ܟܬܒ݂ܐ ܩܕܝܫܐ ܕܕܝܬܩܐ ܚܕܬܐ

ܐܝܟ݂ ܡܦܩܬܐ ܕܦܫܝܛܬܐ

ܐܓܪܬܐ ܩܕܡܝܬܐ ܕܦܘܠܘܣ ܫܠܝܚܐ ܕܠܘܬ ܦܝܠܝܡܘܢ

ܩܦܠܐܘܢ: ܐ

1 ܦܵܘܠܘܿܣ ܐܲܣܝܼܪܹܗ ܕܝܼܫܘܿܥ ܡܫܝܼܚܵܐ: ܘܛܝܼܡܵܬܹܐܘܿܣ ܐܵܚܘܿܢܵܐ: ܠܦܝܼܠܹܡܘܿܢ ܡܘܼܚܸܒܵܐ ܘܦܵܠܵܚܵܐ ܕܥܲܡܲܢ: 2 ܘܠܵܐܦܝܵܐ ܡܘܼܚܸܒܬܲܢ: ܘܠܵܐܪܟܝܼܦܘܿܣ ܣܲܪܒܵܙ ܥܲܡܲܢ: ܘܠܥܹܕܬܵܐ ܕܓܵܘ ܒܲܝܬܘܼܟ݂: 3 ܫܵܦܵܩܲܬ ܥܲܡܵܘܟ݂ܘܿܢ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ.

4 ܫܵܟܘܿܪܹܐ ܝܘܸܢ ܠܐܲܠܵܗܵܐ ܒܟܠ ܙܲܒ݂ܢܵܐ: ܘܒܸܕܟ݂ܵܪܘܼܟ݂ ܝܼܘܸܢ ܒܨܠܵܘܵܬܝܼ̈: 5 ܗܵܐ ܡ̣ܢ ܕܫܡܸܥܠܝܼ ܚܘܼܒܘܼܟ݂ ܘܗܲܝܡܵܢܘܼܬܵܐ ܕܐܝܼܬ݂ ܠܘܼܟ݂ ܠܟܸܣ ܡܵܪܲܢ ܝܼܫܘܿܥ: ܘܠܟܸܣ ܟܠܵܝ ܩܲܕܝܼܫܹ̈ܐ: 6 ܕܗܵܘܝܵܐ ܫܵܪܝܼܪܘܼܬܵܐ ܕܗܲܝܡܵܢܘܼܬܘܼܟ݂ ܒܸܦܠܵܚܵܐ ܒܝܕܹܥܬܵܐ ܕܟܠ ܛܵܒ݂ܬܵܐ ܕܐܝܼܬ ܠܵܘܟ݂ܘܿܢ ܒܝܼܫܘܿܥ ܡܫܝܼܚܵܐ. 7 ܣܵܒܵܒ ܕܚܲܕܘܼܬܵܐ ܪܵܒܵܐ ܐܝܼܬ ܠܲܢ ܘܝܵܗ݇ܒܲܠܬܵܐ ܕܠܸܒܵܐ ܒܚܘܼܒܘܼܟ݂: ܕܦܸܫܠܘܿܢ ܡܘܼܢܝܸܚܹܐ ܒܝܼܘܼܟ݂ ܡܲܥܝܹ̈ܐ ܕܩܲܕܝܼܫܹ̈: ܐܵܚܘܿܢܝܼ.

8 ܣܵܒܵܒ ܕܐܵܗܵܐ: ܐܵܦܸܢ ܕܒܸܣܬܵܝܘܼܬܵܐ ܪܵܒܵܐ ܐܝܼܬ ܠܝܼ ܒܡܫܝܼܚܵܐ ܕܦܵܩܕܝܼܢ ܗ݇ܘܵܐ ܠܘܼܟ݂ ܐܵܢܝܼ ܕܝܼܢܵܐ ܘܵܓ̰ܸܒ: 9 ܐܝܼܢܵܐ ܡܣܵܒܵܒ ܕܚܘܼܒܵܐ ܙܵ،ܕܵܐ ܦܲܪܦܘܼܠܹܐ ܝܘܸܢ ܒܝܼܘܼܟ݂: ܐܵܢܵܐ ܕܝܼܘܸܢ ܚܵܕ݇ ܗܲܕܟ݂ܵܐ ܐܲܝܟ݂ ܦܵܘܠܘܿܣ ܣܵܒ݂ܵܐ: ܘܐܵܕܝܼܵܐ ܐܘܼܦ ܐܲܣܝܼܪܵܐ ܕܝܼܫܘܿܥ ܡܫܝܼܚܵܐ: 10 ܘܦܲܪܦܘܼܠܹܐ ܝܘܸܢ ܒܝܼܘܼܟ݂ ܡܒܵܕܵܠ ܕܒܪܘܼܢܝܼ: ܗ̇ܝ ܕܡܘܼܠܸܕܠܝܼ ܒܝܸܣܘܼܪ̈ܝܼ: ܐܵܢܹܣܝܼܡܘܿܣ: 11 ܗ̇ܘ ܕܒܚܵܕ݇ ܙܲܒ݂ܢܵܐ ܠܲܝܬ ܗ݇ܘܵܐ ܠܘܼܟ݂ ܒܝܼܹܗ ܦܲܝܕܵܐ: ܐܝܼܢܵܐ ܐܵܕܝܼܵܐ ܐܘܼܦ ܐܸܠܘܼܟ݂ ܐܘܼܦ ܐܸܠܝܼ ܡܵܪܹܐ ܦܲܝܕܵܐ ܝܠܹܐ: 12 ܗ̇ܘ ܕܩܲܡ ܫܵܕܪܸܢܹܗ ܠܟܸܣܠܘܼܟ݂: ܒܓܵܢܹܗ: ܕܝܼܠܹܐ ܗܲܪ ܡܲܥܝܹ̈ܐ ܕܝܼܝܼ. 13 ܗ̇ܘ ܕܒܲܥܝܸܢ ܗ݇ܘܵܐ ܕܚܵܡܸܢ ܗ݇ܘܵܐ ܠܹܗ ܠܟܸܣܠܝܼ: ܕܗܵܘܹܐ ܒܸܥܒ݂ܵܕܝܼ ܚܸܠܡܲܬ ܡ̣ܢ ܓܹܒܵܐ ܕܝܼܘܼܟ݂ ܒܝܸܣܘܼܪܹ̈ܐ ܕܐܹܘܵܢܓܵܠܝܼܘܿܢ: 14 ܐܝܼܢܵܐ ܕܠܵܐ ܪܵܐܝܝܼ ܕܝܼܘܼܟ݂ ܠܵܐ ܒܣܸܡܠܵܐ ܠܝܼ ܡܸܢܕܝܼ ܠܸܥܒ݂ܵܕܵܐ: ܕܛܵܒ݂ܬܘܼܟ݂ ܠܵܐ ܗܵܘܝܵܐ ܐܲܝܟ݂ ܕܒܚܲܝܠܵܐ: ܐܸܠܵܐ ܒܪܸܙܵܝܘܼܟ݂. 15 ܐܝܼܢܵܐ ܩܵܘܡܵܐ ܐܘܼܦ ܣܵܒܵܒ ܕܐܵܗܵܐ ܫܘܼܢܹܠܹܐ (ܡܟܸܣܠܘܼܟ݂) ܚܕܵܐ ܣܵܥܲܬ: ܕܠܥܵܠܲܡ ܕܵܒ݂ܩܸܬ ܠܹܗ: 16 ܡܐܵܕܝܼܵܐ ܠܵܐ ܐܲܝܟ݂ ܪܹܓܵܐ: ܐܸܠܵܐ ܙܵܘܕܵܐ ܡ̣ܢ ܪܹܓܵܐ: ܐܵܚܘܿܢܵܐ ܡܘܼܚܸܒܵܐ ܪܵܒܵܐ: ܐܸܠܵܐܟܹܐ ܕܝܼܝܼ: ܘܟܡܵܐ ܙܵܘܕܵܐ ܕܝܼܘܼܟ݂: ܐܘܼܦ ܒܒܸܣܪܵܐ ܐܘܼܦ ܒܡܵܪܲܢ. 17 ܐܸܢ ܗܲܕܟ݂ܵܐ ܫܵܪܝܼܟܵܐ ܕܝܼܝܼ ܝܘܸܬ: ܩܵܒܸܠ ܠܹܗ ܐܲܝܟ݂ ܕܐܸܠܝܼ. 18 ܐܸܢ ܡܸܢܕܝܼ ܢܵܐܗܲܩ ܥܒܸܕܠܹܐ ܒܝܼܘܼܟ݂: ܝܲܢ ܕܵܝܢܵܢܵܐ ܝܠܹܐ: ܐܵܗܵܐ ܥܲܠܝܼ ܚܲܫܒܸܢ: 19 ܐܵܢܵܐ ܦܵܘܠܘܿܣ ܟܬܸܒ݂ܠܝܼ ܒܐܝܼܕܝܼ̈: ܐܵܢܵܐ ܒܸܬ ܦܲܪܥܸܢ: ܕܠܵܐ ܐܵܡܪܸܢܘܼܟ݂ ܕܐܘܼܦ ܓܵܢܘܼܟ݂ ܕܵܝܢܵܢܵܐ ܝܘܸܬ ܐܸܠܝܼ. 20 ܗܹܐ: ܐܵܚܘܿܢܝܼ: ܐܵܢܵܐ ܦܵܝܫܸܢ ܡܘܼܢܝܸܚܵܐ ܒܝܼܘܼܟ݂ ܒܡܵܪܲܢ. ܡܲܢܝܸܚ ܡܲܥܝܝܼ̈ ܒܡܵܪܝܵܐ. 21 ܣܵܒܵܒ ܚܵܬܸܪܓ̰ܲܡܥ ܝܼܘܸܢ ܕܟܹܐ ܫܲܡܥܸܬ ܠܝܼ ܟܬܸܒ݂ܠܝܼ ܐܸܠܘܼܟ݂: ܟܲܕ ܒܝܼܕܲܥܝܵܐ ܕܙܵܘܕܵܐ ܡ̣ܢ ܡܸܢܕܝܼ ܕܐܵܡܪܸܢ ܟܹܐ ܥܵܒ݂ܕܸܬ. 22 ܐܝܼܢܵܐ ܒܚܕܵܐ ܓܵܗܵܐ ܐܘܼܦ ܗܵܕܹܐ ܐܸܠܝܼ ܕܘܼܟܬܵܐ ܕܫܪܝܬܵܐ: ܣܵܒܵܒ ܒܗܹܒ݂ܝܼ ܝܘܸܢ ܕܒܨܠܵܘܵܬܵܘ̈ܟ݂ܘܿܢ ܒܸܬ ܦܵܝܫܸܢ ܝܘܼܗ݇ܒ݂ܵܐ ܐܸܠܵܘܟ݂ܘܿܢ.

23 ܒܝܼܵܗ݇ܒ݂ܵܐ ܝܠܹܐ ܫܠܵܡܵܐ ܐܸܠܘܼܟ݂ ܐܲܦܵܦܪܵܐ: ܐܲܣܝܼܪܵܐ ܕܥܲܡܝܼ ܒܝܼܫܘܿܥ ܡܫܝܼܚܵܐ: 24 ܘܡܵܪܩܘܿܣ: ܘܐܵܪܸܣܛܲܪܟ݁ܘܿܣ: ܘܕܐܹܡܵܐ: ܘܠܘܼܩܵܐ: ܗܲܝܸܪ̈ܵܢܝܼ.

25 ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ ܥܲܡ ܪܘܼܚܵܘܟ݂ܘܿܢ: ܐܵܡܹܝܢ.