ܟܬܒ̣ܐ

ܕܕܝܬܩܐ ܚܕܬܐ

ܕܡܪܢ ܝܫܘܥ ܡܫܝܚܐ

ܦܘܼܫܵܩܵܐ ܡ̣ܢ ܐܲܨܚܬܐ ܦܫܝܛܬܐ: ܡܘܼܕܒ̣ܩܐ ܥܡ ܕܐܢܝ ܕܝܘܢܝܐ

 

ܟܬ݂ܒ݂ܐ ܕܣܘܥܪ̈ܢܐ ܕܫܠܝܚ̈ܐ (ܦܪܟܣܝܣ)

 

ܩܦܠܐܘܢ: ܐ

1 ܟܬܵܒ̣ܵܐ ܩܵܕ̄ܡܵܝܵܐ ܟܬܸܒ̣ܠܝܼ: ܝܵܐ ܬܹܐܘܿܦܝܼܠܲܐ: ܥܲܠ ܟܠܵܝ 2 ܐܵܢܝܼ ܕܫܘܼܪܹܠܹܐ ܝܼܫܘܿܥ ܠܸܥܒ̣ܵܕܵܐ ܘܠܡܵܠܘܿܦܹܐ. ܗܲܠ ܗ̇ܘ ܝܘܿܡܵܐ ܕܒܝܹܗ ܡܘܼܐܣܩܵܐ ܗ̄ܘܵܐ: ܡ̣ܢ ܒܵܬ̄ܪ ܕܦܩܝܼܕܵܝ ܗ̄ܘܵܐ 3 ܒܝܸܕ ܪܘܼܚܵܐ ܕܩܘܼܕܫܵܐ ܠܫܠܝܼܚܹ̈ܐ: ܐܵܢܝܼ ܕܓܘܼܒܹܠܹܐ. ܐܵܢܝܼ ܕܐܘܼܦ ܡܘܼܚܙܹܠܹܐ ܓܵܢܹܗ ܚܵܝܵܐ ܒܵܬ̄ܪ ܕܩܘܼܒܸܠܹܐ ܚܲܫܵܐ: ܒܢܝܼܫܲܢܩܹ̈ܐ ܪܵܒܵܐ: ܟܲܕ ܒܐܲܪܒܥܝܼ ܝܘܿܡܵܢܹ̈ܐ ܦܝܵܫܵܐ ܗ̄ܘܵܐ ܚܸܙܝܵܐ 4 ܡܸܢܵܝ: ܘܗܲܡܙܸܡ ܗ̄ܘܵܐ ܒܵܗ̄ܣ ܕܡܲܠܟܘܼܬܵܐ ܕܐܲܠܵܗܵܐ. ܘܟܲܕ [1] ܒܹܐܟ̣ܵܠܵܐ ܗ̄ܘܵܐ ܠܲܚܡܵܐ ܥܲܡܵܝ: ܦܩܝܼܕܵܝܠܹܐ ܕܡ̣ܢ ܐܘܿܪܸܫܠܸܡ ܠܵܐ ܦܵܪܩܝܼ: ܐܸܠܵܐ ܕܥܲܪܩܸܠܝܼ ܠܩܵܘܠܹܗ ܕܒܵܒܵܐ: ܗ̇ܘ 5 ܕܫܡܸܥܠܵܘܟ̣ܘܿܢ ܡܸܢܝܼ. ܣܵܒܵܒ ܝܘܿܚܲܢܵܢ ܡܘܼܥܡܸܕܠܹܐ ܒܡ̈ܝܼܵܐ: ܘܐܲܚܬܘܿܢ ܒܸܬ ܥܵܡܕܝܼܬܘܿܢ ܒܪܘܼܚܵܐ ܕܩܘܼܕܫܵܐ: ܠܵܐ ܒܵܬ̄ܪ ܪܵܒܵܐ ܝܘܿܡܵܢܹ̈ܐ. 6 ܘܟܲܕ ܐܵܢܝܼ ܓ̰ܸܡܥܝܹܐ ܗ̄ܘܵܘ: ܒܘܼܩܸܪܘܿܢ ܡܸܢܹܗ: ܒܹܐܡܵܪܵܐ: ܡܵܪܲܢ: ܒܐܵܗܵܐ ܙܲܒ̣ܢܵܐ ܒܸܬ ܡܲܕܸܪܸܬ ܡܲܠܟܘܼܬܵܐ ܠܝܼܣܪܵܝܹܠ. 7 ܘܐܡܸܪܹܐ ܐܸܠܵܝ ܗ̇ܘ: ܠܹܐ ܝܠܵܐ ܕܝܼܵܘܟ̣ܘܿܢ ܠܝܼܕܲܥܝܵܐ ܙܲܒ̣ܢܵܐ ܝܲܢ ܙܲܒ̣ܢܹ̈ܐ: ܐܵܢܝܼ ܕܒܵܒܵܐ ܡܘܼܬܒ̣ܵܝܠܹܐ ܒܗܘܼܟܡܵܐ ܕܓܵܢܹܗ. 8 ܐܸܠܵܐ ܟܲܕ ܐܵܬܝܵܐ ܪܘܼܚܵܐ ܕܩܘܼܕܫܵܐ ܥܲܠܵܘܟ̣ܘܿܢ: ܒܸܬ ܩܵܒܠܝܼܬܘܿܢ ܚܲܝܠܵܐ: ܘܒܸܬ ܗܵܘܝܼܬܘܿܢ ܣܵܗܕܝܼ̈ ܓܵܘ ܐܘܿܪܸܫܠܸܡ ܘܓܵܘ ܟܠܵܗ̇ ܝܼܗܘܼܕ ܘܫܵܡܪܹܝܢ: ܘܗܲܠ ܡܲܪ̈ܙܵܢܹܐ ܕܐܲܪܥܵܐ. 9 ܘܐܝܼܡܲܢ ܕܐܲܢܹܐ ܐܡܸܪܹܐ: ܟܲܕ ܒܸܚܝܵܪܵܐ ܗ̄ܘܵܘ: ܦܸܫܠܹܐ ܡܘܼܐܣܩܵܐ: ܘܥܢܵܢܵܐ ܩܲܡ ܩܵܒ̇ܠܵܐ ܠܹܗ ܡ̣ܢ ܥܲܝܢܵܝ̈. 10 ܘܟܲܕ ܩܵܙܘܿܕܹܐ ܗ̄ܘܵܘ ܒܫܡܲܝܵܐ: ܒܐܙܵܠܬܘܼܗܝ: ܗܵܐ: ܬܪܲܝ 11 ܐܢܵܫܹ̈ܐ ܟܸܠܝܹܐ ܠܟܸܣܠܵܝ ܒܠܒܸܫܬܵܐ ܚܘܵܪܬܵܐ. ܘܐܵܡܪܝܼ ܐܸܠܵܝ: ܐܢܵܫܹ̈ܐ ܓܠܝܼܠܵܝܹ̈ܐ: ܩܵܡܘܿܕܝܼ ܟܸܠܝܹܐ ܝܬܘܿܢ ܘܒܸܚܝܵܪܵܐ ܒܫܡܲܝܵܐ: ܐܵܗܵܐ ܝܼܫܘܿܥ ܕܦܸܫܠܹܐ ܡܘܼܐܣܩܵܐ ܡܸܢܵܘܟ̣ܘܿܢ ܠܫܡܲܝܵܐ: ܗܲܕܟ̣ܵܐ ܒܸܬ ܐܵܬܹܐ ܐܲܝܟ ܕܩܲܡ ܚܵܙܝܼܬܘܿܢ ܠܹܗ ܒܹܐܣܵܩܵܐ ܠܫܡܲܝܵܐ. 12 ܗ̇ܝܓܵܗ ܕܸܪܘܿܢ ܠܐܘܿܪܸܫܠܸܡ ܡ̣ܢ ܛܘܼܪܵܐ ܕܟܹܐ ܦܵܝܸܫ ܩܸܪܝܵܐ ܕܙܲܝܬܹ̈ܐ: ܕܝܼܠܹܐ ܕܸܦܢܵܐ ܕܐܘܿܪܸܫܠܸܡ: ܘܐܲܝܟ ܐܘܼܪܚܵܐ ܕܝܘܿܡܵܐ 13 ܕܫܲܒܬܵܐ ܡܸܢܵܗ̇. ܘܡܒܵܬ̄ܪ ܕܐܘܸܪܘܿܢ: ܐܣܸܩܠܘܿܢ [2] ܠܒܵܠܵܚܵܢܵܐ: ܗ̇ܝ ܕܟܹܐ ܗܵܘܝܼ ܗ̄ܘܵܘ ܓܵܘܵܗ̇: ܦܵܛܪܘܿܣ: ܘܝܘܿܚܲܢܵܢ: ܘܝܲܥܩܘܿܒ̣: ܘܐܲܢܕܪܹܐܘܿܣ: ܘܦܝܼܠܝܼܦܘܿܣ: ܘܬܐܘܿܡܵܐ: ܘܡܲܬܲܝ: ܘܒܲܪ ܬܘܼܠܡܲܝ: ܘܝܲܥܩܘܼܒ̣ ܒܪܘܼܢܹܗ ܕܚܲܠܦܲܝ: ܘܫܸܡܥܘܿܢ 14 ܛܲܢܵܢܵܐ: ܘܝܼܗܘܼܕܵܐ (ܒܪܘܼܢܵܐ) ܕܝܲܥܩܘܿܒ̣. ܐܲܢܹܐ ܟܠܵܝ ܗ̄ܘܹܠܘܿܢ [3] ܡܸܚܕܵܕܹ̈ܐ ܕܵܝܸܡ ܒܨܠܘܿܬܐ ܒܚܕܵܐ ܓܵܢܵܐ: ܥܲܡ ܒܲܟ̣ܬܵܬܹ̈ܐ: ܘܥܲܡ ܡܲܪܝܲܡ ܝܸܡܹܗ ܕܝܼܫܘܿܥ: ܘܥܲܡ ܐܵܚܘܿܢܘܵܬܘܼ̈ܗܝ. 15 ܘܒܵܐܢܝܼ ܝܘܿܡܵܢܹ̈ܐ: ܩܸܡܠܹܐ ܟܹܐܦܵܐ ܒܒܹܝܦܲܠܓܵܐ ܕܐܵܚܘܿܢܘܵܬܹ̈ܐ: ܐܝܼܢܵܐ ܐܝܼܬ ܗ̄ܘܵܐ ܟܸܢܫܵܐ ܕܫܸܡܵܢܹ̈ܐ [4] ܡܸܚܕܵܕܹ̈ܐ ܐܲܝܟ ܡܵܐܐ ܘܥܸܣܪܝܼ: 16 ܘܐܡܸܪܹܐ. ܐܢܵܫܹ̈ܐ ܐܵܚܘܿܢܘܵܬܹ̈ܐ: ܘܵܓ̰ܸܒ ܝܼܗ̄ܘܵܐ ܕܦܵܝܸܫ ܗ̄ܘܵܐ ܬܘܼܡܸܡܵܐ ܐܵܗܵܐ ܟܬܵܒ̣ܵܐ: ܕܩܵܕ̄ܡܵܝܬܵܐ ܐܡܸܪܹܐ ܪܘܼܚܵܐ ܕܩܘܼܕܫܵܐ ܒܦܘܼܡܹܗ ܕܕܵܘܝܼܕ ܥܲܠ ܝܼܗܘܼܕܵܐ: ܗ̇ܘ ܕܗ̄ܘܹܠܹܐ ܬܲܓܒܸܪܵܢܵܐ 17 ܠܐܵܢܝܼ ܕܕܒܸܩܠܘܿܢ ܠܝܼܫܘܿܥ. ܣܵܒܵܒ ܕܡܸܢܝܵܐ ܗ̄ܘܵܐ ܥܲܡܲܢ: 18 ܘܐܝܼܬ ܗ̄ܘܵܐ ܠܹܗ ܦܸܫܟܵܐ ܒܐܵܗܵܐ ܚܸܠܡܲܬ. ܘܐܵܗܵܐ ܩܢܹܠܹܐ ܚܲܩܠܵܐ ܡ̣ܢ ܗܵܩܵܐ ܕܥܵܘܠܹܗ: ܘܢܦܸܠܹܐ ܥܲܠ ܦܵܬܹܗ ܥܲܠ ܐܲܪܥܵܐ: ܘܦܸܫܠܹܐ ܦܪܝܼܛܵܐ ܡ̣ܢ ܒܹܝܦܲܠܓܹܗ: ܘܬܦܸܚܠܹܐ ܟܠܹܗ ܓܵܘܹܗ. 19 ܘܐܵܗܵܐ ܗ̄ܘܹܠܵܐ ܝܕܥܝܼܬܵܐ ܠܟܠܵܝ ܥܵܡܪ̈ܵܢܹܐ ܕܓܵܘ ܐܘܿܪܸܫܠܸܡ: ܘܗܲܕܟ̣ܵܐ ܦܸܫܠܵܐ ܩܪܝܼܬܵܐ ܗ̇ܝ ܚܲܩܠܵܐ ܒܠܸܫܵܢܵܐ ܕܓܵܢܵܝ: ܚܩܲܠ 20 ܕܡܵܐ: ܕܝܠܹܐ ܦܘܼܫܵܩܘܼܗ̇: ܚܲܩܠܵܐ ܕܕܸܡܵܐ. ܣܵܒܵܒ ܟܬܝܼܒ̣ܵܐ ܝܠܹܐ ܒܟܬܵܒ̣ܵܐ ܕܡܲܙܡܘܿܪܹ̈ܐ: ܒܹܝܬ ܡܲܥܡܪܹܗ ܗܵܘܹܐ ܚܵܪܵܒܵܐ: ܘܥܵܡܪܵܢܵܐ ܠܵܐ ܗܵܘܹܐ ܓܵܘܹܗ: ܘܚܸܠܡܲܬܹܗ ܫܵܩܸܠ ܚܵܕ̄ ܐܚܹܪ̄ܢܵܐ. 21 ܘܵܓ̰ܸܒ ܝܼܠܵܐ ܗܲܕܟ̣ܵܐ ܠܚܵܕ̄ ܡܐܲܢܹܐ ܐܢܵܫܹ̈ܐ ܕܗ̄ܘܹܠܘܿܢ ܥܲܡܲܢ ܒܐܵܗܵܐ ܙܲܒ̣ܢܵܐ ܟܠܹܗ ܕܒܝܹܗ ܐܘܸܪܹܐ ܘܦܠܸܛܠܹܐ ܒܓܵܘܲܢ ܡܵܪܲܢ 22 ܝܼܫܘܿܥ. ܫܵܪܘܿܝܹܐ ܡ̣ܢ ܡܲܥܡܘܿܕܝܼܬܹܗ ܕܝܘܿܚܲܢܵܢ: ܗܲܠ ܝܘܿܡܵܐ ܕܦܸܫܠܹܐ ܡܘܼܐܣܩܵܐ ܡ̣ܢ ܠܟܸܣܠܲܢ: ܕܗ̇ܘ ܗܵܘܹܐ ܥܲܡܲܢ ܣܵܗܕܵܐ 23 ܕܩܝܵܡܬܹܗ. ܘܡܘܼܩܸܡܠܘܿܢ ܬܪܲܝ: ܠܝܵܘܣܸܦ ܕܟܹܐ ܦܵܝܸܫ ܗ̄ܘܵܐ ܩܸܪܝܵܐ ܒܲܪ ܫܲܒܵܐ: ܕܡܘܼܬܒ̣ܵܐ ܗ̄ܘܵܐ ܫܸܡܹܗ ܝܘܼܣܛܘܿܣ: 24 ܘܠܡܲܬܝܼܵܐ. ܘܟܲܕ ܨܘܼܠܹܠܘܿܢ: ܐܡܸܪܘܿܢ: ܐܲܢ̄ܬ: ܡܵܪܝܵܐ: ܝܲܕܥܵܢܵܐ ܕܠܸܒܵܘܵܬܹ̈ܐ ܕܟܠܵܝ: ܡܲܚܙܝܼ ܐܲܝܢܝܼ ܚܵܕ̄ ܕܓܘܼܒ̇ܝܵܐ ܝܘܸܬ 25 ܡܐܲܢܹܐ ܬܪܲܝ. ܕܩܵܒܸ̇ܠ ܕܘܼܟܬܵܐ ܒܐܵܗܵܐ ܚܸܠܡܲܬ ܘܫܠܝܼܚܘܼܬܵܐ: 26 ܕܡܸܢܵܗ̇ ܦܪܸܩܠܹܐ ܝܼܗܘܼܕܵܐ: ܕܐܵܙܸܠ ܗ̄ܘܵܐ ܠܕܘܼܟܬܹܗ. ܘܕܪܹܠܘܿܢ ܦܸܫܟܹ̈ܐ ܐܸܠܵܝ: ܘܢܦܸܠܹܐ ܦܸܫܟܵܐ ܠܡܲܬܝܼܵܐ: ܘܦܸܫܠܹܐ ܡܸܢܝܵܐ ܥܲܡ ܚܲܕܸܥܣܲܪ ܫܠܝܼܚܹ̈ܐ.

 

ܩܦܠܐܘܢ: ܒ

1 ܘܟܲܕ ܦܝܵܫܵܐ ܗ̄ܘܵܐ ܬܘܼܡܸܡܵܐ ܝܘܿܡܵܐ ܕܦܲܢܛܹܩܘܿܣܛܹܐ: 2 ܓ̰ܸܡܥܝܹܐ ܗ̄ܘܵܘ ܟܠܵܝ [5] ܡܸܚܕܵܕܹ̈ܐ ܒܚܕܵܐ ܕܘܼܟܬܵܐ. ܘܗ̄ܘܹܠܹܐ ܡܸܢܫܸܠܬܵܢܹ̈ܐ ܡ̣ܢ ܫܡܲܝܵܐ ܩܵܠܵܐ ܐܲܝܟ ܡܚܵܝܬܵܐ ܕܦܵܘܚܵܐ ܪܵܒܵܐ ܚܲܝܠܵܢܵܐ: 3 ܘܡܠܹܠܹܐ ܠܟܠܹܗ ܗ̇ܘ ܒܲܝܬܵܐ ܕܝܬܝܼܒܹܐ ܗ̄ܘܵܘ ܓܵܘܹܗ. ܘܦܸܫܠܘܿܢ ܚܸܙܝܹܗ ܐܸܠܵܝ ܠܸܫܵܢܹ̈ܐ [6] ܕܦܵܝܫܝܼ ܗ̄ܘܵܘ ܦܘܼܠܝܹܐ: ܐܲܝܟ ܕܢܘܼܪܵܐ: 4 ܘܝܬܸܒ̣ܠܘܿܢ ܥܲܠ ܟܠ ܚܵܕ̄ ܡܸܢܵܝ. ܘܦܸܫܠܘܿܢ ܡܸܠܝܹܐ ܟܠܵܝ ܒܪܘܼܚܵܐ ܕܩܘܼܕܫܵܐ: ܘܫܘܼܪܹܠܘܿܢ ܠܗܲܡܙܘܼܡܹܐ ܒܠܸܫܵܢܹ̈ܐ ܐܚܹܪ̄ܢܹܐ: ܐܲܝܟ ܕܪܘܼܚܵܐ ܝܸܗ̄ܒܸܠܹܐ ܐܸܠܵܝ ܠܗܲܡܙܘܼܡܹܐ. 5 ܘܐܝܼܬ ܗ̄ܘܵܘ ܐܢܵܫܹ̈ܐ ܟܹܐܢܹ̈ܐ ܒܸܥܡܵܪܵܐ ܓܵܘ ܐܘܿܪܸܫܠܸܡ: 6 ܝܗ̄ܘܼܕܵܝܹ̈ܐ: ܡ̣ܢ ܟܠܵܝ ܛܵܝܸܦܹ̈ܐ ܕܬܚܘܿܬ ܫܡܲܝܵܐ. ܘܟܲܕ ܗ̄ܘܹܠܹܐ ܐܵܗܵܐ ܩܵܠܵܐ: ܓ̰ܡܸܥܠܹܐ ܟܠܹܗ ܛܵܝܸܦܵܐ: ܘܦܸܫܠܹܐ ܫܓ̣ܝܼܫܵܐ: ܣܵܒܵܒ ܕܒܸܫܡܲܥܝܵܐ ܗ̄ܘܵܐ ܟܠ ܐܢܵܫܵܐ ܡܸܢܵܝ ܕܗܲܡܙܘܼܡܹܐ ܗ̄ܘܵܘ 7 ܒܠܸܫܵܢܹ̈ܐ ܕܓܵܢܵܝ. ܘܚܓ̰ܸܠܘܿܢ ܟܠܝ ܘܥܘܼܓ̰ܸܒܠܘܿܢ: ܘܐܵܡܪܝܼ ܗ̄ܘܵܘ: ܐܲܢܹܐ ܟܠܵܝ ܕܗܲܡܙܘܼܡܹܐ ܝܢܵܐ: ܗܵܐ: ܠܹܐ ܝܢܵܐ ܓܠܝܼܠܵܝܹ̈ܐ. 8 ܘܕܵܐܟ̣ܝܼ ܐܲܚܢܲܢ ܒܸܫܡܲܥܝܵܐ ܝܘܵܚ ܟܠ ܐܢܵܫܵܐ ܠܸܫܵܢܹܗ ܕܒܝܹܗ 9 ܦܸܫܠܲܢ ܝܠܝܼܕܹܐ. ܦܲܪ̈ܬܘܵܝܹܐ ܘܡܵܕܵܝܹ̈ܐ ܘܥܠܝܼܡܵܝܹ̈ܐ: ܘܐܵܢܝܼ ܕܒܸܥܡܵܪܵܐ ܝܢܵܐ ܓܵܘ ܒܹܝܬ ܢܲܗܪ̈ܝܼܢ: ܓܵܘ ܝܼܗܘܼܕ ܘܩܵܦܵܕܘܿܩܝܼܵܐ: 10 ܓܵܘ ܦܘܼܢܛܘܿܣ ܘܐܵܣܝܼܵܐ. ܓܵܘ ܦܪܘܿܓ̣ܝܼܵܐ ܘܦܲܡܦܹܘܠܝܼܵܐ: ܓܵܘ ܡܸܨܪܹܝܢ ܘܐܲܬܪ̈ܵܘܵܬܹܐ ܕܠܹܘܒܹܐ ܚܵܕܸܪ̈ܘܵܢܹܐ ܕܩܸܘܪܝܼܢܹܐ: 11 ܘܡܵܫܵܚܲܛܹ̈ܐ ܡ̣ܢ ܪܗ̄ܘܿܡܹܐ: ܝܗ̄ܘܼܕܵܝܹ̈ܐ ܘܓܝܼܘܿܪܹ̈ܐ. ܩܪܹ̈ܛܵܝܹܐ ܘܥܵܪ̈ܵܒܵܝܹܐ: ܒܸܫܡܲܥܝܵܐ ܝܘܵܚ ܡܸܢܵܝ ܗܲܡܙܘܼܡܹܐ ܒܠܸܫܵܢܹ̈ܐ ܕܝܲܢ 12 ܥܵܓ̰ܸܒܘܵܬܹ̈ܐ ܕܐܲܠܵܗܵܐ. ܘܥܓ̰ܸܒܠܘܿܢ ܟܠܵܝ ܘܚܓ̰ܸܠܘܿܢ: 13 ܒܹܐܡܵܪܵܐ ܚܵܕ̄ ܠܗ̇ܘ ܐܚܹܪ̄ܢܵܐ: ܐܵܗܵܐ ܡܘܼܕܝܼ ܗܵܘܝܵܐ. ܐܝܼܢܵܐ ܐܚܹܪ̄ܢܹܐ ܡܲܣܚܸܪܝܼ ܗ̄ܘܵܘ ܒܝܼܵܝ ܟܲܕ ܐܵܡܪܝܼ: ܐܲܢܹܐ ܡܸܠܝܹܐ ܝܢܵܐ ܡ̣ܢ ܚܲܡܪܵܐ ܚܵܕ̄ܬܵܐ. 14 ܐܝܼܢܵܐ ܩܸܡܠܹܐ ܟܹܐܦܵܐ ܥܲܡ ܚܲܕܸܥܣܲܪ: ܘܡܘܼܪܸܡܠܹܐ ܩܵܠܹܗ: ܘܐܡܸܪܹܐ ܐܸܠܵܝ: ܐܢܵܫܹ̈ܐ ܝܗ̄ܘܼܕܵܝܹ̈ܐ: ܘܟܠܵܝ ܥܵܡܪ̈ܵܢܹܐ ܓܵܘ ܐܘܿܪܸܫܠܸܡ: ܐܵܗܵܐ ܦܵܝܫܵܐ ܝܕܥܝܼܬܵܐ ܐܸܠܵܘܟ̣ܘܿܢ: ܘܨܘܼܬܘܿܢ 15 ܠܗܹܡܸܙܡܵܢܝܼ̈. ܣܵܒܵܒ ܠܹܐ ܝܠܵܐ ܕܵܐܟ̣ܝܼ ܕܐܲܚܬܘܿܢ ܒܸܚܫܵܒ̣ܵܐ ܝܬܘܿܢ ܕܐܲܢܹܐ ܪܘܼܝܹܐ ܝܢܵܐ: ܣܵܒܵܒ ܣܵܥܲܬ ܕܬܠܵܬ̄ ܕܝܘܿܡܵܐ 16 ܝܠܵܐ. ܐܸܠܵܐ ܐܵܗܵܐ ܝܠܵܐ ܗ̇ܝ ܕܝܼܠܵܐ ܐܡܝܼܪܬܵܐ ܒܝܸܕ ܝܘܼܐܹܝܠ 17 ܢܒ̣ܝܼܵܐ. ܒܸܬ ܗܵܘܝܵܐ ܒܝܘܿܡܵܢܹ̈ܐ ܐܚܵܪ̈ܵܝܹܐ: ܒܹܐܡܵܪܵܐ ܝܠܹܐ ܐܲܠܵܗܵܐ: ܒܸܬ ܫܵܦܟܸܢ ܪܘܼܚܝܼ ܥܲܠ ܟܠ ܒܸܣܪܵܐ: ܘܒܸܬ ܢܵܒܝܼ ܒܢܘܼܢܵܘ̈ܟ̣ܘܿܢ ܘܒܢܵܬܵܘ̈ܟ̣ܘܿܢ: ܘܓ̰ܘܲܢܩܵܘ̈ܟ̣ܘܿܢ ܚܸܙܘܵܢܹ̈ܐ ܒܸܬ 18 ܚܵܙܝܼ: ܘܚܘܵܪ̈ܕܸܩܢܵܘܟ̣ܘܿܢ ܚܸܠܡܹ̈ܐ ܒܸܬ ܚܵܠܡܝܼ. ܘܥܲܠ ܪܹ̈ܓܵܘܵܬܝܼ ܘܥܲܠ ܚܹܕܲܡܝܵܬܝܼ̈ ܒܸܬ ܫܵܦܟܸܢ ܪܘܼܚܝܼ ܒܐܵܢܝܼ 19 ܝܘܿܡܵܢܹ̈ܐ: ܘܒܸܬ ܢܵܒܝܼ. ܘܒܸܬ ܝܵܗ̄ܒܸܢ ܢܝܼܫܲܢܩܹ̈ܐ ܒܫܡܲܝܵܐ ܠܥܸܠܸܠ: ܘܥܵܓ̰ܸܒܘܵܬܵܐ ܥܲܠ ܐܲܪܥܵܐ ܠܐܸܠܬܸܚ: ܕܸܡܵܐ: ܘܢܘܼܪܵܐ: 20 ܘܗܵܘܓܵܐ ܕܬܸܢܵܐ. ܫܸܡܫܵܐ ܒܸܬ ܦܵܝܸܫ ܡܘܼܚܠܸܦܵܐ ܠܚܘܼܒ̣ܝܵܐ: ܘܣܲܗܪܵܐ ܠܕܸܡܵܐ: ܡܩܵܕ̄ܡ ܕܐܵܬܹܐ ܝܘܿܡܹܗ ܕܡܵܪܝܵܐ ܓܘܼܪܵܐ 21 ܘܣܲܗܡܵܢܵܐ. ܘܒܸܬ ܗܵܘܝܵܐ: ܟܠ ܕܩܵܪܹܐ ܒܫܸܡܹܗ 22 ܕܡܵܪܝܵܐ [7] ܒܸܬ ܚܲܝܹܐ. ܐܢܵܫܹ̈ܐ ܒܢܲܝ̈ ܝܼܣܪܵܝܹܠ: ܫܡܸܥܠܘܿܢ ܐܲܢܹܐ ܗܹܡܸܙܡܵܢܹ̈ܐ: ܝܼܫܘܿܥ ܢܵܨܪܵܝܵܐ: ܐܢܵܫܵܐ ܕܡ̣ܢ ܐܲܠܵܗܵܐ ܦܸܫܠܹܐ ܡܘܼܚܙܝܼܵܐ ܠܟܸܣܠܵܘܟ̣ܘܿܢ ܒܚܲܝ̈ܠܹܐ ܘܒܢܝܼܫܲܢܩܹ̈ܐ ܘܒܥܵܓ̰ܸܒܘܵܬܵܐ: ܐܵܢܝܼ ܕܐܲܠܵܗܵܐ ܥܒܸܕܠܹܐ ܓܵܘܵܘܟ̣ܘܿܢ ܒܐܝܼܕܹܗ: ܐܲܝܟ 23 ܕܐܲܚܬܘܿܢ ܒܝܼܕܲܥܝܵܐ ܝܬܘܿܢ. ܠܐܵܗܵܐ: ܕܝܼܗ̄ܘܵܐ ܣܘܼܦܝܵܐ ܒܪܸܙܵܝܵܐ ܦܪܝܼܫܵܐ ܘܒܝܕܹܥܬܹܗ ܩܵܕ̄ܡܵܝܬܵܐ ܕܐܲܠܵܗܵܐ: ܒܐܝܼܕܵܐ ܕܢܵܐܗܲܩܹ̈ܐ 24 ܙܩܸܦܠܵܘܟ̣ܘܿܢ ܘܩܛܸܠܵܘܟ̣ܘܿܢ. ܗ̇ܘ ܕܐܲܠܵܗܵܐ ܡܘܼܩܸܡܠܹܗ: ܟܲܕ ܫܪܹܠܹܐ ܚܸܒ̣ܠܹ̈ܐ ܕܡܵܘܬܵܐ: ܣܵܒܵܒ ܠܹܐ ܡܵܨܝܵܐ ܗ̄ܘܵܐ ܕܦܵܝܸܫ 25 ܗ̄ܘܵܐ ܕܒ̣ܝܼܩܵܐ ܒܝܹܗ. ܣܵܒܵܒ ܕܵܘܝܼܕ ܐܡܸܪܹܐ ܒܵܗ̄ܣܹܗ: ܚܙܹܠܝܼ ܠܡܵܪܝܵܐ ܩܵܕ̄ܡܝܼ ܒܟܠ ܙܲܒ̣ܢܵܐ: ܣܵܒܵܒ ܥܲܠ ܝܲܡܝܼܢܝܼ ܝܠܹܐ ܕܠܵܐ ܫܵܥܫܸܢ: 26 ܣܵܒܵܒ ܕܐܵܗܵܐ ܚܕܹܠܹܐ ܠܸܒܝܼ: ܘܦܨܸܚܠܹܐ ܠܸܫܵܢܝܼ̈: ܘܐܘܼܦ ܒܸܣܪܝܼ ܒܸܬ ܫܵܪܹܐ ܒܗܹܒ̣ܝܼ: 27 ܣܵܒܵܒ ܠܹܐ ܫܵܒ̣ܩܸܬ ܠܓܵܢܝܼ ܓܵܘ ܫܝܘܿܠ: ܘܠܹܐ ܝܵܗ̄ܒܸܬ ܠܩܲܕܝܼܫܘܼܟ ܠܸܚܙܵܝܵܐ ܚܪܵܒ̣ܵܐ. 28 ܡܘܼܕܸܥܠܘܼܟ ܐܸܠܝܼ ܐܘܼܪ̈ܚܵܬܹܐ ܕܚܲܝܹ̈ܐ: ܒܸܬ ܡܵܠܸܬ ܠܝܼ ܒܘܼܣܵܡܵܐ [8] ܥܲܡ ܦܵܬܘܼܟ. 29 ܐܢܵܫܹ̈ܐ ܐܵܚܘܿܢܘܵܬܹ̈ܐ: ܒܕܲܣܬܘܼܪ ܝܼܠܵܐ ܠܹܐܡܵܪܵܐ ܒܒܸܣܬܵܝܘܼܬܵܐ ܠܟܸܣܠܵܘܟ̣ܘܿܢ ܥܲܠ ܦܵܛܲܪܝܲܪܟܵܐ ܕܵܘܝܼܕ: ܕܡܸܬܠܹܐ ܘܐܘܼܦ ܦܸܫܠܹܐ ܩܒ̣ܝܼܪܵܐ: ܘܒܹܝܬ ܩܒ̣ܘܼܪܹܗ ܠܟܸܣܠܲܢ ܝܼܠܵܐ ܗܲܠ ܐܵܗܵܐ 30 ܝܘܿܡܵܐ. ܣܵܒܵܒ ܕܢܒ̣ܝܼܵܐ ܗ̄ܘܵܐ: ܘܟܹܐ ܝܲܕܸܥ ܗ̄ܘܵܐ ܕܒܡܵܘ̈ܡܵܬܵܐ ܝܡܹܠܹܐ ܐܸܠܹܗ ܐܲܠܵܗܵܐ: ܕܡ̣ܢ ܛܥܘܼܢܝܵܬܹ̈ܐ ܕܚܵܨܹܗ ܒܸܬ ܡܲܬܝܸܒ̣ 31 ܥܲܠ ܬܪܘܿܢܘܿܣܹܗ. ܟܲܕ ܒܩܵܕ̄ܡܵܝܬܵܐ ܚܙܹܠܹܐ: ܗܘܼܡܙܸܡܠܹܐ ܒܵܗ̄ܣ ܕܩܝܵܡܬܹܗ ܕܡܫܝܼܚܵܐ: ܕܠܵܐ ܦܸܫܠܹܐ ܫܒ̣ܝܼܩܵܐ ܓܵܘ 32 ܫܝܘܿܠ: ܘܐܘܼܦ ܦܲܓ̣ܪܹܗ ܠܵܐ ܚܙܹܠܹܐ ܚܪܵܒ̣ܵܐ. ܠܐܵܗܵܐ ܝܼܫܘܿܥ 33 ܡܘܼܩܸܡܠܹܐ ܐܲܠܵܗܵܐ: ܘܐܲܚܢܲܢ ܟܠܲܢ ܣܵܗܕܘܼ̈ܗܝ ܝܘܵܚ. ܟܲܕ ܗܲܕܟ̣ܵܐ ܒܝܲܡܝܼܢܹܗ ܕܐܲܠܵܗܵܐ ܦܸܫܠܹܐ ܡܘܼܪܡܵܐ: ܘܫܩܸܠܹܐ ܡ̣ܢ ܒܵܒܵܐ ܩܵܘܠܵܐ ܕܪܘܼܚܵܐ ܕܩܘܼܕܫܵܐ: ܡܘܼܫܦܸܟ̣ܠܹܐ ܐܵܗܵܐ ܕܒܸܚܙܵܝܵܐ ܝܬܘܿܢ 34 ܘܒܸܫܡܲܥܝܵܐ ܝܬܘܿܢ. ܣܵܒܵܒ ܠܵܐ ܕܵܘܝܼܕ ܐܣܸܩܠܹܐ ܠܫܡܲܝܵܐ: ܐܸܠܵܐ ܗ̇ܘ ܐܡܸܪܹܐ: ܐܡܸܪܹܐ ܡܵܪܝܵܐ ܠܡܵܪܝܼ: ܝܬܘܿܒ̣ ܠܘܼܟ ܡ̇ܢ ܝܲܡܝܼܢܝܼ: 35 ܗܲܠ ܕܡܲܬܒܸܢ ܕܸܫܡܸܢܘܼ̈ܟ ܟܘܼܒ̣ܫܵܐ ܠܐܲܩܠܘܼ̈ܟ. 36 ܗܲܕܟ̣ܵܐ ܝܲܕܸܥ ܟܠܹܗ ܒܹܝܬ ܝܼܣܪܵܝܹܠ ܫܲܪܝܼܪܵܐܝܼܬ: ܕܡܵܪܝܵܐ ܘܡܫܝܼܚܵܐ ܥܒܸܕܠܹܗ ܐܲܠܵܗܵܐ ܠܐܵܗܵܐ ܝܼܫܘܿܥ ܕܐܲܚܬܘܿܢ ܙܩܸܦܠܵܘܟ̣ܘܿܢ. 37 ܐܝܼܢܵܐ ܟܲܕ ܫܡܸܥܠܘܿܢ ܐܲܢܹܐ: ܦܸܫܠܘܿܢ ܕܥܹܝܨܹܐ ܒܠܸܒܵܝ: ܘܐܡܸܪܘܿܢ ܠܟܹܐܦܵܐ ܘܠܫܠܝܼܚܹ̈ܐ ܐܚܹܪ̄ܢܹܐ: ܡܘܼܕܝܼ ܥܵܒ̣ܕܵܚ: 38 ܐܢܵܫܹ̈ܐ ܐܵܚܘܿܢܘܵܬܹ̈ܐ. ܐܡܸܪܹܐ ܐܸܠܵܝ ܟܹܐܦܵܐ: ܬܲܘܸܒܘܿܢ: ܘܥܵܡܸܕ ܟܠ ܐܢܵܫܵܐ ܡܸܢܵܘܟ̣ܘܿܢ ܒܫܸܡܹܗ ܕܝܼܫܘܿܥ ܡܫܝܼܚܵܐ: ܠܫܒ̣ܵܩܵܐ ܕܚܛܝܼܵܬܹ̈ܐ: ܘܒܸܬ ܩܵܒ̇ܠܝܼܬܘܿܢ ܚܲܠܲܥܬ ܕܪܘܼܚܵܐ ܕܩܘܼܕܫܵܐ. 39 ܣܵܒܵܒ ܕܐܸܠܵܘܟ̣ܘܿܢ ܗ̄ܘܹܠܹܐ ܩܵܘܠܵܐ: ܘܠܒܢܘܼܢܵܘ̈ܟ̣ܘܿܢ: ܘܠܟܠܵܝ ܐܵܢܝܼ ܕܝܼܢܵܐ ܪܸܚܩܵܐ: ܟܡܵܐ ܕܡܵܪܝܵܐ ܐܲܠܵܗܲܢ ܒܸܬ ܩܵܪܹܐ. 40 ܘܒܪܵܒܵܐ ܗܹܡܸܙܡܵܢܹ̈ܐ ܐܚܹܪ̄ܢܹܐ ܣܗܸܕܠܹܐ ܐܸܠܵܝ: ܘܦܘܼܪܦܸܠܹܐ ܒܝܼܵܝ: ܒܹܐܡܵܪܵܐ: ܦܪܘܿܩܘܿܢ ܠܵܘܟ̣ܘܿܢ ܡܐܵܗܵܐ ܐܘܼܓ̰ܵܓ̣ ܦܟ̰ܝܼܠܬܵܐ. 41 ܐܵܢܝܼ ܗܲܕܟ̣ܵܐ ܡܸܢܵܝ ܕܩܘܼܒܸ̇ܠܘܿܢ ܗܹܡܸܙܡܵܢܹ̈ܗ ܥܡܸܕܠܘܿܢ: ܘܦܸܫܠܘܿܢ 42 ܡܘܼܙܝܸܕܹܐ ܒܗ̇ܘ ܝܘܿܡܵܐ ܐܲܝܟ ܬܠܵܬ̄ܐ ܐܲܠܦܹ̈ܐ ܓܵܢܵܬܹ̈ܐ. ܘܕܵܝܸܡ ܗ̄ܘܹܠܘܿܢ ܒܝܘܼܠܦܵܢܵܐ ܕܫܠܝܼܚܹ̈ܐ: ܘܒܫܵܪܝܼܟܘܼܬܵܐ: ܘܒܩܨܵܝܬܵܐ ܕܠܲܚܡܵܐ ܘܒܨܠܵܘܵܬܹ̈ܐ. 43 ܘܗ̄ܘܹܠܵܐ ܙܕܘܼܥܬܵܐ ܒܟܠ ܓܵܢܵܐ: ܘܢܝܼܫܲܢܩܹ̈ܐ ܪܵܒܵܐ ܘܥܵܓ̰ܸܒܘܵܬܵܐ 44 ܗܵܘܝܼ ܗ̄ܘܵܘ ܒܝܸܕ ܫܠܝܼܚܹ̈ܐ. ܘܟܠܵܝ ܗܲܡܸܢܵܢܹ̈ܐ [9] ܡܸܚܕܵܕܹ̈ܐ ܗ̄ܘܵܘ: ܘܟܠ ܡܸܢܕܝܼ ܕܐܝܼܬ ܗ̄ܘܵܐ ܠܗ̄ܘܿܢ ܕܓܵܘܵܐ ܗ̄ܘܵܐ. 45 ܘܡܸܢܕܝܼܵܝ ܘܡܵܐܠܵܝ ܙܘܼܒܸܢܘܿܢ: ܘܦܘܼܠܹܠܘܿܢ ܠܟܠ ܐܢܵܫܵܐ ܐܲܝܟ 46 ܕܝܼܗ̄ܘܵܐ ܣܢܝܼܩܵܐ. ܘܟܠ ܝܘܿܡ ܕܵܝܸܡ ܗ̄ܘܹܠܘܿܢ ܓܵܘ ܗܲܝܟܠܵܐ ܒܚܕܵܐ ܓܵܢܵܐ: ܘܒܒܲܝܬܵܐ ܒܸܩܨܵܝܵܐ ܗ̄ܘܵܘ ܠܲܚܡܵܐ: ܘܩܵܒ̇ܠܝܼ ܗ̄ܘܵܘ 47 ܡܹܐܟ̣ܘܼܠܬܵܐ ܒܦܨܵܚܵܐ ܘܦܫܝܼܛܘܼܬܵܐ ܕܠܸܒܵܐ. ܫܵܒܘܿܚܹܐ ܠܐܲܠܵܗܵܐ: ܟܲܕ ܐܝܼܬ ܗ̄ܘܵܐ ܠܗ̄ܘܿܢ ܚܵܬܸܪ ܩܵܕ̄ܡ ܟܠܹܗ ܛܵܝܸܦܵܐ. ܘܡܵܪܲܢ ܡܲܙܝܸܕ ܗ̄ܘܵܐ ܐܸܠܵܝ ܟܠ ܝܘܿܡ ܐܵܢܝܼ [10] ܕܚܲܝܝܼ ܗ̄ܘܵܘ.

 

ܩܦܠܐܘܢ: ܓ

1 ܘܒܹܐܣܵܩܵܐ ܗ̄ܘܵܘ ܟܹܐܦܵܐ ܘܝܘܿܚܲܢܵܢ [11] ܡܸܚܕܵܕܹ̈ܐ ܠܗܲܝܟܠܵܐ: 2 ܒܥܕܵܢܵܐ ܕܨܠܘܿܬܵܐ ܕܣܵܥܲܬ ܕܐܸܬܫܲܥ. ܘܚܵܕ̄ ܐܢܵܫܵܐ ܣܲܩܲܬ ܡ̣ܢ ܟܹܪ̄ܣܵܐ ܕܝܸܡܹܗ: ܫܩܝܼܠܘܼܗܝ ܗ̄ܘܵܘ ܐܢܵܫܹ̈ܐ: ܕܟܹܐ ܡܲܬܒ̣ܝܼ ܗ̄ܘܵܘ ܠܹܗ ܟܠ ܝܘܿܡ ܒܬܲܪܥܵܐ ܕܗܲܝܟܠܵܐ ܕܦܝܵܫܵܐ ܝܠܹܐ ܩܸܪܝܵܐ ܫܵܦܝܼܪܵܐ: ܕܗܵܘܹܐ ܒܸܛܠܵܒܵܐ ܐܸܪܘܵܢܵܐ ܡ̣ܢ ܐܵܘܪ̈ܵܢܹܐ 3 ܓܵܘ ܗܲܝܟܠܵܐ. ܐܵܗܵܐ: ܟܲܕ ܚܙܹܠܹܐ ܠܟܹܐܦܵܐ ܘܠܝܘܿܚܲܢܵܢ ܒܹܐܘܵܪܵܐ ܓܵܘ ܗܲܝܟܠܵܐ: ܛܠܸܒܠܹܐ ܡܸܢܵܝ ܕܝܵܗ̄ܒ̣ܝܼ ܠܹܗ ܐܸܪܘܵܢܵܐ. 4 ܘܩܘܼܙܸܕܠܹܐ ܒܝܹܗ ܟܹܐܦܵܐ: ܥܲܡ ܝܘܿܚܲܢܵܢ: ܘܐܡܸܪܘܿܢ ܐܸܠܹܗ: ܚܘܼܪ 5 ܒܝܲܢ. ܘܗ̇ܘ ܡܘܼܨܝܸܬܠܹܐ ܐܸܠܵܝ: ܟܲܕ ܒܸܣܦܵܪܵܐ ܠܸܫܩܵܠܵܐ 6 ܡܸܢܵܝ ܡܸܢܕܝܼ. ܐܵܡܸܪ ܐܸܠܹܗ ܟܹܐܦܵܐ: ܕܲܗܒ̣ܵܐ ܘܣܹܐܡܵܐ ܠܲܝܬ ܠܝܼ: ܐܸܠܵܐ ܡܸܢܕܝܼ ܕܐܝܼܬ ܠܝܼ ܒܝܼܵܗ̄ܒ̣ܵܐ ܝܘܸܢ ܠܘܼܟ. ܒܫܸܡܹܗ 7 ܕܝܼܫܘܿܥ ܡܫܝܼܚܵܐ ܢܵܨܪܵܝܵܐ: ܩܘܼܡ̄ ܚܕܘܿܪ. ܘܕܒܸܩܠܹܗ ܒܐܝܼܕܹܗ ܕܝܲܡܝܼܢܵܐ ܘܡܘܼܩܸܡܠܹܗ: ܘܗܲܪ ܒܗ̇ܝ ܣܵܥܲܬ ܩܘܹܠܘܿܢ 8 ܐܲܩܠܵܬܘܼ̈ܗܝ ܘܥܸܩܒܘܼ̈ܗܝ. ܘܫܘܸܪܹܐ ܩܸܡܠܹܐ ܘܚܕܸܪܹܐ: ܘܐܘܸܪܹܐ ܥܲܡܵܝ ܓܵܘ ܗܲܝܟܠܵܐ: ܟܲܕ ܒܸܚܕܵܪܵܐ: ܘܒܸܫܘܵܪܵܐ: ܘܫܵܒܘܿܚܹܐ 9 ܠܐܲܠܵܗܵܐ. ܘܚܙܹܠܘܿܢ ܐܸܠܹܗ ܟܠܹܗ ܛܵܝܸܦܵܐ ܟܲܕ ܒܸܚܕܵܪܵܐ 10 ܘܫܵܒܘܿܚܹܐ ܠܐܲܠܵܗܵܐ. ܘܝܕܸܥܠܘܿܢ ܕܐܵܗܵܐ ܗ̄ܘܵܐ ܗ̇ܘ ܕܒܘܼܬ ܐܸܪܘܵܢܵܐ ܝܵܬܸܒ̣ ܗ̄ܘܵܐ ܠܟܸܣ ܬܲܪܥܵܐ ܫܵܦܝܼܪܵܐ ܕܗܲܝܟܠܵܐ: ܘܦܸܫܠܘܿܢ ܡܸܠܝܹܐ ܚܸܓ̰ܠܵܐ ܘܥܘܼܓ̰ܵܒܵܐ ܥܲܠ ܡܸܢܕܝܼ ܕܗ̄ܘܹܠܹܐ ܐܸܠܹܗ. 11 ܘܟܲܕ ܕܒ̣ܝܼܩܵܐ ܗ̄ܘܵܐ ܠܟܹܐܦܵܐ ܘܠܝܘܿܚܲܢܵܢ: ܪܚܸܛܠܹܐ ܟܠܹܗ ܛܵܝܸܦܵܐ ܟܲܕ ܥܵܓ̰ܘܿܒܹܐ ܪܵܒܵܐ ܠܟܸܣܠܵܝ: ܠܨܘܼܦܵܐ ܕܦܝܵܫܵܐ ܝܠܹܐ 12 ܩܸܪܝܵܐ: ܕܫܠܹܝܡܘܿܢ. ܘܟܲܕ ܚܙܹܠܹܐ ܟܹܐܦܵܐ: ܓ̰ܘܼܘܸܒܠܹܐ ܠܛܵܝܸܦܵܐ: ܐܢܵܫܹ̈ܐ ܒܢܲܝ̈ ܝܼܣܪܵܝܹܠ: ܩܵܡܘܿܕܝܼ ܥܵܓ̰ܘܿܒܹܐ ܝܬܘܿܢ ܒܐܵܗܵܐ: ܝܲܢ ܒܝܲܢ ܩܵܡܘܿܕܝܼ ܒܸܚܝܵܪܵܐ ܝܬܘܿܢ: ܐܲܝܟ ܕܒܚܲܝܠܵܐ ܝܲܢ 13 ܒܟܫܝܼܛܘܼܬܵܐ ܕܓܵܢܲܢ ܥܒܸܕܠܲܢ ܐܵܗܵܐ ܕܚܵܕܸܪ. ܐܲܠܵܗܹܗ ܕܐܲܒ̣ܪܵܗܵܡ ܘܕܐܝܼܣܚܵܩ ܘܕܝܲܥܩܘܿܒ̣: ܐܲܠܵܗܵܐ ܕܐܲܒ̣ܵܗܵܬܲܢ ܚܩܸܪܹܐ [12] ܠܪܹܓܹܗ ܝܼܫܘܿܥ: ܗ̇ܘ ܕܐܲܚܬܘܿܢ ܣܘܼܦܹܠܵܘܟ̣ܘܿܢ [13] ܘܟܦܸܪܵܘܟ̣ܘܿܢ ܒܝܹܗ ܩܵܕ̄ܡ ܦܵܬܵܐ ܕܦܝܼܠܵܛܘܿܣ: ܟܲܕ ܗ̇ܘ ܕܵܝܸܢ ܗ̄ܘܵܐ ܕܫܵܪܹܐ 14 ܠܹܗ. ܐܝܼܢܵܐ ܐܲܚܬܘܿܢ ܒܩܲܕܝܼܫܵܐ ܘܙܲܕܝܼܩܵܐ [14] ܟܦܸܪܵܘܟ̣ܘܿܢ: ܘܛܠܸܒܠܵܘܟ̣ܘܿܢ ܠܐܢܵܫܵܐ ܩܵܛܘܿܠܵܐ ܕܦܵܝܸܫ ܝܘܼܗ̄ܒ̣ܵܐ ܐܸܠܵܘܟ̣ܘܿܢ. 15 ܘܠܗ̇ܘ ܪܹܫܵܐ ܕܚܲܝܹ̈ܐ ܩܛܸܠܵܘܟ̣ܘܿܢ: ܕܐܸܠܹܗ ܡܘܼܩܸܡܠܹܐ ܐܲܠܵܗܵܐ ܡ̣ܢ 16 ܡܝܼܬܹ̈ܐ: ܘܐܲܚܢܲܢ ܣܵܗܕܘܼ̈ܗܝ ܝܘܵܚ. ܘܒܗܲܝܡܵܢܘܼܬܵܐ ܕܫܸܡܹܗ: ܠܐܵܗܵܐ ܕܒܸܚܙܵܝܵܐ ܝܬܘܿܢ ܘܒܝܼܕܲܥܝܵܐ ܝܬܘܿܢ: ܫܸܡܹܗ ܡܘܼܩܘܹܠܹܐ: ܘܗܲܝܡܵܢܘܼܬܵܐ ܕܒܝܹܗ ܝܸܗܒܸܠܹܐ ܐܸܠܹܗ ܐܵܗܵܐ ܒܣܵܡܬܵܐ ܩܵܕ̄ܡ 17 ܟܠܵܘܟ̣ܘܿܢ. ܘܐܵܕܝܼܵܐ: ܐܵܚܘܿܢܘܵܬܝܼ̈: ܒܝܼܕܲܥܝܵܐ ܝܘܸܢ ܕܒܠܵܐ ܝܕܸܥܬܵܐ ܥܒܸܕܠܵܘܟ̣ܘܿܢ ܐܵܗܵܐ: ܐܲܝܟ ܕܐܘܼܦ ܪܹ̈ܫܵܢܵܘܟ̣ܘܿܢ. 18 ܘܐܲܠܵܗܵܐ ܕܵܐܟ̣ܝܼ ܕܩܵܕ̄ܡܵܝܬܵܐ ܡܘܼܟܪܸܙܠܹܐ ܒܦܘܼܡܵܐ ܕܟܠܵܝ ܢܒ̣̈ܝܹܐ: ܕܩܵܒܸ̇ܠ ܚܲܫܵܐ ܡܫܝܼܚܹܗ: ܬܘܼܡܸܡܠܹܐ ܗܲܕܟ̣ܵܐ. 19 ܬܲܘܸܒܘܿܢ ܗܲܕܟ̣ܵܐ ܘܕܘܼܪܘܿܢ: ܕܦܵܝܫܝܼ ܓܪܝܼܕܹܐ ܚܛܵܗܵܘ̈ܟ̣ܘܿܢ: ܗܲܕܟ̣ܵܐ ܕܐܵܬܝܼ ܐܸܠܵܘܟ̣ܘܿܢ ܙܲܒ̣ܢܹ̈ܐ ܕܢܝܵܚܬܵܐ ܡ̣ܢ ܩܵܕ̄ܡ ܦܵܬܹܗ 20 ܕܡܵܪܝܵܐ. ܘܕܫܵܕܸܪ ܠܗ̇ܘ ܕܝܼܗ̄ܘܵܐ ܩܵܕ̄ܡܵܝܬܵܐ ܗܘܼܕܪܵܐ ܐܸܠܵܘܟ̣ܘܿܢ: 21 ܠܝܼܫܘܿܥ ܡܫܝܼܚܵܐ. ܕܐܸܠܹܗ ܘܵܓ̰ܸܒ ܝܼܠܵܐ ܠܫܡܲܝܹ̈ܐ ܕܩܵܒ̇ܠܝܼ ܗܲܠ ܙܲܒ̣ܢܹ̈ܐ ܕܡܲܕܲܪܬܵܐ ܕܟܠܵܝ ܐܵܢܝܼ ܕܗܘܼܡܙܸܡܠܹܐ ܐܲܠܵܗܵܐ 22 ܒܦܘܼܡܵܐ ܕܢܒ̣ܝܘܼ̈ܗܝ ܩܲܕܝܼܫܹ̈ܐ ܕܡ̣ܢ ܥܵܠܲܡ. ܣܵܒܵܒ ܡܘܼܫܹܐ ܐܡܸܪܹܐ ܠܐܲܒ̣ܵܗܵܬܲܢ: ܢܒ̣ܝܼܵܐ ܒܸܬ ܡܲܩܸܡ ܠܵܘܟ̣ܘܿܢ ܡܵܪܝܵܐ ܐܲܠܵܗܵܘܟ̣ܘܿܢ ܡ̣ܢ ܐܵܚܘܿܢܘܵܬܵܘ̈ܟ̣ܘܿܢ ܐܲܝܟ ܕܝܼܝܼ: ܐܸܠܹܗ ܫܲܡܥܝܼܬܘܿܢ 23 ܒܟܠ ܡܸܢܕܝܼ ܕܗܲܡܙܸܡ ܥܲܡܵܘܟ̣ܘܿܢ. ܘܒܸܬ ܗܵܘܝܵܐ: ܟܠ ܓܵܢܵܐ ܗ̇ܝ ܕܠܵܐ ܫܲܡܥܵܐ ܠܗ̇ܘ ܢܒ̣ܝܼܵܐ: ܒܸܬ ܬܵܠܩܵܐ ܡ̣ܢ 24 ܛܵܝܸܦܵܗ̇. ܘܢܒ̣̈ܝܹܐ ܟܠܵܝ ܕܡ̣ܢ ܫܡܘܼܐܹܝܠ: ܘܐܵܢܝܼ ܕܡ̣ܢ ܒܵܬ̄ܪܹܗ ܗ̄ܘܹܠܘܿܢ: ܟܡܵܐ ܕܗܘܼܡܙܸܡܠܘܿܢ ܡܘܼܟܪܸܙܠܘܿܢ 25 ܒܵܗ̄ܣ ܕܐܲܢܹܐ ܝܘܿܡܵܢܹ̈ܐ. ܐܲܚܬܘܿܢ ܝܼܬܘܿܢ ܒܢܘܼܢܹ̈ܐ ܕܢܒ̣̈ܝܹܐ: ܘܕܕܝܵܬܹܩܹܐ ܗ̇ܝ ܕܡܘܼܬܸܒ̣ܠܹܐ ܐܲܠܵܗܵܐ ܠܐܲܒ̣ܵـ̈ـܗܵܬܲܢ: ܟܲܕ ܐܡܸܪܹܐ ܠܐܲܒ̣ܪܵܗܵܡ: ܒܙܲܪܥܘܼܟ ܒܸܬ ܦܵܝܫܝܼ ܒܘܼܪܟܹܐ ܟܠܵܝ ܐܘܼ̈ܓ̰ܵܓܹܐ 26 ܕܐܲܪܥܵܐ. ܐܸܠܵܘܟ̣ܘܿܢ ܩܵܕ̄ܡܵܝܬܵܐ ܡܘܼܩܸܡܠܹܐ ܘܫܘܼܕܸܪܹܐ ܐܲܠܵܗܵܐ ܠܪܹܓܹܗ: ܕܒܵܪܸܟ ܠܵܘܟ̣ܘܿܢ: ܒܕܝܵܪܬܵܐ ܕܟܠ ܚܵܕ̄ ܡܸܢܵܘܟ̣ܘܿܢ ܡ̣ܢ ܒܝܼܫܵܬܵܘ̈ܟ̣ܘܿܢ.

 

ܩܦܠܐܘܢ: ܕ

1 ܘܟܲܕ ܗܲܡܙܘܼܡܹܐ ܗ̄ܘܵܘ ܠܛܵܝܸܦܵܐ: ܩܸܡܠܘܿܢ ܥܲܠܵܝ ܟܵܗܢܹ̈ܐ 2 ܘܙܲܕܘܼܩܵܝܹ̈ܐ: ܘܪܹܫܵܐ ܕܗܲܝܟܠܵܐ. ܟܲܕ ܡܛܝܼܬܵܐ ܗ̄ܘܵܘ ܠܓܵܢܵܝ ܕܡܵܠܘܿܦܹܐ ܗ̄ܘܵܘ ܠܛܵܝܸܦܵܐ: ܘܡܲܫܚܘܼܕܹܐ ܗ̄ܘܵܘ ܒܝܼܫܘܿܥ 3 ܠܩܝܵܡܬܵܐ ܡ̣ܢ ܡܝܼܬܹ̈ܐ. ܘܕܪܹܠܘܿܢ ܥܲܠܵܝ ܐܝܼܕܵܬܹ̈ܐ: ܘܢܛܝܼܪܵܝܠܘܿܢ 4 ܠܝܘܿܡܵܐ ܐܚܹܪ̄ܢܵܐ: ܣܵܒܵܒ ܐܵܕܝܼܵܐ ܪܲܡܫܵܐ ܗ̄ܘܵܐ. ܘܪܵܒܵܐ ܕܫܡܸܥܠܘܿܢ ܗܹܡܸܙܡܵܢ ܗܘܼܡܸܢܘܿܢ: ܘܒܡܸܢܝܵܢܵܐ ܐܲܝܟ ܚܲܡܫܵܐ ܐܲܠܦܹ̈ܐ ܐܢܵܫܹ̈ܐ ܗ̄ܘܵܘ. 5 ܘܗ̄ܘܹܠܵܐ ܒܝܘܿܡܵܐ ܐܚܹܪ̄ܢܵܐ: ܓ̰ܡܸܥܠܘܿܢ ܓܘܼܪ̈ܵܢܵܝ 6 ܘܚܘܵܪ̈ܕܸܩܢܵܝ ܘܣܵܦܪܵܝ ܓܵܘ ܐܘܿܪܸܫܠܸܡ. ܘܐܘܼܦ ܚܲܢܵܢ ܓܘܼܪܵܐ ܕܟܵܗܢܹ̈ܐ: ܘܩܲܝܵܦܵܐ: ܘܝܘܿܚܲܢܵܢ: ܘܐܵܠܹܟ̣ܣܲܢܕܪܘܿܣ: ܘܟܡܵܐ 7 ܕܝܼܗ̄ܘܵܘ ܡ̣ܢ ܐܘܼܓ̰ܵܓ̣ ܕܓܘܼܪܵܐ ܕܟܵܗܢܹ̈ܐ. ܘܟܲܕ ܡܘܼܩܸܡܵܝܠܘܿܢ ܒܒܹܝܦܲܠܓܵܐ: ܒܘܼܩܸܪܘܿܢ ܡܸܢܵܝ: ܒܐܲܝܢܝܼ ܚܲܝܠܵܐ: 8 ܝܲܢ ܒܐܲܝܢܝܼ ܫܸܡܵܐ: ܥܒܸܕܠܵܘܟ̣ܘܿܢ ܐܵܗܵܐ. ܗ̇ܝܓܵܗ ܟܹܐܦܵܐ ܟܲܕ ܡܸܠܝܵܐ ܪܘܼܚܵܐ ܕܩܘܼܕܫܵܐ: ܐܡܸܪܹܐ ܐܸܠܵܝ: ܓܘܼܪ̈ܵܢܹܐ ܕܛܵܝܸܦܵܐ 9 ܘܚܘܵܪ̈ܕܸܩܢܹܐ [15] ܕܒܹܝܬ ܝܼܣܪܵܝܹܠ. ܐܸܢ ܐܲܚܢܲܢ ܐܸܕܝܘܼ ܦܝܵܫܵܐ ܝܘܵܚ ܕܝܼܢܹܐ ܡܸܢܵܘܟ̣ܘܿܢ ܥܲܠ ܫܘܼܠܵܐ ܛܵܒ̣ܵܐ ܕܗ̄ܘܹܠܹܐ ܠܒܲܪܢܵܫܵܐ 10 ܡܸܪܥܝܵܐ: ܕܒܡܘܼܕܝܼ ܐܵܗܵܐ ܦܝܵܫܵܐ ܝܠܹܐ [16] ܒܘܼܣܡܵܐ. ܐܵܗܵܐ ܦܵܝܫܵܐ ܝܕܥܝܼܬܵܐ ܠܟܠܵܘܟ̣ܘܿܢ ܘܠܟܠܹܗ ܛܵܝܸܦܵܐ ܕܝܼܣܪܵܝܹܠ: ܕܒܫܸܡܹܗ ܕܝܼܫܘܿܥ ܡܫܝܼܚܵܐ ܢܵܨܪܵܝܵܐ: ܗ̇ܘ ܕܐܲܚܬܘܿܢ ܙܩܸܦܠܵܘܟ̣ܘܿܢ: ܗ̇ܘ ܕܡܘܼܩܸܡܠܹܐ ܐܲܠܵܗܵܐ ܡ̣ܢ ܡܝܼܬܹ̈ܐ: ܗܲܪ 11 ܒܗ̇ܘ ܒܸܟܠܵܝܵܐ ܝܠܹܐ ܐܵܗܵܐ ܩܵܕ̄ܡܵܘܟ̣ܘܿܢ ܨܵܚ. ܗ̇ܘ ܝܼܠܹܐ ܟܹܐܦܵܐ ܕܡܘܼܣܠܹܠܵܘܟ̣ܘܿܢ ܐܲܚܬܘܿܢ ܒܲܢܹ̈ܐ: ܘܐܵܗܵܐ ܗ̄ܘܹܠܹܐ ܠܪܹܫܵܐ 12 ܕܩܸܪܢܝܼܬܵܐ. ܘܠܲܝܬ ܒܐܢܵܫܵܐ ܐܚܹܪ̄ܢܵܐ ܦܘܼܪܩܵܢܵܐ: ܣܵܒܵܒ ܠܲܝܬ ܫܸܡܵܐ ܐܚܹܪ̄ܢܵܐ ܬܚܘܿܬ ܫܡܲܝܵܐ ܕܦܸܫܠܹܐ ܝܘܼܗ̄ܒ̣ܵܐ ܓܵܘ ܒܢܲܝ̈ܢܵܫܵܐ: ܕܒܝܹܗ ܘܵܓ̰ܸܒ ܝܼܠܵܐ [17] ܕܚܲܝܵܚ. 13 ܘܟܲܕ ܚܙܹܠܘܿܢ ܓ̰ܘܼܪܐܲܬ ܕܟܹܐܦܵܐ ܘܕܝܘܿܚܲܢܲܢ: ܘܦܘܼܪܡܹܠܘܿܢ ܕܠܹܐ ܗ̄ܘܵܘ ܐܢܵܫܹ̈ܐ ܝܠܝܼܦܹ̈ܐ ܘܕܥܲܙܵܢܹ̈ܐ ܗ̄ܘܵܘ: ܥܘܼܓ̰ܸܒܠܘܿܢ ܒܝܼܵܝ: 14 ܘܝܕܸܥܝܵܝܠܘܿܢ ܕܥܲܡ ܝܼܫܘܿܥ ܟܹܐ ܗܵܘܝܼ ܗ̄ܘܵܘ. ܘܟܲܕ ܚܙܹܠܘܿܢ ܕܟܸܠܝܵܐ ܥܲܡܵܝ ܗ̇ܘ ܐܢܵܫܵܐ ܕܦܸܫܠܹܐ ܒܘܼܣܡܵܐ: ܘܠܹܐ ܡܵܨܝܼ 15 ܗ̄ܘܵܘ ܠܹܐܡܵܪܵܐ ܡܸܢܕܝܼ ܠܕܲܪܩܘܼܒ̣ܠܵܝ. ܗ̇ܝܓܵܗ ܦܘܼܩܸܕܠܘܿܢ ܕܦܵܠܛܝܼ ܗ̄ܘܵܘ ܠܗ̄ܘܿܢ ܡ̣ܢ ܟܸܢܫܵܝ: ܘܥܒܸܕܠܘܿܢ ܪܵܐܝܝܼ ܚܵܕ̄ 16 ܥܲܡ ܕܗ̇ܘ ܐܚܹܪ̄ܢܵܐ. ܒܹܐܡܵܪܵܐ: ܡܘܼܕܝܼ ܥܵܒ̣ܕܵܚ ܠܐܲܢܹܐ ܐܢܵܫܹ̈ܐ: ܣܵܒܵܒ ܕܢܝܼܫܲܢܩܵܐ ܐܲܫܟܵܪܵܐ ܗ̄ܘܹܠܹܐ ܒܐܝܼܕܵܝ̈: ܠܟܠܵܝ ܥܵܡܪ̈ܵܢܹܐ 17 ܕܐܘܿܪܸܫܠܸܡ ܦܸܫܠܹܐ ܝܕܸܥܝܵܐ: ܘܠܹܐ ܡܵܨܵܚ ܕܣܵܪܒ̣ܵܚ. ܐܸܠܵܐ ܕܠܵܐ ܙܵܘܕܵܐ ܦܵܠܛܵܐ ܐܵܗܵܐ ܒܵܗ̄ܣ ܓܵܘ ܛܵܝܸܦܵܐ: ܐܵܟ̣ܠܵܚ ܓܸܙܡܹ̈ܐ ܐܸܠܵܝ: ܕܡܸܕܪܹܐ ܠܵܐ ܗܲܡܙܸܡܝܼ ܒܐܵܗܵܐ ܫܸܡܵܐ ܠܟ̰ܘܼ ܐܢܵܫܵܐ. 18 ܘܩܸܪܝܵܝܠܘܿܢ: ܘܦܘܼܩܸܕܠܘܿܢ ܐܸܠܵܝ: ܕܗܲܪ ܠܵܐ ܗܲܡܙܸܡܝܼ ܘܠܵܐ 19 ܡܵܠܦܝܼ ܒܫܸܡܹܗ ܕܝܼܫܘܿܥ. ܐܝܼܢܵܐ ܓ̰ܘܼܘܸܒܠܘܿܢ ܟܹܐܦܵܐ ܘܝܘܿܚܲܢܵܢ ܘܐܡܸܪܘܿܢ ܐܸܠܵܝ: ܐܸܢ ܗܲܩ ܝܼܠܵܐ ܩܵܕ̄ܡ ܐܲܠܵܗܵܐ 20 ܕܐܸܠܵܘܟ̣ܘܿܢ ܫܲܡܥܵܚ ܙܵܘܕܵܐ ܡ̣ܢ ܕܠܲܐܠܵܗܵܐ: ܕܘܼܢܘܿܢ. ܣܵܒܵܒ ܠܹܐ ܡܵܨܵܚ ܡܸܢܕܝܼ ܕܚܙܹܠܲܢ ܘܫܡܸܥܠܲܢ ܕܠܵܐ ܗܲܡܙܸܡܵܚ ܠܹܗ. 21 ܘܐܟܸܠܘܿܢ ܓܸܙܡܹ̈ܐ ܐܸܠܵܝ: ܘܫܸܪܝܵܝܠܘܿܢ: ܣܵܒܵܒ ܠܵܐ ܡܘܼܫ̄ܟ̰ܸܚܠܘܿܢ ܐܸܠܵܝ ܗܲܓ̰ܲܬ ܕܵܐܟ̣ܝܼ ܕܬܲܥܠܡܝܼ ܗ̄ܘܵܘ ܠܗ̄ܘܿܢ: ܣܵܒܵܒ ܕܛܵܝܸܦܵܐ: ܣܵܒܵܒ ܟܠ ܐܢܵܫܵܐ ܫܵܒܸܚ ܗ̄ܘܵܐ ܠܐܲܠܵܗܵܐ 22 ܒܘܼܬ ܡܸܢܕܝܼ ܕܗ̄ܘܹܠܹܐ. ܣܵܒܵܒ ܙܵܘܕܵܐ ܡ̣ܢ ܒܲܪ ܐܲܪܒܥܝܼ ܫܸܢܹ̈ܐ ܗ̄ܘܵܐ ܗ̇ܘ ܐܢܵܫܵܐ ܕܗ̄ܘܹܠܹܐ ܒܝܹܗ ܐܵܗܵܐ ܢܝܼܫܲܢܩܵܐ ܕܒܵܣܲܡܬܵܐ. 23 ܘܟܲܕ ܦܸܫܠܘܿܢ ܫܸܪܝܹܐ: ܐܬܹܠܘܿܢ ܠܟܸܣ ܐܢܵܫܵܝ̈: ܘܗܘܼܩܹܠܘܿܢ ܐܸܠܵܝ ܟܠ ܡܸܢܕܝܼ ܕܐܡܸܪܘܿܢ ܓܘܼܪ̈ܵܢܹܐ ܕܟܵܗܢܹ̈ܐ 24 ܘܚܘܵܪ̈ܕܸܩܢܹܐ. ܘܐܵܢܝܼ: ܟܲܕ ܫܡܸܥܠܘܿܢ: ܒܚܕܵܐ ܓܵܢܵܐ ܡܘܼܪܸܡܠܘܿܢ ܩܵܠܵܝ ܠܟܸܣ ܐܲܠܵܗܵܐ: ܘܐܡܸܪܘܿܢ: ܝܵܐ ܡܵܪܝܵܐ: ܐܲܢ̄ܬ ܝܼܘܸܬ ܐܲܠܵܗܵܐ ܕܥܒܸܕܠܘܼܟ ܫܡܲܝܵܐ ܘܐܲܪܥܵܐ: ܘܝܵܡܵܬܹ̈ܐ: 25 ܘܟܠ ܕܐܝܼܬ ܓܵܘܵܝ. ܘܐܲܢ̄ܬ ܝܼܘܸܬ ܕܗܘܼܡܙܸܡܠܘܼܟ ܒܝܸܕ ܦܘܿܡܵܐ ܕܪܘܼܚܵܐ ܕܩܘܼܕܫܵܐ: ܒܕܵܘܝܼܕ ܪܹܓܘܼܟ: ܩܵܡܘܿܕܝܼ ܫܓܸܫܠܘܿܢ ܛܵܝܸܦܹ̈ܐ: ܘܡܸܠܲܬܹ̈ܐ ܗܵܓܝܼ ܣܪܝܼܩܘܼܬܵܐ: 26 ܩܸܡܠܘܿܢ ܡܲܠܟܹ̈ܐ ܕܐܲܪܥܵܐ: ܘܗܵܟܝܼܡܹ̈ܐ ܓ̰ܡܸܥܠܘܿܢ [18] ܡܸܚܕܵܕܹ̈ܐ: ܥܲܠ ܡܵܪܝܵܐ ܘܥܲܠ ܡܫܝܼܚܹܗ. 27 ܣܵܒܵܒ ܒܫܲܪܝܼܪܘܼܬܵܐ ܓ̰ܡܸܥܠܘܿܢ ܓܵܘ ܕܐܵܗܵܐ ܡܕܝܼܢ̄ܬܵܐ ܥܲܠ ܪܹܓܘܼܟ ܩܲܕܝܼܫܵܐ ܝܼܫܘܿܥ: ܗ̇ܘ ܕܐܲܢ̄ܬ ܡܫܸܚܠܘܼܟ: ܗܹܪܘܿܕܸܣ ܘܦܵܢܛܝܼܘܿܣ ܦܝܼܠܵܛܘܿܣ: ܥܲܡ ܛܵܝܸܦܹ̈ܐ ܘܟܸܢܫܵܐ 28 ܕܝܼܣܪܵܝܹܠ. ܠܸܥܒ̣ܵܕܵܐ ܟܠ ܡܸܢܕܝܼ ܕܐܝܼܕܘܼܟ ܘܪܸܙܵܝܘܼܟ 29 ܩܵܕ̄ܡܵܝܬܵܐ ܪܫܸܡܠܘܿܢ ܕܗܵܘܹܐ. ܘܐܵܕܝܼܵܐ: ܡܵܪܝܵܐ: ܚܘܼܪ ܠܓܸܙܡܵܝ̈: ܘܗܲܒ̄ܠ ܠܪܹ̈ܓܵܘܵܬܘܼܟ ܕܒܟܠܵܗ̇ ܓ̰ܘܼܪܐܲܬ ܗܲܡܙܸܡܝܼ 30 ܗܹܡܸܙܡܵܢܘܼܟ. ܟܲܕ ܦܵܫܘܿܛܹܐ ܝܘܸܬ ܐܝܼܕܘܼܟ ܠܒܵܣܲܡܝܵܬܹ̈ܐ: ܘܠܥܵܓ̰ܸܒܘܵܬܵܐ: ܘܠܢܝܼܫܲܢܩܹ̈ܐ: ܕܗܵܘܝܼ ܒܫܸܡܹܗ ܕܪܹܓܘܼܟ 31 ܩܲܕܝܼܫܵܐ ܝܼܫܘܿܥ. ܘܟܲܕ ܦܘܼܪܦܹܠܘܿܢ: ܦܸܫܠܵܐ ܫܥܝܼܫܬܵܐ ܗ̇ܝ ܕܘܼܟܬܵܐ ܕܓ̰ܸܡܥܝܹܐ ܗ̄ܘܵܘ ܓܵܘܵܗ̇: ܘܦܸܫܠܘܿܢ ܡܸܠܝܹܐ ܟܠܵܝ ܒܪܘܼܚܵܐ ܕܩܘܼܕܫܵܐ: ܘܗܲܡܙܸܡܝܼ ܗ̄ܘܵܘ ܒܓ̰ܘܼܪܐܲܬ ܗܹܡܸܙܡܵܢ ܕܐܲܠܵܗܵܐ. 32 ܘܐܝܼܬ ܗ̄ܘܵܐ ܠܟܸܢܫܵܐ ܕܐܵܢܝܼ ܕܗܘܼܡܸܢܹܐ ܗ̄ܘܵܘ ܚܕܵܐ ܓܵܢܵܐ ܘܚܵܕ̄ ܠܸܒܵܐ: ܘܠܵܐ ܐܢܵܫܵܐ ܡܸܢܵܝ ܐܵܡܸܪ ܗ̄ܘܵܐ ܒܵܗ̄ܣ ܡܸܢܕܝܵܢܹ̈ܐ ܕܐܝܼܬ ܗ̄ܘܵܐ ܠܹܗ: ܕܓܵܢܹܗ ܗ̄ܘܵܘ: ܐܸܠܵܐ ܟܠ ܡܸܢܕܝܼ ܕܐܝܼܬ 33 ܗ̄ܘܵܐ ܠܗ̄ܘܿܢ ܕܓܵܘܵܐ ܗ̄ܘܵܐ. ܘܒܚܲܝܠܵܐ ܓܘܼܪܵܐ ܝܵܗ̄ܒ̣ܝܼ ܗ̄ܘܵܘ ܣܵܗܕܘܼܬܵܐ ܐܲܢܹܐ ܫܠܝܼܚܹ̈ܐ ܥܲܠ ܩܝܵܡܬܹܗ ܕܡܵܪܝܵܐ ܝܼܫܘܿܥ: 34 ܘܫܵܦܵܩܲܬ ܓܘܼܪܬܵܐ ܗ̄ܘܹܠܵܐ ܥܲܠ ܟܠܵܝ. ܘܠܲܝܬ ܗ̄ܘܵܐ ܓܵܘܵܝ ܐܢܵܫܵܐ ܣܢܝܼܩܵܐ: ܣܵܒܵܒ ܐܵܢܝܼ ܕܐܝܼܬ ܗ̄ܘܵܘ ܠܗ̄ܘܿܢ ܚܲܩܠܵܢܹ̈ܐ ܝܲܢ ܒܵܬܹ̈ܐ: ܙܵܒ̇ܢܝܼ ܗ̄ܘܵܘ ܠܗ̄ܘܿܢ ܘܡܲܝܬ̄ܝܝܼ ܗ̄ܘܵܘ ܛܝܼܡܵܐ ܕܡܸܢܕܝܼ 35 ܙܘܼܒ̇ܢܵܐ. ܘܡܲܬܒ̣ܝܼ ܗ̄ܘܵܘ ܠܟܸܣ ܐܲܩܠܹ̈ܐ ܕܫܠܝܼܚܹ̈ܐ: ܘܦܵܝܸܫ ܗ̄ܘܵܐ ܝܘܼܗ̄ܒ̣ܵܐ ܠܟܠ ܐܢܵܫܵܐ ܐܲܝܟ ܡܸܢܕܝܼ ܕܝܼܗ̄ܘܵܐ ܣܢܝܼܩܵܐ. 36 ܘܝܵܘܣܸܦ: ܗ̇ܘ ܕܦܸܫܠܹܐ ܩܸܪܝܵܐ ܒܲܪܢܒ̣ܵܐ ܡ̣ܢ ܫܠܝܼܚܹ̈ܐ: ܕܦܝܵܫܵܐ ܝܠܹܐ ܡܬܘܼܪܓ̰ܸܡܵܐ: ܒܪܘܼܢܵܐ ܕܝܵܗ̄ܒܲܠܬܵܐ ܕܠܸܒܵܐ: ܠܹܘܵܝܵܐ: 37 ܩܸܘܦܪܵܝܵܐ ܒܡܸܠܲܬ. ܐܝܼܬ ܗ̄ܘܵܐ ܠܹܗ ܚܲܩܠܵܐ: ܘܙܘܼܒܢܵܠܹܐ: ܘܡܘܼܬ̄ܝܹܠܹܐ ܛܝܼܡܘܼܗ̇ ܘܡܘܼܬܸܒ̣ܠܹܐ ܩܵܕ̄ܡ ܐܲܩܠܹ̈ܐ ܕܫܠܝܼܚܹ̈ܐ.

 

ܩܦܠܐܘܢ: ܗ

1 ܐܝܼܢܵܐ ܚܵܕ̄ ܐܢܵܫܵܐ ܕܫܸܡܹܗ ܚܲܢܲܢܝܵܐ: ܥܲܡ ܫܲܦܝܼܪܵܐ ܒܲܟ̣ܬܹܗ: 2 ܙܘܼܒܢܵܐ ܗ̄ܘܵܐ ܡܘܼܠܟ. ܘܡ̣ܢ ܛܝܼܡܘܼܗ̇ ܛܘܼܫܹܠܹܐ: ܟܲܕ ܐܝܼܬ ܗ̄ܘܵܐ ܠܵܗ̇ ܚܲܒ̇ܪܵܐ ܒܝܹܗ ܒܲܟ̣ܬܹܗ: ܘܡܘܼܬ̄ܝܹܠܹܐ ܚܵܕ̄ ܣܵܡܵܐ ܘܡܘܼܬܸܒ̣ܠܹܐ 3 ܩܵܕ̄ܡ ܐܲܩܠܹ̈ܐ ܕܫܠܝܼܚܹ̈ܐ. ܘܐܡܸܪܹܐ ܐܸܠܹܗ ܟܹܐܦܐ: ܚܲܢܲܢܝܵܐ: ܩܵܡܘܿܕܝܼ ܗܲܕܟ̣ܵܐ ܡܠܹܠܹܐ ܣܵܛܵܢܐ ܠܠܸܒܘܼܟ ܕܕܵܓܠܸܬ ܒܪܘܼܚܵܐ 4 ܕܩܘܼܕܫܵܐ: ܘܕܛܵܫܸܬ ܡ̣ܢ ܛܝܼܡܵܐ ܕܚܲܩܠܵܐ. ܠܹܐ ܗ̄ܘܵܐ ܕܝܼܘܼܟ ܗܵܠܵܐ ܦܝܼܫܬܵܐ: ܘܡܒܵܬ̄ܪ ܕܦܸܫܠܵܐ ܙܘܼܒܸܢܬܵܐ: ܠܹܐ ܗ̄ܘܵܐ ܒܗܘܼܟܡܘܼܟ: ܩܵܡܘܿܕܝܼ ܡܘܼܬܸܒ̣ܠܘܼܟ ܒܠܸܒܘܼܟ ܐܵܗܵܐ ܫܘܼܠܵܐ: 5 ܠܵܐ ܕܘܼܓܸܠܘܼܟ ܒܒܢܲܝ̈ܢܵܫܵܐ: ܐܸܠܵܐ ܒܐܲܠܵܗܵܐ. ܘܟܲܕ ܫܡܸܥܠܹܐ ܚܲܢܲܢܝܵܐ ܐܲܢܹܐ ܗܹܡܸܙܡܵܢܹ̈ܐ: ܢܦܸܠܹܐ ܘܡܸܬܠܹܐ. ܘܗ̄ܘܹܠܵܐ ܙܕܘܼܥܬܵܐ 6 ܓܘܼܪܬܵܐ ܒܟܠܵܝ ܐܵܢܝܼ ܕܫܡܸܥܠܘܿܢ ܐܲܢܹܐ. ܘܩܸܡܠܘܿܢ ܐܵܢܝܼ ܕܝܼܗ̄ܘܵܘ ܓ̰ܘܲܢܩܹ̈ܐ: ܘܟܘܼܪܸܟ̣ܠܘܿܢ ܐܸܠܹܗ: ܘܦܘܼܠܸܛܠܘܿܢ: 7 ܘܛܘܼܡܸܪܘܿܢ. ܘܡ̣ܢ ܒܵܬ̄ܪ ܕܗ̄ܘܹܠܘܿܢ ܐܲܝܟ ܬܠܵܬ̄ ܣܵܥܲܬܹ̈ܐ: ܐܘܼܦ ܒܲܟ̣ܬܹܗ ܐܘܸܪܵܐ: ܟܲܕ ܠܵܐ ܝܕܸܥܠܵܐ ܡܘܼܕܝܼ ܗ̄ܘܹܠܹܐ. 8 ܐܵܡܸܪ ܐܸܠܵܗ̇ ܟܹܐܦܵܐ: ܐܡܘܿܪܝ ܐܸܠܝܼ ܐܸܢ ܒܚܵܕ̄ ܗܲܕܟ̣ܵܐ ܙܘܼܒܢܵܠܵܘܟ̣ܘܿܢ ܚܲܩܠܵܐ: ܘܗ̇ܝ ܐܡܸܪܵܐ: ܗܹܐ: ܒܚܵܕ̄ ܗܲܕܟ̣ܵܐ. 9 ܐܵܡܸܪ ܐܸܠܵܗ̇ ܟܹܐܦܵܐ: ܩܵܡܘܿܕܝܼ ܗ̄ܘܹܠܵܘܟ̣ܘܿܢ ܒܚܵܕ̄ ܚܲܒ̇ܪܵܐ ܠܓ̰ܵܪܘܿܒܹܐ ܪܘܼܚܹܗ ܕܡܵܪܝܵܐ: ܗܵܐ: ܐܲܩܠܵܬܹ̈ܐ ܕܛܵܡܪ̈ܵܢܹܐ ܕܓܲܒ̣ܪ̈ܵܟ̣ܝ ܩܵܕ̄ܡ ܬܲܪܥܵܐ: ܘܐܵܢܝܼ ܒܸܬ ܦܵܠܛܝܼ ܠܵܟ̣ܝ. 10 ܘܗܲܪ ܒܗ̇ܝ ܣܵܥܲܬ ܢܦܸܠܵܐ ܩܵܕ̄ܡ ܐܲܩܠܘܼ̈ܗܝ ܘܡܸܬܠܵܐ. ܘܐܘܸܪܘܿܢ ܐܵܢܝܼ ܓ̰ܘܲܢܩܹ̈ܐ ܘܡܘܼܫ̄ܟ̰ܚܵܠܘܿܢ ܡܝܼܬܬܵܐ: ܘܠܘܼܒܸܠܘܿܢ 11 ܛܘܼܡܪܵܠܘܿܢ ܒܕܸܦܢܵܐ ܕܓܲܒ̣ܪܘܼܗ̇. ܘܗ̄ܘܹܠܵܐ ܙܕܘܼܥܬܵܐ ܓܘܼܪܬܵܐ ܒܟܠܵܗ̇ ܥܹܕܬܵܐ: ܘܒܟܠܵܝ ܐܵܢܝܼ ܕܫܡܸܥܠܘܿܢ ܐܲܢܹܐ. 12 ܘܟܹܐ ܗܵܘܝܼ ܗ̄ܘܵܘ ܒܝܸܕ ܫܠܝܼܚܹ̈ܐ ܢܝܼܫܲܢܩܹ̈ܐ ܘܥܵܓ̰ܸܒܘܵܬܵܐ ܪܵܒܵܐ ܓܵܘ ܛܵܝܸܦܵܐ: ܘܟܠܵܝ ܒܚܵܕ̄ ܪܸܙܵܝܵܐ ܗ̄ܘܵܘ ܒܨܘܼܦܪܵܐ 13 ܕܫܠܹܝܡܘܿܢ: ܘܡ̣ܢ ܐܢܵܫܹ̈ܐ ܐܚܹܪ̄ܢܹܐ: ܐܢܵܫܵܐ ܠܹܐ ܩܲܫܕܸܪ ܗ̄ܘܵܐ ܕܬܲܒܸܥ ܐܸܠܵܝ: ܐܸܠܵܐ ܟܹܐ ܡܲܓܘܸܪ ܗ̄ܘܵܐ ܠܗ̄ܘܿܢ ܛܵܝܸܦܵܐ. 14 ܘܙܵܘܕܵܐ ܦܵܝܫܝܼ ܗ̄ܘܵܘ ܡܘܼܙܝܸܕܹܐ ܗܲܡܸܢܵܢܹ̈ܐ ܒܡܵܪܝܵܐ: ܟܸܢܫܵܐ 15 ܕܐܢܵܫܹ̈ܐ ܘܕܒܲܟ̣ܬܵܬܹ̈ܐ. ܕܵܐܟ̣ܝܼ ܕܒܥܵܠܘܿܠܹܐ ܦܵܠܛܝܼ ܗ̄ܘܵܘ ܠܡܸܪ̈ܥܝܹܐ: ܟܲܕ ܕܸܪܝܹܐ ܒܫܘܝܼܵܬܹ̈ܐ ܘܬܲܚܝܵܬܹ̈ܐ: ܕܐܝܼܡܲܢ ܕܒܹܐܬܵܝܵܐ ܗ̄ܘܵܐ ܟܹܐܦܵܐ: ܐܘܼܦ ܐܸܢ ܛܸܠܵܢܝܼܬܹܗ ܢܵܦܠܵܐ ܗ̄ܘܵܐ ܥܲܠ ܚܲܟܡܵܐ 16 ܡܸܢܵܝ. ܘܐܬܹܠܘܿܢ ܪܵܒܵܐ ܡ̣ܢ ܡܕܝܼܢܵܬܹ̈ܐ ܕܚܵܕܸܪ̈ܘܵܢܹܐ ܠܐܘܿܪܸܫܠܸܡ: ܟܲܕ ܡܲܝܬ̄ܝܝܼ ܗ̄ܘܵܘ ܡܸܪ̈ܥܝܹܐ ܘܐܵܢܝܼ ܕܡܘܪܠܝܸܨܹܐ ܡ̣ܢ ܪ̈ܘܼܚܹܐ ܛܲܡܹ̈ܐܐ: ܘܦܵܝܫܝܼ ܗ̄ܘܵܘ ܒܘܼܣܡܹܐ ܟܠܵܝ. 17 ܘܩܸܡܠܹܐ ܓܘܼܪܵܐ ܕܟܵܗܢܹ̈ܐ: ܘܟܠܵܝ ܐܵܢܝܼ ܕܥܲܡܹܗ: ܕܝܼܗ̄ܘܵܘ ܡ̣ܢ ܝܘܼܠܦܵܢܵܐ ܕܙܲܕܘܼܩܵܝܹ̈ܐ: ܘܦܸܫܠܘܿܢ ܡܸܠܝܹܐ ܒܲܚܸܠܵܢܘܼܬܵܐ. 18 ܘܕܪܹܠܘܿܢ ܐܝܼܕܵܬܹ̈ܐ ܥܲܠ ܫܠܝܼܚܹ̈ܐ: ܘܕܸܪܝܵܝܠܘܿܢ ܓܵܘ ܒܹܝܬ 19 ܢܛܘܼܪܬܵܐ. ܐܝܼܢܵܐ ܒܠܲܝܠܹܐ ܡܲܠܲܐܟ̣ܵܐ ܕܡܵܪܝܵܐ ܦܬܸܚܠܹܐ ܬܲܪܥܵܐ 20 ܕܒܹܝܬ ܐܲܣܝܼܪܹ̈ܐ ܘܦܘܼܠܛܵܝܠܹܐ: ܘܐܡܸܪܹܐ ܐܸܠܵܝ. ܙܹܠ̄ܡܘܿܢ ܟܠܹܡܘܿܢ ܓܵܘ ܗܲܝܟܠܵܐ: ܘܗܲܡܙܸܡܘܿܢ ܠܛܵܝܸܦܵܐ ܟܠܵܝ 21 ܗܹܡܸܙܡܵܢܹ̈ܐ ܕܐܲܢܹܐ ܚܲܝܹ̈ܐ. ܘܟܲܕ ܫܡܸܥܠܘܿܢ: ܒܥܕܵܢܵܐ ܕܨܲܦܪܵܐ ܐܘܸܪܘܿܢ ܓܵܘ ܗܲܝܟܠܵܐ: ܘܡܵܠܦܝܼ ܗ̄ܘܵܘ. ܐܝܼܢܵܐ ܐܬܹܠܹܐ ܓܘܼܪܵܐ ܕܟܵܗܢܹ̈ܐ ܘܐܵܢܝܼ ܕܥܲܡܹܗ ܘܩܪܹܠܘܿܢ ܠܟܸܢܫܵܐ ܕܪܵܐܝܝܼ: ܘܠܟܠܵܝ ܚܘܵܪ̈ܕܸܩܢܹܐ ܕܝܼܣܪܵܝܹܠ: ܘܫܘܼܕܸܪܘܿܢ ܠܒܹܝܬ ܐܲܣܝܼܪܹ̈ܐ ܕܡܲܝܬ̄ܝܝܼ 22 ܗ̄ܘܵܘ ܠܗ̄ܘܿܢ. ܘܟܲܕ ܐܙܸܠܘܿܢ ܦܲܪ̈ܵܫܹܐ: ܠܵܐ ܡܘܼܫ̄ܟ̰ܚܵܝܠܘܿܢ 23 ܓܵܘ ܒܹܝܬ ܐܲܣܝܼܪܹ̈ܐ: ܘܕܸܪܘܿܢ ܡܘܼܕܸܥܠܘܿܢ. ܘܐܡܸܪܘܿܢ: ܡܘܼܫ̄ܟ̰ܸܚܠܲܢ ܒܹܝܬ ܐܲܣܝܼܪܹ̈ܐ ܕܒܝܼܪܵܐ ܒܟܠܵܗ̇ ܗܸܫܝܵܪܘܼܬܵܐ: ܘܐܘܼܦ ܠܢܵܛܘܿܪܹ̈ܐ ܟܸܠܝܹܐ ܩܵܕ̄ܡ ܬܲܪ̈ܥܵܢܹܐ: ܐܝܼܢܵܐ ܟܲܕ ܦܬܸܚܠܲܢ: ܐܢܵܫܵܐ 24 ܠܵܐ ܡܘܼܫ̄ܟ̰ܸܚܠܲܢ ܓܵܘܵܝܝܼ. ܘܟܲܕ ܫܡܸܥܠܘܿܢ ܐܲܢܹܐ ܗܹܡܸܙܡܵܢܹ̈ܐ ܪܹܫܵܐ ܕܗܲܝܟܠܵܐ ܘܓܘܼܪ̈ܵܢܹܐ ܕܟܵܗܢܹ̈ܐ: ܦܸܫܠܘܿܢ ܒܫܸܟ ܥܲܠܵܝ: 25 ܕܡܘܼܕܝܼ ܗܵܘܝܵܐ ܗ̄ܘܵܐ ܐܵܗܵܐ. ܘܐܬܹܠܹܐ ܚܵܕ̄ ܐܢܵܫܵܐ ܘܡܘܼܕܸܥܠܹܐ ܐܸܠܵܝ ܟܲܕ ܐܵܡܸܪ: ܗܵܐ: ܐܵܢܝܼ ܐܢܵܫܹ̈ܐ ܕܕܹܪܝܵܝܠܵܘܟ̣ܘܿܢ ܓܵܘ ܒܹܝܬ ܐܲܣܝܼܪܹ̈ܐ: ܟܸܠܝܹܐ ܝܢܵܐ ܓܵܘ ܗܲܝܟܠܵܐ ܘܡܵܠܘܿܦܹܐ ܠܛܵܝܸܦܵܐ. 26 ܗ̇ܝܓܵܗ ܐܙܸܠܹܐ ܣܘܼܠܛܵܢ ܥܲܡ ܦܲܪ̈ܵܫܹܐ ܘܡܘܼܬ̄ܝܵܝܠܹܐ: ܠܵܐ ܒܚܲܝܠܵܐ: ܣܵܒܵܒ ܕܒܸܙܕܲܥܝܵܐ ܗ̄ܘܵܘ ܕܩܵܘܡܵܐ ܪܵܓܸܡ ܠܗ̄ܘܿܢ 27 ܛܵܝܸܦܵܐ. ܘܟܲܕ ܡܘܼܬ̄ܝܵܝܠܘܿܢ: ܡܘܼܩܸܡܵܝܠܘܿܢ ܩܵܕ̄ܡ ܟܠܹܗ 28 ܟܸܢܫܵܐ ܕܪܵܐܝܝܼ: ܘܒܘܼܩܸܪܹܐ ܡܸܢܵܝ ܓܘܼܪܵܐ ܕܟܵܗܢܹ̈ܐ. ܒܹܐܡܵܪܵܐ: ܠܹܐ ܗ̄ܘܵܐ ܕܦܩܵܕܵܐ ܦܩܸܕܠܲܢ ܐܸܠܵܘܟ̣ܘܿܢ ܕܠܐܢܵܫܵܐ ܠܵܐ ܡܵܠܦܝܼܬܘܿܢ ܒܐܵܗܵܐ ܫܸܡܵܐ: ܘܗܵܐ: ܡܸܠܝܵܠܵܘܟ̣ܘܿܢ ܠܐܘܿܪܸܫܠܸܡ ܡ̣ܢ ܝܘܼܠܦܵܢܵܘܟ̣ܘܿܢ: ܘܒܲܥܝܝܼܬܘܿܢ ܕܡܲܝܬ̄ܝܝܼܬܘܿܢ ܥܲܠܲܢ ܕܸܡܹܗ ܕܐܵܗܵܐ 29 ܐܢܵܫܵܐ. ܓ̰ܘܼܘܸܒܠܹܐ ܟܹܐܦܵܐ ܥܲܡ ܫܠܝܼܚܹ̈ܐ: ܘܐܡܸܪܹܐ ܐܸܠܵܝ: ܠܐܲܠܵܗܵܐ ܘܵܓ̰ܸܒ ܝܼܠܵܐ ܠܡܲܨܝܘܼܬܹܐ ܙܵܘܕܵܐ ܡ̣ܢ ܕܠܒܢܲܝ̈ܢܵܫܵܐ. 30 ܐܲܠܵܗܵܐ ܕܐܲܒ̣ܵܗܵܬܲܢ ܡܘܼܩܸܡܠܹܐ ܠܝܼܫܘܿܥ: ܗ̇ܘ ܕܐܲܚܬܘܿܢ 31 ܩܛܸܠܵܘܟ̣ܘܿܢ: ܟܲܕ ܬܠܹܠܵܘܟ̣ܘܿܢ ܐܸܠܹܗ ܥܲܠ ܩܲܝܣܵܐ. ܠܐܵܗܵܐ ܐܲܠܵܗܵܐ ܡܘܼܪܸܡܠܹܐ ܒܝܲܡܝܼܢܹܗ: ܪܹܫܵܐ [19] ܘܡܲܚܝܼܵܢܵܐ: ܠܝܼܵܗ̄ܒ̣ܵܐ ܬܝܵܒ̣ܘܼܬܵܐ 32 ܘܫܒ̣ܵܩܵܐ ܕܚܛܵܗܹ̈ܐ ܠܝܼܣܪܵܝܹܠ. ܘܐܲܚܢܲܢ ܣܵܗܕܹ̈ܐ ܕܐܲܢܹܐ ܗܹܡܸܙܡܵܢܹ̈ܐ ܝܘܵܚ: ܘܐܘܼܦ ܪܘܼܚܵܐ ܕܩܘܼܕܫܵܐ: ܗ̇ܘ ܕܝܸܗܒܸܠܹܐ ܐܲܠܵܗܵܐ ܠܐܵܢܝܼ ܕܡܲܨܝܸܬܝܼ ܐܸܠܹܗ. 33 ܘܟܲܕ ܫܡܸܥܠܘܿܢ ܐܲܢܹܐ ܗܹܡܸܙܡܵܢܹ̈ܐ: ܠܹܗ̄ܠܘܿܢ ܒܟܲܪܒܵܐ: 34 ܘܥܒܸܕܠܘܿܢ ܪܵܐܝܝܼ ܠܸܩܛܵܠܵܝ. ܘܩܸܡܠܹܐ ܓܵܘ ܟܸܢܫܵܐ ܕܪܵܐܝܝܼ ܚܵܕ̄ ܦܪܝܼܫܵܐ: ܫܸܡܹܗ ܓܲܡܠܝܼܐܹܝܠ: ܡܲܠܦܵܢܵܐ ܕܢܵܡܘܿܣܵܐ: ܘܡܝܘܼܩܪܵܐ ܡ̣ܢ ܟܠܹܗ ܛܵܝܸܦܵܐ: ܘܦܩܸܕܠܹܐ ܕܦܵܠܛܝܼ ܗ̄ܘܵܘ 35 ܠܗ̄ܘܿܢ ܠܫܠܝܼܚܹ̈ܐ ܠܒܲܕܲܪ ܚܲܟ̰ܵܐ ܥܕܵܢܵܐ. ܘܐܡܸܪܹܐ ܐܸܠܵܝ: ܐܢܵܫܹ̈ܐ ܒܢܲܝ̈ ܝܼܣܪܵܝܹܠ: ܗ̄ܘܹܡܘܿܢ ܗܸܫܝܵܪ ܒܓܵܢܵܘܟ̣ܘܿܢ ܡܘܼܕܝܼ 36 ܗܕܝܼܪܹܐ ܝܬܘܿܢ ܠܸܥܒ̣ܵܕܵܐ ܥܲܠ ܐܲܢܹܐ ܐܢܵܫܹ̈ܐ. ܣܵܒܵܒ ܕܡ̣ܢ ܩܵܕ̄ܡ ܐܲܢܹܐ ܝܘܿܡܵܢܹ̈ܐ ܩܸܡܠܹܐ ܬܵܘܕܵܐ: ܘܐܡܸܪܹܐ ܒܵܗ̄ܣ ܕܓܵܢܹܗ ܕܚܵܕ̄ ܡܸܢܕܝܼ ܗ̄ܘܵܐ. ܘܐܙܸܠܘܿܢ ܒܵܬ̄ܪܹܗ ܐܲܝܟ ܐܲܪܒܲܥܡܵܐܐ ܐܢܵܫܹ̈ܐ: ܘܗ̇ܘ ܦܸܫܠܹܐ ܩܛܝܼܠܵܐ: ܘܐܵܢܝܼ ܕܡܘܼܨܝܸܬܠܘܿܢ ܐܸܠܹܗ ܦܸܫܠܘܿܢ 37 ܒܘܼܪܒܸܙܹܐ: ܘܗ̄ܘܹܠܘܿܢ ܐܲܝܟ ܠܵܐ ܡܸܢܕܝܼ. ܘܩܸܡܠܹܐ ܡ̣ܢ ܒܵܬ̄ܪܹܗ ܝܼܗܘܼܕܵܐ ܓܠܝܼܠܵܝܵܐ ܒܝܘܿܡܵܢܹ̈ܐ ܕܡܲܟܬܲܒ̣ܬܵܐ: ܘܡܘܼܩܠܸܒ̇ܠܹܐ ܪܵܒܵܐ ܛܵܝܸܦܵܐ ܒܵܬ̄ܪܹܗ: ܘܐܘܼܦ ܗ̇ܘ ܬܠܸܩܠܹܐ: ܘܟܠܵܝ ܐܵܢܝܼ 38 ܕܡܘܼܨܝܸܬܠܘܿܢ ܐܸܠܹܗ ܦܸܫܠܘܿܢ ܒܘܼܪܒܸܙܹܐ. ܘܐܵܕܝܼܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܦܪܘܿܩܘܿܢ ܠܵܘܟ̣ܘܿܢ ܡܐܲܢܹܐ ܐܢܵܫܹ̈ܐ ܘܫܒ̣ܘܿܩܘܿܢ ܠܗ̄ܘܿܢ: ܣܵܒܵܒ ܐܸܢ ܡ̣ܢ ܒܢܲܝ̈ܢܵܫܵܐ ܝܠܹܐ ܐܵܗܵܐ ܚܘܼܫܵܒ̣ ܝܲܢ ܐܵܗܵܐ 39 ܦܘܼܠܚܵܢܵܐ: ܒܸܬ ܦܵܝܸܫ ܒܘܼܛܠܵܐ. ܐܝܼܢܵܐ ܐܸܢ ܡ̣ܢ ܐܲܠܵܗܵܐ ܝܠܹܐ: ܠܹܐ ܡܵܨܝܼܬܘܿܢ ܕܒܵܛܠܝܼܬܘܿܢ ܠܗ̄ܘܿܢ: ܠܵܐ ܗ̄ܘܹܐ ܕܦܵܝܫܝܼܬܘܿܢ 40 ܡܘܼܫ̄ܟ̰ܚܹܐ ܕܲܪܩܘܼܒ̣ܠ ܕܐܲܠܵܗܵܐ ܒܸܩܝܵܡܵܐ. ܘܡܘܼܨܝܸܬܠܘܿܢ ܐܸܠܹܗ: ܘܩܪܹܠܘܿܢ ܠܫܠܝܼܚܹ̈ܐ ܘܓ̰ܘܼܢܓ̰ܸܪܵܝܠܘܿܢ: ܘܦܘܼܩܸܕܠܘܿܢ ܐܸܠܵܝ ܕܠܵܐ ܗܵܘܝܼ ܗܲܡܙܘܼܡܹܐ ܒܫܸܡܵܐ ܕܝܼܫܘܿܥ: ܘܫܸܪܝܵܝܠܘܿܢ. 41 ܘܦܠܸܛܠܘܿܢ ܡ̣ܢ ܩܵܕ̄ܡ ܟܸܢܫܵܐ ܕܪܵܐܝܝܼ: ܒܸܚܕܵܝܵܐ ܕܚܫܝܼܚܹܐ 42 ܗ̄ܘܵܘ ܒܚܵܬܸܪ ܕܫܸܡܵܐ ܕܦܵܝܫܝܼ ܥܒ̣ܝܼܕܹܐ ܒܹܨܘܼܪ. ܘܠܹܐ ܫܵܠܝܼ ܗ̄ܘܵܘ ܟܠ ܝܘܿܡ ܡ̣ܢ ܠܡܵܠܘܿܦܹܐ ܓܵܘ ܗܲܝܟܠܵܐ ܘܒܒܲܝܬܵܐ: ܘܠܡܲܫܚܘܼܕܹܐ ܕܝܼܫܘܿܥ ܡܫܝܼܚܵܐ ܝܠܹܐ.

 

ܩܦܠܐܘܢ: ܘ

1 ܒܐܵܢܝܼ ܝܘܿܡܵܢܹ̈ܐ: ܟܲܕ ܙܸܕܠܘܿܢ ܬܲܠܡܝܼܕܹ̈ܐ: ܛܘܼܪܛܸܡܠܘܿܢ ܬܲܠܡܝܼܕܹ̈ܐ ܝܵܘܢܵܝܹ̈ܐ ܥܲܠ ܥܸܒ̣ܪ̈ܵܝܹܐ: ܕܐܲܪ̈ܡܸܠܝܵܬܵܝ ܦܝܵܫܵܐ ܗ̄ܘܵܘ 2 [20] ܡܘܼܣܠܝܹܐ ܒܚܸܠܡܲܬ ܕܟܠ ܝܘܿܡ. ܘܩܪܹܠܘܿܢ ܬܪܸܥܣܲܪ ܠܟܸܢܫܵܐ ܕܬܲܠܡܝܼܕܹ̈ܐ: ܘܐܡܸܪܘܿܢ ܐܸܠܵܝ: ܠܹܐ ܝܠܵܐ ܠܵܚܘܿܡܬܵܐ ܕܫܵܒ̣ܩܵܚ ܗܹܡܸܙܡܵܢ ܕܐܲܠܵܗܵܐ ܘܥܵܒ̣ܕܵܚ ܚܸܠܡܲܬ ܠܨܘܼܦܪܹ̈ܐ. 3 ܓܵܒܹܡܘܿܢ ܗܲܕܟ̣ܵܐ: ܐܵܚܘܿܢܘܵܬܹ̈ܐ: ܫܲܒ̣ܥܵܐ ܐܢܵܫܹ̈ܐ ܡܸܢܵܘܟ̣ܘܿܢ: ܕܐܝܼܬ ܒܵܗ̄ܣܝ ܣܵܗܕܘܼܬܵܐ: ܡܸܠܝܹ̈ܐ ܪܘܼܚܵܐ ܘܥܵܩܸܠܕܵܪܘܼܬܵܐ: ܘܒܸܬ 4 ܡܲܩܸܡܵܚ ܠܗ̄ܘܿܢ ܥܲܠ ܕܐܵܗܵܐ ܫܘܼܠܵܐ. ܐܝܼܢܵܐ ܐܲܚܢܲܢ ܒܸܬ 5 ܗܵܘܵܚ ܕܵܝܸܡ ܒܨܠܘܿܬܵܐ ܘܒܚܸܠܡܲܬ ܕܗܹܡܸܙܡܵܢ. ܘܫܦܸܪܵܐ ܐܵܗܵܐ ܗܹܡܸܙܡܵܢ ܩܵܕ̄ܡ ܟܠܹܗ ܟܸܢܫܵܐ: ܘܓܘܼܒܹܠܘܿܢ ܠܐܸܣܛܲܦܵܢܘܿܣ: ܐܢܵܫܵܐ ܡܸܠܝܵܐ ܗܲܝܡܵܢܘܼܬܵܐ ܘܪܘܼܚܵܐ ܕܩܘܼܕܫܵܐ: ܘܠܦܝܼܠܝܼܦܘܿܣ: ܘܠܦܪܵܟ̣ܵܪܘܿܣ: ܘܠܢܝܼܩܵܢܘܿܪ: ܘܠܛܝܼܡܘܿܢ: ܘܠܦܲܪܡܹܢܵܐ: 6 ܘܠܢܝܼܩܵܠܹܐܘܿܣ ܓܝܼܘܿܪܵܐ ܐܵܢܛܝܘܿܟ̣ܵܝܵܐ. ܠܐܲܢܹܐ ܡܘܼܩܸܡܠܘܿܢ ܩܵܕ̄ܡ ܫܠܝܼܚܹ̈ܐ: ܘܟܲܕ ܨܘܼܠܹܠܘܿܢ: ܡܘܼܬܸܒ̣ܠܘܿܢ ܥܲܠܵܝ ܐܝܼܕܵܐ. 7 ܘܗܹܡܸܙܡܵܢ ܕܐܲܠܵܗܵܐ ܓܘܼܪܘܸܣܠܵܐ: ܘܙܸܕܠܹܐ. ܡܸܢܝܵܢܵܐ ܕܬܲܠܡܝܼܕܹ̈ܐ ܪܵܒܵܐ ܓܵܘ ܐܘܿܪܸܫܠܸܡ: ܘܪܵܒܵܐ ܟܸܢܫܵܐ ܡ̣ܢ ܟܵܗܢܹ̈ܐ ܡܲܨܝܸܬ ܗ̄ܘܵܐ ܠܗܲܝܡܵܢܘܼܬܵܐ. 8 ܘܐܸܣܛܲܦܵܢܘܿܣ: ܡܸܠܝܵܐ ܫܵܦܵܩܲܬ ܘܚܲܝܠܵܐ: ܥܒܸܕܠܹܐ 9 ܢܝܼܫܲܢܩܹ̈ܐ ܓܘܼܪܹ̈ܐ ܘܥܵܓ̰ܸܒ̈ܘܵܬܵܐ ܓܵܘ ܛܵܝܸܦܵܐ. ܘܩܸܡܠܘܿܢ ܐܢܵܫܹ̈ܐ ܡ̣ܢ ܟܢܘܼܫܬܵܐ ܕܦܵܝܫܵܐ ܩܪܝܼܬܵܐ: ܕܠܹܘܒܲܪܛܝܼܢܘܿ: ܩܸܘܪ̈ܝܼܢܵܝܹܐ: ܘܐܵܠܹܟ̣ܣܲܢܕܪ̈ܵܝܹܐ: ܘܕܡ̣ܢ ܩܝܼܠܝܼܩܝܼܵܐ: ܘܕܡ̣ܢ ܐܵܣܝܼܵܐ: 10 ܘܕܵܪܫܝܼ ܗ̄ܘܵܘ ܥܲܡ ܐܸܣܛܲܦܵܢܘܿܣ. ܘܠܵܐ ܡܨܹܠܘܿܢ ܠܸܟܠܵܝܵܐ ܕܲܪܩܘܼܒ̣ܠ ܕܥܵܩܸܠܕܵܪܘܼܬܵܐ ܘܪܘܼܚܵܐ ܕܒܝܼܵܗ̇ ܗܘܼܡܙܸܡܠܹܐ. 11 ܗ̇ܝܓܵܗ ܫܘܼܕܸܪܘܿܢ ܠܐܢܵܫܹ̈ܐ ܘܡܘܼܠܦܵܝܠܘܿܢ: ܕܐܡܸܪܘܿܢ: ܐܲܚܢܲܢ ܫܡܸܥܠܲܢ ܐܸܠܹܗ ܒܹܐܡܵܪܵܐ ܗܹܡܸܙܡܵܢܹ̈ܐ ܕܓܘܼܕܵܦܵܐ ܥܲܠ ܡܘܼܫܹܐ 12 ܘܥܲܠ ܐܲܠܵܗܵܐ. ܘܫܓܸܫܠܘܿܢ ܠܛܵܝܸܦܵܐ: ܘܠܚܘܵܪ̈ܕܸܩܢܹܐ: ܘܠܣܵܦܪܹ̈ܐ: ܘܩܸܡܠܘܿܢ ܥܲܠܘܼܗܝ: [21] ܘܓ̰ܢܸܘܠܘܿܢ ܡܘܼܬ̄ܝܹܠܘܿܢ 13 ܐܸܠܹܗ ܠܟܸܢܫܵܐ ܕܪܵܐܝܝܼ. ܘܡܘܼܩܸܡܠܘܿܢ ܣܵܗܕܹ̈ܐ ܕܵܓܵܠܹ̈ܐ: ܕܐܡܸܪܘܿܢ: ܐܵܗܵܐ ܐܢܵܫܵܐ ܠܹܐ ܝܠܹܐ ܒܸܫܠܵܝܵܐ ܠܗܲܡܙܘܼܡܹܐ ܗܹܡܸܙܡܵܢܹ̈ܐ ܕܓܘܼܕܵܦܵܐ ܕܲܪܩܘܼܒ̣ܠ ܕܐܵܗܵܐ ܕܘܼܟܬܵܐ ܩܲܕܝܼܫܬܵܐ ܘܥܲܠ ܢܵܡܘܿܣܵܐ. 14 ܣܵܒܵܒ ܐܲܚܢܲܢ ܫܡܸܥܠܲܢ ܡܸܢܹܗ ܕܐܡܸܪܹܐ: ܕܐܵܗܵܐ ܝܼܫܘܿܥ ܢܵܨܪܵܝܵܐ ܒܸܬ ܡܲܚܪܸܒ̣ ܠܵܗ̇ ܐܵܗܵܐ ܕܘܼܟܬܵܐ: ܘܒܸܬ ܡܲܚܠܸܦ ܥܵܕܲܬܹ̈ܐ 15 ܕܣܘܼܦܹܠܹܐ ܐܸܠܲܢ ܡܘܼܫܹܐ. ܘܚܸܪܘܿܢ ܒܝܹܗ ܟܠܵܝ ܐܵܢܝܼ ܕܝܼܗ̄ܘܵܘ ܝܬܝܼܒܹܐ ܓܵܘ ܟܸܢܫܵܐ ܕܪܵܐܝܝܼ: ܘܚܙܹܠܘܿܢ ܦܵܬܹܗ ܐܲܝܟ ܦܵܬܵܐ ܕܡܲܠܲܐܟ̣ܵܐ.

 

ܩܦܠܐܘܢ: ܙ

1 ܘܐܡܸܪܹܐ ܓܘܼܪܵܐ ܕܟܵܗܢܹ̈ܐ: ܐܲܢܹܐ ܗܲܕܟ̣ܵܐ ܝܢܵܐ. ܘܗ̇ܘ ܐܡܸܪܹܐ: 2 ܐܢܵܫܹ̈ܐ ܐܵܚܘܿܢ̈ܘܵܬܲܢ ܘܒܵܒܵـ̈ـܘܵܬܲܢ: ܫܡܸܥܡܘܿܢ ܐܲܠܵܗܵܐ ܕܬܸܫܒܘܿܚܬܵܐ ܦܸܫܠܹܐ ܚܸܙܝܵܐ ܠܒܵܒܲܢ ܐܲܒ̣ܪܵܗܵܡ: ܟܲܕ ܓܵܘ ܒܹܝܬ 3 ܢܲܗܪ̈ܝܼܢ ܝܼܗ̄ܘܵܐ: ܡܩܵܕ̄ܡ ܕܥܡܸܪܹܐ ܓܵܘ ܚܵܪܵܢ. ܘܐܡܸܪܹܐ ܐܸܠܹܗ: ܦܠܘܿܛ ܡ̣ܢ ܐܲܪܥܘܼܟ: ܘܡ̣ܢ ܠܟܸܣ ܚܸܙܡܘܼ̈ܟ: ܘܬܵܐ 4 ܠܐܲܪܥܵܐ ܗ̇ܝ ܕܡܲܚܙܸܢܘܼܟ. ܗ̇ܝܓܵܗ ܦܠܸܛܠܹܐ ܡ̣ܢ ܐܲܪܥܵܐ ܕܟܲܠܕܵܝܹ̈ܐ: ܘܥܡܸܪܹܐ ܓܵܘ ܚܵܪܵܢ: ܘܡ̣ܢ ܬܵܡܵܐ: ܒܵܬ̄ܪ ܕܡܸܬܠܹܐ ܒܵܒܹܗ: ܫܘܼܢܹܠܹܐ ܠܐܵܗܵܐ ܐܲܪܥܵܐ: ܕܓܵܘܵܗ̇ ܒܸܥܡܵܪܵܐ ܝܬܘܿܢ 5 ܐܵܕܝܼܵܐ. ܘܠܵܐ ܝܸܗܒܸܠܹܐ ܐܸܠܹܗ ܝܵܪܬܘܼܬܵܐ ܓܵܘܵܗ̇: ܐܘܼܦ ܠܵܐ ܫܵܘܦܵܐ ܕܐܲܩܠܵܐ: ܘܩܘܼܘܸܠܹܐ ܕܝܵܗ̄ܒܸܠ ܗ̄ܘܵܐ ܠܵܗ̇ ܐܸܠܹܗ ܠܸܪܝܵܬܘܼܗ̇: ܘܠܙܲܪܥܹܗ: ܟܲܕ ܠܲܝܬ ܗ̄ܘܵܐ ܠܹܗ ܝܵܠܵܐ. 6 ܘܗܘܼܡܙܸܡܠܹܐ ܥܲܡܹܗ ܐܲܠܵܗܵܐ ܗܲܕܟ̣ܵܐ: ܕܒܸܬ ܗܵܘܹܐ ܗ̄ܘܵܐ ܙܲܪܥܹܗ ܡܵܫܵܚܲܛ ܓܵܘ ܐܲܪܥܵܐ ܢܘܼܟ̣ܪܵܝܬܵܐ: ܘܒܸܬ ܙܲܒܛܸܢܝܼ ܗ̄ܘܵܘ ܠܹܗ: 7 ܘܥܵܒ̣ܕܝܼ ܣܪܝܼܬܵܐ ܐܸܠܹܗ: ܐܲܪܒܲܥܡܵܐܐ ܫܸܢܹ̈ܐ. ܘܠܛܵܝܸܦܵܐ ܕܦܵܠܚܝܼ ܪܹܓܘܼܬܵܐ ܐܸܠܹܗ: ܒܸܬ ܕܵܝܢܸܢܹܗ ܐܵܢܵܐ: ܐܵܡܸܪ ܐܲܠܵܗܵܐ: ܘܡܒܵܬ̄ܪ ܐܲܢܹܐ: ܒܸܬ ܦܵܠܛܝܼ ܘܒܸܬ ܦܵܠܚܝܼ ܐܸܠܝܼ ܒܐܵܗܵܐ 8 ܕܘܼܟܵܐ. ܘܝܸܗܒܸܠܹܐ ܐܸܠܹܗ ܕܝܵܬܹܩܹܐ ܕܓܙܘܼܪܬܵܐ: ܘܗܲܕܟ̣ܵܐ ܡܘܼܠܸܕܠܹܐ ܠܐܝܼܣܚܵܩ: ܘܓܙܸܪܹܗ ܒܝܘܿܡܵܐ ܕܬܡܵܢܝܵܐ: ܘܐܝܼܣܚܵܩ ܡܘܼܠܸܕܠܹܐ ܠܝܲܥܩܘܿܒ̣: ܘܝܲܥܩܘܿܒ̣ ܡܘܼܠܸܕܠܹܐ ܠܬܪܸܥܣܲܪ 9 ܦܵܛܲܪܝܲܪ̈ܟܹܐ. ܘܦܵܛܲܪܝܲܪ̈ܟܹܐ ܒܘܼܚܸܠܘܿܢ ܒܝܵܘܣܸܦ ܘܙܘܼܒܸܢܘܿܢ 10 ܐܸܠܹܗ ܠܡܸܨܪܹܝܢ. ܘܐܲܠܵܗܵܐ ܥܲܡܹܗ ܗ̄ܘܵܐ. ܘܦܘܼܪܸܩܠܹܗ ܡ̣ܢ ܟܠܵܝ ܐܘܼܠܨܵܢܘܼ̈ܗܝ: ܘܝܸܗܒܸܠܹܐ ܐܸܠܹܗ ܫܵܦܵܩܲܬ ܘܥܵܩܸܠܕܵܪܘܼܬܵܐ ܩܵܕ̄ܡ ܦܸܪܥܘܿܢ ܡܲܠܟܵܐ ܕܡܸܨܪܹܝܢ: ܘܡܘܼܩܸܡܠܹܗ ܗܵܟܝܼܡ ܥܲܠ 11 ܡܸܨܪܹܝܢ ܘܥܲܠ ܟܠܹܗ ܒܲܝܬܹܗ. ܘܗ̄ܘܹܠܹܐ ܟܸܦܢܵܐ ܘܐܘܼܠܨܵܢܵܐ ܓܘܼܪܵܐ ܓܵܘ ܟܠܵܗ̇ ܐܲܪܥܵܐ ܕܡܸܨܪܹܝܢ ܘܟܢܲܥܢ: ܘܐܲܒ̣ܵـ̈ـܗܵܬܲܢ ܠܵܐ 12 ܡܘܼܫ̄ܟ̰ܸܚܠܘܿܢ ܕܲܒ̇ܪܵܐ. ܘܟܲܕ ܫܡܸܥܠܹܐ ܝܲܥܩܘܿܒ̣ ܕܐܝܼܬ ܗ̄ܘܵܐ ܕܲܚܠܵܐ ܓܵܘ ܡܸܨܪܹܝܢ: ܫܘܼܕܸܪܹܐ ܠܐܲܒ̣ܵـ̈ـܗܵܬܲܢ ܩܵܕ̄ܡܵܝܬܵܐ. 13 ܘܓܵܗܵܐ ܕܬܲܪ̈ܬܹܝ ܡܘܼܕܸܥܝܵܠܹܐ ܝܵܘܣܸܦ ܓܵܢܹܗ ܠܐܵܚܘܿܢܘܵܬܘܼ̈ܗܝ: 14 ܘܦܸܫܠܵܐ ܝܕܥܝܼܬܵܐ ܠܦܸܪܥܘܿܢ ܐܘܼܓ̰ܵܓܹܗ ܕܝܵܘܣܸܦ. ܘܫܘܼܕܸܪܹܐ ܝܵܘܣܸܦ ܘܩܪܹܠܹܐ ܠܒܵܒܹܗ ܝܲܥܩܘܿܒ̣: ܘܠܟܠܵܗ̇ ܐܘܼܓ̰ܵܓܹܗ: 15 ܫܲܒ̣ܥܝܼ ܘܚܲܡܸܫ ܓܵܢܵܬܹ̈ܐ. ܘܨܠܹܠܹܐ ܝܲܥܩܘܿܒ̣ ܠܡܸܨܪܹܝܢ: 16 ܘܡܸܬܠܹܐ: ܗ̇ܘ ܘܐܲܒ̣ܵܗܵܬܲܢ. ܘܦܸܫܠܘܿܢ ܫܘܼܢܝܹܐ ܠܫܟܹܝܡ: ܘܦܸܫܠܘܿܢ ܡܘܼܬܒܹܐ ܓܵܘ ܩܲܒ̣ܪܵܐ ܕܙܒ̣ܝܼܢܵܐ ܗ̄ܘܵܐ ܐܲܒ̣ܪܵܗܵܡ 17 ܒܛܝܼܡܵܐ ܕܣܹܐܡܵܐ ܡ̣ܢ ܒܢܘܼܢܹ̈ܐ ܕܚܡܘܿܪ ܒܫܟܹܝܡ. ܘܟܲܕ [22] ܩܘܼܪܒܸܢܹܐ ܙܲܒ̣ܢܵܐ ܕܩܵܘܠܵܐ ܕܝܡܹܠܹܐ ܐܲܠܵܗܵܐ ܠܐܲܒ̣ܪܵܗܵܡ: 18 ܙܸܕܠܹܐ ܛܵܝܸܦܵܐ ܘܦܪܹܠܹܐ ܓܵܘ ܡܸܨܪܹܝܢ. ܗܲܠ ܕܩܸܡܠܹܐ ܡܲܠܟܵܐ 19 ܐܚܹܪ̄ܢܵܐ: ܗ̇ܘ ܕܠܵܐ ܝܕܸܥܠܹܐ ܠܝܵܘܣܸܦ. ܘܥܒܸܕܠܹܐ ܠܹܐܒܵܐ ܥܲܠ ܐܘܼܓ̰ܵܓܲܢ: ܘܡܘܼܡܛܹܠܹܐ ܒܝܼܫܬܵܐ ܠܐܲܒ̣ܵـ̈ـܗܵܬܲܢ: ܕܪܲܦܝܼ 20 ܝܵܠܵܝ̈: ܕܠܵܐ ܚܲܝܝܼ ܗ̄ܘܵܘ. ܗܲܪ ܒܗ̇ܘ ܙܲܒ̣ܢܵܐ ܦܸܫܠܹܐ ܝܠܝܕܵܐ ܡܘܼܫܹܐ: ܘܫܵܦܝܼܪܵܐ ܗ̄ܘܵܐ ܩܵܕ̄ܡ ܐܲܠܵܗܵܐ: ܘܦܸܫܠܹܐ ܓܘܼܪܘܸܣܵܐ 21 ܬܠܵܬ̄ܐ ܝܲܪ̈ܚܹܐ ܓܵܘ ܒܲܝܬܵܐ ܕܒܵܒܹܗ. ܘܟܲܕ ܦܸܫܠܹܐ ܪܘܼܦܝܵܐ ܠܒܲܕܲܪ: ܩܲܡ ܫܵܩܠܵܐ ܠܹܗ ܒܪܵܬܵܐ ܕܦܸܪܥܘܿܢ: ܘܩܲܡ 22 ܓܲܪܘܸܣܵܐ ܠܹܗ ܩܵܐ ܓܵܢܘܼܗ̇ ܠܒܪܘܼܢܵܐ. ܘܦܸܫܠܹܐ ܡܘܼܠܦܵܐ ܡܘܼܫܹܐ ܒܟܠܵܗ̇ ܥܵܩܸܠܕܵܪܘܼܬܵܐ ܕܡܸܨܪ̈ܵܝܹܐ: ܘܚܲܝܠܵܢܵܐ ܗ̄ܘܵܐ 23 ܒܗܹܡܸܙܡܵܢܘܼ̈ܗܝ ܘܦܘܼܠܚܵܢܘܼ̈ܗܝ. ܘܟܲܕ ܬܘܼܡܸܡܠܹܐ ܐܸܠܹܗ ܙܲܒ̣ܢܵܐ ܕܐܲܪܒܥܝܼ ܫܸܢܹ̈ܐ: ܐܣܸܩܠܵܐ ܓܵܘ ܠܸܒܹܗ ܕܬܵܦܸܩ 24 ܒܐܵܚܘܿܢܘܵܬܘܼ̈ܗܝ ܒܢܲܝ̈ ܝܼܣܪܵܝܹܠ. ܘܟܲܕ ܚܙܹܠܹܐ ܠܚܵܕ̄ ܦܝܵܫܵܐ ܙܠܝܼܡܵܐ: ܩܸܡܠܹܐ ܠܚܵܨܹܗ ܘܫܩܸܠܹܐ ܬܘܼܥܠܹܗ ܕܗ̇ܘ ܕܦܸܫܠܹܐ 25 ܙܠܝܼܡܵܐ: ܘܩܛܸܠܹܐ ܠܡܸܨܪܵܝܵܐ. ܘܚܫܸܒ̣ܠܹܐ ܕܒܸܬ ܦܲܪܡܝܼ ܗ̄ܘܵܘ ܐܵܚܘܿܢܘܵܬܘܼ̈ܗܝ ܕܐܲܠܵܗܵܐ ܒܐܝܼܕܹܗ ܒܸܬ ܝܵܗ̄ܒܸܠ ܗ̄ܘܵܐ 26 ܠܗ̄ܘܿܢ ܦܘܼܪܩܵܢܵܐ: ܐܝܼܢܵܐ ܠܵܐ ܦܘܼܪܡܹܠܘܿܢ. ܘܒܝܘܿܡܵܐ ܐܚܹܪ̄ܢܵܐ ܦܸܫܠܹܐ ܚܸܙܝܵܐ ܐܸܠܵܝ ܟܲܕ ܡܲܩܪܘܼܨܹܐ: ܘܦܲܪܦܸܠ ܗ̄ܘܵܐ ܒܝܼܵܝ ܕܫܲܢܸܢܝܼ: ܒܹܐܡܵܪܵܐ: ܐܢܵܫܹ̈ܐ: ܐܵܚܘܿܢܘܵܬܹ̈ܐ ܝܬܘܿܢ: ܩܵܡܘܿܕܝܼ 27 ܒܸܥܒ̣ܵܕܵܐ ܝܬܘܿܢ ܓܢܵܗܵܐ ܚܵܕ̄ ܒܗ̇ܘ ܐܚܹܪ̄ܢܵܐ. ܐܝܼܢܵܐ ܗ̇ܘ ܕܝܼܗ̄ܘܵܐ ܒܸܥܒ̣ܵܕܵܐ ܓܢܵܗܵܐ ܒܚܲܒ̣ܪܹܗ ܚܘܼܪܙܸܦܠܹܗ ܡ̣ܢ ܠܟܸܣܠܹܗ: ܘܐܡܸܪܹܐ ܐܸܠܹܗ: ܡܵܢܝܼ ܩܲܡ ܡܲܩܸܡ ܠܘܼܟ ܥܲܠܲܢ ܪܹܫܵܐ ܘܕܲܝܵܢܵܐ. 28 ܒܸܒܲܥܝܵܐ ܝܘܸܬ ܠܸܩܛܵܠܝܼ: ܐܲܝܟ ܕܩܛܸܠܘܼܟ ܩܘܼܕܡܹܐ 29 ܠܡܸܨܪܵܝܵܐ. ܘܥܪܸܩܠܹܐ ܡܘܼܫܹܐ ܒܐܵܗܵܐ ܗܹܡܸܙܡܵܢ: ܘܗ̄ܘܹܠܹܐ ܡܵܫܵܚܲܛ ܒܐܲܪܥܵܐ ܕܡܸܕܝܲܢ: ܐܲܝܟܵܐ ܕܡܘܼܠܸܕܠܹܐ ܬܪܲܝ ܒܢܘܼܢܹ̈ܐ. 30 ܘܟܲܕ ܬܘܼܡܸܡܠܘܿܢ ܬܵܡܵܐ ܐܲܪܒܥܝܼ ܫܸܢܹ̈ܐ: ܦܸܫܠܹܐ ܚܸܙܝܵܐ ܐܸܠܹܗ ܓܵܘ ܒܲܪܝܼܵܐ ܕܛܘܼܪܵܐ ܕܣܝܼܢܲܝ ܡܲܠܲܐܟ̣ܵܐ: ܒܢܘܼܪܵܐ ܕܒܸܠܗܵܝܵܐ 31 ܒܣܲܢܝܵܐ. ܘܟܲܕ ܚܙܹܠܹܐ ܡܘܼܫܹܐ: ܥܘܼܓ̰ܸܒܠܹܐ ܒܚܸܙܘܵܐ: ܘܟܲܕ 32 ܐܬܹܠܹܐ ܩܘܼܪܒܵܐ ܕܚܵܙܹܐ: ܗ̄ܘܹܠܹܐ ܩܵܠܵܐ ܕܡܵܪܝܵܐ. ܐܵܢܵܐ ܝܘܸܢ ܐܲܠܵܗܵܐ ܕܐܲܒ̣ܵܗܵܬܘܼ̈ܟ: ܐܲܠܵܗܹܗ ܕܐܲܒ̣ܪܵܗܵܡ ܘܕܐܝܼܣܚܵܩ ܘܕܝܲܥܩܘܒ̣ ܘܟܲܕ ܪܲܬܪܸܬ ܗ̄ܘܵܐ ܡܘܼܫܹܐ: ܠܹܐ ܩܲܫܕܸܪ ܗ̄ܘܵܐ 33 ܠܸܚܝܵܪܵܐ. ܘܐܡܸܪܹܐ ܐܸܠܹܗ ܡܵܪܝܵܐ: ܫܵܠܸܚ ܨܵܘܠܘܼ̈ܟ ܡ̣ܢ ܐܲܩܠܘܼ̈ܟ: ܣܵܒܵܒ ܕܘܼܟܵܐ ܕܒܸܟܠܵܝܵܐ ܝܘܸܬ ܥܲܠܘܼܗ̇ ܐܲܪܥܵܐ 34 ܩܲܕܝܼܫܬܵܐ ܝܠܵܐ. ܚܙܵܝܵܐ ܐܸܠܝܼ ܐܘܼܠܨܵܢܹܗ ܕܛܵܝܸܦܝܼ ܕܓܵܘ ܡܸܨܪܹܝܢ: ܘܬܵܢܲܚܝܵܬܹ̈ܗ ܫܡܸܥܠܝܼ: ܘܨܸܠܝܵܐ ܝܘܸܢ ܕܦܵܪܩܸܢܘܿܢ: 35 ܘܐܵܕܝܼܵܐ ܬܵܐ: ܫܵܕܪܸܢܘܿܟ ܠܡܸܨܪܹܝܢ. ܠܐܵܗܵܐ ܡܘܼܫܹܐ ܕܟܦܸܪܘܿܢ ܒܝܹܗ: ܒܹܐܡܵܪܵܐ: ܡܵܢܝܼ ܩܲܡ ܡܲܩܸܡ ܠܘܼܟ ܥܲܠܲܢ ܪܹܫܵܐ ܘܕܲܝܵܢܵܐ: ܗܲܪ ܠܐܵܗܵܐ: ܪܹܫܵܐ ܘܦܵܪܘܿܩܵܐ ܫܘܼܕܸܪܹܐ ܐܸܠܵܝ ܐܲܠܵܗܵܐ: ܒܐܝܼܕܵܬܹ̈ܐ 36 ܕܡܲܠܲܐܟ̣ܵܐ: ܗ̇ܘ ܕܦܸܫܠܹܐ ܚܸܙܝܵܐ ܐܸܠܹܗ ܒܣܲܢܝܵܐ. ܐܵܗܵܐ ܦܘܼܠܛܵܝܠܹܐ: ܟܲܕ ܥܒܸܕܠܹܐ ܢܝܼܫܲܢܩܹ̈ܐ ܘܥܵܓ̰ܸܒܘܵܬܵܐ ܒܐܲܪܥܵܐ ܕܡܸܨܪܹܝܢ: ܘܒܝܵܡܵܐ ܕܣܘܿܦ: ܘܓܵܘ ܒܲܪܝܼܵܐ: ܐܲܪܒܥܝܼ ܫܸܢܹ̈ܐ. 37 ܐܵܗܵܐ ܝܠܹܐ ܡܘܼܫܹܐ: ܗ̇ܘ ܕܐܡܸܪܹܐ ܠܒܢܲܝ̈ ܝܼܣܪܵܝܹܠ: ܢܒ̣ܝܼܵܐ ܒܸܬ ܡܲܩܸܡ ܠܵܘܟ̣ܘܿܢ ܐܲܠܵܗܵܐ ܡ̣ܢ ܐܵܚܘܿܢܘܵܬܵܘ̈ܟ̣ܘܿܢ ܐܲܝܟ ܕܝܼܝܼ [23] . 38 ܐܵܗܵܐ ܝܠܹܐ ܗ̇ܘ ܕܗ̄ܘܹܠܹܐ ܓܵܘ ܟܢܘܼܫܬܵܐ ܓܵܘ ܒܲܪܝܼܵܐ ܥܲܡ ܡܲܠܲܐܟ̣ܵܐ: ܗ̇ܘ ܕܗܘܼܡܙܸܡܠܹܐ ܥܲܡܹܗ ܘܥܲܡ ܐܲܒ̣ܵـ̈ـܗܵܬܲܢ ܓܵܘ ܛܘܼܪܵܐ ܕܣܝܼܢܲܝ: ܕܩܘܼܒܸܠܹܐ ܗܹܡܸܙܡܵܢܹ̈ܐ ܚܲܝܹ̈ܐ ܕܝܵܗ̄ܒܸܠ ܐܸܠܲܢ. 39 ܘܠܵܐ ܒܣܸܡܠܵܐ ܠܗ̄ܘܿܢ ܠܝܼܵܗ̄ܒ̣ܵܐ ܢܵܬܵܐ ܐܸܠܹܗ ܐܲܒ̣ܵܗܵܬܲܢ: ܐܸܠܵܐ 40 ܪܘܼܦܹܠܘܿܢ ܐܸܠܹܗ: ܘܒܠܸܒܵܘܵܬܵܝ̈ ܕܸܪܘܿܢ ܠܡܸܨܪܹܝܢ. ܟܲܕ ܐܵܡܪܝܼ ܠܐܲܗܪܘܿܢ: ܥܒ̣ܘܿܕ ܠܲܢ ܐܲܠܵܗܹ̈ܐ ܕܐܵܙܠ̄ܝܼ ܩܵܕ̄ܡܲܢ: ܣܵܒܵܒ ܐܵܗܵܐ ܡܘܼܫܹܐ: ܕܦܘܼܠܛܵܚܠܹܐ ܡ̣ܢ ܐܲܪܥܵܐ ܕܡܸܨܪܹܝܢ: ܠܹܐ ܝܘܵܚ ܒܝܼܕܲܥܝܵܐ 41 ܡܘܼܕܝܼ ܗ̄ܘܹܠܵܐ ܠܹܗ. ܘܬܘܼܪܸܨܠܘܿܢ ܡܘܼܓ̰ܵܐ ܒܐܵܢܝܼ ܝܘܿܡܵܢܹ̈ܐ: ܘܕܒܸܚܠܘܿܢ ܕܸܒ̣ܚܹ̈ܐ ܠܗ̇ܘ ܨܵܢܲܡ: ܘܥܒܸܕܠܘܿܢ ܒܘܼܣܵܡܵܐ 42 ܒܦܘܼܠܚܵܢܵܐ ܕܐܝܼܕܵܬܵܝ̈. ܘܕܸܪܹܐ ܐܲܠܵܗܵܐ ܘܣܘܼܦܝܵܝܠܹܐ ܕܗܵܘܝܼ ܒܸܦܠܵܚܵܐ ܠܚܲܝܠܵܘܵܬܵܐ ܕܫܡܲܝܵܐ: ܐܲܝܟ ܕܝܼܠܹܐ ܟܬܝܼܒ̣ܵܐ ܒܟܬܵܒ̣ܵܐ ܕܢܒ̣̈ܝܹܐ: ܐܲܪܒܥܝܼ ܫܸܢܹ̈ܐ ܓܵܘ ܒܲܪܝܼܵܐ ܗܲܝܘܵܢܹ̈ܐ ܦܪ̈ܝܼܡܹܐ ܝܲܢ ܕܸܒ̣ܚܹ̈ܐ 43 ܡܘܼܬ̄ܝܹܠܵܘܟ̣ܘܿܢ ܐܸܠܝܼ: ܝܵܐ ܒܹܝܬ ܝܼܣܪܵܝܹܠ. ܘܫܩܸܠܵܘܟ̣ܘܿܢ ܡܵܫܸܟܢܹܗ ܕܡܲܠܟ̇ܘܿܡ: ܘܟܵܘܟ̣ܒܹܗ ܕܐܲܠܵܗܵܐ ܪܦܵܢ: ܨܘܼܪ̈ܝܵܬܹܐ ܕܥܒܸܕܠܵܘܟ̣ܘܿܢ ܕܗܵܘܝܼܬܘܿܢ ܒܸܣܓ̣ܵܕܵܐ ܐܸܠܵܝ: ܘܒܸܬ ܫܵܢܸܢܵܘܟ̣ܘܿܢ 44 ܠܗ̇ܘ ܓܹܒܵܐ ܡ̣ܢ ܒܵܒܹܠ. ܡܵܫܸܟܢܵܐ ܕܣܵܗܕܘܼܬܵܐ ܗ̄ܘܹܠܹܐ ܥܲܡ ܐܲܒ̣ܵܗܵܬܲܢ ܓܵܘ ܒܲܪܝܼܵܐ: ܕܐܵܟ̣ܝܼ ܕܦܩܸܕܠܹܐ ܗ̇ܘ ܕܗܘܼܡܙܸܡܠܹܐ 45 ܥܲܡ ܡܘܼܫܹܐ: ܠܬܵܪܘܿܨܹܗ ܒܕܡܘܼܬܵܐ ܕܚܙܹܠܹܐ. ܘܗܲܪ ܠܐܵܗܵܐ ܩܘܼܒܸܠܘܿܢ ܘܡܘܼܐܘܸܪܘܿܢ ܐܲܒ̣ܵܗܵܬܲܢ ܥܲܡ ܝܼܫܘܿܥ ܒܝ̄ܪܝܵܬܬܵܝ ܠܛܵܝܸܦܹ̈ܐ: ܐܵܢܝܼ ܕܦܘܼܠܸܛܠܹܐ ܐܲܠܵܗܵܐ ܡ̣ܢ ܩܵܕ̄ܡ ܐܲܒ̣ܵܗܵܬܲܢ: ܗܲܠ 46 ܝܘܿܡܵܢܹ̈ܐ ܕܕܵܘܝܼܕ. ܗ̇ܘ ܕܡܘܼܫ̄ܟ̰ܸܚܠܹܐ ܫܵܦܵܩܲܬ ܩܵܕ̄ܡ ܐܲܠܵܗܵܐ: ܘܛܠܸܒܠܹܐ ܕܡܵܫ̄ܟ̰ܸܚ ܗ̄ܘܵܐ ܡܵܫܸܟܢܵܐ ܠܐܲܠܵܗܹܗ ܕܝܲܥܩܘܿܒ̣. 47 ܐܝܼܢܵܐ ܫܠܹܝܡܘܿܢ ܒܢܹܠܹܐ ܐܸܠܹܗ ܒܲܝܬܵܐ. ܐܸܠܵܐ ܪܵܡܵܐ ܠܹܐ ܫܵܪܹܐ 48 49 [24] ܒܦܘܼܠܚܵܢܵܐ ܕܐܝܼܕܵܬܹ̈ܐ: ܐܲܝܟ ܕܐܡܸܪܹܐ ܢܒ̣ܝܼܵܐ. ܫܡܲܝܵܐ ܬܪܘܿܢܘܿܣܝܼ ܝܠܵܐ: ܘܐܲܪܥܵܐ ܟܘܼܒ̣ܫܵܐ ܕܬܚܘܿܬ ܐܲܩܠܵܬܝܼ̈ ܐܲܝܢܝܼ ܝܠܹܐ ܒܲܝܬܵܐ ܕܒܵܢܝܼܬܘܿܢ ܠܝܼ: ܒܹܐܡܵܪܵܐ ܝܠܹܐ ܡܵܪܝܵܐ: ܝܲܢ ܐܲܝܢܝܼ ܝܠܵܐ 50 ܕܘܼܟܵܐ ܕܢܝܵܚܬܝܼ. ܐܝܼܕܵܐ ܕܝܼܝܼ ܠܵܐ ܥܒܸܕܠܵܐ ܐܲܢܹܐ ܟܠܵܝ: 51 ܝܵܐ ܩܕܵܠܵܝ ܩܸܫܬܵܐ: ܘܠܵܐ ܓܙܝܼܪܹ̈ܐ ܒܠܸܒܵܐ ܘܒܢܵܬܝܵܬܹ̈ܐ: ܐܲܚܬܘܿܢ ܒܟܠܹܗ ܙܲܒ̣ܢܵܐ ܕܲܪܩܘܼܒ̣ܠ ܕܪܘܼܚܵܐ ܕܩܘܼܕܫܵܐ ܒܸܩܝܵܡܵܐ 52 ܝܬܘܿܢ: ܐܲܝܟ ܐܲܒ̣ܵܗܵܬܵܘ̈ܟ̣ܘܿܢ ܐܘܼܦ ܐܲܚܬܘܿܢ. ܠܐܲܝܢܝܼ ܡ̣ܢ ܢܒ̣̈ܝܹܐ ܠܵܐ ܛܪܸܕܠܘܿܢ ܐܲܒ̣ܵܗܵܬܵܘ̈ܟ̣ܘܿܢ: ܘܩܛܸܠܘܿܢ ܠܐܵܢܝܼ ܕܩܵܕ̄ܡܵܝܬܵܐ ܗܘܼܩܹܠܘܿܢ ܒܵܗ̄ܣ ܐܬܵܝܬܹܗ ܕܙܲܕܝܼܩܵܐ: ܗ̇ܘ ܕܐܲܚܬܘܿܢ ܐܵܕܝܼܵܐ 53 ܗ̄ܘܹܠܵܘܟ̣ܘܿܢ ܣܵܦܝܵܢܘܼ̈ܗܝ ܘܩܵܛܠܵܢܘܼ̈ܗܝ. ܕܩܘܪܒܸܠܵܘܟ̣ܘܿܢ ܢܵܡܘܿܣܵܐ ܒܝܸܕ ܦܘܼܩܕܵܢܵܐ ܕܡܲܠܲܐܟܹ̈ܐ: ܘܠܵܐ ܢܛܸܪܵܘܟ̣ܘܿܢ. 54 ܘܟܲܕ ܫܡܸܥܠܘܿܢ ܐܲܢܹܐ: ܠܹܗ̄ܠܘܿܢ ܒܟܲܪܒܵܐ ܠܸܒܵܘܬܵܝ̈: 55 ܘܚܘܼܪܚܸܟ̰ܠܘܿܢ ܟܹܟܵܝ̈ ܥܲܠܘܼܗܝ. ܘܗ̇ܘ: ܟܲܕ ܡܸܠܝܵܐ ܪܘܼܚܵܐ ܕܩܘܼܕܫܵܐ: ܚܸܪܹܐ ܒܫܡܲܝܵܐ: ܘܚܙܹܠܹܐ ܬܸܫܒܘܿܚܬܵܐ ܕܐܲܠܵܗܵܐ: 56 ܘܠܝܼܫܘܿܥ ܒܸܟܠܵܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ. ܘܐܡܸܪܹܐ: ܗܵܐ: ܒܸܚܙܵܝܵܐ ܝܘܸܢ ܫܡܲܝܹ̈ܐ ܦܬܝܼܚܹܐ: ܘܠܒܪܘܼܢܹܗ ܕܐܢܵܫܵܐ ܒܸܟܠܵܝܵܐ ܡ̣ܢ 57 ܝܲܡܝܼܢܵܐ ܕܐܲܠܵܗܵܐ. ܐܝܼܢܵܐ ܡܘܼܩܘܸܚܠܘܿܢ ܒܩܵܠܵܐ ܪܵܡܵܐ: ܘܥܟ̰ܸܡܠܘܿܢ ܢܵܬܝܵܬܵܝ̈: ܘܓܪܸܫܠܘܿܢ ܗܸܓ̰ܘܼܡ ܥܲܠܘܼܗܝ 58 ܒܚܵܕ̄ ܪܸܙܵܝܵܐ. ܘܦܘܼܠܸܛܠܘܿܢ ܐܸܠܹܗ ܠܒܲܕܲܪ ܡ̣ܢ ܡܕܝܼܢ̄ܬܵܐ ܘܪܓ̰ܸܡܠܘܿܢ ܐܸܠܹܗ. ܘܣܵܗܕܹ̈ܐ ܡܘܼܬܸܒ̣ܠܘܿܢ ܓ̰ܘܼܠܵܝ̈ ܠܟܸܣ ܐܲܩܠܵܬܹ̈ܐ ܕܚܵܕ̄ ܓ̰ܘܲܢܩܵܐ ܕܦܵܝܸܫ ܗ̄ܘܵܐ ܩܸܪܝܵܐ ܫܵܐܘܿܠ. 59 ܘܪܓ̰ܸܡܠܘܿܢ ܠܐܸܣܛܲܦܵܢܘܿܣ: ܟܲܕ ܒܸܩܪܵܝܵܐ (ܥܲܠ ܡܵܪܝܵܐ): 60 ܒܹܐܡܵܪܵܐ: ܡܵܪܲܢ ܝܼܫܘܿܥ: ܩܵܒܸ̇ܠ ܪܘܼܚܝܼ. ܘܟܲܕ ܒܪܸܟ̇ܠܹܐ: ܡܘܼܩܘܸܚܠܹܐ ܒܩܵܠܵܐ ܪܵܡܵܐ: ܡܵܪܲܢ: ܠܵܐ ܕܵܒ̣ܩܸܬ ܐܸܠܵܝ ܐܵܗܵܐ ܚܛܝܼܬܵܐ. ܘܟܲܕ ܐܡܸܪܹܐ ܐܵܗܵܐ: ܕܡܸܟ̣ܠܹܐ.

 

ܩܦܠܐܘܢ: ܚ

1 ܘܫܵܐܘܿܠ ܒܵܣܡܵܐ ܗ̄ܘܵܐ ܠܹܗ ܒܩܸܛܠܹܗ. ܘܗ̄ܘܹܠܵܐ ܒܗ̇ܘ ܝܘܿܡܵܐ ܛܪܵܕܬܵܐ ܓܘܼܪܬܵܐ ܠܥܹܕܬܵܐ ܕܓܵܘ ܐܘܿܪܸܫܠܸܡ: ܘܦܸܫܠܘܿܢ ܒܘܼܪܒܸܙܹܐ ܟܠܵܝ ܓܵܘ ܡܵܬܘܵܬܹ̈ܐ 2 ܕܝܼܗܘܼܕ ܘܫܵܡܪܹܝܢ: ܫܒ̣ܘܿܩ ܡ̣ܢ ܫܠܝܼܚܹ̈ܐ. ܘܩܒܸܪܘܿܢ ܠܐܸܣܛܲܦܵܢܘܿܣ ܐܢܵܫܹ̈ܐ ܟܹܐܢܹ̈ܐ: ܘܥܒܸܕܠܘܿܢ ܬܵܙܝܼ ܥܲܠܘܼܗܝ 3 ܪܵܒܵܐ. ܐܝܼܢܵܐ ܫܵܐܘܿܠ ܛܵܪܸܕ ܗ̄ܘܵܐ ܠܥܹܕܬܵܐ: ܟܲܕ ܒܹܐܘܵܪܵܐ ܠܒܵܬܹ̈ܐ ܘܓܲܪܓܘܼܫܹܐ ܠܐܢܵܫܹ̈ܐ ܘܠܒܲܟ̣ܬܵܬܹ̈ܐ: ܘܣܵܦܹܐ ܗ̄ܘܵܐ ܠܗ̄ܘܿܢ ܠܒܹܝܬ ܐܲܣܝܼܪܹ̈ܐ. 4 ܘܐܵܢܝܼ ܕܦܸܫܠܘܿܢ ܒܘܼܪܒܸܙܹܐ ܚܵܕܪܝܼ ܗ̄ܘܵܘ ܘܡܲܟܪܸܙܝܼ 5 ܗ̄ܘܵܘ ܗܹܡܸܙܡܵܢ. ܘܦܝܼܠܝܼܦܘܿܣ ܨܠܹܠܹܐ ܠܡܕܝܼܢ̄ܬܵܐ ܕܫܵܡܪܹܝܢ: 6 ܘܡܘܼܟܪܸܙܠܹܐ ܐܸܠܵܝ ܒܵܗ̄ܣ ܕܡܫܝܼܚܵܐ. ܘܡܲܨܝܸܬܝܼ ܗ̄ܘܵܘ ܒܚܕܵܐ ܓܵܢܵܐ ܛܵܝܸܦܵܐ ܠܡܸܢܕܝܵܢܹ̈ܐ ܕܐܡܝܼܪܹܐ ܗ̄ܘܵܘ ܡ̣ܢ ܦܝܼܠܝܼܦܘܿܣ: ܟܲܕ ܫܲܡܥܝܼ ܗ̄ܘܵܘ ܘܚܵܙܝܼ ܗ̄ܘܵܘ ܢܝܼܫܲܢܩܹ̈ܐ 7 ܕܥܒܸܕܠܹܐ. ܣܵܒܵܒ ܪܵܒܵܐ ܕܕܒ̣ܝܼܩܵܝ ܗ̄ܘܵܘ ܪ̈ܘܼܚܹܐ ܛܲܡܹ̈ܐܐ ܡܲܩܘܸܚܝܼ ܗ̄ܘܵܘ ܒܩܵܠܵܐ ܪܵܡܵܐ ܘܦܵܠܛܝܼ ܗ̄ܘܵܘ ܡܸܢܵܝ: ܘܪܵܒܵܐ 8 ܫܦܝܼ̈ܠܹܐ ܘܫܸܠܹ̈ܐ ܦܸܫܠܘܿܢ ܒܘܼܣܡܹܐ. ܘܚܲܕܘܼܬܵܐ ܓܘܼܪܬܵܐ ܗ̄ܘܼܠܵܐ ܒܗ̇ܝ ܡܕܝܼܢ̄ܬܵܐ. 9 ܐܝܼܢܵܐ ܐܝܼܬ ܗ̄ܘܵܐ ܚܵܕ̄ ܐܢܵܫܵܐ ܕܫܸܡܹܗ ܣܝܼܡܘܿܢ: ܕܩܵܕ̄ܡܵܝܬܵܐ ܓܵܘ ܕܗ̇ܝ ܡܕܝܼܢ̄ܬܵܐ ܥܵܒܸܕ ܗ̄ܘܵܐ ܚܸܪ̈ܫܹܐ: ܘܡܲܥܓ̰ܸܒ ܗ̄ܘܵܐ ܠܛܵܝܸܦܵܐ ܕܫܵܡܪܹܝܢ: ܒܹܐܡܵܪܵܐ ܥܲܠ ܓܵܢܹܗ ܕܚܵܕ̄ ܓܘܼܪܵܐ ܗ̄ܘܵܐ. 10 ܘܡܲܨܝܸܬܝܼ ܗ̄ܘܵܘ ܐܸܠܹܗ ܟܠܵܝ: ܓܘܼܪܹ̈ܐ ܘܙܥܘܿܪܹ̈ܐ: ܘܐܵܡܪܝܼ: 11 ܐܵܗܵܐ ܝܠܹܐ ܚܲܝܠܹܗ ܕܐܲܠܵܗܵܐ ܕܝܼܠܹܐ ܩܸܪܝܵܐ ܓܘܼܪܵܐ. ܘܡܲܨܝܸܬܝܼ ܗ̄ܘܵܘ ܐܸܠܹܗ: ܣܵܒܵܒ ܕܙܲܒ̣ܢܵܐ ܪܵܒܵܐ ܒܚܸܪ̈ܫܘܼܗܝ ܡܘܼܥܓ̰ܸܒܵܝ 12 ܗ̄ܘܵܐ. ܐܝܼܢܵܐ ܟܲܕ ܗܘܼܡܸܢܘܿܢ ܠܦܝܼܠܝܼܦܘܿܣ: ܕܡܲܫܚܘܼܕܹܐ ܗ̄ܘܵܐ ܡܲܠܟܘܼܬܹܗ ܕܐܲܠܵܗܵܐ: ܘܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ: 13 ܥܡܸܕܠܘܿܢ ܐܢܵܫܹ̈ܐ ܘܒܲܟ̣ܬܵܬܹ̈ܐ. ܘܐܘܼܦ ܗ̇ܘ ܣܝܼܡܘܿܢ ܗܘܼܡܸܢܹܐ: ܘܥܡܸܕܠܹܐ: ܘܬܸܒܥܝܵܐ ܗ̄ܘܵܐ ܠܦܝܼܠܝܼܦܘܿܣ: ܘܟܲܕ ܚܙܹܠܹܐ ܢܝܼܫܲܢܩܹ̈ܐ ܘܚܲܝ̈ܠܹܐ ܓܘܼܪܹ̈ܐ ܕܗܵܘܝܼ ܗ̄ܘܵܘ: ܥܘܼܓ̰ܸܒܠܹܐ. 14 ܘܟܲܕ ܫܡܸܥܠܘܿܢ ܫܠܝܼܚܹ̈ܐ ܕܓܵܘ ܐܘܿܪܸܫܠܸܡ ܕܩܘܼܒܸܠܵܐ ܫܵܡܪܹܝܢ ܗܹܡܸܙܡܵܢ ܕܐܲܠܵܗܵܐ: ܫܘܼܕܸܪܘܿܢ ܠܟܸܣܠܵܝ ܠܟܹܐܦܵܐ 15 ܘܠܝܘܿܚܲܢܵܢ. ܘܨܠܹܠܘܿܢ ܘܨܘܼܠܹܠܘܿܢ ܥܲܠܵܝ: ܕܩܵܒ̇ܠܝܼ ܪܘܼܚܵܐ 16 ܕܩܘܼܕܫܵܐ. ܣܵܒܵܒ ܕܗܹܫ ܠܹܐ ܗ̄ܘܵܐ ܨܸܠܝܵܐ ܥܲܠ ܚܵܕ̄ ܡܸܢܵܝ: 17 ܐܝܼܢܵܐ ܗܲܪ ܥܡܝܼܕܹܐ ܗ̄ܘܵܘ ܒܫܸܡܹܗ ܕܡܵܪܲܢ ܝܼܫܘܿܥ. ܗ̇ܝܓܵܗ ܡܘܼܬܸܒ̣ܠܘܿܢ ܥܲܠܵܝ ܐܝܼܕܵܐ: ܘܩܘܼܒܸܠܘܿܢ ܪܘܼܚܵܐ ܕܩܘܼܕܫܵܐ. 18 ܘܟܲܕ ܚܙܹܠܹܐ ܣܝܼܡܘܿܢ ܕܒܡܲܬܲܒ̣ܬܵܐ ܕܐܝܼܕܵܐ ܕܫܠܝܼܚܹ̈ܐ ܦܝܵܫܵܐ ܗ̄ܘܵܐ ܝܘܼܗ̄ܒ̣ܵܐ ܪܘܼܚܵܐ ܕܩܘܼܕܫܵܐ: ܡܘܼܬ̄ܝܹܠܹܐ ܠܟܸܣܠܵܝ 19 ܙܘܼܙܹ̈ܐ. ܟܲܕ ܐܵܡܸܪ: ܗܲܒ̄ܠܘܿܢ ܐܘܼܦ ܐܸܠܝܼ ܐܵܗܵܐ ܗܘܼܟܡܵܐ: ܕܗ̇ܘ ܕܡܲܬܒܸܢ ܥܲܠܘܼܗܝ ܐܝܼܕܵܐ ܗܵܘܹܐ ܩܵܒ̇ܘܿܠܹܐ ܪܘܼܚܵܐ 20 ܕܩܘܼܕܫܵܐ. ܐܵܡܸܪ ܐܸܠܹܗ ܟܹܐܦܵܐ: ܙܘܼܙܘܼ̈ܟ ܥܲܡܘܼܟ ܐܵܙܠ̄ܝܼ ܠܐܲܒ̣ܕܵܢܵܐ: ܣܵܒܵܒ ܕܚܫܸܒ̣ܠܘܼܟ ܕܚܲܠܲܥܬܹܗ ܕܐܲܠܵܗܵܐ ܒܡܵܐܠ 21 ܟܹܐ ܦܵܝܫܵܐ ܩܢܝܼܬܵܐ. ܠܲܝܬ ܠܘܼܟ ܣܵܡܵܐ ܐܘܼܦ ܠܵܐ ܦܸܫܟܵܐ ܒܐܵܗܵܐ ܫܘܼܠܵܐ: ܣܵܒܵܒ ܕܠܸܒܘܼܟ ܠܹܐ ܝܠܹܐ ܬܪܘܼܨܵܐ ܩܵܕ̄ܡ 22 ܐܲܠܵܗܵܐ. ܒܲܣ ܬܲܘܸܒ ܡܐܵܗܵܐ ܒܝܼܫܘܼܬܘܼܟ: ܘܛܠܘܿܒ ܡ̣ܢ ܡܵܪܝܵܐ: ܩܵܘܡܵܐ ܦܵܝܸܫ ܫܒ̣ܝܼܩܵܐ ܐܸܠܘܼܟ ܚܘܼܫܵܒ̣ ܕܠܸܒܘܼܟ. 23 ܣܵܒܵܒ ܕܒܟܲܒ̣ܕܵܐ ܡܲܪܝܼܪܬܵܐ ܘܒܟܸܬܪܹ̈ܐ ܕܥܵܘܠܵܐ ܒܸܚܙܵܝܵܐ ܝܘܸܢ 24 ܕܝܼܘܸܬ. ܓ̰ܘܼܘܸܒܠܹܐ ܣܝܼܡܘܿܢ ܘܐܡܸܪܹܐ: ܛܠܘܿܒܘܿܢ ܐܲܚܬܘܿܢ ܡܒܵܕܵܠܝܼ ܡ̣ܢ ܡܵܪܝܵܐ: ܕܠܵܐ ܐܵܬܹܐ ܥܲܠܝܼ ܡܸܢܕܝܼ ܡ̣ܢ ܕܐܲܢܹܐ ܕܐܡܸܪܵܘܟ̣ܘܿܢ. 25 ܐܵܢܝܼ ܗܲܕܟ̣ܵܐ: ܟܲܕ ܝܸܗܒܸܠܘܿܢ ܐܸܠܵܝ ܣܵܗܕܘܼܬܵܐ ܘܗܘܼܡܙܸܡܠܘܿܢ ܗܹܡܸܙܡܵܢ ܕܡܵܪܝܵܐ: ܕܪܘܿܢ ܠܐܘܿܪܸܫܠܸܡ: ܘܓܵܘ ܪܵܒܵܐ ܡܵܬܘܵܬܹ̈ܐ ܕܫܵܡܪ̈ܵܝܹܐ ܡܘܼܫܚܸܕܠܘܿܢ. 26 ܘܗܘܼܡܙܸܡܠܹܐ ܡܲܠܲܐܟ̣ܵܐ ܕܡܵܪܝܵܐ ܥܲܡ ܦܝܼܠܝܼܦܘܿܣ: ܘܐܡܸܪܹܐ ܐܸܠܹܗ: ܩܘܼܡ̄ ܙܹܠ̄ܐ ܠܬܲܝܡܢܵܐ: ܒܐܘܼܪܚܵܐ ܕܒܸܨܠܵܝܵܐ 27 ܝܠܵܐ ܡ̣ܢ ܐܘܿܪܸܫܠܸܡ ܠܓܵܙܵܐ: ܗ̇ܝ ܕܝܼܠܵܐ ܚܵܪܵܒܵܐ. ܘܩܸܡܠܹܐ ܘܐܙܸܠܹܐ: ܘܗܵܐ: ܚܵܕ̄ ܐܢܵܫܵܐ ܕܟܘܼܫ ܡܗܲܝܡܢܵܐ: ܡܵܪܹܐ ܗܘܼܟܡܵܐ (ܬܚܘܿܬ ܐܝܼܕܵܐ) ܕܩܲܢܕܵܩ ܡܲܠܟܬܵܐ ܕܟܘܼܫܵܝܹ̈ܐ: ܕܝܼܗ̄ܘܵܐ ܥܲܠ ܟܠܵܗ̇ 28 ܚܲܙܝܼܢܘܼܗ̇: ܘܐܬܝܼܵܐ ܗ̄ܘܵܐ ܕܣܵܓܸܕ ܓܵܘ ܐܘܿܪܸܫܠܸܡ. ܒܸܕܝܵܪܵܐ ܗ̄ܘܵܐ: ܘܝܬܝܼܒ̣ܵܐ ܒܟܵܠܸܣܟܹܗ: ܘܒܸܩܪܵܝܵܐ ܒܐܹܫܲܥܝܵܐ ܢܒ̣ܝܼܵܐ. 29 ܘܐܡܸܪܵܐ ܪܘܼܚܵܐ ܠܦܝܼܠܝܼܦܘܿܣ: ܬܵܐ ܩܘܼܪܒܵܐ ܘܬܒܥܝܼ ܠܐܵܗܵܐ 30 ܟܵܠܸܣܟܵܐ. ܘܟܲܕ ܦܝܼܠܝܼܦܘܿܣ ܪܚܸܛܠܹܐ ܠܟܸܣܠܹܗ: ܫܡܸܥܠܹܗ ܕܒܸܩܪܵܝܵܐ ܗ̄ܘܵܐ ܒܐܹܫܲܥܝܵܐ ܢܒ̣ܝܼܵܐ: ܘܐܡܸܪܹܐ ܐܸܠܹܗ: ܦܲܪܡܘܼܝܹܐ ܝܘܸܬ 31 ܡܘܼܕܝܼ ܒܸܩܪܵܝܵܐ ܝܘܸܬ. ܘܗ̇ܘ ܐܡܸܪܹܐ: ܕܵܐܟ̣ܝܼ ܡܵܨܸܢ: ܫܒ̣ܘܿܩ ܡ̣ܢ ܕܐܢܵܫܵܐ ܬܲܓܒܸܪܝܼ: ܘܛܠܸܒܠܹܐ ܗܲܪ ܡ̣ܢ ܦܝܼܠܝܼܦܘܿܣ ܕܐܵܣܸܩ 32 ܘܝܵܬܸܒ̣ ܥܲܡܹܗ. ܘܦܵܣܘܿܩܵܐ ܕܟܬܵܒ̣ܵܐ ܕܒܸܩܪܵܝܵܐ ܗ̄ܘܵܐ ܒܝܹܗ ܐܵܗܵܐ ܗ̄ܘܵܐ: ܐܲܝܟ ܥܸܪܒܵܐ ܠܦܪܵܡܬܵܐ ܦܸܫܠܹܐ ܠܘܼܒܠܵܐ: ܘܐܲܝܟ ܦܹܪܵܐ ܫܬܝܼܩܵܐ ܩܵܕ̄ܡ ܓܲܪܥܵܢܵܐ: ܗܲܕܟ̣ܵܐ ܠܵܐ ܦܬܸܚܠܹܐ ܦܘܼܡܹܗ. 33 ܒܡܵܟܝܼܟ̣ܘܼܬܹܗ: ܕܝܼܘܵܢܹܗ ܦܸܫܠܵܐ ܫܩܝܼܠܬܵܐ. ܘܕܵܘܪܹܗ ܡܵܢܝܼ ܒܸܬ ܗܵܩܹܐ: ܣܵܒܵܒ ܕܦܝܵܫܵܐ ܝܢܵܐ ܫܩܝܼܠܹܐ ܚܲܝܘܼ̈ܗܝ ܡ̣ܢ ܐܲܪܥܵܐ. 34 ܘܓ̰ܘܼܘܸܒܠܹܐ ܘܐܡܸܪܹܐ ܗ̇ܘ ܡܗܲܝܡܢܵܐ ܠܦܝܼܠܝܼܦܘܿܣ: ܢܵܘܢܘܿܝܹܐ ܝܘܸܢ ܒܝܼܘܼܟ: ܒܵܗ̄ܣ ܕܡܵܢܝܼ ܐܵܗܵܐ ܐܡܝܼܪܵܠܹܐ ܢܒ̣ܝܼܵܐ: ܒܵܗ̄ܣ 35 ܕܓܵܢܹܗ: ܝܲܢ ܒܵܗ̄ܣ ܕܐܢܵܫܵܐ ܐܚܹܪ̄ܢܵܐ. ܗ̇ܝܓܵܗ ܦܝܼܠܝܼܦܘܿܣ ܦܬܸܚܠܹܐ ܦܘܼܡܹܗ: ܘܫܘܼܪܹܠܹܐ ܗܲܪ ܡܐܵܗܵܐ ܟܬܵܒ̣ܵܐ ܠܡܲܫܚܘܼܕܹܐ 36 ܐܸܠܹܗ ܒܵܗ̄ܣ ܕܝܼܫܘܿܥ. ܘܟܲܕ ܐܵܢܝܼ ܒܹܐܙܵܠܵܐ ܗ̄ܘܵܘ ܒܐܘܼܪܚܵܐ: ܡܛܹܠܘܿܢ ܠܡ̈ܝܼܵܐ: ܘܐܡܸܪܹܐ ܗ̇ܘ ܡܗܲܝܡܢܵܐ: ܕܘܼ ܝܢܵܐ ܡ̈ܝܼܵܐ: 38 ܡܘܼܕܝܼ ܝܠܵܐ ܡܲܟܠܵܝܬܵܐ ܕܥܵܡܕܸܢ. [25] ܘܦܩܸܕܠܹܐ ܕܟܵܠܝܵܐ ܟܵܠܸܣܟܵܐ: ܘܨܠܹܠܘܿܢ ܬܸܪܘܵܝ ܠܡ̈ܝܼܵܐ: ܦܝܼܠܝܼܦܘܿܣ ܘܗ̇ܘ 39 ܡܗܲܝܡܢܵܐ: ܘܡܘܼܥܡܸܕܠܹܗ. ܘܟܲܕ ܐܣܸܩܠܘܿܢ ܡ̣ܢ ܡ̈ܝܼܵܐ: ܪܘܼܚܹܗ ܕܡܵܪܝܵܐ [26] ܓ̰ܢܸܘܠܹܐ ܠܦܝܼܠܝܼܦܘܿܣ: ܘܡܸܕܪܹܐ ܠܵܐ ܚܙܹܠܹܗ 40 ܗ̇ܘ ܡܗܲܝܡܢܵܐ: ܐܸܠܵܐ ܐܙܸܠܹܐ ܒܐܘܼܪܚܹܗ ܒܸܚܕܵܝܵܐ. ܐܝܼܢܵܐ ܦܝܼܠܝܼܦܘܿܣ ܦܸܫܠܹܐ ܡܘܼܫ̄ܟ̰ܚܵܐ ܒܐܵܙܘܿܛܘܿܣ: ܘܡ̣ܢ ܬܵܡܵܐ ܒܸܥܒ̣ܵܪܵܐ ܗ̄ܘܵܐ ܘܡܲܫܚܘܼܕܹܐ ܓܵܘ ܟܠܵܝ ܡܕܝܼܢܵܬܹ̈ܐ: ܗܲܠ ܕܐܬܹܠܹܐ ܠܩܹܣܵܪܝܵܐ.

 

ܩܦܠܐܘܢ: ܛ

1 ܐܝܼܢܵܐ ܫܵܐܘܿܠ: ܗܹܫ ܡܸܠܝܵܐ ܓܸܙܡܹ̈ܐ ܘܩܸܛܠܵܐ ܥܲܠ ܬܲܠܡܝܼܕܹ̈ܐ ܕܡܵܪܲܢ: ܐܬܹܠܹܐ ܠܟܸܣ ܓܘܼܪܵܐ ܕܟܵܗܢܹ̈ܐ. 2 ܘܛܠܸܒܠܹܐ ܟܬܵܒ̣ܵܐ ܡܸܢܹܗ ܠܕܲܪܡܣܘܿܩ ܠܟܢܘܼܫܝܵܬܹ̈ܐ: ܕܐܸܢ ܡܵܫ̄ܟ̰ܸܚ ܐܢܵܫܹ̈ܐ ܝܲܢ ܒܲܟ̣ܬܵܬܹ̈ܐ ܕܝܼܗ̄ܘܵܘ ܕܐܵܗܵܐ ܐܘܼܪܚܵܐ: ܡܲܝܬ̄ܝܹܐ 3 ܗ̄ܘܵܐ ܠܗ̄ܘܿܢ ܐܣܝܼܪܹܐ ܠܐܘܿܪܸܫܠܸܡ. ܘܗ̄ܘܹܠܵܐ ܟܲܕ ܒܹܐܙܵܠܵܐ ܗ̄ܘܵܐ ܘܫܘܼܪܹܠܹܐ ܠܸܡܛܵܝܵܐ ܠܕܲܪܡܣܘܿܩ: ܡܸܢܫܸܠܬܵܢܹ̈ܐ 4 ܠܘܼܓ̰ܠܸܓ̰ܠܹܐ ܥܲܠܘܼܗܝ ܒܲܗܪܵܐ ܡ̣ܢ ܫܡܲܝܵܐ. ܘܢܦܸܠܹܐ ܥܲܠ ܐܲܪܥܵܐ: ܘܫܡܸܥܠܹܐ ܩܵܠܵܐ ܒܹܐܡܵܪܵܐ ܐܸܠܹܗ: ܫܵܐܘܿܠ: ܫܵܐܘܿܠ: 5 ܩܵܡܘܿܕܝܼ ܒܸܛܪܵܕܝܼ ܝܘܸܬ. [27] . ܘܐܡܸܪܹܐ: ܡܵܢܝܼ ܝܘܸܬ ܡܵܪܝܼ: ܘܐܡܸܪܹܐ: ܐܵܢܵܐ ܝܘܸܢ ܝܼܫܘܿܥ ܢܵܨܪܵܝܵܐ: ܗ̇ܘ ܕܐܲܢ̄ܬ ܒܸܛܪܵܕܵܐ ܝܘܸܬ. 6 ܐܸܠܵܐ ܩܘܼܡ̄: ܐܘܘܿܪ ܠܡܕܝܼܢ̄ܬܵܐ: ܘܬܵܡܵܐ: ܒܸܬ ܦܵܝܸܫ ܗܘܼܡܙܸܡܵܐ 7 ܥܲܡܘܼܟ ܥܲܠ ܡܸܢܕܝܼ ܕܝܼܠܹܐ ܘܵܓ̰ܸܒ ܐܸܠܘܼܟ ܠܸܥܒ̣ܵܕܵܐ. ܘܐܢܵܫܹ̈ܐ ܕܒܹܐܙܵܠܵܐ ܗ̄ܘܵܘ ܥܲܡܹܗ ܒܐܘܼܪܚܵܐ ܟܸܠܝܹܐ ܗ̄ܘܵܘ ܫܬܝܼܩܹܐ: ܟܲܕ 8 ܩܵܠܵܐ ܒܸܫܡܲܥܝܵܐ: ܐܝܼܢܵܐ ܐܢܵܫܵܐ ܠܵܐ ܒܸܚܙܵܝܵܐ. ܘܩܸܡܠܹܐ ܫܵܐܘܿܠ ܡ̣ܢ ܐܲܪܥܵܐ: ܘܟܲܕ ܥܲܝܢܘܼ̈ܗܝ ܦܬܝܼܚܹܐ ܗ̄ܘܵܐ: ܠܵܐ ܚܙܹܠܹܐ ܐܢܵܫܵܐ: ܘܕܒ̣ܝܼܩܹܐ ܒܐܝܼܕܵܬܘܼ̈ܗܝ ܡܘܼܐܘܸܪܘܿܢ ܐܸܠܹܗ ܠܕܲܪܡܣܘܿܩ. 9 ܘܬܠܵܬܐ ܝܘܿܡܵܢܹ̈ܐ ܠܹܐ ܚܵܙܹܐ ܗ̄ܘܵܐ: ܘܠܵܐ ܐܟܸܠܹܐ ܘܠܵܐ ܫܬܹܠܹܐ. 10 ܐܵܕܝܼܵܐ ܐܝܼܬ ܗ̄ܘܵܐ ܓܵܘ ܕܲܪܡܣܘܿܩ ܚܵܕ̄ ܬܲܠܡܝܼܕܵܐ ܕܫܸܡܹܗ ܚܲܢܲܢܝܵܐ: ܘܡܵܪܝܵܐ ܐܡܸܪܹܐ ܐܸܠܹܗ ܒܚܸܙܘܵܐ: ܚܲܢܲܢܝܵܐ. ܘܐܡܸܪܹܐ: 11 ܒܹܢܵܐ: ܡܵܪܝܼ. ܘܡܵܪܲܢ ܐܡܸܪܹܐ ܐܸܠܹܗ: ܩܘܼܡ̄ ܙܹܠ̄ܐ ܠܥܵܠܘܿܠܵܐ ܕܦܝܵܫܵܐ ܝܠܹܐ ܩܸܪܝܵܐ ܬܪܘܼܨܵܐ: ܘܒܥܝܼ ܓܵܘ ܒܲܝܬܵܐ ܕܝܼܗܘܼܕܵܐ ܚܵܕ̄ ܕܫܸܡܹܗ ܫܵܐܘܿܠ: ܡ̣ܢ ܛܵܪܣܘܿܣ: ܣܵܒܵܒ ܗܵܐ: ܨܵܠܘܿܝܹܐ 12 ܝܠܹܐ ܨܠܘܿܬܵܐ. ܘܚܙܹܠܹܐ ܒܚܸܙܘܵܐ ܠܐܢܵܫܵܐ ܕܫܸܡܹܗ ܚܲܢܲܢܝܵܐ 13 ܒܹܐܘܵܪܵܐ ܘܡܲܬܘܼܒܹܐ ܥܲܠܘܼܗܝ ܐܝܼܕܵܐ ܕܚܵܙܹܐ. ܐܝܼܢܵܐ ܐܡܸܪܹܐ ܚܲܢܲܢܝܵܐ: ܡܵܪܝܼ: ܫܡܸܥܠܝܼ ܡ̣ܢ ܪܵܒܵܐ ܒܵܗ̄ܣ ܕܐܵܗܵܐ ܐܢܵܫܵܐ: ܕܟܡܵܐ ܒܝܼܫܵܬܹ̈ܐ ܡܘܼܩܒܸ̇ܠܹܐ ܠܩܲܕܝܼܫܘܼ̈ܟ ܓܵܘ ܐܘܿܪܸܫܠܸܡ. 14 ܘܐܘܼܦ ܠܲܐܟ̣ܵܐ ܐܝܼܬ ܠܹܗ ܗܘܼܟܡܵܐ ܡ̣ܢ ܓܘܼܪ̈ܵܢܹܐ ܕܟܵܗܢܹܐ ܕܐܵܣܸܪ 15 ܠܟܠܵܝ ܐܵܢܝܼ ܕܩܵܪܝܼ ܠܫܸܡܘܼܟ. ܐܝܼܢܵܐ ܐܡܸܪܹܐ ܐܸܠܹܗ ܡܵܪܝܵܐ: ܙܹܠ̄ܐ: ܣܵܒܵܒ ܡܵܐܢܵܐ ܓܘܼܒ̇ܝܵܐ ܝܠܹܐ ܐܸܠܝܼ: ܕܠܵܒܸܠ ܫܸܡܝ ܩܵܕ̄ܡ 16 ܛܵܝܸܦܹ̈ܐ ܘܡܲܠܟܹ̈ܐ ܘܒܢܲܝ̈ ܝܼܣܪܵܝܹܠ. ܣܵܒܵܒ ܐܵܢܵܐ ܒܸܬ ܡܲܚܙܸܢܹܗ ܟܡܵܐ ܘܵܓ̰ܸܒ ܝܼܠܹܐ ܠܩܵܒ̇ܘܿܠܹܐ ܚܲܫܵܐ ܒܚܵܬܸܪ ܕܫܸܡܝܼ. 17 ܘܚܲܢܲܢܝܵܐ ܦܠܸܛܠܹܐ ܘܐܘܸܪܹܐ ܠܒܲܝܬܵܐ: ܘܡܘܼܬܸܒ̣ܠܹܐ ܥܲܠܘܼܗܝ ܐܝܼܕܵܐ: ܘܐܡܸܪܹܐ ܐܸܠܹܗ: ܫܵܐܘܿܠ: ܐܵܚܘܿܢܝܼ: ܡܵܪܲܢ ܝܼܫܘܿܥ: ܕܦܸܫܠܹܐ ܚܸܙܝܵܐ ܐܸܠܘܼܟ ܒܐܘܼܪܚܵܐ ܕܒܝܼܵܗ̇ ܒܹܐܬܵܝܵܐ ܝܘܸܬ ܗ̄ܘܵܐ: ܫܘܼܕܪܸܢܹܐ 18 ܕܚܵܙܸܬ: ܘܦܵܝܫܸܬ ܡܸܠܝܵܐ ܪܘܼܚܵܐ ܕܩܘܼܕܫܵܐ. ܘܕܲܪܣܵܥܲܬ ܢܦܸܠܹܐ ܡ̣ܢ ܥܲܝܢܘܼ̈ܗܝ ܡܸܢܕܝܼ ܕܕܵܡܹܐ ܠܩܲܠܦܹ̈ܐ: ܘܗܲܪ ܒܗ̇ܝ 19 ܥܕܵܢܵܐ ܚܙܹܠܹܐ: ܘܩܸܡܠܹܐ ܥܡܸܕܠܹܐ. ܘܩܘܼܒܸܠܹܐ ܡܹܐܟ̣ܘܼܠܬܵܐ ܘܦܸܫܠܹܐ ܚܘܼܠܸܢܵܐ. ܘܦܸܫܠܹܐ ܚܲܟܡܵܐ ܝܘܿܡܵܢܹ̈ܐ ܠܟܸܣ ܬܲܠܡܝܼܕܹ̈ܐ: ܐܵܢܝܼ ܕܝܼܗ̄ܘܵܘ 20 ܓܵܘ ܕܲܪܡܣܘܿܩ. ܘܒܗ̇ܝ ܣܵܥܲܬ ܡܘܼܟܪܸܙܠܹܐ ܓܵܘ ܟܢܘܼܫܝܵܬܹ̈ܐ ܒܵܗ̄ܣ ܕܡܫܝܼܚܵܐ: ܕܗ̇ܘ ܝܼܠܹܐ ܒܪܘܼܢܵܐ ܕܐܲܠܵܗܵܐ. 21 ܘܥܵܓ̰ܒܝܼ ܗ̄ܘܵܘ ܟܠܵܝ ܐܵܢܝܼ ܕܫܲܡܥܝܼ ܗ̄ܘܵܘ ܠܹܗ: ܘܐܵܡܪܝܼ: ܠܹܐ ܝܠܹܐ ܐܵܗܵܐ ܗ̇ܘ ܕܟܹܐ ܛܵܪܸܕ ܗ̄ܘܵܐ ܠܐܵܢܝܼ ܕܩܵܪܝܼ ܠܐܵܗܵܐ ܫܸܡܵܐ ܓܵܘ ܐܘܿܪܸܫܠܸܡ: ܘܐܘܼܦ ܠܲܐܟ̣ܵܐ ܗܲܪ ܣܵܒܵܒ ܕܐܵܗܵܐ ܐܬܹܠܹܐ: ܕܐܵܣܸܪ ܠܵܒܸܠ ܠܗ̄ܘܿܢ ܠܟܸܣ ܓܘܼܪ̈ܵܢܹܐ ܕܟܵܗܢܹ̈ܐ. 22 ܐܝܼܢܵܐ ܫܵܐܘܿܠ ܒܘܼܫ ܙܵܘܕܵܐ ܦܵܝܸܫ ܗ̄ܘܵܐ ܚܘܼܠܸܢܵܐ: ܘܡܲܫܥܸܫ ܗ̄ܘܵܐ ܠܝܗ̄ܘܼܕܵܝܹ̈ܐ ܕܥܡܝܼܪܹܐ ܗ̄ܘܵܘ ܓܵܘ ܕܲܪܡܣܘܿܩ: ܟܲܕ ܡܲܨܒܘܼܬܹܐ 23 ܕܐܵܗܵܐ ܝܠܹܐ ܡܫܝܼܚܵܐ. ܘܟܲܕ ܬܘܼܡܸܡܠܘܿܢ ܐܸܠܹܗ ܪܵܒܵܐ ܝܘܿܡܵܢܹ̈ܐ: 24 ܥܒܸܕܠܘܿܢ ܒܘܼܨܵܐ ܥܲܠܘܼܗܝ ܝܗ̄ܘܼܕܵܝܹ̈ܐ ܕܩܵܛܠܝܼ ܠܹܗ. ܐܝܼܢܵܐ ܦܸܫܠܹܐ ܝܕܸܥܝܵܐ ܠܫܵܐܘܿܠ ܒܘܼܨܵܝ ܘܢܵܛܪܝܼ ܗ̄ܘܵܘ ܕܲܪ̈ܘܵܙܹܐ 25 ܐܝܼܡܵܡܵܐ ܘܠܲܝܠܹܐ: ܕܩܵܛܠܝܼ ܠܹܗ. ܗ̇ܝܓܵܗ ܕܒܸܩܠܘܿܢ ܘܡܘܼܬܸܒ̣ܠܘܿܢ ܐܸܠܹܗ [28] ܬܲܠܡܝܼܕܹ̈ܐ ܓܵܘ ܩܸܪܛܵܠܵܐ: ܘܟ̰ܘܼܢܒܸܠܘܿܢ ܐܸܠܹܗ ܡ̣ܢ ܓܘܼܕܵܐ ܒܠܲܝܠܹܐ. 26 ܘܟܲܕ ܐܬܹܠܹܐ ܠܐܘܿܪܸܫܠܸܡ: ܓ̰ܘܼܪܸܒܠܹܐ ܠܸܬܒܲܥܝܵܐ ܠܬܲܠܡܝܼܕܹ̈ܐ: ܘܟܠܵܝ ܒܸܙܕܲܥܝܵܐ ܗ̄ܘܵܘ ܡܸܢܹܗ: ܘܠܹܐ ܗ̄ܘܵܘ ܗܲܡܘܼܢܹܐ 27 ܕܬܲܠܡܝܼܕܵܐ ܗ̄ܘܵܐ. ܐܝܼܢܵܐ ܒܲܪܢܒ̣ܵܐ ܕܒܸܩܠܹܗ ܘܡܘܼܬ̄ܝܹܠܹܗ ܠܟܸܣ ܫܠܝܼܚܹ̈ܐ: ܘܗܘܼܩܹܠܹܐ ܐܸܠܵܝ ܕܵܐܟ̣ܝܼ ܒܐܘܼܪܚܵܐ ܚܙܹܠܹܐ ܠܡܵܪܝܵܐ: ܘܕܵܐܟ̣ܝܼ ܗܘܼܡܙܼܡܠܹܐ ܥܲܡܹܗ: ܘܕܵܐܟ̣ܝܼ ܓܵܘ ܕܲܪܡܣܘܿܩ 28 ܒܓ̰ܘܼܪܐܲܬ ܗܘܼܡܙܸܡܠܹܐ ܒܫܸܡܹܗ ܕܝܼܫܘܿܥ. ܘܥܲܡܵܝ ܗ̄ܘܵܐ 29 ܒܹܐܘܵܪܵܐ ܘܒܸܦܠܵܛܵܐ ܓܵܘ ܐܘܿܪܸܫܠܸܡ. ܗܲܡܙܘܼܡܹܐ ܒܫܸܡܹܗ ܕܡܵܪܲܢ ܝܼܫܘܿܥ ܒܓ̰ܘܼܪܐܲܬ: ܘܗܘܼܡܙܸܡܠܹܐ ܘܕܪܸܫܠܹܐ ܥܲܡ ܝܗܘܼܕܵܝܹ̈ܐ ܕܡ̣ܢ ܝܵܘܢܵܝܹ̈ܐ: ܐܝܼܢܵܐ ܒܲܥܝܝܼ ܗ̄ܘܵܐ ܠܸܩܛܵܠܹܗ. 30 ܘܟܲܕ ܝܕܸܥܠܘܿܢ ܐܵܚܘܿܢܘܵܬܹ̈ܐ: ܡܘܼܬ̄ܝܹܠܘܿܢ ܐܸܠܹܗ ܠܩܹܣܲܪܝܵܐ: ܘܡ̣ܢ ܬܵܡܵܐ ܫܘܼܕܸܪܘܿܢ ܐܸܠܹܗ ܠܛܵܪܣܘܿܣ. 31 ܘܥܹܕܬܵܐ ܕܒܟܠܵܗ̇ ܝܼܗܘܼܕ ܘܒܓܠܝܼܠܵܐ ܘܒܫܵܡܪܹܝܢ ܐܝܼܬ ܗ̄ܘܵܐ ܓܵܘܵܗ̇ ܫܠܵܡܵܐ: ܟܲܕ ܦܵܝܫܵܐ ܗ̄ܘܵܐ ܒܢܝܼܬܵܐ: ܘܐܵܙܵܠ̄ܐ ܗ̄ܘܵܐ ܒܙܕܘܼܥܬܵܐ ܕܡܵܪܝܵܐ: ܘܒܝܵܗ̄ܒܲܠܬܵܐ ܕܠܸܒܵܐ ܕܪܘܼܚܵܐ ܕܩܘܼܕܫܵܐ ܙܵܝܕܵܐ ܗ̄ܘܵܐ.

32 ܘܗ̄ܘܹܠܵܐ: ܟܲܕ ܒܸܚܕܵܪܵܐ ܗ̄ܘܵܐ ܟܹܐܦܵܐ ܓܵܘ ܟܠܵܝ ܕܘܼܟܵܢܹ̈ܐ: ܨܠܹܠܹܐ ܐܘܼܦ ܠܟܸܣ ܩܲܕܝܼܫܹ̈ܐ ܕܒܸܥܡܵܪܵܐ ܗ̄ܘܵܘ ܓܵܘ ܠܘܿܕ. 33 ܘܡܘܼܫ̄ܟ̰ܸܚܠܹܐ ܬܵܡܵܐ ܚܵܕ̄ ܐܢܵܫܵܐ ܕܫܸܡܹܗ ܐܵܢܝܼܵܣ: ܕܢܦܝܼܠܵܐ 34 ܗ̄ܘܵܐ ܒܫܘܝܼܬܵܐ ܬܡܵܢܝܵܐ ܫܸܢܹ̈ܐ ܘܫܦܝܼܠܵܐ ܗ̄ܘܵܐ. ܘܐܡܸܪܹܐ ܐܸܠܹܗ ܟܹܐܦܵܐ: ܐܲܢܝܹܐ: ܒܵܣܘܿܡܘܼܟ ܝܼܠܹܐ ܝܼܫܘܿܥ ܡܫܝܼܚܵܐ: ܩܘܼܡ̄ 35 ܘܫܵܘܝܼ ܫܘܝܼܬܘܼܟ. ܘܕܲܪܣܵܥܲܬ ܩܸܡܠܹܐ. ܘܚܙܹܠܘܿܢ ܐܸܠܹܗ ܟܠܵܝ ܐܵܢܝܼ ܕܒܸܥܡܵܪܵܐ ܗ̄ܘܵܘ ܓܵܘ ܠܘܿܕ ܘܓܵܘ ܣܵܪܘܿܢܵܐ: ܘܕܸܪܘܿܢ ܠܟܸܣ ܡܵܪܝܵܐ. 36 ܐܝܼܢܵܐ ܐܝܼܬ ܗ̄ܘܵܐ ܚܕܵܐ ܬܲܠܡܝܼܕܬܵܐ ܓܵܘ ܝܘܿܦܹܐ ܕܫܸܡܘܼܗ̇ ܛܒ̣ܝܼܬܵܐ: ܗ̇ܝ ܕܒܦܵܫܲܩܬܵܐ ܐܵܬܝܵܐ ܠܹܐܡܵܪܵܐ [29] ܕܘܿܪܟܲܣ: ܐܵܗܵܐ ܡܠܝܼܬܵܐ ܗ̄ܘܵܐ ܡ̣ܢ ܦܘܼܠܚܵܢܹ̈ܐ ܛܵܒܹ̈ܐ: ܘܡ̣ܢ ܐܸܪ̈ܘܵܢܹܐ ܕܥܵܒ̣ܕܵܐ 37 ܗ̄ܘܵܐ. ܘܗ̄ܘܹܠܵܐ ܒܐܵܢܝܼ ܝܘܿܡܵܢܹ̈ܐ ܕܡܪܹܥܠܵܐ ܘܡܸܬܠܵܐ: 38 ܘܡܘܼܣܚܝܼܵܠܘܿܢ ܘܡܘܼܬܒ̣ܵܠܘܿܢ ܓܵܘ [30] ܒܵܠܵܚܵܢܵܐ. ܘܫܡܸܥܠܘܿܢ ܬܲܠܡܝܼܕܹ̈ܐ ܕܟܹܐܦܵܐ ܓܵܘ ܠܘܿܕ ܝܼܗ̄ܘܵܐ: ܗ̇ܝ ܕܝܼܠܵܐ ܕܸܦܢܵܐ ܕܝܘܿܦܹܐ: ܘܫܘܼܕܸܪܘܿܢ ܠܟܸܣܠܹܗ ܬܪܲܝ ܐܢܵܫܹ̈ܐ ܒܸܛܠܵܒܵܐ ܡܸܢܹܗ: 39 ܠܵܐ ܥܲܪܩܸܠ ܠܹܐܬܵܝܵܐ ܠܟܸܣܠܲܢ. ܘܩܸܡܠܹܐ ܟܹܐܦܵܐ ܘܐܙܸܠܹܐ ܥܲܡܵܝ. ܘܟܲܕ ܐܬܹܠܹܐ: ܡܘܼܐܣܸܩܠܘܿܢ ܐܸܠܹܗ [31] ܠܒܵܠܵܚܵܢܵܐ: ܘܟܠܹܠܘܿܢ ܚܵܕܸܪ̈ܘܵܢܘܼܗܝ ܟܠܵܝ ܐܲܪ̈ܡܸܠܝܵܬܹܐ: ܟܲܕ ܒܟ̣ܝܼ ܗ̄ܘܵܘ ܘܡܲܚܙܝܼ ܠܹܗ ܨܘܼܕܪ̈ܵܬܹܐ ܘܓ̰ܘܼ̈ܠܹܐ: ܐܵܢܝܼ ܕܥܵܒ̣ܕܵܐ ܗ̄ܘܵܐ ܐܸܠܵܝ 40 ܕܘܿܪܟܲܣ ܟܲܕ ܥܲܡܵܝ ܗ̄ܘܵܐ. ܐܝܼܢܵܐ ܟܹܐܦܵܐ ܦܘܼܠܸܛܠܹܐ ܠܟܠܵܝ ܠܒܲܕܲܪ: ܘܒܪܸܟ̇ܠܹܐ ܥܲܠ ܒܘܼܪ̈ܟܵܟܘܼܗܝ ܘܨܘܼܠܹܠܹܐ: ܘܕܸܪܹܐ ܠܟܸܣ ܫܠܲܕܵܐ: ܘܐܡܸܪܹܐ: ܛܒ̣ܝܼܬܵܐ ܩܘܼܡ̄ܝ. ܘܗ̇ܝ ܦܬܸܚܠܵܐ 41 ܥܲܝܢܘܼ̈ܗܝ: ܘܟܲܕ ܚܙܹܠܵܐ ܠܟܹܐܦܵܐ: ܝܬܸܒ̣ܠܵܐ. ܘܦܘܼܫܛܵܠܹܐ ܐܸܠܵܗ̇ ܐܝܼܕܹܗ ܘܡܘܼܩܸܡܵܠܹܐ: ܘܩܪܹܠܹܐ ܠܩܲܕܝܼܫܹ̈ܐ ܘܠܲܐܪ̈ܡܸܠܝܵܬܹܐ: 42 ܘܝܸܗܒ̣ܵܠܹܐ ܐܸܠܵܝ ܚܵܝܬܵܐ. ܘܦܸܫܠܵܐ ܝܕܥܝܼܬܵܐ ܐܵܗܵܐ ܓܵܘ ܟܠܵܗ̇ 43 ܝܘܿܦܹܐ: ܘܪܵܒܵܐ ܗܘܼܡܸܢܘܿܢ ܒܡܵܪܲܢ. ܘܗ̄ܘܹܠܵܐ ܕܦܸܫܠܹܐ ܓܵܘ ܝܘܿܦܹܐ ܪܵܒܵܐ ܝܘܿܡܵܢܹ̈ܐ ܠܟܸܣ ܫܸܡܥܘܿܢ ܕܵܒܵܓ̣.

 

ܩܦܠܐܘܢ: ܝ

1 ܐܝܼܢܵܐ ܐܝܼܬ ܗ̄ܘܵܐ ܚܵܕ̄ ܐܢܵܫܵܐ ܓܵܘ ܩܹܣܲܪܝܵܐ: ܕܫܸܡܹܗ ܩܘܼܪܢܹܠܝܼܘܿܣ: ܩܸܢܛܪܘܿܢܵܐ ܕܕܲܣܬܵܐ ܗ̇ܝ ܕܦܝܵܫܵܐ ܝܠܵܐ 2 ܩܪܝܼܬܵܐ ܐܝܼܛܵܠܝܼܩܹ̈ܐ. ܘܙܲܕܝܼܩܵܐ ܗ̄ܘܵܐ ܘܟܹܐ ܙܵܕܸܥ ܗ̄ܘܵܐ ܡ̣ܢ ܐܲܠܵܗܵܐ: ܗ̇ܘ ܘܟܠܹܗ ܒܲܝܬܹܗ: ܘܪܵܒܵܐ ܐܸܪ̈ܘܵܢܹܐ ܟܹܐ ܥܵܒܸܕ ܗ̄ܘܵܐ 3 ܓܵܘ ܛܵܝܸܦܵܐ: ܘܗܲܡܵܫܵܐ ܟܹܐ ܦܲܪܦܸܠ ܗ̄ܘܵܐ ܒܐܲܠܵܗܵܐ. ܐܵܗܵܐ ܚܙܹܠܹܐ ܡܲܠܲܐܟ̣ܵܐ ܕܐܲܠܵܗܵܐ ܒܚܸܙܘܵܐ ܐܲܫܟܵܪܵܐ: ܐܲܝܟ ܣܵܥܲܬ ܕܐܸܬܫܲܥ ܒܐܝܼܡܵܡܵܐ: ܕܐܘܸܪܹܐ ܠܟܸܣܠܹܗ: ܘܐܡܸܪܹܐ ܐܸܠܹܗ: 4 ܩܘܼܪܢܹܠܝܹܐ. ܘܗ̇ܘ ܚܸܪܹܐ ܒܝܹܗ: ܘܙܕܸܥܠܹܐ: ܘܐܡܸܪܹܐ: ܡܘܼܕܝܼ: ܡܵܪܝܼ: ܘܐܡܸܪܹܐ ܐܸܠܹܗ: ܨܠܵܘܵܬܘܼ̈ܟ ܘܐܸܪ̈ܘܵܢܘܼܟ ܐܣܸܩܠܘܿܢ 5 ܠܕܟ̣ܵܪܵܐ ܩܵܕ̄ܡ ܐܲܠܵܗܵܐ. ܘܐܵܕܝܼܵܐ ܫܵܕܸܪ ܐܢܵܫܹ̈ܐ ܠܝܘܿܦܹܐ: 6 ܘܡܲܝܬ̄ܝܼ ܠܫܸܡܥܘܿܢ ܕܦܝܵܫܵܐ ܝܠܹܐ ܩܸܪܝܵܐ ܟܹܐܦܵܐ. ܫܸܪܝܵܐ ܝܠܹܐ ܠܟܸܣ ܫܸܡܥܘܿܢ ܕܲܒܵܓ̣: ܕܒܲܝܬܹܗ ܥܲܠ ܡܲܪܙܵܐ ܕܝܵܡܵܐ ܝܠܹܐ. 7 ܘܟܲܕ ܐܙܸܠܹܐ ܡܲܠܲܐܟ̣ܵܐ ܕܗܘܼܡܙܸܡܠܹܐ ܥܲܡܹܗ: ܩܪܹܠܹܐ ܬܪܲܝ ܡ̣ܢ ܒܢܲܝ̈ ܒܲܝܬܹܗ: ܘܚܵܕ̄ ܣܲܪܒܵܙ ܙܵܕܥܝܵܢܵܐ ܡ̣ܢ ܐܲܠܵܗܵܐ: ܡ̣ܢ ܕܐܵܢܝܼ 8 ܕܟܹܐ ܗܵܘܝܼ ܗ̄ܘܵܘ ܠܟܸܣܠܹܗ. ܘܟܲܕ ܗܘܼܩܹܠܹܐ ܐܸܠܵܝ ܟܠ ܡܸܢܕܝܼ: ܫܘܼܕܪܵܝܠܹܐ ܠܝܘܿܦܹܐ. 9 ܘܒܝܘܿܡܵܐ ܐܚܹܪ̄ܢܵܐ: ܟܲܕ ܐܵܢܝܼ ܒܹܐܙܵܠܵܐ ܗ̄ܘܵܘ ܒܐܘܼܪܚܵܐ: [32] ܘܩܘܼܪܒܸܢܹܐ ܗ̄ܘܵܘ ܠܡܕܝܼܢ̄ܬܵܐ: ܐܣܸܩܠܹܐ ܟܹܐܦܵܐ ܠܐܓܵܪܹܐ 10 ܕܨܵܠܹܐ ܨܠܘܿܬܵܐ: ܐܲܝܟ ܒܣܵܥܲܬ ܕܐܸܫܬ. ܘܟܦܸܢܹܐ: ܘܒܲܥܝܹܐ ܗ̄ܘܵܐ ܠܹܐܟ̣ܵܠܵܐ. ܘܟܲܕ ܐܵܢܝܼ ܗܵܕܘܿܪܹܐ ܗ̄ܘܵܘ: ܢܦܸܠܵܐ 11 ܥܲܠܘܼܗܝ ܒܹܐ ܗܘܼܫܘܼܬܵܐ. ܘܚܙܹܠܹܐ ܫܡܲܝܹ̈ܐ ܦܬܝܼܚܹܐ: ܘܚܵܕ̄ ܡܵܐܢܵܐ ܒܸܨܠܵܝܵܐ: ܐܲܝܟ ܟܸܬܵܢ ܓܘܼܪܵܐ: ܐܣܝܼܪܵܐ ܒܐܲܪܒܲܥ 12 ܩܸܪ̈ܢܝܼܵܬܹܐ: ܘܟ̰ܘܼܢܒܸܠܵܐ ܥܲܠ ܐܲܪܥܵܐ. ܘܐܝܼܬ ܗ̄ܘܵܘ ܓܵܘܹܗ ܟܠܵܝ ܗܲܝܘܵܢܹ̈ܐ ܕܐܲܪܥܵܐ ܕܐܲܪܒܲܥ ܐܲܩܠܹ̈ܐ: ܘܪܸܓ̰ܒܵܐ ܕܐܲܪܥܵܐ: 13 ܘܦܵܪܲܚܬܵܐ ܕܫܡܲܝܵܐ. ܘܩܵܠܵܐ ܐܬܹܠܹܐ ܐܸܠܹܗ: ܟܹܐܦܵܐ: ܩܘܼܡ̄: 14 ܦܪܘܿܡ ܘܐܟ̣ܘܿܠ. ܘܟܹܐܦܵܐ ܐܡܸܪܹܐ: ܚܵܣ ܠܝܼ: ܡܵܪܝܼ: ܣܵܒܵܒ ܗܲܪ ܠܹܐ ܝܘܸܢ ܐܟ̣ܝܼܠܵܐ ܟ̰ܘܼ ܡܸܢܕܝܼ ܕܛܲܡܵܐܐ ܘܠܵܐ 15 ܕܸܟ̣ܝܵܐ. ܘܡܸܕܪܹܐ ܓܵܗܵܐ ܕܬܲܪ̈ܬܹܝ ܩܵܠܵܐ ܗ̄ܘܹܠܹܐ ܠܟܸܣܠܹܗ: 16 ܐܵܢܝܼ ܕܐܲܠܵܗܵܐ ܕܘܼܟܹܠܹܐ ܐܲܢ̄ܬ ܠܵܐ ܡܛܲܡܐܸܬ. ܘܐܵܗܵܐ ܗ̄ܘܹܠܵܐ ܬܠܵܬ̄ ܓܵܗܹ̈ܐ: ܘܕܲܪܣܵܥܲܬ ܦܸܫܠܹܐ ܫܩܝܼܠܵܐ ܡܵܐܢܵܐ ܠܫܡܲܝܵܐ. 17 ܘܟܲܕ ܦܵܝܫܵܐ ܗ̄ܘܵܐ ܡܲܥܬܵܠ ܟܹܐܦܵܐ ܒܓܵܢܹܗ ܕܡܘܼܕܝܼ ܗ̄ܘܵܐ ܚܸܙܘܵܐ ܕܚܙܹܠܹܐ: ܗܵܐ: ܐܵܢܝܼ ܐܢܵܫܹ̈ܐ ܕܦܸܫܠܘܿܢ ܫܘܼܕܪܹܐ ܡ̣ܢ ܩܘܼܪܢܹܠܝܼܘܿܣ: ܒܘܼܩܸܪܘܿܢ ܥܲܠ ܒܲܝܬܵܐ ܕܫܸܡܥܘܿܢ: ܘܟܠܹܠܘܿܢ ܩܵܕ̄ܡ ܬܲܪܥܵܐ. 18 ܘܒܸܩܪܵܝܵܐ ܒܵܩܘܿܪܹܐ ܗ̄ܘܵܘ: ܕܐܸܢ ܫܸܡܥܘܿܢ: ܕܦܝܵܫܵܐ ܝܠܹܐ ܩܸܪܝܵܐ 19 ܟܹܐܦܵܐ: ܠܲܐܟ̣ܵܐ ܫܸܪܝܵܐ ܝܠܹܐ. ܘܟܲܕ ܟܹܐܦܵܐ ܒܸܚܫܵܒ̣ܵܐ ܗ̄ܘܵܐ ܥܲܠ ܚܸܙܘܵܐ: ܐܡܸܪܹܐ ܐܸܠܹܗ ܪܘܼܚܵܐ: ܗܵܐ: ܬܠܵܬ̄ܐ ܐܢܵܫܹ̈ܐ 20 ܒܸܛܲܥܝܵܐ ܝܢܵܐ ܐܸܠܘܼܟ. ܐܝܼܢܵܐ ܩܘܼܡ̄: ܨܠܝܼ: ܘܙܹܠ̄ܐ ܥܲܡܵܝ: ܟܲܕ ܠܵܐ ܦܵܝܸܫ ܕܘܼܒܵܪ ܚܝܼܵܠܘܼܟ: ܣܵܒܵܒ ܐܵܢܵܐ ܫܘܼܕܪܵܝܠܝܼ. 21 ܘܨܠܹܠܹܐ ܟܹܐܦܵܐ ܠܟܸܣ ܐܵܢܝܼ ܐܢܵܫܹ̈ܐ: ܘܐܡܸܪܹܐ ܐܸܠܵܝ: ܗܵܐ: ܐܵܢܵܐ ܝܘܸܢ ܗ̇ܘ ܕܒܸܛܲܥܝܵܐ ܝܬܘܿܢ ܐܸܠܹܗ: ܡܘܼܕܝܼ ܝܠܵܐ ܗܲܓ̰ܲܬ 22 ܕܒܘܼܬ ܕܝܼܵܗ̇ ܐܬܹܠܵܘܟ̣ܘܿܢ. ܐܵܡܪܝܼ ܐܸܠܹܗ: ܩܘܼܪܢܹܠܝܼܘܿܣ ܩܸܢܛܪܘܿܢܵܐ: ܐܢܵܫܵܐ ܙܲܕܝܼܩܵܐ ܘܕܟܹܐ ܙܵܕܸܥ ܡ̣ܢ ܐܲܠܵܗܵܐ: ܘܟܹܐ ܣܵܗܸܕ ܒܵܗ̄ܣܹܗ ܟܠܹܗ ܛܵܝܸܦܵܐ ܕܝܗ̄ܘܼܕܵܝܹ̈ܐ: ܦܸܫܠܹܐ ܐܡܝܼܪܵܐ ܐܸܠܹܗ ܒܚܸܙܘܵܐ ܡ̣ܢ ܡܲܠܲܐܟ̣ܵܐ ܩܲܕܝܼܫܵܐ: ܕܫܵܕܸܪ ܡܲܐܘܸܪܘܼܟ ܠܒܲܝܬܹܗ: 23 ܘܫܲܡܸܥ ܗܹܡܸܙܡܵܢܹ̈ܐ ܡܸܢܘܼܟ. ܘܡܘܼܐܘܸܪܵܝܠܹܐ ܘܡܘܼܫܪܝܼܵܝܠܹܐ ܘܒܝܘܿܡܵܐ ܐܚܹܪ̄ܢܵܐ ܐܙܸܠܹܐ ܥܲܡܵܝ: ܘܐܙܸܠܘܿܢ ܥܲܡܗ ܚܲܟܡܵܐ 24 ܡ̣ܢ ܐܵܚܘܿܢܘܵܬܹ̈ܐ ܕܝܘܿܦܹܐ. ܘܒܝܘܿܡܵܐ ܐܚܹܪ̄ܢܵܐ ܐܘܸܪܘܿܢ ܠܩܹܣܲܪܝܵܐ. ܘܩܘܼܪܢܹܠܝܼܘܿܣ ܒܸܣܦܵܪܵܐ ܗ̄ܘܵܐ ܐܸܠܵܝ: ܟܲܕ ܓ̰ܸܡܥܝܹܐ ܠܟܸܣܠܹܗ 25 ܚܸܙܡܘܼ̈ܗܝ ܘܕܵܘܣܬܹ̈ܗ ܡܘܼܚܸܒܵܐ. ܘܟܲܕ ܒܹܐܘܵܪܵܐ ܗ̄ܘܵܐ ܟܹܐܦܵܐ: ܬܦܸܩܠܹܐ ܒܝܹܗ ܩܘܼܪܢܹܠܝܼܘܿܣ: ܘܢܦܸܠܹܐ ܣܓܸܕܠܹܐ ܩܵܕ̄ܡ 26 ܐܲܩܠܘܼ̈ܗܝ. ܘܟܹܐܦܵܐ ܡܘܼܩܸܡܠܹܗ: ܘܐܡܸܪܹܐ ܐܸܠܹܗ: ܩܘܼܡ̄ ܠܘܼܟ: 27 ܐܘܼܦ ܐܵܢܵܐ ܒܲܪܢܵܫܵܐ ܝܘܸܢ. ܘܟܲܕ ܗܲܡܙܘܼܡܹܐ ܗ̄ܘܵܐ ܥܲܡܹܗ: ܐܘܸܪܹܐ 28 ܘܡܘܼܫ̄ܟ̰ܸܚܠܹܐ ܪܵܒܵܐ ܕܐܬܝܹܐ ܗ̄ܘܵܘ ܬܵܡܵܐ. ܘܐܡܸܪܹܐ ܐܸܠܵܝ: ܐܲܚܬܘܿܢ ܒܝܼܕܲܥܝܵܐ ܝܬܘܿܢ ܕܠܹܐ ܝܠܵܐ ܒܕܲܣܬܘܼܪ ܠܐܢܵܫܵܐ ܝܗ̄ܘܼܕܵܝܵܐ ܕܬܲܒܸܥ ܝܲܢ ܐܵܬܹܐ ܠܟܸܣ ܐܢܵܫܵܐ ܡ̣ܢ ܡܸܠܲܬ ܢܘܼܟ̣ܪܵܝܬܵܐ: ܘܐܸܠܝܼ ܡܘܼܚܙܹܠܹܐ ܐܲܠܵܗܵܐ ܕܠܵܐ ܐܵܡܪܸܢ ܥܲܠ ܐܢܵܫܵܐ: ܛܲܡܵܐܐ ܝܲܢ 29 ܠܵܐ ܕܸܟ̣ܝܵܐ. ܣܵܒܵܒ ܕܐܵܗܵܐ ܒܗܵܙܹܪܘܼܬܵܐ ܐܬܹܠܝܼ ܟܲܕ ܫܘܼܕܸܪܵܘܟ̣ܘܿܢ ܒܵܬ̄ܪܝܼ. ܒܲܣ ܒܵܩܘܿܪܹܐ ܝܘܸܢ ܡܸܢܵܘܟ̣ܘܿܢ: ܒܘܼܬ 30 ܡܘܼܕܝܼ ܫܘܼܕܸܪܵܘܟ̣ܘܿܢ ܒܵܬ̄ܪܝܼ. ܘܐܡܸܪܹܐ ܐܸܠܹܗ ܩܘܼܪܢܹܠܝܼܘܿܣ: ܐܲܪܒܥܵܐ ܝܘܿܡܵܢܹ̈ܐ ܐܝܼܬ ܗܲܠ ܐܵܗܵܐ ܣܵܥܲܬ: [33] ܒܣܵܥܲܬ ܕܐܸܬܫܲܥ ܟܲܕ ܨܵܠܘܿܝܹܐ ܝܘܸܢ ܗ̄ܘܵܐ ܓܵܘ ܒܲܝܬܝܼ: ܗܵܐ: ܟܠܹܠܹܐ ܚܵܕ̄ ܐܢܵܫܵܐ 31 ܩܵܕ̄ܡܝܼ ܒܠܸܒܫܬܵܐ ܡܲܒܪܸܩܵܢܬܵܐ. ܘܐܡܸܪܹܐ: ܩܘܼܪܢܹܠܝܹܐ: ܦܸܫܠܵܐ ܫܡܥܝܼܬܵܐ ܨܠܘܿܬܘܼܟ: ܘܠܸܐܪ̈ܘܵܢܘܼܟ ܕܟ̣ܵܪܵܐ ܗ̄ܘܹܠܹܐ ܩܵܕ̄ܡ 32 ܐܲܠܵܗܵܐ. ܫܵܕܸܪ ܗܲܕܟ̣ܵܐ ܠܝܘܼܦܹܐ: ܘܡܝܬ̄ܝ ܠܫܸܡܥܘܿܢ ܕܦܝܵܫܵܐ ܝܠܹܐ ܩܸܪܝܵܐ ܟܹܐܦܵܐ: ܫܸܪܝܵܐ ܝܠܹܐ ܓܵܘ ܒܲܝܬܹܗ ܕܫܸܡܥܘܿܢ ܕܲܒܵܓ̣: ܕܥܲܠ ܡܲܪܙܹܗ ܕܝܵܡܵܐ: [34] ܘܗ̇ܘ ܒܸܬ ܐܵܬܹܐ ܘܗܲܡܙܸܡ ܥܲܡܘܼܟ. 33 ܕܲܪܣܵܥܲܬ ܗܲܕܟ̣ܵܐ ܫܘܼܕܸܪܝܼ ܠܟܸܣܠܘܼܟ: ܘܐܲܢ̄ܬ ܨܦܵܝܝܼ ܥܒܸܕܠܘܼܟ ܕܐܬܹܠܘܼܟ: ܘܐܵܕܝܼܵܐ ܐܲܚܢܲܢ ܟܠܲܢ ܩܵܕ̄ܡ ܐܲܠܵܗܵܐ ܝܘܵܚ: ܕܫܲܡܥܵܚ ܟܠ ܡܸܢܕܝܼ ܕܦܸܫܠܹܐ ܦܩܝܼܕܵܐ ܐܸܠܘܼܟ ܡ̣ܢ ܠܟܸܣ ܡܵܪܝܵܐ.

34 ܘܦܬܸܚܠܹܐ ܟܹܐܦܵܐ ܦܘܼܡܹܗ ܘܐܡܸܪܹܐ: ܒܣܲܪܲܣܬܘܼܬܵܐ ܦܲܪܡܘܼܝܹܐ ܝܘܸܢ ܕܐܲܠܵܗܵܐ ܠܹܐ ܝܠܹܐ ܚܵܙܝܵܢܵܐ 35 ܕܦܵܬܵܐ. ܐܸܠܵܐ ܒܟܠܵܝ ܛܵܝܸܦܹ̈ܐ ܗ̇ܘ ܕܙܵܕܸܥ ܡܸܢܹܗ ܘܦܵܠܸܚ 36 ܟܹܐܢܘܼܬܵܐ ܩܘܼܒ̇ܠܵܐ ܝܠܹܐ ܠܟܸܣܠܹܗ. ܗ̇ܝ ܗܹܡܸܙܡܵܢ ܕܫܘܼܕܸܪܹܐ ܠܒܢܲܝ̈ ܝܼܣܪܵܝܹܠ: ܘܡܘܼܫܚܸܕܠܹܐ ܐܸܠܵܝ ܫܠܵܡܵܐ ܒܝܸܕ ܝܼܫܘܿܥ 37 ܡܫܝܼܚܵܐ. ܗ̇ܘ ܝܼܠܹܐ ܡܵܪܝܵܐ ܕܟܠ. ܗ̇ܝ ܗܹܡܸܙܡܵܢ ܐܘܼܦ ܐܲܚܬܘܿܢ ܒܝܼܕܲܥܝܵܐ ܝܬܘܿܢ: ܕܗ̄ܘܹܠܵܐ ܒܟܠܵܗ̇ ܝܼܗܘܼܕ: ܟܲܕ ܫܘܼܪܹܠܵܐ ܡ̣ܢ ܓܠܝܼܠܵܐ: ܡܒܵܬ̄ܪ ܡܲܥܡܘܿܕܝܼܬܵܐ ܕܡܘܼܟܪܸܙܠܹܐ 38 ܝܘܿܚܲܢܵܢ. ܒܵܗ̄ܣ ܕܝܼܫܘܿܥ ܕܡ̣ܢ ܢܵܨܪܲܬ: ܕܵܐܟ̣ܝܼ ܐܲܠܵܗܵܐ ܡܫܸܚܠܹܗ ܒܪܘܼܚܵܐ ܕܩܘܼܕܫܵܐ ܘܒܚܲܝܠܵܐ: ܘܗ̇ܘ ܒܸܚܕܵܪܵܐ ܗ̄ܘܵܐ ܘܒܸܥܒ̣ܵܕܵܐ ܛܵܒ̣ܬܵܐ: ܘܒܵܣܘܿܡܹܐ ܠܟܠܵܝ ܕܦܸܫܠܘܿܢ ܙܠܝܼܡܹܐ ܡ̣ܢ 39 ܒܝܼܫܵܐ: ܣܵܒܵܒ ܐܲܠܵܗܵܐ ܥܲܡܹܗ ܗ̄ܘܵܐ. ܘܐܲܚܢܲܢ ܣܵܗܕܹ̈ܗ ܝܘܵܚ ܥܲܠ ܟܠ ܡܸܢܕܝܼ ܕܥܒܸܕܠܹܐ ܒܐܲܪܥܵܐ ܕܝܼܗܘܼܕ ܘܒܐܘܿܪܸܫܠܸܡ: 40 ܗܲܪ ܠܐܵܗܵܐ ܬܠܹܠܘܿܢ ܥܲܠ ܩܲܝܣܵܐ ܘܩܛܸܠܘܿܢ. ܘܐܸܠܹܗ ܡܘܼܩܸܡܠܹܐ ܐܲܠܵܗܵܐ ܒܝܘܿܡܵܐ ܕܬܠܵܬ̄ܐ: ܘܝܸܗܒܸܠܹܗ ܕܦܵܝܸܫ 41 ܓܸܠܝܵܐ. ܠܵܐ ܠܟܠܹܗ ܛܵܝܸܦܵܐ: ܐܸܠܵܐ ܐܸܠܲܢ: ܐܵܢܝܼ ܕܡ̣ܢ ܐܲܠܵܗܵܐ ܩܵܕ̄ܡܵܝܬܵܐ ܦܸܫܠܲܢ ܓܘܼܒ̇ܝܹܐ ܣܵܗܕܹ̈ܐ: ܕܐܟܸܠܲܢ ܘܫܬܹܠܲܢ ܥܲܡܹܗ ܡ̣ܢ 42 ܒܵܬ̄ܪ ܩܝܵܡܬܹܗ ܡ̣ܢ ܡܝܼܬܹ̈ܐ. ܘܩܲܡ ܦܵܩܸܕ ܠܲܢ ܕܡܲܟܪܸܙܵܚ ܘܣܵܗܕܵܚ ܠܛܵܝܸܦܵܐ: ܕܐܵܗܵܐ ܝܠܹܐ ܗ̇ܘ ܕܦܸܫܠܹܐ ܦܪܝܼܫܵܐ ܡ̣ܢ 43 ܐܲܠܵܗܵܐ: ܕܲܝܵܢܵܐ ܕܚܵܝܹ̈ܐ ܘܕܡܝܼܬܹ̈ܐ. ܘܒܵܗ̄ܣܹܗ ܣܗܸܕܠܘܿܢ ܟܠܵܝ ܢܒ̣̈ܝܹܐ: ܕܟܠ ܡ̇ܢ ܕܗܲܡܸܢ ܒܝܹܗ ܩܵܒܸ̇ܠ ܒܝܸܕ ܫܸܡܹܗ ܫܒ̣ܵܩܵܐ ܕܚܛܝܼܵܬܹ̈ܐ. 44 ܘܟܲܕ ܟܹܐܦܵܐ ܗܲܡܙܘܼܡܹܐ ܗ̄ܘܵܐ ܐܲܢܹܐ ܗܹܡܸܙܡܵܢܹ̈ܐ: ܫܪܹܠܵܐ ܪܘܼܚܵܐ ܕܩܘܼܕܫܵܐ ܥܲܠ ܟܠܵܝ ܐܵܢܝܼ ܕܒܸܫܡܲܥܝܵܐ ܗ̄ܘܵܘ ܗܹܡܸܙܡܵܢ. 45 ܘܥܘܼܓ̰ܸܒܠܘܿܢ ܡܗܘܼܡܢܹ̈ܐ ܓܙܝܼܪܹ̈ܐ: ܐܵܢܝܼ ܕܐܬܹܠܘܿܢ ܥܲܡ ܟܹܐܦܵܐ: ܕܐܘܼܦ ܥܲܠ ܛܵܝܸܦܹ̈ܐ ܚܲܠܲܥܬ ܕܪܘܼܚܵܐ ܕܩܘܼܕܫܵܐ ܦܸܫܠܵܐ 46 ܫܘܼܦܸܟ̣ܬܵܐ. ܣܵܒܵܒ ܕܒܸܫܡܲܥܝܵܝ ܗ̄ܘܵܘ ܟܲܕ ܗܲܡܙܘܼܡܐ ܒܠܸܫܵܢܵܐ ܠܸܫܵܢܵܐ: ܘܝܵܗ̄ܒ̣ܝܼ ܗ̄ܘܵܘ ܓܘܼܪܘܼܬܵܐ ܠܐܲܠܵܗܵܐ. ܗ̇ܝܓܵܗ ܓ̰ܘܼܘܸܒܠܹܐ 47 ܟܹܐܦܵܐ. ܟܹܐ ܡܵܨܹܐ ܐܢܵܫܵܐ ܡܲܟܠܹܐ ܡ̈ܝܼܵܐ ܕܠܵܐ ܥܲܡܕܝܼ ܐܲܢܹܐ: 48 ܕܩܘܼܒܸܠܘܿܢ ܪܘܼܚܵܐ ܕܩܘܼܕܫܵܐ ܐܲܝܟ ܕܐܘܼܦ ܐܲܚܢܲܢ. ܗ̇ܝܓܵܗ ܦܩܝܼܕܵܝܠܹܐ ܕܥܵܡܕܝܼ ܒܫܸܡܹܗ ܕܝܼܫܘܿܥ ܡܫܝܼܚܵܐ: ܘܒܸܥܠܘܿܢ ܡܸܢܹܗ ܕܥܲܪܩܸܠ ܚܲܟܡܵܐ ܝܘܿܡܵܢܹ̈ܐ.

 

ܩܦܠܐܘܢ: ܝܐ

1 ܘܦܸܫܠܵܐ ܫܡܥܝܼܬܵܐ ܠܫܠܝܼܚܹ̈ܐ ܘܠܵܐܚܘܿܢܘܵܬܹ̈ܐ: ܕܝܼܗ̄ܘܵܘ ܓܵܘ ܝܼܗܘܼܕ: ܕܐܘܼܦ ܛܵܝܸܦܹ̈ܐ ܩܘܼܒܠܹܐ ܗ̄ܘܵܘ ܗܹܡܸܙܡܵܢ ܕܐܲܠܵܗܵܐ. 2 ܘܟܲܕ ܐܣܸܩܠܹܐ ܟܹܐܦܵܐ ܠܐܘܿܪܸܫܠܸܡ: ܕܵܪܫܝܼ ܗ̄ܘܵܘ ܥܲܡܹܗ ܐܵܢܝܼ 3 ܕܡ̣ܢ ܓܙܘܼܪܬܵܐ. ܟܲܕ ܐܵܡܪܝܼ: ܠܟܸܣ ܐܢܵܫܹ̈ܐ ܥܘܼܪ̈ܠܹܐ 4 ܐܘܸܪܘܿܟ: ܘܐܟܸܠܘܼܟ ܥܲܡܵܝ. ܘܫܘܼܪܹܠܹܐ ܟܹܐܦܵܐ ܒܪܹܐܙܵܐ: 5 ܘܗܘܼܩܹܠܹܐ ܐܸܠܵܝ ܒܹܐܡܵܪܵܐ. ܐܵܢܵܐ ܨܵܠܘܿܝܹܐ ܝܘܸܢ ܗ̄ܘܵܐ ܒܝܘܿܦܹܐ ܡܕܝܼܢ̄ܬܵܐ: ܘܚܙܹܠܝܼ ܚܸܙܘܵܐ ܒܒܹܐ ܗܘܼܫܘܼܬܵܐ: ܚܵܕ̄ ܡܵܐܢܵܐ ܒܸܨܠܵܝܵܐ ܕܕܵܡܹܐ ܗ̄ܘܵܐ ܠܟܸܬܵܢ ܓܘܼܪܵܐ: ܟ̰ܘܼܢܒܸܠܵܐ ܒܐܲܪܒܲܥ ܩܸܪ̈ܢܝܼܵܬܘܼܗܝ 6 ܡ̣ܢ ܫܡܲܝܵܐ: ܘܐܬܹܠܹܐ ܗܲܠ ܠܟܸܣܠܝܼ. ܘܚܸܪܝܼ ܒܝܹܗ: ܘܬܘܼܚܡܸܢܝܼ: ܘܚܙܹܠܝܼ ܗܲܝܘܵܢܹ̈ܐ ܕܐܲܪܒܲܥ ܐܲܩܠܹ̈ܐ ܕܐܲܪܥܵܐ ܘܕܵܒܹ̈ܐ 7 ܘܪܸܓ̰ܒܵܐ ܕܐܲܪܥܵܐ ܘܐܘܼܦ ܦܵܪܲܚܬܵܐ ܕܫܡܲܝܵܐ. ܘܫܡܸܥܠܝܼ ܩܵܠܵܐ 8 ܒܹܐܡܵܪܵܐ ܐܸܠܝܼ: ܟܹܐܦܵܐ: ܩܘܼܡ̄: ܦܪܘܿܡ ܘܐܟ̣ܘܿܠ. ܘܐܡܸܪܝ: ܚܵܣ ܠܝܼ: ܡܵܪܝܼ: ܣܵܒܵܒ ܗܲܪ ܠܵܐ ܐܘܸܪܹܐ ܠܦܘܼܡܝܼ ܟ̰ܘܼ ܡܸܢܕܝܼ 9 ܛܲܡܵܐܐ ܘܠܵܐ ܕܸܟ̣ܝܵܐ. ܘܓܵܗܵܐ ܕܬܲܪ̈ܬܹܝ ܩܵܠܵܐ ܓ̰ܘܼܘܸܒܠܹܐ ܐܸܠܝܼ ܡ̣ܢ ܫܡܲܝܵܐ: ܡܸܢܕܝܼ ܕܐܲܠܵܗܵܐ ܕܘܼܟܹܠܹܐ: ܐܲܢ̄ܬ ܠܵܐ ܡܛܲܡܐܸܬ. 10 ܐܵܗܵܐ ܗ̄ܘܹܠܵܐ ܬܠܵܬ̄ ܓܵܗܹ̈ܐ: ܘܡܸܕܪܹܐ ܦܸܫܠܹܐ ܡܘܼܐܣܩܵܐ ܟܠܹܗ 11 ܡܸܢܕܝܼ ܠܫܡܲܝܵܐ. ܘܗܵܐ: ܒܗ̇ܝ ܣܵܥܲܬ ܬܠܵܬ̄ܐ ܐܢܵܫܹ̈ܐ: ܕܦܸܫܠܘܿܢ ܫܘܼܕܪܹܐ ܠܟܸܣܠܝܼ ܡ̣ܢ ܩܹܣܵܪܝܵܐ: ܟܠܹܠܘܿܢ 12 ܩܵܕ̄ܡ ܒܲܝܬܵܐ ܕܓܵܘܹܗ ܝܘܸܢ ܗ̄ܘܵܐ. ܘܐܡܸܪܹܐ ܐܸܠܝܼ ܪܘܼܚܵܐ: ܕܐܵܙܸܠ̄ܢ ܥܲܡܵܝ ܕܠܵܐ [35] ܕܘܼܒܵܪܘܼܬܵܐ. ܘܐܬܹܠܘܿܢ ܥܲܡܝܼ ܐܘܼܦ ܐܲܢܹܐ 13 ܐܸܫܬܵܐ ܐܵܚܘܿܢܘܵܬܹ̈ܐ: ܘܐܘܸܪܲܢ ܠܒܲܝܬܹܗ ܕܗ̇ܘ ܐܢܵܫܵܐ. ܘܗܘܼܩܹܠܹܐ ܐܸܠܲܢ ܕܵܐܟ̣ܝܼ ܚܙܹܠܹܐ ܒܒܲܝܬܹܗ ܡܲܠܲܐܟ̣ܵܐ ܕܟܠܹܠܹܐ ܘܐܡܸܪܹܐ: ܫܵܕܸܪ ܠܝܘܿܦܹܐ: ܘܡܲܝܬ̄ܝ ܠܫܸܡܥܘܿܢ: ܕܦܝܵܫܵܐ ܝܠܹܐ ܩܸܪܝܵܐ 14 ܟܹܐܦܵܐ. ܘܗ̇ܘ ܒܸܬ ܗܲܡܙܸܡ ܥܲܡܘܼܟ ܗܹܡܸܙܡܵܢܹ̈ܐ ܕܒܝܼܵܝ ܒܸܬ 15 [36] ܚܲܝܸܬ: ܐܲܢ̄ܬ ܘܟܠܹܗ ܒܲܝܬܘܼܟ. ܘܟܲܕ ܫܘܼܪܹܠܝܼ ܠܗܲܡܙܘܼܡܹܐ: ܫܪܹܠܵܐ ܪܘܼܚܵܐ ܕܩܘܼܕܫܵܐ ܥܲܠܵܝ: ܕܵܐܟ̣ܝܼ ܕܥܲܠܲܢ 16 ܒܫܘܼܪܵܝܵܐ. ܘܕܟܸܪܝܼ ܗܹܡܸܙܡܵܢܹܗ ܕܡܵܪܲܢ: ܕܐܡܝܼܪܵܐ ܗ̄ܘܵܐ: ܝܘܿܚܲܢܵܢ ܡܘܼܥܡܸܕܠܹܐ ܒܡ̈ܝܼܵܐ: ܐܝܼܢܵܐ ܐܲܚܬܘܿܢ ܒܸܬ ܥܵܡܕܝܼܬܘܿܢ 17 ܒܪܘܼܚܵܐ ܕܩܘܼܕܫܵܐ. ܐܸܢ ܗܲܕܟ̣ܵܐ ܐܲܠܵܗܵܐ ܝܸܗܒ̣ܵܠܹܐ ܗܲܪ ܗ̇ܝ ܚܲܠܥܬ ܠܐܵܢܝܼ ܐܲܝܟ ܕܐܘܼܦ ܐܸܠܲܢ: ܐܝܼܡܲܢ ܕܗܘܼܡܸܢܲܢ ܒܡܵܪܲܢ ܝܼܫܘܿܥ ܡܫܝܼܚܵܐ: ܐܵܢܵܐ ܡܵܢܝܼ ܝܘܸܢ ܗ̄ܘܵܐ ܕܡܵܨܸܢ ܗ̄ܘܵܐ ܠܡܲܟܠܘܼܝܹܐ 18 ܠܐܲܠܵܗܵܐ. ܘܟܲܕ ܫܡܸܥܠܘܿܢ ܐܲܢܹܐ ܗܹܡܸܙܡܵܢܹ̈ܐ: ܫܠܹܠܘܿܢ: ܘܫܘܼܒܸܚܠܘܿܢ ܠܐܲܠܵܗܵܐ: ܒܹܐܡܵܪܵܐ: ܒܲܣ ܐܘܼܦ ܠܛܵܝܸܦܹ̈ܐ ܝܸܗܒܸܠܹܐ ܐܲܠܵܗܵܐ ܬܝܵܒ̣ܘܼܬܵܐ ܠܚܲܝܹ̈ܐ. 19 ܐܝܼܢܵܐ ܐܵܢܝܼ ܕܦܝܫܹܐ ܗ̄ܘܵܘ ܒܘܼܪܒܸܙܹܐ ܡ̣ܢ ܐܘܼܠܨܵܢܵܐ ܕܗ̄ܘܹܠܹܐ ܥܲܠ ܐܸܣܛܲܦܵܢܘܿܣ: ܡܛܹܠܘܿܢ ܗܲܠ ܦܹܘܢܝܼܩܹܐ: ܘܩܸܘܦܪܘܿܣ: ܘܐܵܢܛܝܘܼܟ̣ܝ: ܟܲܕ ܥܲܡ ܐܢܵܫܵܐ ܠܹܐ ܗܲܡܙܸܡܝܼ ܗ̄ܘܵܘ ܗܹܡܸܙܡܵܢ: 20 ܐܸܠܵܐ ܗܲܪ ܥܲܡ ܝܗ̄ܘܼܕܵܝܹ̈ܐ. ܐܝܼܢܵܐ ܐܝܼܬ ܗ̄ܘܵܘ ܡܸܢܵܝ ܐܢܵܫܹ̈ܐ ܡ̣ܢ ܩܸܘܦܪܘܿܣ ܘܡ̣ܢ ܩܸܘܪܝܼܢܹܐ: ܐܲܢܹܐ ܕܟܲܕ ܐܘܸܪܘܿܢ ܠܐܵܢܛܝܘܿܟ̣ܝ ܗܘܼܡܙܸܡܠܘܿܢ ܥܲܡ ܝܗܘܼܕܵܝܹ̈ܐ ܕܡ̣ܢ ܝܵܘܢܵܝܹ̈ܐ: ܡܲܫܚܘܼܕܹܐ ܡܵܪܲܢ 21 ܝܼܫܘܿܥ. ܘܐܝܼܕܹܗ ܕܡܵܪܝܵܐ ܥܲܡܵܝ ܗ̄ܘܵܐ: ܘܡܸܢܝܵܢܵܐ ܪܵܒܵܐ ܗܘܼܡܸܢܘܿܢ 22 ܘܕܸܪܘܿܢ ܠܟܸܣ ܡܵܪܝܵܐ. ܘܦܸܫܠܹܐ ܫܸܡܥܝܵܐ ܚܲܒ̇ܪܵܐ ܒܵܗ̄ܣ ܕܐܲܢܹܐ ܠܢܵܬܝܵܬܹ̈ܐ ܕܥܹܕܬܵܐ ܕܓܵܘ ܐܘܿܪܸܫܠܸܡ: ܘܫܘܼܕܸܪܘܵܢ ܠܒܲܪܢܒ̣ܵܐ 23 ܗܲܠ ܐܵܢܛܝܘܿܟ̣ܝ. ܘܟܲܕ ܐܬܹܠܹܐ ܠܬܵܡܵܐ ܘܚܙܹܠܹܐ ܫܵܦܵܩܲܬܹܗ ܕܐܲܠܵܗܵܐ: ܚܕܹܠܹܐ: ܘܦܲܪܦܸܠ ܗ̄ܘܵܐ ܒܟܠܵܝ: ܕܒܡܲܛܠܲܒ 24 ܕܠܸܒܵܐ ܗܵܘܝܼ ܬܸܒܥܝܹܐ ܠܡܵܪܲܢ. ܣܵܒܵܒ ܐܢܵܫܵܐ ܛܵܒ̣ܵܐ ܗ̄ܘܵܐ: ܘܡܸܠܝܵܐ ܡ̣ܢ ܪܘܼܚܵܐ ܕܩܘܼܕܫܵܐ: ܘܡ̣ܢ ܗܲܝܡܵܢܘܼܬܵܐ: ܘܦܸܫܠܹܐ 25 ܡܘܼܙܝܸܕܵܐ ܪܵܒܵܐ ܛܵܝܸܦܵܐ ܠܡܵܪܲܢ. ܘܦܠܸܛܠܹܐ ܗ̇ܘ ܠܛܵܪܣܘܿܣ 26 ܠܸܛܲܥܝܵܐ ܠܫܵܐܘܿܠ. ܘܟܲܕ ܡܘܼܫ̄ܟ̰ܸܚܠܹܗ: ܡܘܼܬ̄ܝܹܠܹܗ ܥܲܡܹܗ ܠܐܵܢܛܝܘܟ̣ܝ: ܘܟܠܵܗ̇ ܫܹܢ̄ܬܵܐ [37] ܡܸܚܕܵܕܹ̈ܐ ܓ̰ܸܡܥܝܹܐ ܗ̄ܘܵܘ ܒܥܹܕܬܵܐ: ܘܡܘܼܠܸܦܠܘܿܢ ܪܵܒܵܐ ܛܵܝܸܦܵܐ. ܘܬܲܠܡܝܼܕܹ̈ܐ ܩܵܕ̄ܡܵܝܬܵܐ ܦܸܫܠܘܿܢ ܩܸܪܝܹܐ ܟܪܸ̈ܣܛܝܵܢܹܐ ܓܵܘ ܐܵܢܛܝܘܿܟ̣ܝ. 27 ܘܒܵܐܢܝܼ ܝܘܿܡܵܢܹ̈ܐ ܐܬܹܠܘܿܢ ܡ̣ܢ ܐܘܿܪܸܫܠܸܡ ܠܐܵܢܛܝܘܿܟ̣ܝ 28 ܢܒ̣̈ܝܹܐ. ܘܩܸܡܠܹܐ ܚܵܕ̄ ܡܸܢܵܝ ܕܫܸܡܹܗ ܐܵܓ̣ܵܒ̣ܘܿܣ: ܡܘܕܸܥܝܵܝܠܹܐ ܒܪܘܼܚܵܐ: ܕܟܸܦܢܵܐ ܓܘܼܪܵܐ ܒܸܬ ܗܵܘܹܐ ܗ̄ܘܵܐ ܒܟܠܵܗ̇ ܕܘܼܢܝܹܐ: ܗ̇ܘ ܕܗ̄ܘܹܠܹܐ ܒܝܘܿܡܵܢܹ̈ܐ ܕܩܠܵܘܕܝܼܘܿܣ: 29 ܘܬܲܠܡܝܼܕܹ̈ܐ: ܐܲܝܟ ܕܐܝܼܬ ܗ̄ܘܵܐ ܡܸܢܕܝܼ ܠܟܠ ܐܢܵܫܵܐ ܡܸܢܵܝ: ܦܪܸܫܠܘܿܢ ܕܫܵܕܪܝܼ ܠܚܸܠܡܲܬ ܕܐܵܚܘܿܢܘܵܬܹ̈ܐ: ܐܵܢܝܼ ܕܥܡܝܼܪܹܐ 30 ܗ̄ܘܵܘ ܓܵܘ ܝܼܗܘܼܕ. ܘܐܵܗܵܐ ܥܒܸܕܠܘܿܢ ܟܲܕ ܫܘܼܕܸܪܘܿܢ ܒܝܸܕ ܒܲܪܢܒ̣ܵܐ ܘܫܵܐܘܿܠ ܠܟܸܣ ܚܘܵܪ̈ܕܸܩܢܹܐ.

 

ܩܦܠܐܘܢ: ܝܒ

1 ܐܝܼܢܵܐ ܐܲܝܟ ܒܗ̇ܘ ܙܲܒ̣ܢܵܐ ܗܹܪܘܿܕܸܣ ܡܲܠܟܵܐ ܕܪܹܠܹܐ ܐܝܼܕܵܬܹ̈ܐ 2 ܥܲܠ ܐܢܵܫܹ̈ܐ ܕܒܥܹܕܬܵܐ ܠܸܥܒ̣ܵܕܵܐ ܒܝܼܫܬܵܐ ܐܸܠܵܝ. ܘܩܛܸܠܹܐ 3 ܒܣܲܝܦܵܐ ܠܝܲܥܩܘܿܒ̣ ܐܵܚܘܿܢܹܗ ܕܝܘܿܚܲܢܵܢ. ܘܟܲܕ ܚܙܹܠܹܐ ܕܫܦܸܪܵܐ ܐܵܗܵܐ ܠܝܗ̄ܘܼܕܵܝܹ̈ܐ: ܡܘܼܙܝܸܕܠܹܐ ܠܸܕܒ̣ܵܩܵܐ ܐܘܼܦ ܠܟܹܐܦܵܐ. 4 ܘܝܘܿܡܵܢܹ̈ܐ ܕܦܲܛܝܼܪܹ̈ܐ ܗ̄ܘܵܘ. ܘܕܒܸܩܠܹܗ ܘܕܪܹܠܹܗ ܓܵܘ ܒܹܝܬ ܐܲܣܝܼܪܹ̈ܐ: ܘܣܘܼܦܹܠܹܗ ܠܐܸܫܬܲܥܣܲܪ ܣܲܪ̈ܒܵܙܹܐ ܕܢܵܛܪܝܼ ܠܹܗ: ܟܲܕ ܒܸܥܠܹܐ ܕܡ̣ܢ ܒܵܬ̄ܪ ܦܸܨܚܵܐ ܣܵܦܹܐ ܗ̄ܘܵܐ ܠܹܗ ܠܛܵܝܸܦܵܐ. 5 ܘܟܲܕ ܟܹܐܦܵܐ ܦܝܵܫܵܐ ܗ̄ܘܵܐ ܚܘܼܡܝܵܐ ܓܵܘ ܒܹܝܬ ܐܲܣܝܼܪܹ̈ܐ: ܨܠܘܿܬܵܐ ܒܚܲܡܘܼܬܵܐ ܦܝܵܫܵܐ ܗ̄ܘܵܐ ܡܘܼܩܪܸܒ̣ܬܵܐ ܡ̣ܢ ܥܹܕܬܵܐ 6 ܡܒܵܕܵܠܹܗ ܠܐܲܠܵܗܵܐ. ܘܗܲܪ ܒܗ̇ܘ ܠܲܝܠܹܐ ܕܗܕܝܼܪܵܐ ܗ̄ܘܵܐ ܗܹܪܘܿܕܸܣ ܕܣܵܦܹܐ ܠܹܗ: ܕܡܝܼܟ̣ܵܐ ܗ̄ܘܵܐ ܟܹܐܦܵܐ ܒܹܝܠ ܬܪܲܝ ܣܲܪ̈ܒܵܙܹܐ: ܘܐܣܝܼܪܵܐ ܗ̄ܘܵܐ ܒܬܲܪ̈ܬܹܝ ܫܹܫܸܠܝܵܬܹ̈ܐ: ܘܢܵܛܘܿܪܹ̈ܐ 7 ܩܵܕ̄ܡ ܬܲܪ̈ܥܵܢܹܐ ܒܸܢܛܵܪܵܐ ܗ̄ܘܵܘ ܒܹܝܬ ܐܲܣܝܼܪܹ̈ܐ. ܘܗܵܐ: ܡܲܠܲܐܟ̣ܵܐ ܕܡܵܪܝܵܐ ܟܠܹܠܹܐ ܠܥܸܠܸܠ ܡܸܢܹܗ: ܘܒܲܗܪܵܐ ܠܘܼܓ̰ܠܸܓ̰ܠܹܐ ܓܵܘ ܒܹܝܬ ܐܲܣܝܼܪܹ̈ܐ: ܘܕܩܸܪܹܐ ܒܕܸܦܢܹܗ ܕܟܹܐܦܵܐ ܘܡܘܼܩܸܡܠܹܗ: ܘܐܡܸܪܹܐ ܐܸܠܹܗ: ܩܘܼܡ̄ ܓ̰ܲܠܕܹܐ: ܘܢܦܸܠܘܿܢ 8 ܫܹܫܸܠܝܵܬܹ̈ܐ ܡ̣ܢ ܐܝܼܕܘܼ̈ܗܝ. ܘܐܡܸܪܹܐ ܐܸܠܹܗ ܡܲܠܲܐܟ̣ܵܐ: ܐܣܘܿܪ ܚܵܨܘܼܟ: ܘܠܒ̣ܘܿܫ ܟ̰ܵܪ̈ܘܿܚܘܼܟ ܘܥܒܸܕܠܹܐ ܗܲܕܟ̣ܵܐ. ܘܐܡܸܪܹܐ 9 ܐܸܠܹܗ: ܕܪܝܼ ܥܲܠܘܼܟ ܥܵܒܵܝܘܼܟ: ܘܬܵܐ ܒܵܬ̄ܪܝܼ. ܘܦܠܸܛܠܹܐ ܘܐܙܸܠܹܐ ܒܵܬ̄ܪܹܗ: ܟܲܕ ܠܹܐ ܗ̄ܘܵܐ ܒܝܼܕܲܥܝܵܐ ܕܫܲܪܝܼܪܬܵܐ ܗ̄ܘܵܐ ܗ̇ܝ ܕܒܸܗܘܵܝܵܐ ܗ̄ܘܵܐ ܒܝܸܕ ܡܲܠܲܐܟ̣ܵܐ: ܐܝܼܢܵܐ ܒܸܚܫܵܒ̣ܵܐ ܗ̄ܘܵܐ 10 ܕܚܸܙܘܵܐ ܒܸܚܙܵܝܵܐ ܗ̄ܘܵܐ. ܘܟܲܕ ܥܒܸܪܘܿܢ ܒܲܕܠܵܐ ܩܵܕ̄ܡܵܝܬܵܐ ܘܕܬܲܪ̈ܬܹܝ: ܐܬܹܠܘܿܢ ܗܲܠ ܬܲܪܥܵܐ ܕܦܪܸܙܠܵܐ ܕܠܵܒܸܠ ܠܡܕܝܼܢ̄ܬܵܐ: ܘܦܬܸܚܠܹܐ ܐܸܠܵܝ ܡ̣ܢ ܓܵܢܹܗ: ܘܟܲܕ ܦܠܸܛܠܘܿܢ ܥܒܸܪܘܿܢ ܚܵܕ̄ ܥܵܠܘܿܠܵܐ: ܘܕܲܪܣܵܥܲܬ ܦܪܸܩܠܹܐ ܡ̣ܢ ܠܟܸܣܠܹܗ ܡܲܠܲܐܟ̣ܵܐ. 11 ܘܟܲܕ ܐܬܹܠܹܐ ܠܓܵܢܹܗ ܟܹܐܦܵܐ: ܐܡܸܪܹܐ: ܐܵܕܝܼܵܐ ܝܕܸܥܠܝܼ ܒܫܲܪܝܼܪܘܼܬܵܐ: ܕܡܵܪܝܵܐ ܫܘܼܕܸܪܹܐ ܡܲܠܲܐܟܹܗ ܘܦܘܼܠܛܸܢܹܐ ܡ̣ܢ ܐܝܼܕܹܗ ܕܗܹܪܘܿܕܸܣ: ܘܡ̣ܢ ܟܠ ܡܸܢܕܝܼ ܕܒܸܚܫܵܒ̣ܵܐ ܗ̄ܘܵܘ 12 ܥܲܠܝܼ ܛܵܝܸܦܵܐ ܕܝܗ̄ܘܼܕܵܝܹ̈ܐ. ܘܟܲܕ ܦܘܼܪܡܹܠܹܐ: ܐܬܹܠܹܐ ܠܒܲܝܬܵܐ ܕܡܲܪܝܲܡ ܝܸܡܹܗ ܕܝܘܿܚܲܢܵܢ: ܗ̇ܘ ܕܦܸܫܠܹܐ ܩܸܪܝܵܐ ܡܵܪܩܘܿܣ: 13 ܐܲܝܟܵܐ ܕܪܵܒܵܐ ܓ̰ܸܡܥܝܹܐ ܗ̄ܘܵܘ ܘܨܵܠܘܿܝܹܐ. ܘܟܲܕ ܬܘܼܩܬܸܩܠܹܐ ܒܬܲܪܥܵܐ ܕܕܵܪܬܵܐ: ܦܠܸܛܠܵܐ ܕܓ̰ܲܘܸܒܵܐ ܠܹܗ ܚܕܵܐ ܒܪܵܬܵܐ 14 ܕܫܸܡܘܼܗ̇ ܪܘܿܕܵܐ. ܘܝܕܸܥܠܵܐ ܩܵܠܹܗ ܕܟܹܐܦܵܐ: ܘܡ̣ܢ ܚܲܕܘܼܬܘܼܗ̇ ܠܵܐ ܦܬܸܚܠܵܐ ܐܸܠܹܗ ܬܲܪܥܵܐ: ܐܸܠܵܐ ܪܚܸܛܠܵܐ ܠܓܵܘܵܐ ܘܐܡܸܪܹܐ ܐܸܠܵܝ: ܕܟܹܐܦܵܐ ܟܸܠܝܵܐ ܗ̄ܘܵܐ ܩܵܕ̄ܡ ܬܲܪܥܵܐ ܕܕܵܪܬܵܐ. 15 ܐܡܸܪܘܿܢ ܐܸܠܵܗ̇: ܫܘܼܕܸܢܵܟ̣ܝ. ܘܗ̇ܝ ܩܘܼܝܵܐ ܐܡܸܪܵܐ: ܕܗܲܕܟ̣ܵܐ 16 ܗ̄ܘܵܐ. ܐܵܡܪܝܼ ܐܸܠܵܗ̇: ܡܲܠܲܐܟܹܗ ܝܠܹܐ. ܘܟܹܐܦܵܐ ܗܲܪ ܬܲܩܬܸܩ ܗ̄ܘܵܐ. ܘܟܲܕ ܦܬܸܚܠܘܿܢ ܚܙܹܠܘܿܢ ܐܸܠܹܗ: ܘܥܘܼܓ̰ܸܒܠܘܿܢ. 17 ܘܡܘܼܫܥܸܫܠܹܐ ܐܸܠܵܝ ܐܝܼܕܹܗ ܕܫܵܬܩܝܼ: ܘܗܘܼܩܹܠܹܐ ܐܸܠܵܝ ܕܵܐܟ̣ܝܼ ܡܵܪܝܵܐ ܦܘܼܠܸܛܠܹܗ ܡ̣ܢ ܒܹܝܬ ܐܲܣܝܼܪܹ̈ܐ. ܘܐܡܸܪܹܐ: ܗܵܩܹܡܘܿܢ ܐܲܢܹܐ ܠܝܲܥܩܘܿܒ̣ ܘܠܵܐܚܘܿܢܘܵܬܹ̈ܐ. ܘܦܠܸܛܠܹܐ ܘܐܙܸܠܹܐ ܠܚܕܵܐ ܕܘܼܟܵܐ 18 ܐܚܹܪ̄ܬܵܐ. ܘܟܲܕ ܗ̄ܘܹܠܹܐ ܝܘܿܡܵܐ: ܗ̄ܘܹܠܹܐ ܫܓ̣ܘܼܫܝܵܐ ܪܵܒܵܐ ܓܵܘ 19 ܣܲܪ̈ܒܵܙܹܐ ܥܲܠ ܟܹܐܦܵܐ ܕܡܘܼܕܝܼ ܗ̄ܘܹܠܵܐ ܠܹܗ. ܘܗܹܪܘܿܕܸܣ: ܟܲܕ ܒܸܥܠܹܗ ܘܠܵܐ ܡܘܼܫ̄ܟ̰ܸܚܠܹܗ: ܨܘܼܚܨܹܠܹܐ ܠܢܵܛܘܿܪܹ̈ܐ: ܘܦܘܼܩܸܕܠܹܐ ܕܦܵܝܫܝܼ ܡܘܼܡܝܸܬܹܐ. ܘܨܠܹܠܹܐ ܡ̣ܢ ܝܼܗܘܼܕ ܠܩܹܣܲܪܝܵܐ: ܘܦܸܫܠܹܐ ܬܵܡܵܐ. 20 ܐܝܼܢܵܐ ܟܪܝܼܒܵܐ ܗ̄ܘܵܐ ܥܲܠ ܨܘܿܪ̈ܵܝܹܐ ܘܥܲܠ ܨܲܝܕܘܿܢܵܝܹ̈ܐ: ܘܬܹܐܠܘܿܢ ܠܟܸܣܠܹܗ ܒܚܵܕ̄ ܪܸܙܵܝܵܐ: ܘܥܒܸܕܠܘܿܢ ܪܵܙܝܼ ܠܒܠܹܣܛܘܿܣ ܫܵܘܝܵܢܵܐ ܕܫܘܝܼܬܹܗ ܕܡܲܠܟܵܐ: ܘܛܠܸܒܠܘܿܢ ܡܸܢܹܗ ܫܲܝܢܵܐ: ܣܵܒܵܒ ܕܬܘܼܪܣܵܝܵܐ ܕܐܲܬܪܵܝ ܡ̣ܢ ܡܲܠܟܘܼܬܹܗ 21 ܗ̄ܘܵܐ. ܘܒܝܘܿܡܵܐ ܝܕܸܥܝܵܐ ܠܒ̣ܝܼܫܵܐ ܗ̄ܘܵܐ ܗܹܪܘܿܕܸܣ ܠܒܸܫܬܵܐ ܕܡܲܠܟܘܼܬܵܐ: ܘܝܬܸܒ̣ܠܹܐ ܥܲܠ ܟܘܼܪܣܝܼ ܕܕܝܼܘܵܢ: ܘܗܘܼܡܙܸܡܠܹܐ 22 ܥܲܡܵܝ. ܘܛܵܝܸܦܵܐ ܩܘܼܘܸܚܠܹܐ: ܐܲܢܹܐ ܒܪ̈ܵܩܵܠܹܐ ܕܐܲܠܵܗܵܐ ܝܢܵܐ: 23 ܘܠܹܐ ܝܢܵܐ ܕܒܢܲܝ̈ܢܵܫܵܐ. ܘܣܵܒܵܒ ܕܠܵܐ ܝܸܗܒܸܠܹܐ ܬܸܫܒܘܿܚܬܵܐ ܠܐܲܠܵܗܵܐ: ܗܲܪ ܒܗ̇ܝ ܣܵܥܲܬ ܡܚܹܠܹܗ ܡܲܠܲܐܟ̣ܹܗ ܕܡܵܪܝܵܐ: ܘܩܲܡ ܐܵܟ̣ܠܝܼ ܠܹܗ ܬܸܘܸܠܥܹ̈ܐ: ܘܡܸܬܠܹܐ. 24 ܘܗܹܡܸܙܡܵܢ ܕܐܲܠܵܗܵܐ ܓܘܼܪܘܸܣܠܵܐ ܘܙܸܕܠܵܐ. 25 ܘܒܲܪܢܒ̣ܵܐ ܘܫܵܐܘܿܠ ܕܸܪܘܿܢ ܡ̣ܢ ܐܘܿܪܸܫܠܸܡ: ܡ̣ܢ ܒܵܬ̄ܪ ܕܬܘܼܡܸܡܠܘܿܢ ܚܸܠܡܲܬܵܝ: ܘܠܘܼܒܸܠܘܿܢ ܥܲܡܵܝ ܠܝܘܿܚܲܢܵܢ: ܗ̇ܘ ܕܦܸܫܠܹܐ ܩܸܪܝܵܐ ܡܵܪܩܘܿܣ.

 

ܩܦܠܐܘܢ: ܝܓ

1 ܐܝܼܢܵܐ ܐܝܼܬ ܗ̄ܘܵܘ ܓܵܘ ܥܹܕܬܵܐ ܕܐܵܢܛܝܘܿܟ̣ܝ ܢܒ̣̈ܝܹܐ ܘܡܲܠܦܵܢܹ̈ܐ: ܒܲܪܢܒ̣ܵܐ: ܘܫܸܡܥܘܿܢ ܕܦܝܵܫܵܐ ܝܠܹܐ ܩܸܪܝܵܐ ܢܝܼܓܲܪ: ܘܠܘܼܩܝܼܘܿܣ ܕܡ̣ܢ ܩܸܘܪܝܼܢܹܐ: ܘܡܵܢܵܐܹܝܠ ܚܲܒ̣ܪܵܐ ܒܓܲܪܘܲܣܬܵܐ 2 ܕܗܹܪܘܿܕܸܣ ܛܸܛܪܲܪܟܵܐ: ܘܫܵܐܘܿܠ. ܘܟܲܕ ܐܵܢܝܼ ܒܸܨܝܵܡܵܐ ܗ̄ܘܵܘ ܘܒܸܦܠܵܚܵܐ ܠܡܵܪܝܵܐ: ܐܡܸܪܹܐ ܐܸܠܵܝ ܪܘܼܚܵܐ ܕܩܘܼܕܫܵܐ: ܦܪܘܿܫܘܿܢ ܠܝܼ ܠܫܵܐܘܿܠ ܘܠܒܲܪܢܒ̣ܵܐ ܠܦܘܼܠܚܵܢܵܐ: ܗ̇ܘ ܕܐܵܢܵܐ ܩܸܪܝܵܝܠܝܼ. 3 ܘܡܒܵܬ̄ܪ ܕܨܸܡܠܘܿܢ ܘܨܘܼܠܹܠܘܿܢ: ܡܘܼܬܸܒ̣ܠܘܿܢ ܥܲܠܵܝ ܐܝܼܕܵܐ: ܘܫܘܼܕܪܵܝܠܘܿܢ. 4 ܘܐܵܢܝܼ ܟܲܕ ܦܸܫܠܘܿܢ ܫܘܼܕܪܹܐ ܡ̣ܢ ܪܘܼܚܵܐ ܕܩܘܼܕܫܵܐ: ܨܠܹܠܘܿܢ ܠܣܹܠܵܘܩܝܵܐ: ܘܡ̣ܢ ܬܵܡܵܐ ܪܚܸܫܠܘܿܢ ܒܝܵܡܵܐ ܗܲܠ 5 ܩܸܘܦܪܘܿܣ. ܘܟܲܕ ܓܵܘ ܣܵܠܵܡܹܢܵܐ ܗ̄ܘܵܘ: ܡܲܫܚܸܕܝܼ ܗ̄ܘܵܘ ܗܹܡܸܙܡܵܢܹܗ ܕܐܲܠܵܗܵܐ ܓܵܘ ܟܢܘܼܫܝܵܬܹ̈ܐ ܕܝܗ̄ܘܼܕܵܝܹ̈ܐ: ܘܝܘܿܚܲܢܵܢ ܟܹܐ 6 ܥܵܒܸܕ ܗ̄ܘܵܐ ܠܗ̄ܘܿܢ ܚܸܠܡܲܬ. ܘܟܲܕ ܚܕܸܪܘܿܢ ܓܵܘܵܐ ܓܵܘ ܟܠܵܗ̇ ܓܵܙܲܪܬܵܐ ܗܲܠ ܦܵܦܘܿܣ: ܡܘܼܫ̄ܟ̰ܸܚܠܘܿܢ ܚܵܕ̄ ܐܢܵܫܵܐ ܚܲܪܵܫܵܐ: ܝܗ̄ܘܼܕܵܝܵܐ: ܕܝܼܗ̄ܘܵܐ ܢܒ̣ܝܼܵܐ ܕܵܓܵܠܵܐ: ܕܫܸܡܹܗ [38] ܒܲܪ 7 ܝܼܫܘܿܥ ܗ̄ܘܵܐ. ܐܵܗܵܐ ܟܹܐ ܗܵܘܹܐ ܗ̄ܘܵܐ ܠܟܸܣ ܘܲܙܝܼܪ ܣܲܪܓܝܼܘܿܣ ܦܵܘܠܘܿܣ: ܚܵܕ̄ ܐܢܵܫܵܐ ܗܵܘܢܵܢܵܐ: ܘܩܪܹܠܹܐ ܐܵܗܵܐ ܠܫܵܐܘܿܠ ܘܠܒܲܪܢܒ̣ܵܐ: 8 ܘܒܲܥܝܹܐ ܗ̄ܘܵܐ ܕܫܲܡܸܥ ܡܸܢܵܝ ܗܹܡܸܙܡܵܢ ܕܐܲܠܵܗܵܐ. ܐܝܼܢܵܐ ܟܸܠܝܵܐ ܗ̄ܘܵܐ ܠܕܲܪܩܘܼܒ̣ܠܵܝ ܐܵܠܘܼܡܘܿܣ ܚܲܪܵܫܵܐ: ܣܵܒܵܒ ܗܲܕܟ̣ܵܐ ܟܹܐ ܦܵܝܸܫ ܦܘܼܫܩܵܐ ܫܸܡܹܗ: ܣܵܒܵܒ ܕܒܲܥܝܹܐ ܗ̄ܘܵܐ ܕܡܲܦܟ̰ܸܠ ܠܘܲܙܝܼܪ 9 ܗܲܝܡܵܢܘܼܬܵܐ. ܐܝܼܢܵܐ ܫܵܐܘܿܠ: ܗ̇ܘ ܕܦܸܫܠܹܐ ܩܸܪܝܵܐ ܦܵܘܠܘܿܣ: ܦܝܵܫܵܐ ܡܸܠܝܵܐ ܒܪܘܼܚܵܐ ܕܩܘܼܕܫܵܐ: ܚܸܪܹܐ ܒܝܹܗ. 10 ܘܐܡܸܪܹܐ: ܐܲܝ ܕܝܼܠܹܐ ܡܸܠܝܵܐ ܟܠܵܝ ܦܸܠܡܹ̈ܐ ܘܟܠܵܝ ܒܝܼܫܵܬܹ̈ܐ: ܒܪܘܼܢܹܗ ܕܐܵܟܹܠܩܲܪܨܵܐ: ܘܕܸܫܡܸܢ ܕܟܠܵܗ̇ ܟܹܢܘܼܬܵܐ: ܠܹܐ ܝܘܸܬ ܒܸܫܠܵܝܵܐ ܡ̣ܢ ܠܡܲܦܟ̰ܘܼܠܹܐ ܐܘܼܪ̈ܚܵܬܹܐ ܬܪ̈ܘܼܨܹܐ ܕܡܵܪܝܵܐ. 11 ܘܐܵܕܝܼܵܐ ܗܵܐ: ܐܝܼܕܹܗ ܕܡܵܪܝܵܐ ܥܲܠܘܼܟ: ܘܒܸܬ ܗܵܘܸܬ ܣܸܡܝܵܐ: ܘܠܹܐ ܚܵܙܸܬ ܫܸܡܫܵܐ ܗܲܠ ܚܵܕ̄ ܙܲܒ̣ܢܵܐ. ܘܗܲܪ ܒܗ̇ܝ ܣܵܥܲܬ ܢܦܸܠܹܐ ܥܲܠܘܼܗܝ ܚܸܫܟܵܐ ܘܚܘܼܒ̣ܝܵܐ: ܘܒܸܚܕܵܪܵܐ ܗ̄ܘܵܐ ܘܒܸܒܲܥܝܵܐ 12 ܕܐܢܵܫܵܐ ܕܵܒܸܩ ܒܐܝܼܕܹܗ. ܘܟܲܕ ܚܙܹܠܹܐ ܘܲܙܝܼܪ ܡܸܢܕܝܼ ܕܗ̄ܘܹܠܹܐ: ܗܘܼܡܸܢܹܐ: ܟܲܕ ܥܘܼܓ̰ܒܵܐ ܒܝܘܼܠܦܵܢܹܗ ܕܡܵܪܝܵܐ. 13 ܐܝܼܢܵܐ ܦܵܘܠܘܿܣ ܘܚܲܒ̣ܪ̈ܵܘܵܬܘܼܗܝ ܪܚܸܫܠܘܿܢ ܒܝܵܡܵܐ ܡ̣ܢ ܦܵܦܘܿܣ: ܘܐܬܹܠܘܿܢ ܠܦܲܪܓܹܐ ܕܦܲܡܦܸܘܠܝܼܵܐ. ܘܦܪܸܫܠܹܐ ܡܸܢܵܝ 14 ܝܘܿܚܲܢܵܢ ܘܕܸܪܹܐ ܠܐܘܿܪܸܫܠܸܡ. ܐܝܼܢܵܐ ܐܵܢܝܼ ܦܠܸܛܠܘܿܢ ܡ̣ܢ ܦܲܪܓܹܐ ܘܐܬܹܠܘܿܢ ܠܐܵܢܛܝܘܿܟ̣ܝ ܕܦܝܼܣܝܼܕܝܵܐ: ܘܐܘܸܪܘܿܢ ܓܵܘ 15 ܟܢܘܼܫܬܵܐ ܒܝܘܿܡܵܐ ܕܫܲܒܬܵܐ ܘܝܬܸܒ̣ܠܘܿܢ. ܘܒܵܬ̄ܪ ܕܦܸܫܠܹܐ ܩܸܪܝܵܐ ܢܵܡܘܿܣܵܐ ܘܢܒ̣̈ܝܹܐ: ܫܘܼܕܸܪܘܿܢ ܠܟܸܣܠܵܝ ܚܘܵܪ̈ܕܸܩܢܹܐ ܕܟܢܘܼܫܬܵܐ: ܘܐܡܸܪܘܿܢ: ܐܢܵܫܹ̈ܐ ܐܵܚܘܿܢܘܵܬܹ̈ܐ: ܐܸܢ ܐܝܼܬ ܠܵܘܟ̣ܘܿܢ 16 ܗܹܡܸܙܡܵܢ ܕܢܲܨܝܼܗܲܬ ܠܛܵܝܸܦܵܐ: ܗܲܡܙܸܡܘܿܢ. ܘܩܸܡܠܹܐ ܦܵܘܠܘܿܣ ܘܡܘܼܫܥܸܫܵܠܹܐ ܐܝܼܕܹܗ ܘܐܡܸܪܹܐ: ܐܢܵܫܹ̈ܐ ܒܢܲܝ̈ ܝܼܣܪܵܝܹܠ: ܘܙܵܕܥܝܵܢܹ̈ܐ ܡ̣ܢ ܐܲܠܵܗܵܐ: ܫܡܸܥܡܘܿܢ. 17 ܐܲܠܵܗܹܗ ܕܐܵܗܵܐ ܛܵܝܸܦܵܐ ܝܼܣܪܵܝܹܠ ܓܘܼܒܹܠܹܐ ܠܐܲܒ̣ܵܗܵܬܲܢ: ܘܡܘܼܪܸܡܠܹܐ ܠܛܵܝܸܦܵܐ ܟܲܕ ܗ̄ܘܹܠܘܿܢ ܡܵܫܵܚܲܛܹ̈ܐ ܒܐܲܪܥܵܐ ܕܡܸܨܪܹܝܢ: ܘܒܕܪܲܥܢܵܐ ܪܵܡܵܐ ܘܠܛܵܝܠܹܐ ܡܸܢܘܼܗ݂̇. 18 [39] ܘܬܘܼܪܣܝܼܵܝܠܹܐ ܓܵܘ ܒܲܪܝܼܵܐ ܐܲܝܟ ܙܲܒ̣ܢܵܐ ܕܐܲܪܒܥܝܼ ܫܸܢܹ̈ܐ. 19 ܘܦܘܼܢܹܠܹܐ ܫܲܒ̣ܥܵܐ ܛܵܝܸܦܹ̈ܐ ܒܐܲܪܥܵܐ ܕܟܢܥܢ: ܘܝܸܗܒܸܠܹܐ ܐܸܠܵܝ 20 ܐܲܪܥܵܝ ܠܝܵܪܬܘܼܬܵܐ: [40] . ܘܒܵܬ̄ܪ ܐܲܢܹܐ: ܐܲܝܟ ܐܲܪܒܲܥܡܵܐܐ ܘܚܲܡܫܝܼ 21 ܫܸܢܹ̈ܐ: ܝܸܗܒܸܠܹܐ ܐܸܠܵܝ ܕܲܝܵܢܹ̈ܐ ܗܲܠ ܫܡܘܼܐܹܝܠ ܢܒ̣ܝܼܵܐ. ܘܗ̇ܝܓܵܗ ܛܠܸܒܠܘܿܢ ܡܲܠܟܵܐ: ܘܝܸܗܒܸܠܹܐ ܐܸܠܵܝ ܐܲܠܵܗܵܐ ܠܫܵܐܘܿܠ ܒܪܘܼܢܵܐ 22 ܕܩܝܼܫ: ܐܢܵܫܵܐ ܡ̣ܢ ܫܲܒ̣ܛܵܐ ܕܒܸܢܝܵܡܹܝܢ: ܐܲܪܒܥܝܼ ܫܸܢܹ̈ܐ. ܘܟܲܕ ܫܩܸܠܹܗ: ܡܘܼܩܸܡܠܹܐ ܐܸܠܵܝ ܕܵܘܝܼܕ ܠܡܲܠܟܵܐ: ܕܐܸܠܹܗ ܣܗܸܕܠܹܐ: ܘܐܡܸܪܹܐ: ܡܘܼܫ̄ܟ̰ܸܚܠܝܼ ܠܕܵܘܝܼܕ ܒܪܘܼܢܹܗ ܕܐܝܼܫܲܝ: ܐܢܵܫܵܐ ܐܲܝܟ 23 ܠܸܒܝܼ: ܗ̇ܘ ܒܸܬ ܥܵܒܸܕ ܟܠܵܝ ܪܸ̈ܙܵܝܝܼ. ܡ̣ܢ ܙܲܪܥܹܗ ܕܐܵܗܵܐ ܡܘܼܩܸܡܠܹܐ ܐܲܠܵܗܵܐ ܠܝܼܣܪܵܝܹܠ: ܕܵܐܟ̣ܝܼ ܕܥܒܸܕܠܹܐ ܩܵܘܠܵܐ: 24 ܦܵܪܘܿܩܵܐ: ܝܼܫܘܿܥ. ܟܲܕ ܩܵܕ̄ܡܵܝܬܵܐ ܝܘܿܚܲܢܵܢ ܡܘܼܟܪܸܙܵܐ ܗ̄ܘܵܐ ܡܩܵܕ̄ܡ ܐܬܝܬܹܗ ܡܲܥܡܘܿܕܝܼܬܵܐ ܕܬܝܵܒ̣ܘܼܬܵܐ ܠܟܠܹܗ ܛܵܝܸܦܵܐ 25 ܕܝܼܣܪܵܝܹܠ. ܘܟܲܕ ܬܲܡܘܼܡܹܐ ܗ̄ܘܵܐ ܝܘܿܚܲܢܵܢ ܪܲܗܛܹܗ: ܐܡܸܪܹܐ: ܡܵܢܝܼ ܒܸܚܫܵܒ̣ܵܐ ܝܬܘܿܢ ܕܝܼܘܸܢ. ܠܹܐ ܝܘܸܢ ܐܵܢܵܐ: ܐܸܠܵܐ ܗܵܐ: ܒܹܐܬܵܝܵܐ 26 ܝܠܹܐ ܒܵܬ̄ܪܝܼ ܗ̇ܘ ܕܠܹܐ ܚܵܫܚܸܢ ܕܫܵܪܸܢ ܨܵܘܠܘܼ̈ܗܝ. ܐܵܚܘܿܢܘܵܬܹ̈ܐ: ܒܢܘܼܢܹ̈ܐ ܕܐܘܼܓ̰ܵܓܹܗ ܕܐܲܒ̣ܪܵܗܵܡ: ܘܐܵܢܝܼ ܓܵܘܵܘܟ̣ܘܿܢ ܕܙܵܕܥܝܼ ܡ̣ܢ ܐܲܠܵܗܵܐ: ܐܸܠܵܘܟ̣ܘܿܢ ܦܸܫܠܵܐ ܫܘܼܕܸܪܬܵܐ ܗܹܡܸܙܡܵܢ ܕܐܵܗܵܐ ܦܘܼܪܩܵܢܵܐ. 27 ܣܵܒܵܒ ܐܲܢܹܐ ܥܵܡܪ̈ܵܢܹܐ ܕܐܘܿܪܸܫܠܸܡ ܘܪܹ̈ܫܵܢܵܝ: ܟܲܕ ܠܵܐ ܩܲܡ ܝܲܕܥܝܼ ܠܹܗ: ܐܘܼܦ ܠܵܐ ܠܩܵܠܹ̈ܐ ܕܢܒ̣̈ܝܹܐ ܕܦܝܵܫܵܐ ܝܢܵܐ ܩܸܪܝܹܐ 28 ܒܟܠ ܫܲܒܬܵܐ: ܬܘܼܡܸܡܵܝܠܘܿܢ ܒܕܝܵܢܬܵܝ ܐܸܠܹܗ. ܘܟܲܕ ܠܵܐ ܡܘܼܫ̄ܟ̰ܸܚܠܘܿܢ ܡܸܢܕܝܼ ܗܲܓ̰ܲܬ ܕܡܵܘܬܵܐ: ܛܠܸܒܠܘܿܢ ܡ̣ܢ 29 ܦܝܼܠܵܛܘܿܣ ܕܩܵܛܠܝܼ ܠܹܗ. ܘܟܲܕ ܬܘܼܡܸܡܠܘܿܢ ܟܠ ܡܸܢܕܝܼ ܕܝܼܗ̄ܘܵܐ ܟܬܝܼܒ̣ܵܐ ܒܵܗ̄ܣܹܗ: ܡܘܼܨܠܹܠܘܿܢ ܐܸܠܹܗ ܡ̣ܢ 30 ܩܲܝܣܵܐ: ܘܩܲܡ ܡܲܬܒ̣ܝܼ ܠܹܗ ܓܵܘ ܒܹܝܬ ܩܒ̣ܘܪܵܐ. ܐܝܼܢܵܐ 31 ܐܲܠܵܗܐ ܡܘܼܩܸܡܠܹܗ ܡ̣ܢ ܡܝܼܬܹ̈ܐ. ܘܦܸܫܠܹܐ ܚܸܙܝܵܐ ܪܵܒܵܐ ܝܘܿܡܵܢܹ̈ܐ ܠܐܵܢܝܼ ܕܣܸܩܠܘܿܢ ܥܲܡܹܗ ܡ̣ܢ ܓܠܝܼܠܵܐ ܠܐܘܿܪܸܫܠܸܡ: ܐܵܢܝܼ ܕܝܼܢܵܐ ܐܵܕܝܼܵܐ ܣܵܗܕܘܼ̈ܗܝ ܠܟܸܣ ܛܵܝܸܦܵܐ. 32 ܘܐܲܚܢܲܢ ܡܲܫܚܘܼܕܹܐ ܝܘܵܚ ܐܸܠܵܘܟ̣ܘܿܢ ܩܵܘܠܵܐ ܗ̇ܘ ܕܗ̄ܘܹܠܹܐ 33 ܠܟܸܣ ܐܲܒ̣ܵܗܵܬܲܢ. ܕܬܘܼܡܸܡܘܼܗܝ ܝܠܹܐ ܐܲܠܵܗܵܐ [41] ܐܸܠܲܢ ܒܢܘܼܢܵܝ̈: ܒܗ̇ܝ ܕܡܘܼܩܸܡܠܹܐ ܠܝܼܫܘܿܥ: ܐܲܝܟ ܠܝܼܫܘܿܥ: ܐܲܝܟ ܕܝܼܠܹܐ ܟܬܝܼܒ̣ܵܐ ܒܡܲܙܡܘܿܪܵܐ ܕܬܪܲܝ: ܒܪܘܼܢܝܼ ܝܘܸܬ: ܐܵܢܵܐ ܐܸܕܝܘܼ ܩܲܡ 34 ܡܲܠܸܕܸܢܘܼܟ. ܘܕܡܘܼܩܸܡܠܹܗ ܡ̣ܢ ܡܝܼܬܹ̈ܐ: ܕܡܸܕܪܹܐ ܠܵܐ ܕܵܝܸܪ ܠܚܪܵܒ̣ܵܐ: ܗܲܕܟ̣ܵܐ ܐܡܸܪܹܐ: ܕܒܸܬ ܝܵܗ̄ܒܸܢ ܐܸܠܵܘܟ̣ܘܿܢ ܫܵܦܵܩܲܬܘܵܬܹ̈ܐ 35 ܡܩܘܼܕܫܹ̈ܐ ܘܡܗܘܼܡܢܹ̈ܐ ܕܕܵܘܝܼܕ. ܣܵܒܵܒ ܕܐܵܗܵܐ ܐܘܦ ܐܡܸܪܹܐ ܒܕܘܼܟܬܵܐ ܐܚܹܪ̄ܬܵܐ: ܠܹܐ ܝܵܗ̄ܒܸܬ ܠܟܫܝܼܛܘܼܟ ܕܚܵܙܹܐ ܚܪܵܒ̣ܵܐ. 36 ܣܵܒܵܒ ܕܵܘܝܼܕ ܒܐܘܼܓ̰ܵܓܹܗ ܦܠܸܚܠܹܐ ܐܲܝܟ ܪܸܙܵܝܹܗ ܕܐܲܠܵܗܵܐ: ܘܕܡܸܟ̣ܠܹܐ: ܘܦܸܫܠܹܐ ܡܘܼܙܝܸܕܵܐ ܥܲܠ ܐܲܒ̣ܵܗܵܬܘܼ̈ܗܝ: ܘܚܙܹܠܹܐ 37 ܚܪܵܒ̣ܵܐ. ܐܝܼܢܵܐ ܐܵܗܵܐ ܕܡܘܼܩܸܡܠܹܐ ܐܲܠܵܗܵܐ ܠܵܐ ܚܙܹܠܹܐ ܚܪܵܒ̣ܵܐ. 38 ܝܕܸܥܡܘܿܢ ܗܲܕܟ̣ܵܐ: ܐܢܵܫܹ̈ܐ ܐܵܚܘܿܢܘܵܬܹ̈ܐ: ܕܗܲܪ ܒܐܵܗܵܐ ܦܝܵܫܵܐ ܝܠܹܐ 39 ܡܘܼܟܪܸܙܵܐ ܐܸܠܵܘܟ̣ܘܿܢ ܫܒ̣ܵܩܵܐ ܕܚܛܵܗܹ̈ܐ. ܘܟܡܵܐ ܕܠܵܐ ܡܨܹܠܵܘܟ̣ܘܿܢ ܕܦܵܝܫܝܼܬܘܿܢ ܗ̄ܘܵܘ ܡܘܼܟܫܸܛܹܐ ܒܢܵܡܘܿܣܵܐ ܕܡܘܼܫܹܐ: ܒܐܵܗܵܐ ܟܠ ܕܗܲܡܸܢ ܟܹܐ ܦܵܝܸܫ ܡܘܼܟܫܸܛܵܐ. 40 ܒܲܣ ܗ̄ܘܹܡܘܿܢ ܗܸܫܝܵܪ ܕܠܵܐ ܐܵܬܹܐ ܥܲܠܵܘܟ̣ܘܿܢ ܡܸܢܕܝܼ ܕܝܼܠܹܐ 41 ܟܬܝܼܒ̣ܵܐ ܒܢܒ̣̈ܝܹܐ. ܚܙܹܡܘܿܢ: ܡܲܒܨܸܪ̈ܵܢܹܐ: ܘܥܵܓ̰ܸܒܝܼܬܘܿܢ: ܘܬܵܠܩܝܼܬܘܿܢ: ܣܵܒܵܒ ܕܦܘܼܠܚܵܢܵܐ ܒܸܥܒ̣ܵܕܵܐ ܝܘܸܢ ܒܝܘܿܡܵܢܵܘ̈ܟ̣ܘܿܢ: ܦܘܼܠܚܵܢܵܐ ܗ̄ܘܼ ܕܠܹܐ ܗܲܡܸܢܝܼܬܘܿܢ: ܐܸܢ ܐܢܵܫܵܐ ܗܵܩܹܐ ܠܵܘܟ̣ܘܿܢ. 42 ܘܟܲܕ ܒܸܦܠܵܛܵܐ ܗ̄ܘܵܘ: ܒܸܥܠܘܿܢ ܡܸܢܵܝ ܕܒܫܲܒܬܵܐ ܐܚܹܪ̄ܬܵܐ 43 ܗܲܡܙܸܡܝܼ ܥܲܡܵܝ ܐܲܢܹܐ ܗܹܡܸܙܡܵܢܹ̈ܐ. ܘܡ̣ܢ ܕܗ̄ܘܹܠܵܐ ܡܘܼܪܵܚܲܣ ܟܢܘܼܫܬܵܐ: ܪܵܒܵܐ ܝܗ̄ܘܼܕܵܝܹ̈ܐ ܘܐܘܼܦ ܓܝܼܘܿܪܹ̈ܐ ܕܙܵܕܥܝܼ ܗ̄ܘܵܘ ܡ̣ܢ ܐܲܠܵܗܵܐ: ܐܙܸܠܘܿܢ ܒܵܬ̄ܪ ܦܵܘܠܘܿܣ ܘܒܲܪܢܒ̣ܵܐ: ܘܐܵܢܝܼ ܗܲܡܙܘܼܡܹܐ ܥܲܡܵܝ: ܚܘܼܒܛܵܝܠܘܿܢ ܠܸܟܠܵܝܵܐ ܒܫܵܦܵܩܲܬܹܗ ܕܐܲܠܵܗܵܐ. 44 ܘܒܫܲܒܬܵܐ ܐܚܹܪ̄ܬܵܐ ܓ̰ܡܸܥܠܵܐ ܚܲܟ̰ܵܐ ܦܵܝܫܵܐ ܟܠܵܗ̇ ܡܕܝܼܢ̄ܬܵܐ 45 ܠܸܫܡܲܥܝܵܐ ܗܹܡܸܙܡܵܢ ܕܐܲܠܵܗܵܐ. ܐܝܼܢܵܐ ܟܲܕ ܚܙܹܠܘܿܢ ܝܗ̄ܘܼܕܵܝܹ̈ܐ ܠܟܸܢܫܵܐ: ܦܸܫܠܘܿܢ ܡܸܠܝܹܐ ܒܲܚܸܠܵܢܘܼܬܵܐ: ܘܩܸܡܠܘܿܢ ܠܕܲܪܩܘܼܒ̣ܠ ܕܗܹܡܸܙܡܵܢܹ̈ܐ ܕܐܵܡܸܪ ܗ̄ܘܵܐ ܦܵܘܠܘܿܣ: 46 ܘܓܕܸܦܠܘܿܢ. ܘܗܘܼܡܙܸܡܠܘܿܢ ܦܵܘܠܘܿܣ ܘܒܲܪܢܒ̣ܵܐ ܒܓ̰ܘܼܪܐܲܬ: ܘܐܡܸܪܘܿܢ: ܐܸܠܵܘܟ̣ܘܿܢ ܘܵܓ̰ܸܒ ܝܼܗ̄ܘܵܐ ܕܩܵܕ̄ܡܵܝܬܵܐ ܦܵܝܫܵܐ ܗ̄ܘܵܐ ܐܡܝܼܪܬܵܐ ܗܹܡܸܙܡܵܢ ܕܐܲܠܵܗܵܐ: ܐܸܠܵܐ ܣܵܒܵܒ ܕܪܲܦܘܼܝܘܼܗ̇ ܝܬܘܿܢ ܡܸܢܵܘܟ̣ܘܿܢ: ܘܡܘܼܩܘܹܠܵܘܟ̣ܘܿܢ ܥܲܠ ܓܵܢܵܘܟ̣ܘܿܢ ܕܠܹܐ ܚܵܫܚܝܼܬܘܿܢ ܠܚܲܝܹ̈ܐ ܕܠܵܐܒܵܕ: ܗܵܐ: ܒܸܕܝܵܪܵܐ 47 ܝܘܵܚ ܠܟܸܣ ܛܵܝܸܦܹ̈ܐ. ܣܵܒܵܒ ܗܲܕܟ̣ܵܐ ܦܘܼܩܕܵܚܠܹܐ ܡܵܪܲܢ: ܩܲܡ ܡܲܬܒܸܢܘܼܟ ܒܲܗܪܵܐ ܠܛܵܝܸܦܹ̈ܐ: ܠܸܗܘܵܝܵܐ ܠܦܘܼܪܩܵܢܵܐ ܗܲܠ 48 ܡܲܪܙܵܐ ܕܐܲܪܥܵܐ. ܘܟܲܕ ܫܲܡܥܝܼ ܗ̄ܘܵܘ ܛܵܝܸܦܹ̈ܐ: ܚܕܹܠܘܿܢ: ܘܚܩܸܪܘܿܢ ܠܗܹܡܸܙܡܵܢ ܕܡܵܪܝܵܐ: ܘܗܘܼܡܸܢܘܿܢ ܟܡܵܐ ܕܝܼܗ̄ܘܵܘ 49 ܡܘܼܬܒܹܐ ܠܚܲܝܹ̈ܐ ܕܠܵܐܒܵܕ. ܘܗܹܡܸܙܡܵܢ ܕܡܵܪܝܵܐ ܦܵܝܫܵܐ ܗ̄ܘܵܐ 50 ܗܘܼܡܙܸܡܬܵܐ ܒܟܠܹܗ ܗ̇ܘ ܐܲܬܪܵܐ. ܐܝܼܢܵܐ ܝܗ̄ܘܼܕܵܝܹ̈ܐ ܚܘܼܒܸܛܠܘܿܢ ܠܪܹ̈ܫܵܢܹܐ ܕܡܕܝܼܢ̄ܬܵܐ ܘܠܒܲܟ̣ܬܵܬܹ̈ܐ ܡܲܥܩܘܼ̈ܠܹܐ ܙܵܕܥܝܵܢܹ̈ܐ ܡ̣ܢ ܐܲܠܵܗܵܐ: ܘܡܘܼܩܸܡܠܘܿܢ ܛܪܵܕܬܵܐ ܥܲܠ ܦܵܘܠܘܿܣ ܘܥܲܠ 51 ܒܲܪܢܒ̣ܵܐ: ܘܦܘܼܠܛܵܝܠܘܿܢ ܡ̣ܢ ܬܸܚܘܼܒܵܝ̈. ܐܝܼܢܵܐ ܢܦܸܨܠܘܿܢ 52 ܥܲܠܵܝ ܬܵܘܙ ܕܐܲܩܠܵܝ̈: ܘܐܬܹܠܘܿܢ ܠܐܝܼܩܵܢܘܿܢ. ܘܬܲܠܡܝܼܕܹ̈ܐ ܦܸܫܠܘܿܢ ܡܸܠܝܹܐ ܚܲܕܘܼܬܵܐ ܘܪܘܼܚܵܐ ܕܩܘܼܕܫܵܐ.

 

ܩܦܠܐܘܢ: ܝܕ

1 ܘܗ̄ܘܹܠܵܐ ܓܵܘ ܐܝܼܩܵܢܘܿܢ ܕܐܘܸܪܘܿܢ [42] ܡܸܚܕܵܕܹ̈ܐ ܓܵܘ ܟܢܘܼܫܬܵܐ ܕܝܗ̄ܘܼܕܵܝܹ̈ܐ: ܘܗܲܕܟ̣ܵܐ ܗܘܼܡܙܸܡܠܘܿܢ ܕܵܐܟ̣ܝܼ ܕܗܘܼܡܸܢܘܿܢ 2 ܓ̰ܵܡܵܥܲܬ ܪܵܒܵܐ ܡ̣ܢ ܝܗ̄ܘܼܕܵܝܹ̈ܐ ܘܡ̣ܢ ܝܵܘܢܵܝܹ̈ܐ. ܐܝܼܢܵܐ ܝܗ̄ܘܼܕܵܝܹ̈ܐ ܠܵܐ ܡܲܨܝܸܬܵܢܹ̈ܐ ܫܓܸܫܠܘܿܢ ܠܛܵܝܸܦܹ̈ܐ: ܘܡܘܼܣܪܝܼܵܝܠܘܿܢ ܥܲܠ 3 ܐܵܚܘܿܢܘܵܬܹ̈ܐ. ܘܪܵܒܵܐ ܙܲܒ̣ܢܵܐ ܗܲܕܟ̣ܵܐ ܗ̄ܘܹܠܘܿܢ ܬܵܡܵܐ: ܘܒܓ̰ܘܼܪܐܲܬ ܗܲܡܙܸܡܝܼ ܗ̄ܘܵܘ ܒܵܗ̄ܣ ܕܡܵܪܝܵܐ: ܘܗ̇ܘ ܣܗܸܕܠܹܐ ܠܗܹܡܸܙܡܵܢ ܕܫܵܦܵܩܲܬܹܗ: ܒܝܼܵܗ̄ܒ̣ܵܐ ܢܝܼܫܲܢܩܹ̈ܐ ܘܥܵܓ̰ܸܒܘܼܝܵܬܹ̈ܐ ܕܗܵܘܝܼ 4 ܒܐܝܼܕܵܝ̈. ܐܝܼܢܵܐ ܟܸܢܫܵܐ ܕܡܕܝܼܢ̄ܬܵܐ ܦܘܼܠܝܼܵܐ ܗ̄ܘܵܐ: ܡܸܢܵܝ 5 ܐܝܼܬ ܗ̄ܘܵܘ ܥܲܡ ܝܗ̄ܘܼܕܵܝܹ̈ܐ: ܘܡܸܢܵܝ ܥܲܡ ܫܠܝܼܚܹ̈ܐ. ܘܟܲܕ ܗ̄ܘܹܠܵܐ ܥܲܠܵܝ [43] ܗܹܓ̰ܘܼܡ ܡ̣ܢ ܛܵܝܸܦܹ̈ܐ ܘܡ̣ܢ ܝܗ̄ܘܼܕܵܝܹ̈ܐ ܥܲܡ ܪܹ̈ܫܵܢܵܝ: 6 ܕܥܵܒ̣ܕܝܼ ܐܸܠܵܝ ܙܵܪܵܪ: ܘܪܵܓ̰ܡܝܼ ܠܗ̄ܘܿܢ. ܟܲܕ ܝܕܸܥܠܘܿܢ: ܥܪܸܩܠܘܿܢ ܠܡܕܝܼܢܵܬܹ̈ܐ ܕܠܘܼܩܵܢܝܼܵܐ ܘܠܘܼܣܛܪܵܐ ܘܕܲܪܒܹܐ 7 ܘܡܵܬܘܵܬܹ̈ܐ ܕܚܵܕܸܪ̈ܘܵܢܵܝ. ܘܬܵܡܵܐ ܡܲܫܚܸܕܝܼ ܗ̄ܘܵܘ. 8 ܘܚܵܕ̄ ܐܢܵܫܵܐ ܝܬܝܼܒ̣ܵܐ ܗ̄ܘܵܐ ܒܠܘܼܣܛܪܵܐ: ܣܲܩܲܬ ܒܐܲܩܠܵܬܘܼ̈ܗܝ: ܫܸܠܵܐ ܡ̣ܢ ܟܹܪ̄ܣܵܐ ܕܝܸܡܹܗ: ܕܗܲܪ ܠܹܐ ܗ̄ܘܵܐ 9 ܚܕܝܼܪܵܐ. ܐܵܗܵܐ ܫܡܸܥܠܹܐ ܠܦܵܘܠܘܿܣ ܗܲܡܙܘܼܡܹܐ: ܘܟܲܕ ܚܸܪܹܐ ܒܝܹܗ: ܘܝܕܸܥܠܹܐ ܕܐܝܼܬ ܗ̄ܘܵܐ ܒܝܹܗ ܗܲܝܡܵܢܘܼܬܵܐ ܕܦܵܝܸܫ 10 ܥܒ̣ܝܼܕܵܐ ܨܵܚ. ܐܡܸܪܹܐ ܐܸܠܹܗ ܒܩܵܠܵܐ ܪܵܡܵܐ: ܩܘܼܡ̄ ܬܪܘܼܨܵܐ 11 ܥܲܠ ܐܲܩܠܘܼ̈ܟ ܘܫܘܼܪܹܐ ܘܚܕܸܪܹܐ. ܘܟܸܢܫܹ̈ܐ ܟܲܕ ܚܙܹܠܘܿܢ ܡܸܢܕܝܼ ܕܥܒܸܕܠܹܐ ܦܵܘܠܘܿܣ: ܡܘܼܪܸܡܠܘܿܢ ܩܵܠܵܝ ܒܠܸܫܵܢܵܐ ܕܐܝܼܩܵܢܘܿܢ ܒܹܐܡܵܪܵܐ: ܐܲܠܵܗܹ̈ܐ ܡܘܼܕܡܝܹܐ ܠܒܢܲܝ̈ܢܵܫܵܐ ܨܠܹܠܘܿܢ 12 ܠܟܸܣܠܲܢ. ܘܡܘܼܬܸܒ̣ܠܘܿܢ ܫܸܡܵܐ ܠܒܲܪܢܒ̣ܵܐ: [44] ܡܵܪܹܐ ܐܲܠܵܗܹ̈ܐ: ܘܠܦܵܘܠܘܿܣ: ܗܲܪܡܝܼܣ: ܣܵܒܵܒ ܕܗ̇ܘ ܫܵܪܝܵܢܵܐ ܗ̄ܘܵܐ 13 ܒܗܲܡܙܲܡܬܵܐ. ܘܟܵܗܢܵܐ ܕܡܵܪܹܐ ܐܲܠܵܗܹ̈ܐ ܕܝܼܗ̄ܘܵܐ (ܗܲܝܟܠܹܗ) ܠܒܲܕܲܪ ܡ̣ܢ ܡܕܝܼܢ̄ܬܵܝ: ܡܘܼܬ̄ܝܹܠܹܐ ܬܵܘܪܹ̈ܐ ܘܟܠܝܼܠܹ̈ܐ ܠܬܲܪ̈ܥܵܢܹܐ: 14 ܘܒܸܒܲܥܝܵܐ ܗ̄ܘܵܐ ܕܥܵܒܸܕ ܕܸܒ̣ܚܵܐ ܥܲܡ ܟܸܢܫܹ̈ܐ. ܐܝܼܢܵܐ ܫܠܝܼܚܹ̈ܐ: ܒܲܪܢܒ̣ܵܐ ܘܦܵܘܠܘܿܣ: ܟܲܕ ܫܡܸܥܠܘܿܢ: [45] ܟ̰ܘܼܢܟ̰ܸܪܘܿܢ ܓ̰ܘܼ̈ܠܵܝ: 15 ܘܫܘܸܪܘܿܢ ܓܵܘ ܓ̰ܵܡܵܥܲܬ: ܘܡܘܼܩܘܸܚܠܘܿܢ. ܒܹܐܡܵܪܵܐ: ܐܢܵܫܹ̈ܐ: ܩܵܡܘܿܕܝܼ ܐܲܢܹܐ ܒܸܥܒ̣ܵܕܵܐ ܝܬܘܿܢ: ܐܘܼܦ ܐܲܚܢܲܢ ܒܢܲܝ̈ܢܵܫܵܐ ܝܘܵܚ [46] ܚܵܫܘܿܫܹ̈ܐ ܐܲܝܟ ܕܝܼܵܘܟ̣ܘܿܢ: ܕܡܲܫܚܘܼܕܹܐ ܝܘܵܚ ܐܸܠܵܘܟ̣ܘܿܢ ܕܕܵܝܪܝܼܬܘܿܢ ܡܐܲܢܹܐ ܫܘܼܠܹ̈ܐ ܒܵܛܝܼܠܹ̈ܐ ܠܟܸܣ ܐܲܠܵܗܵܐ ܚܲܝܵܐ: ܗ̇ܘ 16 ܕܒܪܹܠܹܐ ܫܡܲܝܵܐ ܘܐܲܪܥܵܐ ܘܝܵܡܵܐ ܘܟܠ ܕܐܝܼܬ ܓܵܘܵܝ. ܗ̇ܘ ܕܒܕܵܘܪܹ̈ܐ ܩܵܕ̄ܡܵܝܹ̈ܐ ܫܒܸܩܠܹܐ ܠܟܠܵܝ ܛܵܝܸܦܹ̈ܐ ܕܐܵܙܠ̄ܝܼ ܒܐܘܼܪ̈ܚܵܬܹܐ 17 ܕܓܵܢܵܝ. ܐܝܼܢܵܐ ܠܵܐ ܫܒܸܩܠܹܐ ܠܓܵܢܹܗ ܕܠܵܐ ܣܵܗܕܘܼܬܵܐ: ܒܗ̇ܝ ܕܥܵܒܸܕ ܗ̄ܘܵܐ ܛܵܒ̣ܵܬܹ̈ܐ ܟܲܕ ܡ̣ܢ ܫܡܲܝܵܐ ܝܵܗ̄ܒܸܠ ܗ̄ܘܵܐ ܠܵܘܟ̣ܘܿܢ ܡܸܛܪܵܐ ܘܙܲܒ̣ܢܹ̈ܐ ܡܵܪܹ̈ܐ ܡܲܗܨܘܼܠ: ܘܡܵܠܹܐ ܗ̄ܘܵܐ 18 ܬܘܼܪܣܵܝܵܐ ܘܒܘܼܣܵܡܵܐ ܠܸܒܵܘܵܬܵܘ̈ܟ̣ܘܿܢ. ܘܟܲܕ ܐܲܢܹܐ ܐܡܸܪܘܿܢ: ܒܚܲܝܠܵܐ ܡܘܼܟܠܹܠܘܿܢ ܠܛܵܝܸܦܵܐ ܕܠܵܐ ܕܵܒܸܚ ܗ̄ܘܵܐ ܐܸܠܵܝ. 19 ܐܝܼܢܵܐ ܐܬܹܠܘܿܢ ܠܬܵܡܵܐ ܝܗ̄ܘܼܕܵܝܹ̈ܐ ܡ̣ܢ ܐܝܼܩܵܢܘܿܢ ܘܡ̣ܢ ܐܵܢܛܝܘܿܟ̣ܝ: ܘܡܘܼܠܸܦܠܘܿܢ ܠܛܵܝܸܦܵܐ: ܘܪܓ̰ܸܡܠܘܿܢ ܠܦܵܘܠܘܿܣ: ܘܓܪܸܫܠܘܿܢ ܐܸܠܹܗ ܠܒܲܕܲܪ ܡ̇ܢ ܡܕܝܼܢ̄ܬܵܐ: ܟܲܕ ܒܸܚܫܵܒ̣ܵܐ ܕܡܝܼܬܵܐ 20 ܗ̄ܘܵܐ. ܘܟܲܕ ܓ̰ܸܡܥܝܹܐ ܗ̄ܘܵܘ ܥܲܠܘܼܗܝ ܬܲܠܡܝܼܕܹ̈ܐ: ܩܸܡܠܹܐ ܐܘܸܪܹܐ ܓܵܘ ܡܕܝܼܢ̄ܬܵܐ: ܘܒܝܘܿܡܵܐ ܐܚܹܪ̄ܢܵܐ ܦܠܸܛܠܹܐ ܥܲܡ ܒܲܪܢܒ̣ܵܐ ܠܕܲܪܒܹܐ. 21 ܘܟܲܕ ܡܘܼܫܚܸܕܠܘܿܢ ܠܗ̇ܝ ܡܕܝܼܢ̄ܬܵܐ: ܘܬܘܼܠܡܸܕܠܘܿܢ ܠܪܵܒܵܐ: ܕܸܪܘܿܢ ܠܠܘܼܣܛܪܵܐ: ܘܠܐܝܼܩܵܢܘܿܢ: ܘܠܵܐܢܛܝܘܿܟ̣ܝ. 22 ܟܲܕ ܡܲܩܘܘܼܝܹܐ ܓܵܢܵܬܹ̈ܐ ܕܬܲܠܡܝܼܕܹ̈ܐ: ܦܲܪܦܘܼܠܹܐ ܒܝܼܵܝ ܕܥܲܪܩܸܠ ܒܗܲܝܡܵܢܘܼܬܵܐ: ܘܐܵܡܪܝܼ ܗ̄ܘܵܘ ܐܸܠܵܝ: ܕܒܪܵܒܵܐ ܐܘܼܠܨܵܢܹ̈ܐ ܘܵܓ̰ܸܒ 23 ܝܼܠܵܐ ܠܹܐܘܵܪܵܐ ܠܡܲܠܟܘܼܬܹܗ ܕܐܲܠܵܗܵܐ. ܘܡܘܼܩܸܡܠܘܿܢ ܐܸܠܵܝ ܒܟܠ ܥܹܕܬܵܐ ܚܘܵܪ̈ܕܸܩܢܹܐ: ܟܲܕ ܨܝܡܝܼ ܗ̄ܘܵܐ ܘܨܵܠܝܼ ܗ̄ܘܵܘ 24 ܨܠܘܿܬܵܐ: ܣܘܼܦܝܵܝܠܘܿܢ ܠܡܵܪܲܢ: ܕܒܝܹܗ ܗܘܼܡܸܢܘܿܢ. ܘܟܲܕ 25 ܚܕܸܪܘܿܢ ܠܦܝܼܣܝܼܕܝܵܐ: ܐܬܹܠܘܿܢ ܠܦܲܡܦܸܘܠܝܼܵܐ. ܘܟܲܕ 26 ܗܘܼܡܙܸܡܠܘܿܢ ܒܦܲܪܓܹܐ ܗܹܡܸܙܡܵܢ: ܨܠܹܠܘܿܢ ܠܐܲܢܛܲܠܝܵܐ. ܘܡ̣ܢ ܬܵܡܵܐ ܪܚܸܫܠܘܿܢ ܒܝܵܡܵܐ ܠܐܵܢܛܝܘܿܟ̣ܝ: ܕܡ̣ܢ ܬܵܡܵܐ ܣܘܼܦܝܹܐ ܗ̄ܘܵܘ ܠܫܵܦܵܩܲܬܹܗ ܕܐܲܠܵܗܵܐ ܠܦܘܼܠܚܵܢܵܐ ܗ̇ܘ ܕܬܘܼܡܸܡܘܼܗܝ 27 ܗ̄ܘܵܘ. ܘܟܲܕ ܐܬܹܠܘܿܢ: ܘܓ̰ܘܼܡܸܥܠܘܿܢ ܠܥܹܕܬܵܐ: ܗܘܼܩܹܠܘܿܢ ܟܠ ܡܸܢܕܝܼ ܕܥܒܸܕܠܹܐ ܐܲܠܵܗܵܐ ܥܲܡܵܝ: ܘܕܦܬܸܚܠܹܐ ܬܲܪܥܵܐ 28 ܕܗܲܝܡܵܢܘܼܬܵܐ ܠܛܵܝܸܦܹ̈ܐ. ܘܪܵܒܵܐ ܙܲܒ̣ܢܵܐ ܦܸܫܠܘܿܢ ܬܵܡܵܐ ܠܟܸܣ ܬܲܠܡܝܼܕܹ̈ܐ.

 

ܩܦܠܐܘܢ: ܝܗ

1 ܐܝܼܢܵܐ ܨܠܹܠܘܿܢ ܐܢܵܫܹ̈ܐ ܡ̣ܢ ܝܼܗܘܼܕ: ܘܡܵܠܦܝܼ ܗ̄ܘܵܘ ܠܐܵܚܘܿܢܘܵܬܹ̈ܐ: ܕܐܸܢ ܠܵܐ ܗܵܘܝܼܬܘܿܢ ܓܙܝܼܪܹ̈ܐ ܒܥܵܕܲܬ ܕܡܘܼܫܹܐ: 2 ܠܹܐ ܡܵܨܝܼܬܘܿܢ [47] ܠܸܚܵܝܵܐ. ܘܟܲܕ ܗ̄ܘܹܠܹܐ ܫܓ̣ܘܼܫܝܵܐ ܪܵܒܵܐ ܘܕܪܵܫܬܵܐ ܠܦܵܘܠܘܿܣ ܘܠܒܲܪܢܒ̣ܵܐ ܥܲܡܵܝ: ܥܒܸܕܠܘܿܢ ܪܵܐܝܝܼ ܕܐܵܣܩܝܼ ܦܵܘܠܘܿܣ ܘܒܲܪܢܒ̣ܵܐ ܘܐܚܹܪ̄ܢܹܐ ܡܸܢܵܝ ܠܟܸܣ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܓܵܘ ܐܘܿܪܸܫܠܸܡ ܥܲܠ ܕܐܵܗܵܐ ܕܪܵܫܬܵܐ. 3 ܘܡܘܼܦܫܸܛܵܝܠܵܐ ܥܹܕܬܵܐ: ܘܐܙܸܠܘܿܢ ܓܵܘ ܦܹܘܢܝܼܩܹܐ ܘܫܵܡܪܹܝܢ: ܟܲܕ ܗܵܩܝܼ ܗ̄ܘܵܘ ܥܲܠ ܕܝܵܪܬܵܐ ܕܛܵܝܸܦܹ̈ܐ: ܘܥܵܒ̣ܕܝܼ ܗ̄ܘܵܘ 4 ܚܲܕܘܼܬܵܐ ܓܘܼܪܬܵܐ ܠܟܠܵܝ ܐܵܚܘܿܢܘܵܬܹ̈ܐ. ܘܟܲܕ ܐܬܹܠܘܿܢ ܠܐܘܿܪܸܫܠܸܡ: ܦܸܫܠܘܿܢ ܩܘܼܒܠܹܐ ܡ̣ܢ ܥܹܕܬܵܐ ܘܡ̣ܢ ܫܠܝܼܚܹ̈ܐ ܘܡ̣ܢ ܚܘܵܪ̈ܕܸܩܢܹܐ: ܘܗܘܼܩܹܠܘܿܢ ܐܸܠܵܝ ܟܠ ܡܸܢܕܝܼ ܕܥܒܸܕܠܹܐ 5 ܥܲܡܵܝ ܐܲܠܵܗܵܐ. ܐܝܼܢܵܐ ܩܸܡܠܘܿܢ ܚܲܟܡܵܐ ܕܗܘܼܡܸܢܹܐ ܗ̄ܘܵܘ ܡ̣ܢ ܝܘܼܠܦܵܢܵܐ ܕܦܪ̈ܝܼܫܹܐ: ܘܐܵܡܪܝܼ: ܘܵܓ̰ܸܒ ܝܼܠܵܐ ܠܸܓܙܵܪܵܝ: ܘܠܦܵܩܘܿܕܵܝ ܕܢܵܛܪܝܼ ܢܵܡܘܿܣܵܐ ܕܡܘܼܫܹܐ. 6 ܘܓ̰ܡܸܥܠܘܿܢ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܚܵܙܝܼ ܥܲܠ ܕܐܵܗܵܐ 7 ܫܘܼܠܵܐ. ܘܟܲܕ ܗ̄ܘܹܠܵܐ ܕܪܵܫܬܵܐ ܪܵܒܵܐ: ܩܸܡܠܹܐ ܟܹܐܦܵܐ: ܘܐܡܸܪܹܐ ܐܸܠܵܝ. ܐܢܵܫܹ̈ܐ ܐܵܚܘܿܢܘܵܬܹ̈ܐ: ܐܲܚܬܘܿܢ ܒܝܼܕܲܥܝܵܐ ܝܬܘܿܢ ܕܡ̣ܢ ܝܘܿܡܵܢܹܐ ܩܵܕ̄ܡܵܝܹ̈ܐ: ܡ̣ܢ ܦܘܼܡܵܐ ܕܝܼܝܼ ܐܲܠܵܗܵܐ ܓܵܘܵܘܟ̣ܘܿܢ ܓܘܼܒܹܠܹܐ ܕܫܲܡܥܝܼ 8 ܛܵܝܸܦܹ̈ܐ ܗܹܡܸܙܡܵܢ ܕܡܲܫܚܲܕܬܵܐ ܘܗܲܡܸܢܝܼ. ܘܐܲܠܵܗܵܐ: ܝܲܕܥܵܢܵܐ ܕܠܸܒܵܘܵܬܹ̈ܐ: ܝܸܗܒܸܠܹܐ ܣܵܗܕܘܼܬܵܐ ܥܲܠܵܝ: ܘܝܸܗܒܸܠܹܐ ܐܸܠܵܝ ܪܘܼܚܵܐ 9 ܕܩܘܼܕܫܵܐ: ܐܲܝܟ ܕܐܘܼܦ ܐܸܠܲܢ. ܘܠܵܐ ܦܪܸܫܠܹܐ ܒܹܝܠܲܢ ܘܠܵܐܢܝܼ: 10 ܣܵܒܵܒ ܕܕܘܼܟܹܠܹܐ ܒܗܲܝܡܵܢܘܼܬܵܐ ܠܸܒܵܘܵܬܵܝ̈. ܘܐܵܕܝܼܵܐ ܐܲܚܬܘܿܢ ܩܵܡܘܿܕܝܼ ܓ̰ܵܪܘܿܒܹܐ ܝܬܘܿܢ ܠܐܲܠܵܗܵܐ: ܕܡܲܬܒ̣ܝܼܬܘܿܢ ܢܝܼܪܵܐ ܥܲܠ ܩܕܵܠܵܐ ܕܬܲܠܡܝܼܕܹ̈ܐ: ܗ̇ܘ ܕܐܘܼܦ ܠܵܐ ܐܲܒ̣̈ܗܵܬܲܢ: ܐܘܼܦ ܠܵܐ 11 ܐܲܚܢܲܢ ܡܨܹܠܲܢ ܠܸܛܥܵܢܵܐ. ܐܸܠܵܐ ܒܫܵܦܵܩܲܬܹܗ ܕܡܵܪܲܢ ܝܼܫܘܿܥ: ܗܲܡܘܼܢܹܐ ܝܘܵܚ ܠܸܦܝܵܫܵܐ ܦܘܼܪܩܹܐ ܐܲܝܟ ܐܵܢܝܼ. 12 ܘܫܬܸܩܠܘܿܢ ܟܠܹܗ ܟܸܢܫܵܐ: ܘܫܲܡܥܝܼ ܗ̄ܘܵܘ ܠܦܵܘܠܘܿܣ ܘܠܒܲܪܢܒ̣ܵܐ: ܕܗܵܩܝܼ ܗ̄ܘܵܘ ܟܠ ܡܸܢܕܝܼ ܕܥܒܸܕܠܹܐ ܐܲܠܵܗܵܐ 13 ܒܐܝܼܕܵܝ̈: ܢܝܼܫܲܢܩܹ̈ܐ ܘܥܵܓ̰ܸܒܘܼܝܵܬܹ̈ܐ ܓܵܘ ܛܵܝܸܦܹ̈ܐ. ܘܒܵܬ̄ܪ ܕܫܬܸܩܠܘܿܢ: ܓ̰ܘܼܘܸܒܠܹܐ ܝܲܥܩܘܿܒ̣ ܘܐܡܸܪܹܐ. 14 ܐܢܵܫܹ̈ܐ ܐܵܚܘܿܢܘܵܬܹ̈ܐ: ܫܡܸܥܡܘܿܢ ܠܝܼ. ܫܸܡܥܘܿܢ ܗܘܼܩܹܠܹܐ ܐܸܠܵܘܟ̣ܘܿܢ ܕܵܐܟ̣ܝܼ ܩܵܕ̄ܡܵܝܬܵܐ ܐܲܠܵܗܵܐ ܣܘܼܚܒܸܪܹܐ ܠܡܸܠܲܬܹ̈ܐ 15 ܠܸܫܩܵܠܵܐ ܡܸܢܵܝ ܛܵܝܸܦܵܐ ܠܫܸܡܹܗ. ܘܒܐܵܗܵܐ ܟܹܐ ܫܵܠܡܝܼ 16 ܗܹܡܸܙܡܵܢܹ̈ܐ ܕܢܒ̣̈ܝܹܐ: ܕܵܐܟ̣ܝܼ ܕܝܼܠܹܐ ܟܬܝܼܒ̣ܵܐ. ܡ̣ܢ ܒܵܬ̄ܪ ܐܲܢܹܐ ܒܸܬ ܕܵܝܪܸܢ: ܘܒܸܬ ܒܵܢܸܢ ܡܸܕܪܹܐ ܡܵܫܸܟܢܹܗ ܕܕܵܘܝܼܕ ܕܝܼܠܹܐ ܢܦܝܼܠܵܐ: ܘܒܸܬ ܒܵܢܸܢ ܡܸܕܪܹܐ ܘܲܝܪܵܢܘܼܗܝ: ܘܒܸܬ ܡܲܩܸܡܸܢܹܗ. 17 ܕܵܐܟ̣ܝܼ ܕܛܵܥܝܼ ܐܚܹܪ̄ܢܹܐ ܕܒܢܲܝ̈ܢܵܫܵܐ ܠܡܵܪܝܵܐ: ܘܟܠܵܝ ܛܵܝܸܦܹ̈ܐ: 18 ܕܦܸܫܠܹܐ ܩܸܪܝܵܐ ܫܸܡܝܼ ܥܲܠܵܝ. ܒܹܐܡܵܪܵܐ ܝܠܹܐ ܡܵܪܝܵܐ: ܕܥܒܸܕܠܹܐ 19 ܐܲܢܹܐ ܟܠܵܝ ܝܕܸܥܝܹܐ ܡ̣ܢ ܥܵܠܲܡ. ܣܵܒܵܒ ܕܐܵܗܵܐ ܐܵܢܵܐ ܪܵܐܝܝܼ ܒܸܥܒ̣ܵܕܵܐ ܝܘܸܢ: ܕܠܵܐ ܝܵܗ̄ܒ̣ܵܚ ܙܲܗܡܲܬ ܠܐܵܢܝܼ ܕܡ̣ܢ ܛܵܝܸܦܹ̈ܐ ܕܵܝܪܝܼ 20 ܠܟܸܣ ܐܲܠܵܗܵܐ. ܐܸܠܵܐ ܕܦܵܝܸܫ ܫܘܼܕܪܵܐ ܠܟܸܣܠܵܝ ܕܦܵܪܩܝܼ ܡ̣ܢ ܛܲܡܐܘܼܬܵܐ ܕܨܵܢܲܡܹ̈ܐ: ܘܡ̣ܢ ܙܵܢܝܘܼܬܵܐ: ܘܡ̣ܢ ܚܢܝܼܩܵܐ: ܘܡ̣ܢ 21 ܕܸܡܵܐ. ܣܵܒܵܒ ܡܘܼܫܹܐ ܡ̣ܢ ܕܵܘܪܹ̈ܐ ܩܵܕ̄ܡܵܝܹ̈ܐ ܐܝܼܬ ܠܹܗ ܓܵܘ ܟܠ ܡܕܝܼܢ̄ܬܵܐ ܐܵܢܝܼ ܕܡܲܟܪܘܼܙܘܼܗܝ ܝܢܵܐ: ܕܓܵܘ ܟܢܘܼܫܝܵܬܹ̈ܐ ܒܟܠܵܝ ܫܲܒܵܬܹ̈ܐ ܟܹܐ ܩܵܪܝܼ ܠܹܗ. 22 ܗ̇ܝܓܵܗ ܫܦܸܪܵܐ ܠܫܠܝܼܚܹ̈ܐ ܘܠܚܘܵܪ̈ܕܸܩܢܹܐ ܥܲܡ ܟܠܵܗ̇ ܥܹܕܬܵܐ: ܕܫܵܕܪܝܼ ܐܢܵܫܹ̈ܐ ܓܘܒ̇ܝܹ̈ܐ ܡܸܢܵܝ ܠܐܵܢܛܝܘܿܟ̣ܝ: ܥܲܡ ܦܵܘܠܘܿܣ ܘܒܲܪܢܒ̣ܵܐ: ܠܝܼܗܘܼܕܵܐ ܕܦܝܵܫܵܐ ܝܠܹܐ ܩܸܪܝܵܐ ܒܲܪܫܲܒܵܐ: 23 ܘܠܫܝܼܠܵܐ: ܐܢܵܫܹ̈ܐ ܪܹ̈ܫܵܝܹܐ ܗ̄ܘܵܘ ܓܵܘ ܐܵܚܘܿܢܘܵܬܹ̈ܐ. ܘܟܬܸܒ̣ܠܘܿܢ ܒܐܝܼܕܵܬܵܝ̈ ܗܲܕܟ̣ܵܐ: ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܘܐܵܚܘܿܢܘܵܬܹ̈ܐ ܠܐܵܢܝܼ ܕܝܼܢܵܐ ܓܵܘ ܐܵܢܛܝܘܿܟ̣ܝ: ܘܓܵܘ ܣܘܼܪܝܼܵܐ: ܘܓܵܘ ܩܝܼܠܝܼܩܝܼܵܐ: 24 ܐܵܚܘܿܢܘܵܬܹ̈ܐ ܕܡ̣ܢ ܛܵܝܸܦܹ̈ܐ: ܫܠܵܡܵܐ. ܣܵܒܵܒ ܫܡܸܥܠܲܢ ܕܐܢܵܫܹ̈ܐ ܡܸܢܲܢ ܦܠܸܛܠܘܿܢ ܘܩܲܡ ܚܵܒ̣ܛܝܼ ܠܵܘܟ̣ܘܿܢ ܒܗܹܡܸܙܡܵܢܹ̈ܐ: ܡܲܕܘܼܪܹܐ 25 ܓܢܵܬܵܘ̈ܟ̣ܘܿܢ: [48] ܕܐܸܠܵܝ ܐܲܚܢܲܢ ܠܵܐ ܦܘܼܩܸܕܠܲܢ. ܡܘܼܚܫܸܚܠܲܢ: ܟܲܕ ܗ̄ܘܝܹܐ ܝܘܵܚ ܒܚܕܵܐ ܓܵܢܵܐ: ܕܫܵܕܪܵܚ ܐܢܵܫܹ̈ܐ ܓܘܼܒ̇ܝܹ̈ܐ 26 ܠܟܸܣܠܵܘܟ̣ܘܿܢ ܥܲܡ ܦܵܘܠܘܿܣ ܘܒܲܪܢܒ̣ܵܐ ܡܘܼ̈ܚܸܒܲܢ. ܐܢܵܫܹ̈ܐ ܕܣܘܼܦܹܠܘܿܢ ܓܵܢܵܬܵܝ̈ ܒܚܵܬܸܪ ܕܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ. 27 ܘܫܘܼܕܸܪܲܢ ܠܝܼܗܘܼܕܵܐ ܘܠܫܝܼܠܵܐ: ܕܐܲܢܹܐ ܒܗܹܡܸܙܡܵܢ ܐܵܡܪܝܼ ܠܵܘܟ̣ܘܿܢ 28 ܗܲܪ ܐܲܢܹܐ ܡܸܢܕܝܵܢܹ̈ܐ. ܣܵܒܵܒ ܕܒܣܸܡܠܵܐ ܠܹܗ ܪܘܚܵܐ ܕܩܘܼܕܫܵܐ: ܘܐܘܼܦ ܐܲܚܢܲܢ: ܕܠܵܐ ܦܵܝܸܫ ܡܘܼܬܒ̣ܵܐ ܥܲܠܵܘܟ̣ܘܿܢ 29 ܝܘܼܩܪܵܐ ܙܵܘܕܵܐ: ܠܒܲܕܲܪ ܡܐܲܢܹܐ ܕܝܼܢܵܐ ܠܵܙܸܡ. ܕܪܵܚܩܝܼܬܘܿܢ ܡ̣ܢ ܕܕܒ̣ܝܼܚܵܐ ܠܨܵܢܲܡܹ̈ܐ: ܘܡ̣ܢ ܕܸܡܵܐ: ܘܡ̣ܢ ܚܢܝܼܩܹ̈ܐ: ܘܡ̣ܢ ܙܵܢܝܘܼܬܵܐ: ܕܟܲܕ ܢܵܛܪܝܼܬܘܿܢ ܓܵܢܵܘܟ̣ܘܿܢ ܡܐܲܢܹܐ: ܨܦܵܝܝܼ ܒܸܬ ܥܵܒ̣ܕܝܼܬܘܿܢ ܗ̄ܘܹܡܘܿܢ ܒܫܲܝܢܵܐ. 30 ܘܐܵܢܝܼ ܟܲܕ ܦܸܫܠܘܿܢ ܫܘܼܕܪܹܐ: ܐܬܹܠܘܿܢ ܠܐܵܢܛܝܘܟ̣ܝ: 31 ܘܓ̰ܘܼܡܸܥܠܘܿܢ ܟܸܢܫܵܐ: ܘܝܸܗܒ̣ܵܠܘܿܢ ܐܸܓܲܪܬܵܐ. ܘܟܲܕ 32 ܩܸܪܝܵܠܘܿܢ: ܚܕܹܠܘܿܢ ܒܝܵܗ̄ܒܲܠܬܵܐ ܕܠܸܒܵܐ. ܘܝܼܗܘܼܕܵܐ ܘܫܝܼܠܵܐ: ܣܵܒܵܒ ܐܘܼܦ ܐܵܢܝܼ ܢܒ̣̈ܝܹܐ ܗ̄ܘܵܘ: ܒܗܲܡܙܲܡܬܵܐ ܪܵܒܵܐ ܝܸܗ̄ܒܸܠܘܿܢ 33 ܠܸܒܵܐ ܠܐܵܚܘܿܢܘܵܬܹ̈ܐ: ܘܡܘܼܩܘܝܼܵܝܠܘܿܢ. ܘܟܲܕ ܗ̄ܘܹܠܘܿܢ ܬܵܡܵܐ ܚܵܕ̄ ܙܲܒ̣ܢܵܐ: ܫܘܼܕܪܵܝܠܘܿܢ ܐܵܚܘܿܢܘܵܬܹ̈ܐ ܒܫܠܵܡܵܐ ܠܟܸܣ 35 ܫܲܕܪ̈ܵܢܵܝ. [49] ܐܝܼܢܵܐ ܦܵܘܠܘܿܣ ܘܒܲܪܢܒ̣ܵܐ ܥܘܼܪܩܸܠܘܿܢ ܓܵܘ ܐܵܢܛܝܘܿܟ̣ܝ: ܡܵܠܘܿܦܹܐ ܘܡܲܫܚܘܼܕܹܐ ܥܲܡ ܪܵܒܵܐ ܐܚܹܪ̄ܢܹܐ ܗܹܡܸܙܡܵܢ ܕܡܵܪܝܵܐ. 36 ܘܒܵܬ̄ܪ ܚܲܟܡܵܐ ܝܘܿܡܵܢܹ̈ܐ ܐܡܸܪܹܐ ܦܵܘܠܘܿܣ ܠܒܲܪܢܒ̣ܵܐ: ܕܵܝܪܵܚ ܘܬܵܦܩܵܚ ܒܐܵܚܘܿܢ̈ܘܵܬܲܢ ܕܒܟܠ ܡܕܝܼܢ̄ܬܵܐ ܕܡܘܼܟܪܸܙܠܲܢ 37 ܓܵܘܵܗ̇ ܗܹܡܸܙܡܵܢ ܕܡܵܪܝܵܐ: ܘܚܵܙܵܚ ܕܵܐܟ̣ܝܼ ܝܢܵܐ. ܐܝܼܢܵܐ ܒܲܪܢܒ̣ܵܐ ܒܲܥܝܹܐ ܗ̄ܘܵܐ ܕܠܵܒܸܠ ܠܝܘܿܚܲܢܵܢ: ܗ̇ܘ ܕܦܸܫܠܹܐ ܩܸܪܝܵܐ 38 ܡܵܪܩܘܿܣ. ܐܝܼܢܵܐ ܦܵܘܠܘܿܣ ܠܵܐ ܒܣܸܡܠܵܐ ܠܹܗ ܕܠܵܒܸܠ ܗ̄ܘܵܐ ܠܹܗ ܥܲܡܵܝ: ܗ̇ܘ ܕܫܒ̣ܝܼܩܵܝ ܗ̄ܘܵܐ ܟܲܕ ܐܵܢܝܼ ܓܵܘ 39 ܦܲܡܦܸܘܠܝܼܵܐ: ܘܠܵܐ ܐܙܸܠܹܐ ܥܲܡܵܝ ܠܦܘܼܠܚܵܢܵܐ. ܘܗ̄ܘܹܠܵܐ ܗܲܕܟ̣ܵܐ ܡܲܩܲܪܵܨܘܼܬܵܐ ܕܵܐܟ̣ܝܼ ܕܦܪܸܫܠܘܿܢ ܚܵܕ̄ ܡܗ̇ܘ ܐܚܹܪ̄ܢܵܐ: ܘܒܲܪܢܒ̣ܵܐ ܠܘܼܒܸܠܹܐ ܠܡܵܪܩܘܿܣ: ܘܪܚܸܫܠܘܿܢ ܒܝܵܡܵܐ ܠܩܸܘܦܪܘܿܣ. 40 ܘܦܵܘܠܘܿܣ ܓܘܼܒܹܠܹܐ ܠܫܝܼܠܵܐ: ܘܦܠܸܛܠܹܐ: ܟܲܕ ܣܘܼܦܝܵܐ ܡ̣ܢ 41 ܐܵܚܘܿܢܘܵܬܹ̈ܐ ܠܫܵܦܵܩܲܬ ܕܐܲܠܵܗܵܐ. ܘܐܙܸܠܹܐ ܡ̣ܢ ܓܵܘ ܣܘܼܪܝܼܵܐ ܘܩܝܼܠܝܼܩܝܼܵܐ: ܘܡܲܩܘܹܐ ܗ̄ܘܵܐ ܥܹܕܵܬܹ̈ܐ.

 

ܩܦܠܐܘܢ: ܝܘ

1 ܘܡܛܹܠܹܐ ܠܕܲܪܒܹܐ ܡܕܝܼܢ̄ܬܵܐ ܘܠܠܘܼܣܛܪܵܐ: ܘܗܵܐ: ܐܝܼܬ ܗ̄ܘܵܐ ܬܵܡܵܐ ܚܵܕ̄ ܬܲܠܡܝܼܕܵܐ ܕܫܸܡܹܗ ܛܝܼܡܵܬܹܐܘܿܣ: ܒܪܘܼܢܵܐ ܕܚܕܵܐ ܒܲܟ̣ܬܵܐ ܝܗ̄ܘܼܕܵܝܬܵܐ ܗܘܼܡܸܢܬܵܐ: ܐܝܼܢܵܐ ܒܵܒܹܗ ܝܵܘܢܵܝܵܐ ܗ̄ܘܵܐ. 2 ܘܐܵܚܘܿܢܘܵܬܹ̈ܐ ܕܡ̣ܢ ܠܘܼܣܛܪܵܐ ܘܐܝܼܩܵܢܘܿܢ ܟܹܐ ܝܵܗ̄ܒ̣ܝܼ ܗ̄ܘܵܘ 3 ܣܵܗܕܘܼܬܵܐ ܒܵܗ̄ܣܹܗ. ܠܐܵܗܵܐ ܒܣܸܡܠܵܐ ܠܹܗ ܦܵܘܠܘܿܣ ܕܐܵܙܸܠ ܗ̄ܘܵܐ ܥܲܡܹܗ: ܘܫܩܸܠܹܐ ܓܙܸܪܹܗ: ܣܵܒܵܒ ܕܝܗ̄ܘܼܕܵܝܹ̈ܐ ܕܐܝܼܬ ܗ̄ܘܵܘ ܒܗ̇ܝ ܕܘܼܟܵܐ: ܣܵܒܵܒ ܟܹܐ ܝܲܕܥܝܼ ܗ̄ܘܵܘ ܟܠܵܝ 4 ܠܒܵܒܹܗ ܕܝܵܘܢܵܝܹ̈ܐ ܗ̄ܘܵܐ. ܘܟܲܕ ܒܹܐܙܵܠܵܐ ܗ̄ܘܵܘ ܓܵܘ ܡܕܝܼܢܵܬܹ̈ܐ: ܣܘܼܦܹܠܘܿܢ ܕܗܵܘܝܼ ܒܸܢܛܵܪܵܐ ܠܦܘܼܩܕܵܢܹ̈ܐ: ܐܵܢܝܼ ܕܡܘܼܩܸܡܠܘܿܢ 5 ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܓܵܘ ܐܘܿܪܸܫܠܸܡ. ܗܲܕܟ̣ܵܐ ܥܹܕܵܬܹ̈ܐ ܦܵܝܫܝܼ ܗ̄ܘܵܘ ܡܘܼܩܘܝܹܐ ܒܗܲܝܡܵܢܘܼܬܵܐ: ܘܙܵܝܕܝܼ ܗ̄ܘܵܘ ܒܡܸܢܝܵܢܵܐ ܟܠܝܘܿܡ. 6 ܘܚܕܸܪܘܿܢ ܒܦܪܘܼܓ̣ܝܼܵܐ ܘܒܓܵܠܵܛܝܼܵܐ ܐܲܬܪܵܐ: ܟܲܕ ܡܘܼܟܠܝܼܵܝܠܹܐ ܪܘܼܚܵܐ ܕܩܘܼܕܫܵܐ ܕܠܵܐ ܗܲܡܙܸܡܝܼ ܗܹܡܸܙܡܵܢ ܓܵܘ 7 ܐܵܣܝܼܵܐ. ܘܟܲܕ ܐܬܹܠܘܿܢ ܠܒܲܪܩܘܼܒ̣ܠ ܕܡܘܼܣܝܼܵܐ: ܓ̰ܘܼܪܸܒܠܘܿܢ ܕܐܵܙܠ̄ܝܼ ܠܒܹܬܘܿܢܝܼܵܐ: ܘܠܵܐ ܝܸܗܒܸܠܹܐ ܕܲܣܬܘܼܪ ܐܸܠܵܝ ܪܘܼܚܵܐ 8 ܕܝܼܫܘܿܥ. ܘܟܲܕ ܥܒܸܪܘܿܢ ܡ̣ܢ ܡܘܼܣܝܼܵܐ: ܨܠܹܠܘܿܢ 9 ܠܛܪܘܿܐܘܿܣ. ܘܒܚܸܙܘܵܐ ܕܠܲܝܠܹܐ ܦܸܫܠܹܐ ܚܸܙܝܵܐ ܠܦܵܘܠܘܿܣ ܚܵܕ̄ ܐܢܵܫܵܐ ܡܵܩܹܕܘܿܢܵܝܵܐ: ܟܸܠܝܵܐ ܘܦܲܪܦܘܼܠܹܐ ܒܝܹܗ: ܟܲܕ ܐܵܡܸܪ: 10 ܬܵܐ ܠܡܵܩܹܕܘܿܢܝܵܐ ܘܗܲܝܸܪܲܢ. ܘܟܲܕ ܚܙܹܠܹܐ ܐܵܗܵܐ ܚܸܙܘܵܐ: ܕܲܪܣܵܥܲܬ ܛܸܥܠܲܢ ܠܸܦܠܵܛܵܐ ܠܡܵܩܕܘܿܢܝܼܵܐ: ܣܵܒܵܒ ܦܘܼܪܡܹܠܲܢ ܕܐܲܠܵܗܵܐ ܩܸܪܝܵܚܠܹܐ ܕܡܲܫܚܸܕܵܚ ܠܐܵܢܝܼ. 11 ܘܪܚܸܫܠܲܢ ܡ̣ܢ ܛܪܘܿܐܘܿܣ: ܘܛܪܹܠܲܢ ܕܘܼܙ ܠܣܵܡܘܿܬܪܵܩܹܐ: 12 ܘܒܝܘܿܡܵܐ ܐܚܹܪ̄ܢܵܐ ܠܢܹܐܵܦܘܿܠܝܼܣ. ܘܡ̣ܢ ܬܵܡܵܐ ܠܦܝܼܠܝܼܦܘܿܣ: ܕܝܼܠܵܐ ܡܕܝܼܢ̄ܬܵܐ ܩܵܕ̄ܡܵܝܬܵܐ ܕܡܵܗܲܠ ܕܡܵܩܹܕܘܿܢܝܼܵܐ: ܘܩܘܿܠܘܿܢܝܼܵܐ ( ܪܗ̄ܘܿܡܵܝܬܵܐ) ܝܠܵܐ: ܘܦܸܫܠܲܢ ܒܐܵܗܵܐ ܡܕܝܼܢ̄ܬܵܐ ܚܲܟܡܵܐ ܝܘܿܡܵܢܹ̈ܐ. 13 ܘܦܠܸܛܠܲܢ ܒܝܘܿܡܵܐ ܕܫܲܒܬܵܐ ܠܒܲܕܲܪ ܡ̣ܢ ܕܲܪܘܵܙܵܐ: ܥܲܠ ܣܸܦܬܵܐ ܕܢܲܗܪܵܐ: ܐܲܝܟܵܐ ܕܚܫܸܒ̣ܠܲܢ ܐܝܼܬ ܗ̄ܘܵܐ ܒܹܝܬ ܨܠܘܿܬܵܐ: ܘܟܲܕ ܝܬܸܒ̣ܠܲܢ: ܗܲܡܙܘܼܡܹܐ ܝܘܵܚ ܗ̄ܘܵܘ ܥܲܡ ܒܲܟ̣ܬܵܬܹ̈ܐ ܕܓ̰ܸܡܥܝܹܐ 14 ܗ̄ܘܵܘ ܬܵܡܵܐ. ܘܚܕܵܐ ܒܲܟ̣ܬܵܐ: ܙܵܒ̇ܢܵܢܬܵܐ ܕܐܲܪܓܘܵܢܵܐ: ܙܵܕܥܝܵܢܬܵܐ ܡ̣ܢ ܐܲܠܵܗܵܐ: ܫܸܡܵܗ̇ ܠܘܼܕܝܼܵܐ: ܡ̣ܢ ܬܹܐܘܿܛܝܼܪܵܐ ܡܕܝܼܢ̄ܬܵܐ: ܫܡܸܥܠܵܐ: ܘܠܸܒܵܗ̇ ܦܬܸܚܠܹܐ ܡܵܪܲܢ: ܠܡܲܨܝܘܼܬܹܐ ܠܡܸܢܕܝܵܢܹ̈ܐ ܕܐܵܡܸܪ ܗ̄ܘܵܐ 15 ܦܵܘܠܘܿܣ. ܘܥܡܸܕܠܵܐ ܗ̇ܝ ܘܟܸܠܦܲܬܘܼܗ̇: ܘܦܘܼܪܦܸܠܵܐ ܒܝܼܲܢ: ܒܹܐܡܵܪܵܐ: ܐܸܢ ܒܸܕܝܵܢܵܐ ܝܬܘܿܢ ܕܗܘܼܡܸܢܬܵܐ ܝܘܵܢ ܒܡܵܪܲܢ: ܬܹܡܘܿܢ ܦܘܼܫܘܿܢ ܓܵܘ ܒܲܝܬܝܼ. ܘܪܵܒܵܐ ܩܲܡ ܡܲܠܝܼܨܵܐ ܠܲܢ. 16 ܘܗ̄ܘܹܠܵܐ ܕܟܲܕ ܒܹܐܙܵܠܵܐ ܝܘܵܚ ܗ̄ܘܵܘ ܠܨܠܘܿܬܵܐ: ܬܦܸܩܠܵܐ ܒܝܲܢ ܚܕܵܐ ܚܵܡܬܵܐ ܕܐܝܼܬ ܗ̄ܘܵܐ ܠܵܗ̇ ܪܘܼܚܵܐ ܕܩܸܨܡܵܐ: ܘܥܵܒ̣ܕܵܐ 17 ܗ̄ܘܵܐ ܪܵܒܵܐ ܦܲܝܕܵܐ ܠܡܵܪ̈ܵܘܵܬܘܼܗ̇ ܒܩܨܵܡܬܵܐ. ܐܵܗܵܐ ܐܵܬܝܵܐ ܗ̄ܘܵܐ ܒܵܬ̄ܪ ܦܵܘܠܘܿܣ ܘܒܵܬ̄ܪܲܢ: ܘܡܲܩܘܸܚܵܐ ܗ̄ܘܵܐ ܘܐܵܡܪܵܐ: ܐܲܢܹܐ ܐܢܵܫܹ̈ܐ ܪܹ̈ܓܵܘܵܬܹܐ ܕܐܲܠܵܗܵܐ ܪܵܡܵܐ ܝܢܵܐ: ܕܡܲܫܚܘܼܕܹܐ ܝܢܵܐ ܐܸܠܵܘܟ̣ܘܿܢ 18 ܐܘܼܪܚܵܐ ܕܦܘܼܪܩܵܢܵܐ. ܘܗܲܕܟ̣ܵܐ ܟܹܐ ܥܵܒ̣ܕܵܐ ܗ̄ܘܵܐ ܪܵܒܵܐ ܝܘܿܡܵܢܹ̈ܐ. ܘܟܲܕ ܡܛܹܠܵܐ ܠܓܵܢܹܗ ܕܦܵܘܠܘܿܣ: ܕܸܪܹܐ: ܘܐܡܸܪܹܐ ܠܗ̇ܝ ܪܘܼܚܵܐ: ܦܵܩܘܿܕܹܐ ܝܘܸܢ ܐܸܠܵܟ̣ܝ ܒܫܸܡܹܗ ܕܝܼܫܘܿܥ ܡܫܝܼܚܵܐ ܕܦܵܠܛܲܬܝ 19 ܡܸܢܵܗ̇. ܘܗܲܪ ܒܗ̇ܝ ܣܵܥܲܬ ܦܠܸܛܠܵܐ. ܘܟܲܕ ܚܙܠܘܿܢ ܡܵܪ̈ܵܘܵܬܘܼܗ̇ ܕܦܠܸܛܠܵܐ ܡܸܢܵܗ̇ ܗܹܒ̣ܝܼ ܕܦܲܝܕܵܝ: ܕܒܸܩܠܘܿܢ ܠܦܵܘܠܘܿܣ ܘܠܫܝܼܠܵܐ ܘܓܪܝܼܫܵܝܠܘܿܢ ܠܫܘܼܩܵܐ ܩܵܕ̄ܡ 20 ܓܘܼܪ̈ܵܢܹܐ. ܘܟܲܕ ܡܘܼܬ̄ܝܵܝܠܘܿܢ ܠܟܸܣ ܗܵܟܝܼܡܹ̈ܐ: ܐܡܸܪܘܿܢ: ܐܲܢܹܐ ܐܢܵܫܹ̈ܐ ܒܸܚܒ̣ܵܛܵܐ ܝܢܵܐ ܠܡܕܝܼܢ̄ܬܲܢ: ܕܝܗ̄ܘܼܕܵܝܹ̈ܐ ܝܢܵܐ. 21 ܘܡܲܟܪܘܿܙܹܐ ܝܢܵܐ ܥܵܕܲܬܹ̈ܐ ܐܵܢܝܼ ܕܠܹܐ ܝܠܵܐ ܒܕܲܣܬܘܼܪ ܐܸܠܲܢ 23 ܠܩܵܒܘܿܠܹܐ ܘܠܵܐ ܠܸܥܒ̣ܵܕܵܐ: ܕܪ̈ܗ̄ܘܿܡܵܝܹܐ ܝܘܵܚ. ܘܟܸܢܫܵܐ ܪܵܒܵܐ ܩܸܡܠܘܿܢ [50] ܡܸܚܕܵܕܹ̈ܐ ܥܲܠܵܝ. ܘܗܵܟܝܼܡܹ̈ܐ [51] ܟ̰ܘܼܢܟ̰ܸܪܘܿܢ ܓ̰ܘܼܠܵܝ̈: 23 ܘܦܩܸܕܠܘܿܢ ܕܡܵܚܝܼ ܠܗ̄ܘܿܢ ܒܩܲܝܣܹ̈ܐ. ܘܟܲܕ ܡܸܚܝܵܝܠܘܿܢ ܪܵܒܵܐ ܡܲܚܘܵܬܹ̈ܐ: ܕܸܪܝܵܝܠܘܿܢ ܓܵܘ ܒܹܝܬ ܐܲܣܝܼܪܹ̈ܐ: ܘܦܩܸܕܠܘܿܢ ܠܢܵܛܘܿܪܵܐ ܕܒܹܝܬ ܐܲܣܝܼܪܹ̈ܐ ܕܢܵܛܸܪܘܿܢ ܒܗܸܫܝܵܪܘܼܬܵܐ. 24 ܘܗ̇ܘ: ܟܲܕ ܩܘܼܒܸܠܹܐ ܐܵܗܵܐ ܦܘܼܩܕܵܢܵܐ: ܕܸܪܝܵܝܠܹܐ ܓܵܘ ܒܲܝܬܵܐ ܓܵܘܵܝܵܐ ܕܒܹܝܬ ܐܲܣܝܪܹ̈ܐ: ܐܲܩܠܵܬܵܝ̈ ܒܩܵܘܕܵܐ. 25 ܘܒܦܲܠܓܹܗ ܕܠܲܝܠܹܐ ܦܵܘܠܘܿܣ ܘܫܝܼܠܵܐ ܨܵܠܘܿܝܹܐ ܗ̄ܘܵܘ 26 ܘܫܵܒܘܿܚܹܐ ܠܐܲܠܵܗܵܐ: ܘܒܸܫܡܲܥܝܵܝ ܗ̄ܘܵܘ ܐܲܣܝܼܪܹ̈ܐ. ܘܡܸܢܫܸܠܬܵܢܹ̈ܐ ܪܵܘܕܵܢܵܐ ܓܘܼܪܵܐ ܗ̄ܘܹܠܹܐ: ܘܦܸܫܠܘܿܢ ܫܥܝܼܫܹܐ ܒܸܢܝܲܬܹ̈ܐ ܕܒܹܝܬ ܐܲܣܝܼܪܹ̈ܐ: ܘܕܲܪܣܵܥܲܬ ܦܸܫܠܘܿܢ ܦܬܝܼܚܹܐ ܟܠܵܝ ܬܲܪ̈ܥܵܢܹܐ: ܘܝܸܣܘܼܪܹ̈ܐ 27 ܕܟܠܵܝ ܦܸܫܠܘܿܢ ܫܸܪܝܹܐ. ܘܟܲܕ ܪܥܸܫܠܹܐ ܢܵܛܘܿܪܵܐ ܕܒܹܝܬ ܐܲܣܝܼܪܹ̈ܐ: ܘܚܙܹܠܹܐ ܕܦܬܝܼܚܹܐ ܗ̄ܘܵܘ ܬܲܪ̈ܥܵܢܹܐ ܕܒܹܝܬ ܐܲܣܝܼܪܹ̈ܐ: ܫܩܸܠܹܐ ܣܲܝܦܵܐ: ܘܒܲܥܝܹܐ ܗ̄ܘܵܐ ܕܩܵܛܸܠ ܓܵܢܹܗ: ܣܵܒܵܒ ܕܒܸܚܫܵܒ̣ܵܐ 28 ܗ̄ܘܵܐ ܕܥܪܝܼܩܹܐ ܗ̄ܘܵܘ ܐܲܣܝܼܪܹ̈ܐ. ܘܩܪܹܠܹܗ ܦܵܘܠܘܿܣ ܒܩܵܠܵܐ ܪܵܡܵܐ: ܘܐܡܸܪܹܐ ܐܸܠܹܗ: ܠܵܐ ܥܵܒ̣ܕܸܬ ܠܓܵܢܘܼܟ ܡܸܢܕܝܼ ܚܘܼܙܕܵܓܵܐ: 29 ܣܵܒܵܒ ܟܠܲܢ ܠܲܐܟ̣ܵܐ ܝܘܵܚ. ܘܛܠܸܒܠܹܐ ܫܪܵܝܵܐ: ܘܫܘܸܪܹܐ ܠܓܵܘܵܝܝܼ ܟܲܕ ܪܲܬܪܘܼܬܹܐ: ܘܢܦܸܠܹܐ ܩܵܕ̄ܡ ܐܲܩܠܹ̈ܐ ܕܦܵܘܠܘܿܣ 30 ܘܫܝܼܠܵܐ. ܘܦܘܼܠܛܵܠܹܐ ܠܒܲܕܲܪ: ܘܐܡܸܪܹܐ ܐܸܠܵܝ: ܐܵܓ̣ܵܝܝܼ̈: 31 ܡܘܼܕܝܼ ܘܵܓ̰ܸܒ ܝܼܠܵܐ ܐܸܠܝܼ ܠܸܥܒ̣ܵܕܵܐ [52] ܕܚܲܝܸܢ. ܘܐܵܢܝܼ ܐܡܸܪܘܿܢ: ܗܲܡܸܢ ܒܡܵܪܲܢ ܝܼܫܘܿܥ ܡܫܝܼܚܵܐ: ܘܒܸܬ [53] ܚܲܝܸܬ: ܐܲܢ̄ܬ 32 ܘܒܲܝܬܘܼܟ. ܘܗܘܼܡܙܸܡܠܘܿܢ ܥܲܡܹܗ ܗܹܡܸܙܡܵܢ ܕܡܵܪܝܵܐ: ܥܲܡ 33 ܟܠܵܝ ܕܓܵܘ ܒܲܝܬܹܗ. ܘܗܲܪ ܒܗ̇ܝ ܣܵܥܲܬ ܒܠܲܝܠܹܐ ܠܘܼܒܸܠܹܐ ܡܘܼܣܚܝܼܵܝܠܹܐ ܡ̣ܢ ܡܲܚܘܵܬܵܝ̈: ܘܕܲܪܣܵܥܲܬ ܥܡܸܕܠܹܐ: ܗ̇ܘ ܘܟܠܵܝ 34 ܕܕܝܹܗ. ܘܠܘܼܒܠܵܝܠܹܐ ܠܒܲܝܬܹܗ: ܘܡܘܼܬܸܒ̣ܠܹܐ ܩܵܕ̄ܡܵܝ ܨܘܼܦܪܵܐ: ܘܦܵܨܸܚ ܗ̄ܘܵܐ ܗ̇ܘ ܘܟܠܵܗ̇ ܟܸܠܦܲܬܹܗ: ܟܲܕ ܗܲܡܘܼܢܹܐ 35 ܒܐܲܠܵܗܵܐ. ܘܟܲܕ ܗ̄ܘܹܠܹܐ ܝܘܿܡܵܐ: ܫܘܼܕܸܪܘܿܢ ܗܵܟܝܼܡܹ̈ܐ ܠܦܲܪ̈ܵܫܹܐ: 36 ܕܐܵܡܪܝܼ ܗ̄ܘܵܘ: ܫܪܝܼ ܠܐܵܢܝܼ ܐܢܵܫܹ̈ܐ. ܘܓܘܼܪܵܐ ܕܒܹܝܬ ܐܲܣܝܼܪܹ̈ܐ ܐܡܝܼܪܵܠܹܐ ܗ̇ܝ ܗܹܡܸܙܡܵܢ ܠܦܵܘܠܘܿܣ: ܕܫܘܼܕܸܪܘܿܢ ܗܵܟܝܼܡܹ̈ܐ ܕܦܵܝܫܝܼܬܘܿܢ ܫܸܪܝܹܐ: ܘܐܵܕܝܼܵܐ ܦܠܘܿܛܘܿܢ: ܙܹܠ̄ܡܘܿܢ ܒܫܠܵܡܵܐ. 37 ܐܵܡܸܪ ܐܸܠܵܝ ܦܵܘܠܘܿܣ: ܟܲܕ ܠܵܐ ܦܝܼܫܹܐ ܥܒ̣ܝܼܕܹܐ ܓܘܼܢܵܗܟܵܪ ܡܘܼܡܚܝܼܵܚܠܘܿܢ ܩܵܕ̄ܡ ܟܠܹܗ ܛܵܝܸܦܵܐ: ܠܐܢܵܫܹ̈ܐ ܪܗ̄ܘܿܡܵܝܹܐ: ܘܕܸܪܝܵܚܠܘܿܢ ܓܵܘ ܒܹܝܬ ܐܲܣܝܼܪܹ̈ܐ: ܘܐܵܕܝܼܵܐ ܒܛܸܫܘܵܐ ܦܵܠܘܿܛܲܢ ܝܼܢܵܐ: ܠܵܐ: ܒܬܪܘܼܨܬܵܐ: ܐܸܠܵܐ ܒܓܵܢܵܝ ܐܵܬܝܼ ܦܵܠܛܝܼ ܠܲܢ. 38 ܘܦܲܪ̈ܵܫܹܐ ܗܘܼܩܹܠܘܿܢ ܠܗܵܟܝܼܡܹ̈ܐ ܐܲܢܹܐ ܗܹܡܸܙܡܵܢܹ̈ܐ: ܘܟܲܕ ܫܡܸܥܠܘܿܢ 39 ܕܪ̈ܗ̄ܘܿܡܵܝܹܐ ܗ̄ܘܵܘ: ܙܕܸܥܠܘܿܢ. ܘܐܬܹܠܘܿܢ ܠܟܸܣܠܵܝ ܘܦܘܼܪܦܸܠܘܿܢ ܒܝܼܵܝ: ܘܟܲܕ ܦܘܼܠܛܵܝܠܘܿܢ ܒܸܥܠܘܿܢ ܕܫܵܢܝܼ ܗ̄ܘܵܘ 40 ܡ̣ܢ ܡܕܝܼܢ̄ܬܵܐ. ܘܟܲܕ ܦܠܸܛܠܘܿܢ ܡ̣ܢ ܒܹܝܬ ܐܲܣܝܼܪܹ̈ܐ: ܐܘܸܪܘܿܢ ܠܟܸܣ ܠܘܼܕܝܼܵܐ: ܘܚܙܹܠܘܿܢ ܠܐܵܚܘܢܘܵܬܹ̈ܐ: ܘܝܸܗ̄ܒ̣ܵܝܠܘܿܢ ܠܸܒܵܐ: ܘܦܠܸܛܠܘܿܢ.

 

ܩܦܠܐܘܢ: ܝܙ

1 ܘܥܒܸܪܘܿܢ ܡ̣ܢ ܓܵܘ ܐܲܡܦܝܼܦܘܿܠܝܼܣ ܘܐܵܦܘܿܠܘܿܢܝܼܵܐ: ܘܐܬܹܠܘܿܢ ܠܬܹܣܵܠܘܿܢܝܼܩܹܐ: ܐܲܝܟܵܐ ܗ̄ܘܵܐ ܟܢܘܼܫܬܵܐ ܕܝܗ̄ܘܼܕܵܝܹ̈ܐ. 2 ܘܐܘܸܪܹܐ ܦܵܘܠܘܿܣ ܕܵܐܟ̣ܝܼ ܕܐܝܼܬ ܗ̄ܘܵܐ ܠܹܗ ܥܵܕܲܬ ܠܟܸܣܠܵܝ: 3 ܘܬܠܵܬ̄ ܫܲܒܵܬܹ̈ܐ ܗܘܼܡܙܸܡܠܹܐ ܥܲܡܵܝ ܡ̣ܢ ܟܬܵܒܹ̈ܐ. ܟܲܕ ܦܵܫܸܩ ܗ̄ܘܵܐ ܘܡܲܕܸܥ ܗ̄ܘܵܐ: ܕܘܵܓ̰ܸܒ ܝܼܗ̄ܘܵܐ ܕܡܫܝܼܚܵܐ ܩܵܒܸ̇ܠ ܗ̄ܘܵܐ ܚܲܫܵܐ ܘܕܩܵܝܸܡ ܗ̄ܘܵܐ ܡ̣ܢ ܡܝܼܬܹ̈ܐ: ܘܗ̇ܘ ܝܼܠܹܐ ܡܫܝܼܚܵܐ: ܝܼܫܘܿܥ 4 ܕܡܲܫܚܘܼܕܹܐ ܝܘܸܢ ܐܸܠܵܘܟ̣ܘܿܢ. ܘܚܲܟܡܵܐ ܡܸܢܵܝ ܗܘܼܡܸܢܘܿܢ ܘܬܒܸܥܠܘܿܢ ܠܦܵܘܠܘܿܣ ܘܠܫܝܼܠܵܐ: ܘܟܸܢܫܵܐ ܪܵܒܵܐ ܡ̣ܢ ܝܵܘܢܵܝܹ̈ܐ: ܙܵܕܥܝܵܢܹ̈ܐ ܡ̣ܢ ܐܲܠܵܗܵܐ: ܘܐܘܼܦ ܒܲܟ̣ܬܵܬܹ̈ܐ ܝܕܸܥܝܹ̈ܐ ܠܵܐ ܚܲܟ̰ܵܐ. 5 ܐܝܼܢܵܐ ܒܘܼܚܸܠܘܿܢ ܝܗ̄ܘܼܕܵܝܹ̈ܐ: ܘܕܒܸܩܠܘܿܢ ܐܢܵܫܹ̈ܐ ܒܝܼܫܹ̈ܐ ܡ̣ܢ ܫܘܼܩܵܐ: ܘܥܒܸܕܠܘܿܢ ܟܸܢܫܵܐ ܪܵܒܵܐ: ܘܚܒܸܛܠܘܿܢ ܠܡܕܝܼܢ̄ܬܵܐ: ܘܓܪܸܫܠܘܿܢ ܗܸܓ̰ܘܼܡ ܥܲܠ ܒܲܝܬܹܗ ܕܐܝܼܵܣܘܿܢ: ܘܒܲܥܝܝܼ ܗ̄ܘܵܘ 6 ܕܦܵܠܛܝܼ ܠܗ̄ܘܿܢ ܠܟܸܣ ܛܵܝܸܦܵܐ. ܘܟܲܕ ܠܵܐ ܡܘܼܫ̄ܟ̰ܚܵܝܠܘܿܢ ܬܵܡܵܐ: ܓܪܸܫܠܘܿܢ ܠܐܝܼܵܣܘܿܢ ܘܠܚܲܟܡܵܐ ܐܵܚܘܿܢܘܵܬܹ̈ܐ ܠܟܸܣ ܪܹ̈ܫܵܢܹܐ ܕܡܕܝܼܢ̄ܬܵܐ: ܟܲܕ ܡܲܩܘܸܚܝܼ ܗ̄ܘܵܘ: ܐܲܢܹܐ ܕܚܒܸܛܠܘܿܢ 7 ܠܕܘܼܢܝܹܐ ܘܐܘܼܦ ܠܲܐܟ̣ܵܐ ܐܬܹܠܘܿܢ. ܐܲܝܢܝܼ ܕܐܝܼܵܣܘܿܢ ܩܘܼܒܠܵܝܠܹܐ: ܘܐܲܢܹܐ ܟܠܵܝ ܠܕܲܪܩܘܼܒ̣ܠ ܕܦܘܼܩܕܵܢܹ̈ܐ ܕܩܹܣܲܪ ܒܸܦܠܵܚܵܐ ܝܢܵܐ: ܟܲܕ ܒܹܐܡܵܪܵܐ: ܕܐܝܼܬ ܡܲܠܟܵܐ ܐܚܹܪ̄ܢܵܐ: ܝܼܫܘܿܥ. 8 ܘܚܒܸܛܠܘܿܢ ܠܪܹ̈ܫܵܢܹܐ ܕܡܕܝܼܢ̄ܬܵܐ: ܘܠܟܸܢܫܵܐ: ܟܲܕ ܫܡܸܥܠܘܿܢ 9 ܐܲܢܹܐ. ܘܫܩܸܠܘܿܢ ܟܲܦܝܼ̈ܠܹܐ ܡ̣ܢ ܐܝܼܵܣܘܿܢ: ܘܐܘܼܦ ܡ̣ܢ ܐܚܹܪ̄ܢܹܐ: 10 ܗ̇ܝܓܵܗ ܫܸܪܝܵܝܠܘܿܢ. ܐܝܼܢܵܐ ܐܵܚܘܿܢܘܵܬܹ̈ܐ ܕܲܪܣܵܥܲܬ ܒܠܲܝܠܹܐ ܫܘܼܕܸܪܘܿܢ ܠܦܵܘܠܘܿܣ ܘܠܫܝܼܠܵܐ ܠܒܹܪܘܿܐܵܐ. ܘܟܲܕ ܐܬܹܠܘܿܢ 11 ܠܬܵܡܵܐ: ܐܘܸܪܘܿܢ ܓܵܘ ܟܢܘܼܫܬܵܐ ܕܝܗ̄ܘܼܕܵܝܹ̈ܐ. ܐܝܼܢܵܐ ܒܘܼܫ ܒܲܓܙܵܕܹ̈ܐ ܗ̄ܘܵܘ ܐܲܢܹܐ ܡ̣ܢ ܕܐܵܢܝܼ ܕܓܵܘ ܬܹܣܵܠܘܿܢܝܼܩܹܐ: ܘܩܵܒ̇ܠܝܼ ܗ̄ܘܵܘ ܡܸܢܵܝ ܗܹܡܸܙܡܵܢ ܒܟܠܵܗ̇ ܗܵܙܸܪܘܼܬܵܐ ܕܠܸܒܵܐ: ܟܲܕ ܨܲܚܨܝܼ 12 ܗ̄ܘܵܘ ܟܠܝܘܿܡ ܡ̣ܢ ܟܬܵܒܹ̈ܐ ܕܐܸܢ ܐܲܢܹܐ ܗܲܕܟ̣ܵܐ ܝܢܵܐ. ܘܪܵܒܵܐ ܡܸܢܵܝ ܗܲܕܟ̣ܵܐ ܗܘܼܡܸܢܘܿܢ: ܘܗܲܕܟ̣ܵܐ ܐܘܼܦ ܡ̣ܢ ܒܲܟ̣ܬܵܬܹ̈ܐ 13 ܡܲܥܩܘܼܠܹ̈ܐ ܝܵܘܢܵܝܹ̈ܐ: ܘܡ̣ܢ ܐܢܵܫܹ̈ܐ: ܠܵܐ ܚܲܟ̰ܵܐ. ܘܟܲܕ ܝܕܸܥܠܘܿܢ ܐܵܢܝܼ ܝܗ̄ܘܼܕܵܝܹ̈ܐ ܕܡ̣ܢ ܬܹܣܵܠܘܿܢܝܼܩܹܐ: ܕܗܹܡܸܙܡܵܢ ܕܐܲܠܵܗܵܐ ܦܸܫܠܵܐ ܡܘܼܟܪܸܙܬܵܐ ܡ̣ܢ ܦܵܘܠܘܿܣ ܐܘܼܦ ܓܵܘ ܒܹܪܘܿܐܵܐ: ܐܬܹܠܘܿܢ ܐܘܼܦ 14 ܠܬܵܡܵܐ: ܘܫܓܸܫܠܘܿܢ ܘܚܒܸܛܠܘܿܢ ܠܛܵܝܸܦܵܐ. ܗ̇ܝܓܵܗ ܕܲܪܣܵܥܲܬ ܫܘܼܕܸܪܘܿܢ ܐܵܚܘܿܢܘܵܬܹ̈ܐ ܠܦܵܘܠܘܿܣ ܕܨܵܠܹܐ ܗܲܠ 15 ܝܵܡܵܐ: ܘܦܸܫܠܘܿܢ ܬܵܡܵܐ ܫܝܼܠܵܐ ܘܛܝܼܡܵܬܹܐܘܿܣ. ܘܐܵܢܝܼ ܕܡܘܼܦܫܸܛܠܘܿܢ ܠܦܵܘܠܘܿܣ ܠܘܒܸܠܘܿܢ ܐܸܠܹܗ ܗܲܠ ܐܵܬܹܢܘܿܣ. ܘܟܲܕ ܩܘܼܒܸܠܘܿܢ ܡܸܢܹܗ ܦܘܼܩܕܵܢܵܐ ܠܟܸܣ ܫܝܼܠܵܐ ܘܛܝܼܡܵܬܹܐܘܿܣ: ܕܒܓ̰ܲܠܕܘܼܬܵܐ ܐܵܙܠ̄ܝܼ ܗ̄ܘܵܘ ܠܟܸܣܠܹܗ: ܦܠܸܛܠܘܿܢ. 16 ܐܝܼܢܵܐ ܦܵܘܠܘܿܣ ܒܓܵܢܹܗ ܟܲܕ ܒܸܣܦܵܪܵܐ ܗ̄ܘܵܐ ܐܸܠܵܝ ܒܐܵܬܹܢܘܿܣ: ܟܪܸܒ̇ܠܹܐ ܒܪܘܼܚܹܗ: ܟܲܕ ܚܙܹܠܹܐ ܕܟܠܵܗ̇ ܡܕܝܼܢ̄ܬܵܐ 17 ܡܠܝܼܬܵܐ ܨܵܢܲܡܹ̈ܐ. ܗܲܕܟ̣ܵܐ ܟܹܐ ܗܲܡܙܸܡ ܗ̄ܘܵܐ ܓܵܘ ܟܢܘܼܫܬܵܐ ܥܲܡ ܝܗ̄ܘܼܕܵܝܹ̈ܐ ܘܥܲܡ ܙܵܕܥܝܵܢܹ̈ܐ ܡ̣ܢ ܐܲܠܵܗܵܐ: ܘܒܫܘܼܩܵܐ ܥܲܡ 18 ܬܵܦܩܵܢܹ̈ܐ ܒܝܹܗ ܟܠܝܘܿܡ. ܘܐܘܼܦ ܚܲܟܡܵܐ ܦܝܼܠܵܣܘܿܦܹ̈ܐ ܕܡ̣ܢ ܝܘܼܠܦܵܢܹܗ ܕܐܲܦܝܼܩܘܿܪܘܿܣ: ܘܕܸܐܣܛܘܿܐܝܼܩܘܿ: ܕܵܪܫܝܼ ܗ̄ܘܵܘ ܥܲܡܹܗ. ܘܡܸܢܵܝ ܐܡܸܪܘܿܢ: ܡܘܼܕܝܼ ܒܲܥܝܹܐ ܠܹܐܡܵܪܵܐ ܐܵܗܵܐ [54] ܓܵܒ̇ܝܵܢܵܐ ܕܗܹܡܸܙܡܵܢܹ̈ܐ: ܘܐܚܹܪ̄ܢܹܐ: ܡܲܒܝܘܼܢܹܐ ܝܠܹܐ ܕܡܲܟܪܸܙܵܢܵܐ [55] ܕܐܲܠܵܗܹ̈ܐ ܢܘܼܟ̣ܪ̈ܵܝܹܐ ܝܠܹܐ: ܣܵܒܵܒ ܕܠܝܼܫܘܿܥ ܘܠܩܝܵܡܬܹܗ ܡܲܟܪܘܿܙܹܐ ܗ̄ܘܵܐ 19 ܐܠܵܝ. ܘܕܒܸܩܠܘܿܢ ܘܡܘܼܬ̄ܝܹܠܘܿܢ ܐܸܠܹܗ ܠܐܵܪܝܼܘܿܣ ܦܵܓ̣ܘܿܣ: ܟܲܕ ܐܵܡܪܝܼ: ܡܵܨܵܚ ܠܝܼܕܲܥܝܵܐ ܡܘܼܕܝܼ ܝܠܹܐ ܐܵܗܵܐ ܝܘܼܠܦܵܢܵܐ 20 ܚܵܕ̄ܬܵܐ ܕܡܲܟܪܘܼܙܹܐ ܝܘܸܬ. ܣܵܒܵܒ ܡܸܢܕܝܵܢܹ̈ܐ ܢܘܼܟ̣ܪ̈ܵܝܹܐ ܡܲܐܘܘܼܪܹܐ ܝܘܸܬ ܒܫܡܵܥܝܬܲܢ: ܒܲܣ ܒܸܒܲܥܝܵܐ ܝܘܵܚ ܠܝܼܕܲܥܝܵܐ 21 ܡܘܼܕܝܼ ܝܢܵܐ ܐܲܢܹܐ. ܐܵܕܝܼܵܐ ܟܠܵܝ ܐܵܬܹܢܵܝܹ̈ܐ: ܘܐܵܢܝܼ ܢܘܼܟ̣ܪ̈ܵܝܹܐ ܕܥܡܝܼܪܹܐ ܗ̄ܘܵܘ ܬܵܡܵܐ: ܠܵܐ ܡܘܼܥܒܸܪܘܿܢ ܙܲܒ̣ܢܵܝ ܒܟ̰ܘܼ ܡܸܢܕܝܼ ܐܚܹܪ̄ܢܵܐ ܡܵܓܲܪ ܠܹܐܡܵܪܵܐ ܘܠܸܫܡܲܥܝܵܐ ܡܸܢܕܝܼ ܚܵܕ̄ܬܵܐ. 22 ܘܟܲܕ ܩܸܡܠܹܐ ܦܵܘܠܘܿܣ ܒܓܵܘܵܐ ܕܐܵܪܝܼܘܿܣ ܦܲܓ̣ܘܿܣ: ܐܡܸܪܹܐ:

ܐܢܵܫܹ̈ܐ ܐܵܬܹܢܵܝܹ̈ܐ: ܒܸܚܙܵܝܵܘܟ̣ܘܿܢ ܝܼܘܸܢ ܕܒܟܠܵܝ ܡܸܢܕܝܵܢܹ̈ܐ ܙܵܘܕܵܐ 23 ܝܬܘܿܢ ܒܣܓ̣ܵܕܬܵܐ ܕܕܲܝܘܹ̈ܐ. ܟܲܕ ܒܸܚܕܵܪܵܐ ܝܘܸܢ ܗ̄ܘܵܐ ܘܒܸܚܙܵܝܵܐ ܠܐܵܢܝܼ ܕܟܹܐ ܣܵܓ̣ܕܝܼܬܘܿܢ ܐܸܠܵܝ: ܡܘܼܫ̄ܟ̰ܸܚܠܝܼ ܚܵܕ̄ ܡܲܕܒܚܵܐ ܕܟܬܝܼܒ̣ܵܐ ܗ̄ܘܵܐ ܥܲܠܘܼܗܝ: ܠܐܠܗܐ ܛܫܝܐ. ܠܗ̇ܘ ܗܲܕܟ̣ܵܐ ܕܟܲܕ ܠܵܐ ܒܝܼܕܲܥܝܵܐ: ܒܸܣܓ̣ܵܕܵܐ ܝܬܘܿܢ ܐܸܠܹܗ: ܠܐܵܗܵܐ 24 ܐܵܢܵܐ ܡܲܫܚܘܼܕܹܐ ܝܘܸܢ ܐܸܠܵܘܟ̣ܘܿܢ. ܐܲܠܵܗܵܐ ܕܒܪܹܠܹܐ ܥܵܠܡܵܐ ܘܟܠ ܡܸܢܕܝܼ ܕܐܝܼܬ ܓܵܘܹܗ: ܗ̇ܘ ܕܝܼܠܹܐ ܡܵܪܵܐ ܕܫܡܲܝܵܐ ܘܕܲܐܪܥܵܐ: ܓܵܘ ܗܲܝܟܠܵܐ ܕܦܘܼܠܚܵܢܵܐ ܕܐܝܼܕܵܬܹ̈ܐ ܠܹܐ ܫܵܪܹܐ. 25 ܘܠܹܐ ܦܵܝܸܫ ܥܒ̣ܝܼܕܵܐ ܚܸܠܡܲܬ ܡ̣ܢ ܐܝܼܕܵܬܹ̈ܐ ܕܒܢܲܝ̈ܢܵܫܵܐ: ܘܥܲܠ ܡܸܢܕܝܼ ܠܹܐ ܝܠܹܐ ܣܢܝܼܩܵܐ: ܣܵܒܵܒ ܕܗ̇ܘ ܝܸܗܒܸܠܹܐ ܠܟܠ 26 ܐܢܵܫܵܐ ܚܲܝܹ̈ܐ: ܘܢܵܦܵܣ: ܘܟܠ ܡܸܢܕܝܼ. ܘܒܪܹܠܹܐ ܡ̣ܢ ܚܵܕ̄ [56] ܕܸܡܵܐ ܟܠܵܗ̇ ܡܸܠܲܬ ܕܒܢܲܝ̈ܢܵܫܵܐ: ܕܗܵܘܝܼ ܒܸܥܡܵܪܵܐ ܥܲܠ ܦܵܬܵܐ ܕܟܠܵܗ̇ ܐܲܪܥܵܐ: ܘܦܪܸܫܠܹܐ ܙܲܒ̣ܢܹ̈ܐ ܡܩܵܕ̄ܡܵܝܬܵܐ ܡܘܼܬܒܹܐ: 27 ܘܬܸܚܘܼܒܹ̈ܐ ܕܥܡܵܪܵܝ. ܕܗܵܘܝܼ ܒܸܛܲܥܝܵܐ ܠܡܵܪܝܵܐ: ܐܸܢ ܒܲܠܟܵܐ ܨܲܚܨܝܼ ܘܡܵܫ̄ܟ̰ܚܝܼ ܠܹܗ: ܐܝܼܢܵܐ ܠܹܐ ܝܠܹܐ ܪܸܚܩܵܐ ܡ̣ܢ ܟܠ ܚܵܕ̄ 28 ܡܸܢܲܢ. ܣܵܒܵܒ ܕܒܝܹܗ ܒܸܚܵܝܵܐ ܝܘܵܚ: ܘܒܸܓ̰ܘܵܓ̰ܵܐ ܝܘܵܚ: ܘܝܼܘܵܚ: ܐܲܝܟ ܕܐܘܼܦ ܐܢܵܫܹ̈ܐ ܡ̣ܢ ܫܵܥܝܼܪܹ̈ܐ ܕܝܼܵܘܟ̣ܘܿܢ ܐܡܸܪܘܿܢ: 29 ܣܵܒܵܒ ܕܡܸܢܹܗ ܝܠܵܐ ܐܘܼܓ̰ܵܓܲܢ. ܒܲܣ ܟܲܕ ܐܘܼܓ̰ܵܓܲܢ ܡ̣ܢ ܐܲܠܵܗܵܐ ܝܠܵܐ: ܠܹܐ ܝܠܵܐ ܠܵܙܸܡ ܐܸܠܲܢ ܠܸܚܫܵܒ̣ܵܐ ܕܐܲܠܵܗܘܼܬܵܐ ܟܹܐ ܕܵܡܝܵܐ ܠܕܲܗܒ̣ܵܐ: ܝܲܢ ܠܣܹܐܡܵܐ: ܝܲܢ ܠܟܹܐܦܵܐ: ܢܩܝܼܪܹܐ ܒܐܘܼܡܵܢܘܼܬܵܐ 30 ܘܒܕܹܥܬܵܐ ܕܒܲܪܢܵܫܵܐ. ܙܲܒ̣ܢܹ̈ܐ ܕܚܸܠܛܘܼܢܝܘܼܬܵܐ ܡܘܼܥܒܸܪܹܐ ܐܲܠܵܗܵܐ: ܐܝܼܢܵܐ ܐܵܕܝܼܵܐ ܦܵܩܘܿܕܹܐ ܝܠܹܐ ܠܟܠܵܝ ܒܢܲܝ̈ܢܵܫܵܐ: 31 ܕܒܟܠ ܕܘܼܟܵܐ ܬܲܘܸܒܝܼ. ܣܵܒܵܒ ܕܡܘܼܩܸܡܠܹܐ ܝܘܿܡܵܐ ܕܒܝܹܗ ܗܕܝܼܪܵܐ ܝܠܹܐ ܕܕܵܝܸܢ ܠܕܘܼܢܝܹܐ ܒܙܲܕܝܼܩܘܼܬܵܐ ܒܝܸܕ ܐܢܵܫܵܐ ܗ̇ܘ ܕܦܪܸܫܠܹܐ: ܘܥܲܠ ܕܐܵܗܵܐ ܡܘܼܩܘܝܼܵܐ ܝܠܹܐ ܠܟܠ ܐܢܵܫܵܐ ܗܲܝܡܵܢܘܼܬܵܐ: ܒܗ̇ܝ ܕܡܘܼܩܸܡܠܹܗ ܡ̣ܢ ܡܝܼܬܹ̈ܐ. 32 ܘܟܲܕ ܫܡܸܥܠܘܿܢ ܩܝܵܡܬܵܐ ܕܡ̣ܢ ܡܝܼܬܹ̈ܐ: ܐܢܵܫܹ̈ܐ ܡܸܢܵܝ ܡܘܼܣܚܸܪܘܿܢ: ܘܐܚܹܪ̄ܢܹܐ ܐܡܸܪܘܿܢ: ܡܸܕܪܹܐ ܒܸܬ ܫܲܡܥܵܚ ܠܘܼܟ 33 ܒܵܗ̄ܣ ܕܐܵܗܵܐ. ܘܗܲܕܟ̣ܵܐ ܦܠܸܛܠܹܐ ܦܵܘܠܘܿܣ ܡ̣ܢ ܓܵܘܵܝ. 34 ܘܐܢܵܫܹ̈ܐ ܡܸܢܵܝ ܬܒܸܥܠܘܿܢ ܐܸܠܹܗ ܘܗܘܼܡܸܢܘܿܢ ܘܚܵܕ̄ ܡܸܢܵܝ ܕܝܵܢܸܘܣܝܼܘܿܣ ܝܼܗ̄ܘܵܐ: ܡ̣ܢ ܕܲܝܵܢܹ̈ܐ ܕܐܵܪܝܼܘܿܣ ܦܵܓ̣ܘܿܣ: ܘܚܕܵܐ ܒܲܟ̣ܬܵܐ ܕܫܸܡܵܗ̇ ܕܵܡܵܪܝܼܣ: ܘܐܚܹܪ̄ܢܹܐ ܥܲܡܵܝ.

 

ܩܦܠܐܘܢ: ܝܚ

1 ܒܵܬ̄ܪ ܐܲܢܹܐ ܦܠܸܛܠܹܐ ܦܵܘܠܘܿܣ ܡ̣ܢ ܐܵܬܹܢܘܿܣ: ܘܐܬܹܠܹܐ 2 ܠܩܘܿܪܲܢܬܘܿܣ. ܘܡܘܼܫ̄ܟ̰ܸܚܠܹܐ ܬܵܡܵܐ ܚܵܕ̄ ܐܢܵܫܵܐ ܝܗ̄ܘܼܕܵܝܵܐ ܕܫܸܡܹܗ ܐܵܩܸܠܘܿܣ: ܕܝܼܗ̄ܘܵܐ ܡ̣ܢ ܦܘܼܢܛܘܿܣ ܒܡܸܠܲܬ: ܕܬܵܙܵܐ ܐܬܝܼܵܐ ܗ̄ܘܵܐ ܡ̣ܢ ܐܝܼܛܵܠܝܼܵܐ: ܗ̇ܘ ܘܦܪܝܼܣܩܸܠܵܐ ܒܲܟ̣ܬܹܗ: ܣܵܒܵܒ ܕܩܠܵܘܕܝܼܘܿܣ ܦܩܝܼܕܵܐ ܗ̄ܘܵܐ ܕܦܵܠܛܝܼ ܟܠܵܝ 3 ܝܗ̄ܘܼܕܵܝܹ̈ܐ ܡ̣ܢ ܪܗ̄ܘܿܡܹܐ. ܘܐܬܹܠܹܐ ܠܟܸܣܠܵܝ. ܘܣܵܒܵܒ ܕܨܲܢܥܲܬܵܝ ܚܕܵܐ ܝܼܗ̄ܘܵܐ: ܫܪܹܠܹܐ ܠܟܸܣܠܵܝ: ܘܦܵܠܸܚ ܗ̄ܘܵܐ 4 ܥܲܡܵܝ: ܣܵܒܵܒ ܕܒܨܲܢܥܲܬܵܝ ܚܵܝܛܵܢܹ̈ܐ ܕܟ̰ܲܕܪܹ̈ܐ ܗ̄ܘܵܘ. ܘܕܵܪܸܫ ܗ̄ܘܵܐ ܓܵܘ ܟܢܘܼܫܬܵܐ ܒܟܠ ܫܲܒܬܵܐ: ܘܡܲܗܡܸܢ ܗ̄ܘܵܐ ܠܝܗ̄ܘܼܕܵܝܹ̈ܐ ܘܠܝܵܘܢܵܝܹ̈ܐ. 5 ܘܟܲܕ ܨܠܹܠܘܿܢ ܫܝܼܠܵܐ ܘܛܝܼܡܵܬܹܐܘܿܣ ܡ̣ܢ ܡܵܩܹܕܘܿܢܝܼܵܐ: ܡܘܼܠܝܸܨܵܐ ܗ̄ܘܵܐ ܦܵܘܠܘܿܣ ܒܝܸܕ ܗܹܡܸܙܡܵܢ: ܟܲܕ ܣܵܗܸܕ ܗ̄ܘܵܐ 6 ܠܝܗ̄ܘܼܕܵܝܹ̈ܐ: ܕܝܼܫܘܿܥ ܝܼܠܹܐ ܡܫܝܼܚܵܐ. ܘܟܲܕ ܟܸܠܝܹܐ ܗ̄ܘܵܘ ܕܲܪܩܘܼܒ̣ܠ ܘܓܵܕܦܝܼ ܗ̄ܘܵܘ: ܢܦܸܨܠܹܐ ܓ̰ܘܼܠܘܼ̈ܗܝ: ܘܐܡܸܪܹܐ ܐܸܠܵܝ: ܕܸܡܵܘܟ̣ܘܿܢ ܒܪܹܫܵܘܟ̣ܘܿܢ: ܐܵܢܵܐ ܕܸܟ̣ܝܵܐ ܝܘܸܢ: ܡܐܵܕܝܼܵܐ ܒܹܐܙܵܠܵܐ 7 ܝܘܸܢ ܠܟܸܣ ܛܵܝܸܦܹ̈ܐ. ܘܦܠܸܛܠܹܐ ܡ̣ܢ ܬܵܡܵܐ ܘܐܘܸܪܹܐ ܠܒܲܝܬܹܗ ܕܚܵܕ̄ ܐܢܵܫܵܐ ܕܫܸܡܹܗ ܛܸܛܘܿܣ ܡ̣ܢ ܝܘܼܣܛܘܿܣ: ܙܵܕܥܝܵܢܵܐ ܡ̣ܢ 8 ܐܲܠܵܗܵܐ: ܘܒܲܝܬܹܗ ܩܕܝܼܚܵܐ ܗ̄ܘܵܐ ܠܟܢܘܼܫܬܵܐ. ܘܩܪܝܼܣܦܘܿܣ: ܓܘܼܪܵܐ ܕܟܢܘܼܫܬܵܐ: ܗܘܼܡܸܢܹܐ ܒܡܵܪܲܢ: ܗ̇ܘ ܘܟܠܹܗ ܒܲܝܬܹܗ. ܘܪܵܒܵܐ ܩܘܿܪܲܢܬܵܝܹܐ ܟܲܕ ܫܡܸܥܠܘܿܢ ܗܘܼܡܸܢܘܿܢ ܘܥܡܸܕܠܘܿܢ. 9 ܘܐܡܸܪܹܐ ܡܵܪܝܵܐ ܒܚܸܙܘܵܐ ܒܠܲܝܠܹܐ ܠܦܵܘܠܘܿܣ: ܠܵܐ ܙܵܕܸܥܬ: 10 ܐܸܠܵܐ ܗܲܡܙܸܡ: ܘܠܵܐ ܫܵܬܩܸܬ. ܣܵܒܵܒ ܐܵܢܵܐ ܥܲܡܘܼܟ ܝܼܘܸܢ: ܘܐܢܵܫܵܐ ܠܹܐ ܩܵܝܸܡ ܠܕܲܪܩܘܼܒ̣ܠܘܼܟ ܠܚܲܙܕܘܼܓܘܼܟ: ܣܵܒܵܒ 11 ܪܵܒܵܐ ܛܵܝܸܦܵܐ ܐܝܼܬ ܠܝܼ ܒܐܵܗܵܐ ܡܕܝܼܢ̄ܬܵܐ. ܘܝܬܸܒ̣ܠܹܐ ܚܕܵܐ ܫܹܢ̄ܬܵܐ ܘܐܸܫܬܵܐ ܝܲܪ̈ܚܹܐ ܟܲܕ ܡܵܠܘܿܦܹܐ ܓܵܘܵܝ ܗܹܡܸܙܡܵܢ ܕܐܲܠܵܗܵܐ. 12 ܘܟܲܕ ܓܵܐܠܝܼܘܿܢ ܘܲܙܝܼܪ ܕܐܵܟ̣ܵܐܝܼܵܐ ܗ̄ܘܵܐ: ܓ̰ܡܸܥܠܘܿܢ [57] ܡܸܚܕܵܕܹ̈ܐ ܝܗ̄ܘܼܕܵܝܹ̈ܐ ܥܲܠ ܦܵܘܠܘܿܣ: ܘܡܘܼܬ̄ܝܹܠܘܿܢ ܐܸܠܹܗ 13 ܩܵܕ̄ܡ ܟܘܼܪܣܝܵܐ ܕܕܝܼܘܵܢ. ܟܲܕ ܒܹܐܡܵܪܵܐ: ܕܐܵܗܵܐ ܠܒܲܕܲܪ ܡ̣ܢ ܢܵܡܘܿܣܵܐ ܚܵܒ̇ܘܿܛܹܐ ܝܠܹܐ ܠܐܢܵܫܹ̈ܐ ܕܗܵܘܝܼ ܒܸܣܓ̣ܵܕܵܐ ܠܐܲܠܵܗܵܐ. 14 ܘܟܲܕ ܒܲܥܝܹܐ ܗ̄ܘܵܐ ܦܵܘܠܘܿܣ ܕܦܵܬܸܚ ܦܘܼܡܹܗ: ܐܡܸܪܹܐ ܓܵܐܠܝܼܘܿܢ ܠܝܗ̄ܘܼܕܵܝܹ̈ܐ: ܐܸܢ ܡܸܢܕܝܼ ܒܝܼܫܵܐ ܗ̄ܘܵܐ: ܝܲܢ ܦܠܝܼܡܵܐ: ܝܲܢ ܣܸܪܝܵܐ: ܝܵܐ ܝܗ̄ܘܼܕܵܝܹ̈ܐ: ܐܲܝܟ ܘܵܓ̰ܸܒܘܼܬܵܐ ܒܸܬ ܩܵܒ̇ܠܸܢ ܗ̄ܘܵܐ 15 ܠܵܘܟ̣ܘܿܢ. ܐܝܼܢܵܐ ܐܸܢ ܕܪ̈ܵܫܝܵܬܹܐ ܝܢܵܐ ܥܲܠ ܗܹܡܸܙܡܵܢ ܘܥܲܠ ܫܸܡܵܢܹ̈ܐ: ܘܥܲܠ ܢܵܡܘܿܣܵܐ ܕܝܼܵܘܟ̣ܘܿܢ: ܐܲܚܬܘܿܢ ܚܙܹܡܘܿܢ ܒܓܵܢܵܘܟ̣ܘܿܢ: ܣܵܒܵܒ ܐܵܢܵܐ ܠܹܐ ܒܵܣܡܵܐ ܠܝܼ ܕܗܵܘܸܢ ܕܲܝܵܢܵܐ 16 ܕܐܲܢܹܐ ܩܸܨܲܬܹ̈ܐ. ܘܛܪܝܼܕܵܝܠܹܐ ܡ̣ܢ ܟܘܼܪܣܝܹܗ ܕܕܝܼܘܵܢ. 17 ܘܕܒܸܩܠܘܿܢ ܟܠܵܝ ܠܣܘܼܣܬܹܢܝܼܣ ܚܘܵܪܕܸܩܢܵܐ ܕܟܢܘܼܫܬܵܐ: ܘܡܚܹܠܘܿܢ ܐܸܠܹܗ ܩܵܕ̄ܡ ܟܘܼܪܣܝܵܐ ܕܕܝܼܘܵܢ. ܘܓܵܐܠܝܼܘܿܢ ܠܚܵܕ̄ ܡܐܲܢܹܐ ܠܵܐ ܡܘܼܣܸܡܠܹܐ ܒܵܠܵܐ. 18 ܘܟܲܕ ܦܸܫܠܹܐ ܦܵܘܠܘܿܣ ܬܵܡܵܐ ܪܵܒܵܐ ܝܘܿܡܵܢܹ̈ܐ: ܝܸܗܒܸܠܹܐ ܫܠܵܡܵܐ ܠܐܵܚܘܿܢܘܵܬܹ̈ܐ: ܘܪܚܸܫܠܹܐ ܒܝܵܡܵܐ ܠܣܘܼܪܝܼܵܐ: ܘܥܲܡܹܗ ܦܪܝܼܣܩܸܠܵܐ ܘܐܵܩܸܠܘܿܣ: ܟܲܕ ܡܘܼܓܪܸܥܠܹܐ ܪܹܫܹܗ 19 ܒܩܵܢܟܪܹܐܘܿܣ: ܣܵܒܵܒ ܢܸܕܪܵܐ ܢܕܝܼܪܵܐ ܗ̄ܘܵܐ. ܘܡܛܹܠܘܿܢ ܠܐܵܦܸܣܘܿܣ: ܘܫܒ̣ܝܼܩܵܝܠܹܐ ܬܵܡܵܐ: ܘܐܘܸܪܹܐ ܗ̇ܘ ܓܵܘ ܟܢܘܼܫܬܵܐ: 20 ܘܕܵܪܸܫ ܗ̄ܘܵܐ ܥܲܡ ܝܗ̄ܘܼܕܵܝܹ̈ܐ. ܘܟܲܕ ܒܲܥܝܝܼ ܗ̄ܘܵܘ ܡܸܢܹܗ ܕܥܲܪܩܸܠ ܠܟܸܣܠܵܝ ܙܲܒ̣ܢܵܐ ܒܘܼܫ ܪܵܒܵܐ: ܠܵܐ ܡܘܼܨܝܸܬܠܹܐ. 21 ܐܝܼܢܵܐ ܫܒ̣ܝܼܩܵܝܠܹܐ ܒܫܲܝܢܵܐ ܟܲܕ ܐܵܡܸܪ: [58] ܘܵܓ̰ܸܒ ܝܼܠܵܐ ܐܸܠܝܼ ܕܥܹܐܕܵܐ ܕܒܹܐܬܵܝܵܐ ܝܠܹܐ ܗܲܪ ܓܵܘ ܐܘܿܪܸܫܠܸܡ ܥܵܒ̣ܕܸܢܹܗ: ܐܸܢ ܐܲܠܵܗܵܐ ܒܵܣܡܵܐ ܠܹܗ: ܒܸܬ ܕܵܝܪܸܢ ܡܸܕܪܹܐ ܠܟܸܣܠܵܘܟ̣ܘܿܢ: 22 ܘܪܚܸܫܠܹܐ ܒܝܵܡܵܐ ܡ̣ܢ ܐܵܦܸܣܘܿܣ. ܘܐܬܹܠܹܐ ܠܩܹܣܵܪܝܵܐ ܘܐܣܸܩܠܹܐ ܕܪܹܠܹܐ ܫܠܵܡܵܐ ܠܥܹܕܬܵܐ: ܘܨܠܹܠܹܐ ܠܐܵܢܛܝܘܿܟ̣ܝ. 23 ܘܟܲܕ ܦܸܫܠܹܐ ܚܵܕ̄ ܙܲܒ̣ܢܵܐ (ܬܵܡܵܐ): ܦܠܸܛܠܹܐ ܘܚܕܸܪܹܐ ܒܪܹܐܙܵܐ ܓܵܘܵܐ ܓܵܘ ܐܲܬܪܵܐ ܕܦܪܘܿܓ̣ܝܼܵܐ ܘܕܓܵܠܵܛܝܼܵܐ: ܟܲܕ ܡܲܩܘܹܐ ܠܟܠܵܝ ܬܲܠܡܝܼܕܹ̈ܐ. 24 ܘܚܵܕ̄ ܐܢܵܫܵܐ ܝܗ̄ܘܼܕܵܝܵܐ ܕܫܸܡܹܗ ܐܵܦܲܠܘܼ: ܕܝܼܗ̄ܘܵܐ ܐܘܼܓ̰ܵܓܹܗ ܡ̣ܢ ܐܵܠܹܟ̣ܣܲܢܕܪܝܼܵܐ: ܠܸܫܵܢܵܢܵܐ: ܘܚܲܝܠܵܢܵܐ ܒܟܬܵܒܹ̈ܐ: ܐܬܹܠܹܐ 25 ܠܐܵܦܸܣܘܿܣ. ܐܵܗܵܐ ܬܘܼܠܡܸܕܵܐ ܗ̄ܘܵܐ ܠܐܘܼܪܚܹܗ ܕܡܵܪܝܵܐ: ܘܒܸܪܬܵܚܵܐ ܒܪܘܼܚܵܐ: ܗܲܡܙܸܡ ܗ̄ܘܵܐ ܘܡܵܠܸܦ ܒܬܲܡܵܡܵܬܘܼܬܐ ܒܵܗ̄ܣ ܕܝܼܫܘܿܥ: ܟܲܕ ܡܸܢܕܝܼ ܠܹܐ ܝܲܕܸܥ ܗ̄ܘܵܐ ܡܵܓܲܪ 26 ܡܲܥܡܘܿܕܝܼܬܹܗ ܕܝܘܿܚܲܢܵܢ. ܘܫܘܼܪܹܠܹܐ ܒܒܸܣܬܵܝܘܼܬܵܐ ܠܗܲܡܙܘܼܡܹܐ ܓܵܘ ܟܢܘܼܫܬܵܐ. ܘܟܲܕ ܫܡܸܥܠܘܿܢ ܐܸܠܹܗ ܐܵܩܸܠܘܿܣ ܘܦܪܝܼܣܩܸܠܵܐ: ܡܘܼܬ̄ܝܹܠܘܿܢ ܐܸܠܹܗ ܠܒܲܝܬܵܝ: ܘܒܘܼܫ ܬܲܡܵܡ 27 ܡܘܼܕܸܥܠܘܿܢ ܐܸܠܹܗ ܐܘܼܪܚܹܗ ܕܐܲܠܵܗܵܐ. ܘܟܲܕ ܒܸܥܠܹܐ ܕܐܵܙܸܠ ܠܐܵܟ̣ܵܐܝܵܐ: ܐܵܚܘܿܢܘܵܬܹ̈ܐ ܚܘܼܒܸܛܠܘܿܢ ܐܸܠܹܗ: ܘܟܬܸܒ̣ܠܘܿܢ ܠܬܲܠܡܝܼܕܹ̈ܐ ܕܩܵܒ̇ܠܝܼ ܠܹܗ. ܘܟܲܕ ܐܙܸܠܹܐ: ܗܘܼܝܸܪܹܐ ܪܵܒܵܐ ܠܐܵܢܝܼ 28 ܕܗܘܼܡܸܢܹܐ ܗ̄ܘܵܘ ܒܝܸܕ ܫܵܦܵܩܲܬ. ܣܵܒܵܒ ܕܒܙܲܪܒܵܢܘܼܬܵܐ ܐܵܣܸܪ ܗ̄ܘܵܐ ܠܝܗ̄ܘܼܕܵܝܹ̈ܐ ܩܵܕ̄ܡ ܟܸܢܫܹ̈ܐ: ܟܲܕ ܡܲܚܙܹܐ ܗ̄ܘܵܐ ܡ̣ܢ ܟܬܵܒܹ̈ܐ ܕܝܼܫܘܿܥ ܝܼܠܹܐ ܡܫܝܼܚܵܐ.

 

ܩܦܠܐܘܢ: ܝܛ

1 ܘܗ̄ܘܹܠܵܐ: ܟܲܕ ܐܵܦܲܠܘܼ ܓܵܘ ܩܘܿܪܲܢܬܘܿܣ ܝܼܗ̄ܘܵܐ: ܕܚܕܸܪܹܐ ܦܵܘܠܘܿܣ ܒܐܲܬܪ̈ܵܘܵܬܹܐ ܥܸܠܵܝܹ̈ܐ ܘܐܬܹܠܹܐ ܠܐܵܦܸܣܘܿܣ: ܘܒܵܩܸܪ 2 ܗ̄ܘܵܐ ܡ̣ܢ ܬܲܠܡܝܼܕܹ̈ܐ ܐܵܢܝܼ ܕܡܘܼܫ̄ܟ̰ܚܵܝܠܹܐ ܬܵܡܵܐ. ܩܘܼܒܸܠܵܘܟ̣ܘܿܢ ܪܘܼܚܵܐ ܕܩܘܼܕܫܵܐ ܟܲܕ ܗܘܼܡܸܢܵܘܟ̣ܘܿܢ: ܐܵܡܪܝܼ ܐܸܠܹܗ: ܐܘܼܦ ܐܸܢ 3 ܐܝܼܬ ܪܘܼܚܵܐ ܕܩܘܼܕܫܵܐ ܠܹܐ ܝܘܵܚ ܫܸܡܥܝܹܐ. ܐܵܡܸܪ ܐܸܠܵܝ: ܒܲܣ ܒܡܘܼܕܝܼ ܥܡܸܕܠܵܘܟ̣ܘܿܢ: ܐܵܡܪܝܼ: ܒܡܲܥܡܘܿܕܝܼܬܵܐ 4 ܕܝܘܿܚܲܢܵܢ. ܐܵܡܸܪ ܐܸܠܵܝ ܦܵܘܠܘܿܣ: ܝܘܿܚܲܢܵܢ ܡܘܼܥܡܸܕܠܹܐ ܡܲܥܡܘܿܕܝܼܬܵܐ ܕܬܝܵܒ̣ܘܼܬܵܐ: ܟܲܕ ܐܵܡܸܪ ܠܛܵܝܸܦܵܐ: ܕܗܲܡܸܢܝܼ ܒܗ̇ܘ 5 ܕܒܹܐܬܵܝܵܐ ܗ̄ܘܵܐ ܒܵܬ̄ܪܹܗ: ܕܝܼܠܹܐ ܝܼܫܘܿܥ. ܘܟܲܕ ܫܡܸܥܠܘܿܢ 6 ܐܲܢܹܐ: ܥܡܸܕܠܘܿܢ ܒܫܸܡܹܗ ܕܡܵܪܲܢ ܝܼܫܘܿܥ. ܘܡܘܼܬܸܒ̣ܠܹܐ ܐܝܼܕܵܐ ܥܲܠܵܝ ܦܵܘܠܘܿܣ: ܘܐܬܹܠܹܐ ܪܘܼܚܵܐ ܕܩܘܼܕܫܵܐ ܥܲܠܵܝ: ܘܗܲܡܙܸܡܝܼ 7 ܗ̄ܘܵܘ ܒܠܸܫܵܢܵܐ ܠܸܫܵܢܵܐ ܘܢܵܒܝܼ ܗ̄ܘܵܘ. ܐܝܼܢܵܐ ܟܠܵܝ ܗܵܘܝܼ ܗ̄ܘܵܘ ܐܲܝܟ ܬܪܸܥܣܲܪ ܐܢܵܫܹ̈ܐ.

8 ܘܐܘܸܪܹܐ ܗ̇ܘ ܓܵܘ ܟܢܘܼܫܬܵܐ: ܘܗܲܡܙܸܡ ܗ̄ܘܵܐ ܒܓ̰ܘܼܪܐܲܬ ܬܠܵܬ̄ܐ ܝܲܪ̈ܚܹܐ: ܒܸܕܪܵܫܵܐ ܘܒܸܥܒ̣ܵܕܵܐ ܠܗܲܡܘܼܢܹܐ ܒܵܗ̄ܣ 9 ܕܡܲܠܟܘܼܬܹܗ ܕܐܲܠܵܗܵܐ. ܐܝܼܢܵܐ ܐܢܵܫܹ̈ܐ ܡܸܢܵܝ ܦܵܝܫܝܼ ܗ̄ܘܵܘ ܡܘܼܩܫܝܹܐ ܘܠܹܐ ܡܲܨܝܸܬܝܼ ܗ̄ܘܵܘ: ܗܲܡܙܘܼܡܹܐ ܚܸܪܒܵܐ ܥܲܠ ܕܗ̇ܝ ܐܘܼܪܚܵܐ ܩܵܕ̄ܡ ܟܸܢܫܵܐ. ܘܦܠܸܛܠܹܐ ܡܟܸܣܠܵܝ ܘܦܪܸܫܠܹܐ ܠܬܲܠܡܝܼܕܹ̈ܐ: ܘܟܠ ܝܘܿܡ ܕܵܪܸܫ ܗ̄ܘܵܐ ܓܵܘ ܡܲܕܪܵܣܵܐ 10 [59] ܕܛܘܼܪܵܢܘܿܣ. ܘܐܵܗܵܐ ܗ̄ܘܹܠܵܐ ܬܲܪ̈ܬܹܝ ܫܸܢܹ̈ܐ: ܗܲܕܟ̣ܵܐ ܕܫܡܸܥܠܘܿܢ ܗܹܡܸܙܡܵܢ ܕܡܵܪܝܵܐ ܟܠܵܝ ܕܥܵܡܪܝܼ ܗ̄ܘܵܘ ܓܵܘ 11 ܐܵܣܝܼܵܐ: ܝܗ̄ܘܼܕܵܝܹ̈ܐ ܘܝܵܘܢܵܝܹ̈ܐ. ܘܚܲܝ̈ܠܹܐ ܦܪ̈ܝܼܫܹܐ ܟܹܐ ܥܵܒܸܕ ܗ̄ܘܵܐ 12 ܐܲܠܵܗܵܐ ܒܐܝܼܕܹܗ ܕܦܵܘܠܘܿܣ. ܗܲܕܟ̣ܵܐ ܕܐܘܼܦ ܡ̣ܢ ܦܲܓ̣ܪܹܗ ܝܵܠܸܚܝܵܬܹ̈ܐ ܝܲܢ ܒܲܪ̈ܒ̣ܵܢܹܐ ܡܲܝܬ̄ܝܝܼ ܗ̄ܘܵܘ ܠܟܸܣ ܡܸܪ̈ܥܝܹܐ: ܘܦܵܪܩܝܼ ܗ̄ܘܵܘ ܡܸܢܵܝ ܡܲܪ̈ܥܹܐ: ܘܐܘܼܦ ܪ̈ܘܼܚܹܐ ܒܝܼܫܹ̈ܐ ܟܹܐ ܦܵܠܛܝܼ 13 ܗ̄ܘܵܘ ܡܸܢܵܝ. ܐܝܼܢܵܐ ܐܝܼܕܵܐ ܕܪܹܠܘܿܢ ܐܘܼܦ ܐܢܵܫܹ̈ܐ ܝܗ̄ܘܼܕܵܝܹ̈ܐ: ܚܵܕܘܿܪܹ̈ܐ ܘܡܲܡܝܵܢܹ̈ܐ ܒܫܹܐܕܹ̈ܐ: ܕܡܲܡܝܼ ܗ̄ܘܵܘ ܒܫܸܡܹܗ ܕܡܵܪܲܢ ܝܼܫܘܿܥ: ܥܲܠ ܕܐܵܢܝܼ ܕܐܝܼܬ ܗ̄ܘܵܘ ܠܗ̄ܘܿܢ ܪ̈ܘܼܚܹܐ ܛܲܡܹ̈ܐܐ: ܟܲܕ ܐܵܡܪܝܼ: ܡܲܡܘܼܝܹܐ ܝܘܵܚ ܐܸܠܵܘܟ̣ܘܿܢ ܒܝܼܫܘܿܥ: ܗ̇ܘ ܕܡܲܟܪܘܼܙܹܐ 14 ܝܠܹܐ ܦܵܘܠܘܿܣ. ܐܝܼܢܵܐ ܐܝܼܬ ܗ̄ܘܵܘ ܫܲܒ̣ܥܵܐ ܒܢܘܼܢܹ̈ܐ ܕܚܵܕ̄ ܣܩܹܘܵܐ: ܝܗ̄ܘܼܕܵܝܹ̈ܐ: ܓܘܼܪܵܐ ܕܟܵܗܢܹ̈ܐ: ܕܟܹܐ ܥܵܒ̣ܕܝܼ ܗ̄ܘܵܘ 15 ܐܵܗܵܐ. ܘܓ̰ܘܼܘܸܒܠܵܐ ܪܘܼܚܵܐ ܒܝܼܫܬܵܐ ܘܐܡܸܪܵܐ ܐܸܠܵܝ: ܠܝܼܫܘܿܥ ܒܝܼܕܲܥܝܵܐ ܝܘܵܢ: ܘܠܦܵܘܠܘܿܣ ܒܝܼܕܲܥܝܵܐ ܝܘܵܢ: ܐܝܼܢܵܐ ܐܲܚܬܘܿܢ 16 ܡܵܢܝܼ ܝܬܘܿܢ. ܘܫܘܼܪܹܐ ܥܲܠܵܝ ܗ̇ܘ ܐܢܵܫܵܐ ܕܐܝܼܬ ܗ̄ܘܵܐ ܒܝܹܗ ܪܘܼܚܵܐ ܒܝܼܫܬܵܐ: ܘܓܠܝܼܒܵܝܠܹܐ ܠܬܸܪܘܵܝ: ܘܙܘܼܪܒܸܢܹܐ ܥܲܠܵܝ: ܗܲܕܟ̣ܵܐ ܕܫܘܼܠܚܵܝܹ̈ܐ ܘܒܪܝܼܢܕܵܪܹ̈ܐ ܥܪܸܩܠܘܿܢ ܡܗ̇ܘ ܒܲܝܬܵܐ. 17 ܘܐܵܗܵܐ ܦܸܫܠܵܐ ܝܕܥܝܼܬܵܐ ܠܟܠܵܝ ܝܗ̄ܘܼܕܵܝܹ̈ܐ ܘܝܵܘܢܵܝܹ̈ܐ ܕܥܵܡܪܝܼ ܗ̄ܘܵܘ ܠܵܘ ܐܵܦܸܣܘܿܣ. ܘܢܦܸܠܹܐ ܙܕܘܼܥܬܵܐ ܥܲܠ ܟܠܵܝ: ܘܗ̄ܘܹܠܹܐ 18 ܓܘܼܪܵܐ ܫܸܡܹܗ ܕܡܵܪܲܢ ܝܼܫܘܿܥ. ܘܪܵܒܵܐ ܡ̣ܢ ܕܐܵܢܝܼ ܕܗܘܼܡܸܢܘܿܢ ܐܵܬܝܼ ܗ̄ܘܵܘ ܘܡܵܘܕܝܼ ܗ̄ܘܵܘ: ܘܗܵܩܝܼ ܗ̄ܘܵܘ ܡܸܢܕܝܼ ܕܥܒ̣ܝܼܕܹܐ 19 ܗ̄ܘܵܘ. ܐܘܼܦ ܪܵܒܵܐ ܡ̣ܢ ܚܲܪ̈ܵܫܹܐ ܓ̰ܘܼܡܸܥܠܘܿܢ ܟܬܵܒ̣ܵܝ̈: ܘܡܘܼܩܕܵܝܠܘܿܢ ܩܵܕ̄ܡ ܟܠܵܝ. ܘܚܘܼܫܒܸܢܘܿܢ ܛܝܼܡܵܝ: 20 ܘܡܘܼܫ̄ܟ̰ܸܚܠܘܿܢ ܚܲܡܸܫ ܪܸ̈ܒܘܵܬܵܐ ܕܣܹܐܡܵܐ. ܗܲܕܟ̣ܵܐ ܒܚܲܝܠܵܐ ܓܘܼܪܵܐ ܙܲܪܒܸܢܵܐ ܗ̄ܘܵܐ ܘܙܵܝܕܵܐ ܗ̄ܘܵܐ ܗܹܡܸܙܡܵܢ ܕܡܵܪܝܵܐ. 21 ܐܝܼܢܵܐ ܟܲܕ ܦܸܫܠܘܿܢ ܬܘܼܡܸܡܹܐ ܐܲܢܹܐ: ܡܘܼܬܸܒ̣ܠܹܐ ܦܵܘܠܘܿܣ ܒܪܘܼܚܹܗ ܕܟܲܕ ܚܵܕܸܪ ܗ̄ܘܵܐ ܒܡܵܩܹܕܘܿܢܝܼܵܐ ܘܒܵܐܟ̣ܵܐܝܼܵܐ: ܐܵܙܸܠ ܗ̄ܘܵܐ ܠܐܘܿܪܸܫܠܸܡ: ܘܐܡܸܪܹܐ: ܒܵܬ̄ܪ ܕܗܵܘܸܢ ܬܵܡܵܐ: ܘܵܓ̰ܸܒ ܝܼܠܵܐ 22 ܕܐܘܼܦ ܪܗ̄ܘܿܡܹܐ ܚܵܙܸܢܵܗ̇. ܘܫܘܼܕܸܪܹܐ ܬܪܲܝ ܐܢܵܫܹ̈ܐ ܡܐܵܢܝܼ ܕܥܵܒ̣ܕܝܼ ܗ̄ܘܵܘ ܠܹܗ ܚܸܠܡܲܬ ܠܡܵܩܹܕܘܿܢܝܼܵܐ: ܠܛܝܼܡܵܬܹܐܘܿܣ ܘܠܵܐܪܸܣܛܘܿܣ. ܐܝܼܢܵܐ ܗ̇ܘ ܦܸܫܠܹܐ ܚܵܕ̄ ܙܲܒ̣ܢܵܐ ܓܵܘ ܐܵܣܝܼܵܐ. 23 ܘܗ̄ܘܹܠܹܐ ܒܗ̇ܘ ܙܲܒ̣ܢܵܐ ܫܓ̣ܘܼܫܝܵܐ ܪܵܒܵܐ ܥܲܠ ܕܐܵܗܵܐ 24 ܐܘܼܪܚܵܐ. ܣܵܒܵܒ ܚܵܕ̄ ܙܲܪܓܵܪ ܕܫܸܡܹܗ ܕܸܡܲܛܪܝܼܘܿܣ: ܕܟܹܐ ܬܵܪܸܨ ܗ̄ܘܵܐ ܩܘܼܒܵܬܹ̈ܐ ܕܣܹܐܡܵܐ ܠܐܵܪܛܹܡܝܼܣ: ܟܹܐ ܡܲܙܝܸܕ 25 ܗ̄ܘܵܐ ܠܐܘܼܡܵܢܹ̈ܐ ܦܲܝܕܵܐ ܪܵܒܵܐ. ܐܲܢܹܐ ܓ̰ܘܼܡܸܥܝܵܝܠܹܐ: ܘܠܵܐܢܝܼ ܕܦܵܠܚܝܼ ܗ̄ܘܵܘ ܥܲܡܵܝ: ܘܐܡܸܪܹܐ ܐܸܠܵܝ: ܐܢܵܫܹ̈ܐ: ܒܝܼܕܲܥܝܵܐ ܝܬܘܿܢ 26 ܕܩܢܵܝܬܲܢ ܡܐܵܗܵܐ ܦܘܼܠܚܵܢܵܐ ܝܠܵܐ. ܐܘܼܦ ܐܲܚܬܘܿܢ ܒܸܫܡܲܥܝܵܐ ܝܬܘܿܢ ܘܒܸܚܙܵܝܵܐ ܝܬܘܿܢ: ܕܠܹܐ ܗ̄ܘܵܐ ܗܲܪ ܒܐܵܦܸܣܘܿܣ: ܐܝܼܢܵܐ ܐܘܼܦ ܚܲܟ̰ܵܐ ܦܵܝܫܵܐ ܒܟܠܵܗ̇ ܐܵܣܝܼܵܐ: ܐܵܗܵܐ ܦܵܘܠܘܿܣ ܥܒܸܕܠܹܐ ܠܗܲܡܘܼܢܹܐ ܘܡܘܼܕܸܪܹܐ ܪܵܒܵܐ ܛܵܝܸܦܵܐ: ܟܲܕ ܐܵܡܸܪ: ܕܠܹܐ ܝܢܵܐ ܐܲܠܵܗܹ̈ܐ 27 ܐܲܢܹܐ ܕܦܵܝܫܝܼ ܬܘܼܪܨܹܐ ܒܐܝܼܕܵܬܹ̈ܐ. ܘܠܵܐ ܗܲܪ ܐܵܗܵܐ ܫܘܼܠܵܐ ܕܝܲܢ ܒܙܕܘܼܥܬܵܐ ܝܠܹܐ ܕܐܵܬܹܐ ܠܡܲܣܠܵܝܬܵܐ: ܐܸܠܵܐ ܐܘܼܦ ܕܗܲܝܟܠܵܐ ܕܐܵܪܛܹܡܝܼܣ ܐܲܠܵܗܬܵܐ ܓܘܼܪܬܵܐ ܦܵܝܸܫ ܚܫܝܼܒ̣ܵܐ ܐܲܝܟ ܠܵܐ ܡܸܢܕܝܼ: ܘܐܘܼܦ ܓܘܼܪܘܼܬܘܼܗ̇: ܗ̇ܝ ܕܟܠܵܗ̇ ܐܵܣܝܼܵܐ ܘܟܠܵܗ̇ ܕܘܼܢܝܹܐ 28 ܒܸܣܓ̣ܵܕܵܐ ܝܢܵܐ ܐܸܠܵܗ̇: ܦܵܝܫܵܐ ܡܘܼܣܠܝܼܬܵܐ. ܘܟܲܕ ܫܡܸܥܠܘܿܢ ܐܲܢܹܐ: ܦܸܫܠܘܿܢ ܡܸܠܝܹܐ ܚܸܡܬܵܐ: ܘܡܲܩܘܸܚܝܼ ܗ̄ܘܵܘ ܘܐܵܡܪܝܼ: 29 ܓܘܼܪܬܵܐ ܝܠܵܐ ܐܵܪܛܹܡܝܼܣ ܕܐܵܦܸܣܵܝܹ̈ܐ. ܘܦܸܫܠܵܐ ܫܓ̣ܝܼܫܬܵܐ ܟܠܵܗ̇ ܡܕܝܼܢ̄ܬܵܐ: ܘܪܚܸܛܠܘܿܢ [60] ܡܸܚܕܵܕܹ̈ܐ ܠܬܹܐܵܛܪܘܿܢ: ܘܓ̰ܢܸܘܠܘܿܢ ܥܲܡܵܝ ܠܓܵܐܝܼܘܿܣ ܘܠܵܐܪܸܣܛܲܪܟ̣ܘܿܣ: ܐܢܵܫܹ̈ܐ 30 ܡܵܩܹܕܘܿܢܵܝܹ̈ܐ: ܚܲܒ̣ܪ̈ܵܘܵܬܹܐ ܕܦܵܘܠܘܿܣ ܒܐܘܼܪܚܵܐ. ܘܦܵܘܠܘܿܣ ܒܸܒܲܥܝܵܐ ܗ̄ܘܵܐ ܕܐܵܘܸܪ ܠܟܸܣ ܛܵܝܸܦܵܐ: ܘܩܲܡ ܡܲܟܠܝܼ ܠܹܗ 31 ܬܲܠܡܝܼܕܹ̈ܐ. ܘܐܘܼܦ ܡ̣ܢ ܪܹ̈ܫܵܢܹܐ ܕܐܵܣܝܼܵܐ: ܣܵܒܵܒ ܕܕܵܘܣܬܘܼ̈ܗܝ ܗ̄ܘܵܘ: ܫܘܼܕܸܪܘܿܢ ܦܘܼܪܦܸܠܘܿܢ ܒܝܹܗ ܕܠܵܐ ܝܵܗ̄ܒܸܠ ܗ̄ܘܵܐ ܓܵܢܹܗ 32 ܠܹܐܘܵܪܵܐ ܠܬܹܐܵܛܪܘܿܢ. ܐܝܼܢܵܐ ܟܸܢܫܵܐ ܫܓ̣ܝܼܫܵܐ ܗ̄ܘܵܐ: ܘܚܲܟܡܵܐ ܡܲܩܘܸܚܝܼ ܗ̄ܘܵܘ ܚܵܕ̄ ܡܸܢܕܝܼ: ܘܐܚܹܪ̄ܢܹܐ ܡܸܢܕܝܵܢܹ̈ܐ ܐܚܹܪ̄ܢܹܐ. ܐܝܼܢܵܐ ܪܵܒܵܐ ܡܸܢܵܝ ܠܹܐ ܝܲܕܥܝܼ ܗ̄ܘܵܘ ܣܵܒܵܒ ܕܡܘܼܕܝܼ ܓ̰ܸܡܥܝܹܐ 33 ܗ̄ܘܵܘ. ܘܡܘܼܬ̄ܝܹܠܘܿܢ ܡ̣ܢ ܓ̰ܲܡܵܥܲܬ ܠܐܵܠܹܟ̣ܣܲܢܕܪܘܿܣ: ܕܝܗ̄ܘܼܕܵܝܹ̈ܐ ܠܘܼܒܸܠܘܿܢ ܠܵܩܵܕ̄ܡܵܐ. ܘܐܵܠܹܟܣܲܢܕܪܘܿܣ ܫܥܸܫܠܹܐ 34 ܐܝܼܕܹܗ: ܘܒܲܥܝܹܐ ܗ̄ܘܵܐ ܠܓ̰ܲܘܘܼܒܹܐ ܠܛܵܝܸܦܵܐ. ܘܟܲܕ ܝܕܸܥܠܘܿܢ ܕܝܗ̄ܘܼܕܵܝܵܐ ܗ̄ܘܵܐ: ܡܘܼܩܘܸܚܠܘܿܢ ܟܠܵܝ ܒܚܵܕ̄ ܩܵܠܵܐ ܐܲܝܟ ܬܲܪ̈ܬܹܝ ܣܵܥܲܬܹ̈ܐ: ܓܘܼܪܬܵܐ ܝܠܵܐ ܐܵܪܛܹܡܝܼܣ ܕܐܵܦܸܣܵܝܹ̈ܐ. 35 ܘܟܲܕ ܡܘܼܫܠܹܠܹܐ ܘܲܙܝܼܪ ܠܟܸܢܫܵܐ: ܐܵܡܸܪ: ܐܢܵܫܹ̈ܐ ܐܵܦܸܣܵܝܹ̈ܐ: ܡܵܢܝܼ ܡ̣ܢ ܒܢܲܝ̈ܢܵܫܵܐ ܠܹܐ ܝܠܹܐ ܒܝܼܕܲܥܝܵܐ ܕܡܕܝܼܢ̄ܬܵܐ ܕܐܵܦܸܣܵܝܹ̈ܐ ܢܵܛܪܲܬ̄ ܗܲܝܟܠܵܐ ܝܠܵܐ ܕܐܵܪܛܹܡܝܼܣ ܓܘܼܪܬܵܐ: ܘܠܨܲܠܡܘܼܗ̇ ܕܡ̣ܢ 36 [61] ܫܡܲܝܵܐ ܨܠܹܠܹܐ. ܣܵܒܵܒ ܗܲܕܟ̣ܵܐ ܠܕܲܪܩܘܼܒ̣ܠ ܕܐܲܢܹܐ ܡܸܢܕܝܵܢܹ̈ܐ ܐܢܵܫܵܐ ܠܹܐ ܡܵܨܹܐ ܠܗܲܡܙܘܼܡܹܐ: ܘܵܓ̰ܸܒ ܝܼܠܵܐ ܕܗܵܘܝܼܬܘܿܢ ܫܸܠܝܹ̈ܐ: 37 ܘܠܵܐ ܥܵܒ̣ܕܝܼܬܘܿܢ ܡܸܢܕܝܼ ܒܝܲܠܙܘܝ. ܣܵܒܵܒ ܕܡܘܼܬ̄ܝܹܠܵܘܟ̣ܘܿܢ ܠܐܲܢܹܐ ܐܢܵܫܹ̈ܐ ܟܲܕ ܠܵܐ ܫܵܠܚܵܢܹ̈ܐ ܕܗܲܝܟܠܹ̈ܐ: ܘܠܵܐ ܓܵܕܦܵܢܹ̈ܐ 38 ܠܐܲܠܵܗܬܲܢ. ܐܝܼܢܵܐ ܐܸܢ ܐܵܗܵܐ ܕܸܡܛܲܪܝܼܘܿܣ ܘܚܲܒ̣ܪ̈ܵܘܵܬܘܼܗܝ ܒܐܘܼܡܵܢܘܼܬܵܐ ܐܝܼܬ ܠܗ̄ܘܿܢ ܚܲܒܪܵܐ ܥܲܡ ܚܵܕ̄ ܐܢܵܫܵܐ: ܗܵܐ: ܙܲܒ̣ܢܹ̈ܐ ܕܕܝܼܘܵܢ ܐܝܼܬ: ܘܐܝܼܬ ܘܲܙܝܼܪܹ̈ܐ: ܚܘܼܫ ܡܵܚܝܼ ܕܲܪܗܲܩ ܚܵܕ̄ 39 ܠܗ̇ܘ ܐܚܹܪ̄ܢܵܐ. ܘܐܸܢ ܡܸܢܕܝܼ ܥܲܠ (ܫܘܼܠܹ̈ܐ) ܐܚܹܪ̄ܢܹܐ ܒܸܒܲܥܝܵܐ 40 ܝܬܘܿܢ: ܒܓ̰ܲܡܵܥܲܬ ܢܵܡܘܿܣܵܝܬܵܐ ܦܵܝܸܫ ܬܘܼܡܸܡܵܐ. ܣܵܒܵܒ ܐܘܼܦ ܐܵܕܝܼܵܐ ܒܩܹܘܲܢܕܹܢܘܿܣ ܒܸܟܠܵܝܵܐ ܝܘܵܚ ܕܦܵܝܫܵܐ ܡܚܝܼܬܵܐ ܕܲܪܗܲܩܲܢ ܥܲܠ ܫܓ̣ܘܼܫܝܵܐ ܕܐܵܗܵܐ ܝܘܿܡܵܐ: ܟܲܕ ܠܲܝܬ ܗܲܓ̰ܲܬ ܕܝܹܗ: ܠܹܐ 41 ܡܵܨܵܚ ܝܵܗ̄ܒ̣ܵܚ ܓ̰ܘܼܘܵܒ ܥܲܠ ܕܐܵܗܵܐ ܟܸܢܫܵܐ. ܘܟܲܕ ܐܲܢܹܐ ܐܡܸܪܹܐ: ܫܪܹܠܹܐ ܠܟܸܢܫܵܐ.

 

ܩܦܠܐܘܢ: ܟ