬ ܦܵܝܸܫ ܐܡܝܼܪܵܐ ܠܐܘܿܪܸܫܠܸܡ: 17 ܠܵܐ ܙܵܕܥܝܲܬܝ: ܨܸܗܝܘܿܢ: ܠܵܐ ܪܵܦܝܼ ܐܝܼܕܵܬܵܟ̣ܝ̈.܀ ܡܵܪܝܵܐ ܐܲܠܵܗܵܟ̣ܝ ܒܓܵܘܵܟ̣ܝ: ܓܲܢ̄ܒܵܪܵܐ: ܒܸܬ ܦܵܪܸܩ: ܒܸܬ ܚܵܕܹܐ ܥܲܠܵܟ̣ܝ ܒܚܲܕܘܼܬܵܐ: ܒܸܬ ܫܵܬܸܩ ܒܡܲܚܲܒܬܹܗ: ܒܸܬ ܦܵܨܸܚ ܥܲܠܵܟ̣ܝ 18 ܒܫܘܼܒ̣ܚܵܐ.܀ ܦܫܝܼܡܹ̈ܐ ܡܣܵܒܵܒ ܕܥܹܐܕܵܐ ܒܸܬ ܓ̰ܲܡܥܸܢ: ܕܡܸܢܵܟ̣ܝ ܗ̄ܘܹܠܘܿܢ: (ܕܐܸܠܵܝ) ܟܵܪܬܵܐ ܥܲܠܘܼܗ̇ ܠܵܘܡܵܐ (ܗ̄ܘܵܐ).܀ 19 ܗܵܐ: ܐܵܢܵܐ ܒܸܥܒ̣ܵܕܵܐ ܝܘܸܢ ܠܟܠܵܝ ܡܲܠܝܸܨܵܢܵܟ̣ܝ̈ ܒܗ̇ܘ ܙܲܒ̣ܢܵܐ: ܘܒܸܬ ܦܵܪܩܸܢ ܠܠܘܼܢܓܸܠܬܵܐ: ܘܟ̰ܘܼܡܟ̰ܸܡܬܵܐ ܒܸܬ ܓ̰ܲܡܥܸܢ: ܘܒܸܬ ܥܵܒ̣ܕܸܢܘܿܢ ܠܚܸܩܪܵܐ ܘܠܫܸܡܵܐ: ܒܟܠܵܗ̇ ܐܲܪܥܵܐ ܕܢܚܸܦܬܵܝ.܀ 20 ܒܗ̇ܘ ܙܲܒ̣ܢܵܐ ܒܸܬ ܡܲܝܬ̄ܝܸܢܵܘܟ̣ܘܿܢ: ܘܒܙܲܒ̣ܢܵܐ ܕܓ̰ܲܡܥܸܢܵܘܟ̣ܘܿܢ: ܣܵܒܵܒ ܕܒܸܬ ܝܵܗ̄ܒܸܢܵܘܟ̣ܘܿܢ ܠܫܸܡܵܐ ܘܠܚܸܩܪܵܐ ܒܟܠܵܝ ܛܵܝܸܦܹ̈ܐ ܕܐܲܪܥܵܐ: ܟܲܕ ܡܲܕܸܪܸܢ ܝܲܚܣܝܼܪܘܼܬܵܘܟ̣ܘܿܢ ܩܵܕ̄ܡ ܥܲܝܢܵܘ̈ܟ̣ܘܿܢ: ܒܹܐܡܵܪܵܐ ܝܠܹܐ ܡܵܪܝܵܐ.